ᒨᓯᓯ ᓯᑕᒪᖏᑦ 5:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑐᓂᕐᕈᓯᕐᑎᑦᓯᔨ ᑐᓂᕐᕈᑎᒥᑦ ᐊᒡᒐᖕᒥᓄᑦ ᑎᒍᓯᓗᓂ, ᐊᔪᕐᓂᕐᒥᒃ ᐃᖅᑲᐅᒪᑦᔪᑎᒥᒃ, ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᖕᒥ, ᑭᖑᓂᖓᒍᑦ ᐊᕐᓇᖅ ᐃᒥᕐᒥᒃ ᐃᒥᕐᑎᓕᕐᓗᒍ.

ᒨᓯᓯ ᓯᑕᒪᖏᑦ 5:26 Iomraidhean Croise

ᒨᓯᓯ ᐱᖓᔪᖏᑦ 2:2

ᐂᕉᓂᐅᑉ ᐃᕐᓂᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᒃᓴᕆᕚ. ᑐᓂᕐᕈᓯᕐᑎᑦᓯᔨᐅᑉ ᓂᐊᖂᔭᒃᓴᒥᒃ ᐅᕐᓱᓕᕐᓯᒪᔪᒥᒃ ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓚᓕᖕᒥᒃ ᐊᒡᒐᒥᓄᑦ ᑎᒍᓯᔪᒃᓴᐅᕗᖅ ᐃᑯᒪᔪᒧᓪᓗ ᐃᓕᓗᒍ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᔭᐅᖕᒪᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 2:9

ᑐᓂᕐᕈᑕᐅᓂᖏᑕ ᓇᓗᓁᒃᑯᑕᖓᓂᒃ ᐃᖅᑲᐅᒪᑦᔪᑎᒃᓴᒥᒃ ᐲᕐᓯᔭᕆᐊᖃᕐᐳᖅ ᓂᐊᖂᔭᒥᒃ ᐃᑯᐊᓪᓚᒡᓗᒍᓗ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᓂᐅᓗᓂ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 5:12

ᑐᓂᕐᕈᓯᕐᑎᑦᓯᔨᒧᓪᓕ ᑐᓂᔭᒃᓴᕆᕚ, ᑖᓐᓇᓗ ᑕᕝᕙᓐᖓᑦ ᑎᒍᓯᓗᓂ ᑐᓂᕐᕈᑕᐅᓂᖓᓂᒃ ᓇᓗᓁᒃᑯᑦᓯᕋᒃᓴᕆᕚ ᐃᖅᑲᐅᒪᑦᔪᑎᒃᓴᒥᒃ, ᑎᒍᔭᓂ ᐃᑯᐊᓚᑦᓯᕕᖕᒧᑦ ᐃᒋᓪᓗᒍ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ ᐃᑯᐊᓚᔪᑦ ᖄᖏᓐᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 6:15

ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 5:25

ᑐᓂᕐᕈᓯᕐᑎᑦᓯᔨᐅᑉ ᓂᐊᖂᔭᒃᓴᖅ ᓯᖕᓇᓂᕐᒧᑦ ᑐᓂᕐᕈᑕᐅᔪᖅ ᐊᕐᓇᒥᑦ ᑎᒍᓗᒍ, ᐊᑕᓂᐅᑉ ᓵᖓᓂ ᐃᓵᒃᑕᕈᑎᔭᕆᐊᖃᕐᐹ, ᑐᓂᕐᕈᓯᕐᕕᖕᒧᐊᕐᓗᒍᓗ.