ᒨᓯᓯ ᓯᑕᒪᖏᑦ 5:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᒥᕐᒥᒃ ᐃᒥᕐᑎᒃᑯᓂᐅᒃ ᑕᕝᕙ ᐃᒤᑦᑑᓕᕋᔭᕐᐳᖅ, ᐃᒻᒥᓂᒃ ᓴᓗᒤᓕᑎᓯᒪᒍᓂ ᐅᐃᒥᓂᒃ ᐊᓯᓐᓂᐊᕐᓯᒪᒍᓂ, ᐃᒥᖅ ᑎᒥᖓᓄᑦ ᐃᑎᕐᑐᖅ ᑖᓐᓇ ᖃᓯᓕᓇᕐᓂᐊᕐᐳᖅ, ᓈᖅᑯᕐᑐᓯᓗᓂ, ᓇᓕᒃᑳᖓᓗ ᓱᕈᕐᓗᓂ, ᐊᕐᓇᕐᓗ ᐃᓅᖃᑎᒥ ᐊᑯᕐᖓᓐᓂ ᐃᑦᔪᕐᓇᕐᓯᓂᐊᕐᐳᖅ.

ᒨᓯᓯ ᓯᑕᒪᖏᑦ 5:27 Iomraidhean Croise

ᐃᓐᖏᕈᑎᑦ 109:18

ᓯᕗᓂᕐᓗᖁᔨᓂᕐᒥᒃ ᐊᑐᖃᑦᑕᓚᐅᕐᒪᑦ ᐊᓐᓄᕌᕐᓯᒪᔪᕐᑎᑐᑦ, ᑕᒪᓐᓇ ᑎᒥᖓᓄᑦ ᑎᑭᐅᑎᓚᐅᕐᓕ ᐃᒥᕐᒧᑦ ᑭᓂᑕᐅᓯᒪᔪᑐᑎᑐᑦ, ᐅᕐᓱᑎᑐᓪᓗ ᓴᐅᓂᖏᓐᓄᑦ ᐃᑦᓮᔪᑎᑐᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:26

ᖃᐅᔨᓚᐅᕐᐳᖓ ᑐᖁᒥᑦ ᖃᓯᓕᓇᕐᓂᕐᓴᐅᖕᒪᑦ ᐊᕐᓇᖅ, ᐆᒻᒪᑎᖓ ᓂᒐᐅᔪᖅ ᓄᓗᐊᖑᓪᓗᓂᓗ, ᑕᓕᖏᑕᓗ ᐃᕿᑦᑎᓂᖏᒃ ᐊᕐᓵᕐᑑᔭᐅᔪᑦ. ᒎᑎᒥᒃ ᖁᕕᐊᓱᒃᑎᑦᓯᔫᑉ ᑖᓐᓇ ᕿᒫᔪᓐᓇᕐᐹ, ᐊᔪᕐᑐᓕᔪᕐᓕ ᑖᑦᓱᒪ ᓂᒐᕐᑎᓐᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 29:22

ᐃᓄᐃᓪᓗ ᐊᐅᓪᓚᕈᑦᔭᐅᓯᒪᔪᑦ ᔨᕉᓴᓕᒥᑦ ᐹᐱᓘᓂᒧᑦ ᓱᒋᐊᕐᑕᐅᖁᔨᓕᕌᖓᒥᒃ ᐅᖃᕐᐸᖕᓂᐊᕐᐳᑦ, ‘ᐊᑕᓂᐅᑉ ᐱᓂᐊᕐᕕᒋᓕᑎᑦ ᓲᕐᓗ ᔨᑎᑬᐊᒧᑦ ᐂᕼᐊᑉᒧᓪᓗ ᐱᓂᐊᓚᐅᕐᓂᖓᑐᑦ ᐆᒪᑎᓪᓗᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓄᑦ ᐃᑯᐊᓪᓚᒃᑕᐅᓚᐅᕐᒪᑎᒃ.’

