ᒨᓯᓯ ᓯᑕᒪᖏᑦ 5:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑐᓂᕐᕈᑕᐅᔪᓕᒫᑦ ᐃᓴᕆᐊᓕᐅᑉ ᕿᑐᕐᖓᖏᓐᓂᑦ ᐃᑦᔪᕐᓁᓐᓂᕐᒧᑦ, ᑐᓂᕐᕈᓯᕐᑎᑦᓯᔨᒧᑦ ᑐᓂᔭᐅᔪᑦ, ᑖᑦᓱᒪ ᐱᒋᕔᑦ.

ᒨᓯᓯ ᓯᑕᒪᖏᑦ 5:9 Iomraidhean Croise

ᒨᓯᓯ ᐂᑉᐸᖏᑦ 29:28

ᑕᒪᓐᓇᓗ ᑍᒪᓐᖓᑦ ᓱᖁᓯᔪᐃᑦᑐᒥᒃ ᐂᕉᓂᒃᑯᑦ ᐃᕐᓂᖏᑕᓗ ᒪᓕᒐᕆᔭᒃᓴᕆᕚᑦ ᐃᓴᕆᐊᓕᒥᐅᑦ ᐃᓄᖏᑕ ᑐᓂᕐᕈᓯᖃᑦᑕᕐᓂᒃᓴᖓᑦ, ᑕᒪᓐᓇ ᑍᒤᑦᑐᖅ ᑐᓂᕐᕈᓯᕐᓂᖅ ᑐᓂᕐᕈᓯᕐᑎᑦᓯᔨᓄᑦ ᓂᕿᒃᓴᕆᔭᐅᔪᒃᓴᐅᕗᖅ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᓂᔭᐅᖃᑦᑕᕆᐊᓕᒃ; ᐃᓚᒌᑦᓯᐊᓕᕐᓂᕐᒧᑦ ᑐᓂᕐᕈᓯᕐᓂᐅᖕᒪᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 10:13

ᑖᓐᓇ ᓂᕆᓯᐅᒃ ᐃᑦᔪᕐᓁᑦᑑᑉ ᐃᓂᖓᓂ ᑖᓐᓇ ᓂᕿᒃᓴᕆᒐᕕᐅᒃ ᐃᕐᓂᕐᐱᓪᓗ ᓂᕿᒃᓴᕆᖕᒪᑦᔪᒃ ᑖᒃᑯᓇᓐᖓᑦ ᑐᓂᕐᕈᑎᓂᒃ ᐃᑯᐊᓪᓚᒃᑕᐅᓯᒪᔪᓂᒃ ᐊᑕᓂᕐᒧᑦ ᐃᓕᖓᖕᒪᑦ; ᑍᒫᒃ ᑕᕝᕙ ᐱᖁᕙᑦᓯ.

ᒨᓯᓯ ᐱᖓᔪᖏᑦ 10:14

ᑭᓯᐊᓂᓕ ᐆᒪᔫᑉ ᓴᑭᐊᖏᓐᓂᒃ ᐃᕝᕕᓪᓗ ᐃᕐᓂᑎᓪᓗ ᐸᓂᒃᑎᓪᓗ ᐊᐅᓪᓚᕐᑎᑕᐅᓪᓗᓂ ᑐᓂᕐᕈᑕᐅᓯᒪᔪᖅ ᒥᒥᖏᒡᓗ ᑐᓂᕐᕈᑕᐅᓯᒪᔪᖅ ᓂᕆᔭᒃᓴᕆᕙᓯ, ᑖᒃᑯᐊ ᓂᕆᓯᐅᒃ ᐅᒃᐱᕐᓂᐅᑉ ᐃᓕᖅᑯᓯᖓᑕ ᐃᑦᔪᕐᓁᓐᓂᕋᕐᑕᖓᓃᓪᓗᓯ ᑖᒃᑯᐊ ᑐᓂᔭᐅᖕᒪᑕ ᐃᓕᖕᓄᑦ ᕿᑐᕐᖓᕐᓄᓪᓗ ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓂᑦ ᐱᔪᑦ.

ᒨᓯᓯ ᐱᖓᔪᖏᑦ 10:15

ᒥᒥᖅ ᑐᓂᕐᕈᑕᐅᓯᒪᔪᖅ ᓴᑭᐊᒡᓗ ᐊᐅᓪᓚᕐᑎᑕᐅᓗᓂ ᑐᓂᕐᕈᑕᐅᓯᒪᔪᖅ ᐃᓚᖃᕐᓗᓂ ᑐᓐᓄᕐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᓂᒃ, ᐊᐅᓪᓚᕐᑎᑕᐅᓗᑎᒃ ᑐᓂᕐᕈᑎᒃᓮᑦ ᐊᑕᓂᕐᒧᑦ. ᑖᒃᑯᐊ ᑕᕝᕙ ᐃᕝᕕᑦ ᐱᑖᕆᔭᕆᐊᖃᕐᑕᑎᑦ ᕿᑐᕐᖓᕐᓄᓪᓗ, ᐊᑕᓂᖅ ᑍᒫᒃ ᐱᖁᔨᓚᐅᕐᒪᑦ.”

ᒨᓯᓯ ᐱᖓᔪᖏᑦ 6:26

ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᐱᖓᔪᖏᑦ 7:32

ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕈᕕᑦ ᑐᓂᕐᕈᑎᕕᑦ ᒥᒥᖓ ᑕᓕᕐᐱᒃ ᑐᓂᔭᒃᓴᕆᕙᑦ ᑐᓂᕐᕈᓯᕐᑎᑦᓯᔨᒧᑦ ᐃᑲᔪᕈᑎᒋᓗᒍ.

ᒨᓯᓯ ᐱᖓᔪᖏᑦ 7:34

ᐃᓴᕆᐊᓕᒥᐅᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᖏᓐᓂᑦ, ᐆᒪᔫᑉ ᑐᓂᕐᕈᑎᐅᑉ ᓴᑭᐊᖏᒃ ᐊᐅᓪᓚᕐᑎᑕᒃᓴᐅᔫᑉ ᐊᑕᓂᐅᑉ ᓵᖓᓂ, ᐆᒪᔫᓪᓗ ᒥᒥᖓ ᑕᓕᕐᐱᒃ ᑐᓂᕐᕈᑕᐅᔪᖅ ᑖᒃᑯᐊ ᑐᓂᕙᒃᑲ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ ᐃᕐᓂᖏᓐᓄᓪᓗ ᑍᒤᑦᑐᓂᒃ ᐱᑎᑕᐅᖁᓪᓗᒋᑦ ᐃᓴᕆᐊᓕᒥᐅᓂᑦ.”

ᒨᓯᓯ ᓯᑕᒪᖏᑦ 18:19

“ᑭᕕᒡᓗᒋᓪᓗ ᑐᓂᕐᕈᑏᑦ ᐃᑦᔪᕐᓁᑎᑕᐅᔪᓕᒫᑦ, ᐃᓴᕆᐊᓕᒥᐅᑦ ᐊᑕᓂᕐᒧᑦ ᑐᓂᕐᕈᑎᖏᑦ, ᐃᓕᖕᓄᑦ ᐃᕐᓂᕐᓄᓪᓗ ᐸᓂᖕᓄᓪᓗ ᑐᓂᕙᒃᑲ ᒪᓕᒐᐅᖁᓪᓗᒋᑦ ᑍᒪᓐᖓᓕᒫᖅ; ᐊᑕᓂᕐᒧᑦ ᐃᓕᖕᓄᓪᓗ ᑭᖑᕚᕐᓄᓪᓗ ᐊᖏᖃᑎᒌᒍᑕᐅᕗᖅ ᑕᕆᐅᖑᓪᓗᓂ ᐃᓱᖃᖏᑦᑐᒧᑦ.”

ᒨᓯᓯ ᓯᑕᒪᖏᑦ 31:41

ᒨᓯᓯᐅᑉ ᑐᓂᔭᒃᓮᑦ ᐊᑕᓂᕐᒧᑦ ᐃᓵᒃᑕᕈᑕᐅᓗᑎᒃ ᑐᓂᕐᕈᑕᐅᔪᑦ ᑐᓂᕐᕈᓯᕐᑎᑦᓯᔨᒧᑦ ᐃᓕᓯᕆᒧᑦ ᑐᓂᓚᐅᕐᐰᑦ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᓯᑕᒪᖏᑦ 5:8

ᐃᓄᒡᓕ ᐃᓚᖃᖏᑉᐸᑦ ᐅᑎᕐᑎᑦᓯᕕᐅᔪᒃᓴᒥᒃ ᐊᔪᕐᑐᓕᓂᖅ ᐱᓪᓗᒍ, ᐊᔪᕐᑐᓕᓂᕐᒧᑦ ᐅᑎᕐᑎᑦᓯᒍᑎ ᑐᓂᔭᐅᔭᕆᐊᖃᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᒧᑦ ᑐᓂᓗᒍ, ᐃᓚᓗᒍᓗ ᓰᐱᒥᒃ ᐊᖑᓴᓪᓗᕐᒥᒃ ᐃᓱᒪᒋᔭᐅᔪᓐᓁᕈᑎᒃᓴᒥᒃ, ᑖᑦᓱᒧᖓ ᑕᕝᕙ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᑕᓪᓕᒪᖏᑦ 12:26

ᐊᑕᓂᐅᓪᓕ ᑐᒃᓯᐊᕐᕕᒃᓴᐅᑎᑕᖓᓄᑦ ᐊᑕᐅᓯᕐᒧᑦ ᐋᑦᓯᔪᒃᓴᐅᕗᑎᑦ ᑐᓂᕐᕈᑎᒃᓴᕆᔭᕐᓂᒃ ᑐᓂᔭᒃᓴᕆᔭᕐᓂᒡᓗ ᐊᑕᓂᕐᒧᑦ ᐊᖏᕈᑎᒋᓯᒪᔭᕐᓂᒃ.