ᔨᕆᒤᐊᐅᑉ ᐊᒡᓚᖏᑦ 42:18

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑍᒫᒃᑕᐅᖅ ᔨᕉᓴᓕᒥᐅᓄᑦ ᓂᓐᖓᕕᒡᔪᐊᕐᓂᕋ ᓴᖅᑭᑎᓚᐅᕋᒃᑯ, ᐃᓕᑦᓯᓐᓄᑦᑕᐅᖅ ᓴᖅᑭᑎᑦᓱᓐᓇᕆᕙᕋ ᐄᑦᔨᑉᑎᒧᐊᕐᓂᐊᕈᑦᓯ. ᑕᑯᔪᒥᓇᕐᑑᔪᒫᓐᖏᓚᓯ ᐃᓄᖕᓄᓪᓗ ᒥᑕᐅᑎᒋᔭᒃᓴᐅᔪᒫᕐᐳᓯ ᐅᖃᕐᓂᕐᓘᑎᒃᓴᐅᓗᓯᓗ, ᓄᓇᓯᓗ ᑕᒪᓐᓇ ᑕᑯᒃᑲᓐᓂᕈᓐᓇᕈᒫᓐᖏᓚᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 44:12

ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒥ ᓄᓇᖃᕆᐊᕐᑐᕐᓯᒪᔪᑦ ᓄᖑᓐᓂᐊᕐᐸᒃᑲ ᐃᓘᓐᓇᑎᒃ ᐄᑦᔨᑉᑎᒦᓕᕋᓗᐊᕐᑎᓪᓗᒋᑦ ᑐᖁᕋᕈᒫᕐᐳᑦ, ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ, ᑐᖁᑕᐅᔪᒫᕐᐳᑦ ᐅᓇᑕᕐᑐᒃᓴᓄᑦ ᑳᖕᓇᕐᑐᕐᔪᐊᒧᓪᓗ, ᐅᖃᕐᓂᕐᓘᑎᒃᓴᓐᖑᕈᒫᕐᐳᑦ ᑕᑯᒥᓁᑦᑑᓗᑎᒡᓗ ᐃᒋᑕᒃᓴᐅᓂᐊᕐᐳᑦ ᐸᓯᔭᒃᓴᐅᓗᑎᒡᓗ.

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᒨᓯᓯ ᓯᑕᒪᖏᑦ 5:20

ᕿᒤᓚᐅᕈᕕᓪᓕ ᐅᐃᖕᓂᑦ ᐱᒋᔭᐅᑎᓪᓗᑎᑦ, ᐃᓕᖕᓂᒡᓗ ᓴᓗᒤᓕᑎᓚᐅᕈᕕᑦ ᐊᖑᒻᒧᑦ ᐅᐃᕕᑦ ᐊᓯᐊᓂᒃ ᐃᓐᓇᖓᖃᑎᖃᓚᐅᕈᕕᑦ,’

ᒨᓯᓯ ᓯᑕᒪᖏᑦ 5:28

ᐊᕐᓇᕐᓕ ᐃᒻᒥᓂᒃ ᓴᓗᒤᓕᑎᓯᒪᖏᒃᑯᓂ, ᓴᓗᒪᑦᓯᐊᕈᓂᓗ, ᑕᕝᕙ ᕿᓚᕈᑦᔮᕐᓯᒪᓂᐊᕐᐳᖅ ᕿᑐᕐᖓᕐᑖᕈᓐᓇᕐᓂᐊᕐᓗᓂᓗ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:16

ᐊᓯᐅᔪᒫᕐᑐᓄᑦ ᒪᒪᖏᑦᑐᑎᑐᑦ ᑐᖁᓐᓇᕐᑐᑎᑐᑦ ᑍᒤᑉᐳᒍᑦ; ᐱᐅᓕᔭᐅᓯᒪᔪᓄᑦ ᑎᐱᑦᓯᐊᕆᒃᑐᑎᑐᑦ ᐃᓅᓯᕐᑖᕐᑎᑦᓯᔪᑎᑐᑦ ᑍᒤᑉᐳᒍᑦ. ᑭᓇᓕ ᑍᒪ ᑍᒤᑦᑐᒥᒃ ᐱᓇᓱᐊᕐᓂᕐᒥᒃ ᐱᔪᓐᓇᕐᐹ?

ᒨᓯᓯ ᑕᓪᓕᒪᖏᑦ 28:37

ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.

ᐲᑦᑐᕉᓯ ᐂᑉᐸᖏᑦ 2:10

ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.