ᒨᓯᓯ ᓯᑕᒪᖏᑦ 5:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ “ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐊᕐᓇᖅ ᕾᑎᑕᒃᓴᕆᕚ, ᐊᑕᓂᐅᓪᓗ ᓵᖓᓄᑦ ᐱᑎᑦᓴᕆᐊᖃᕐᐹ.

ᒨᓯᓯ ᓯᑕᒪᖏᑦ 5:16 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᓯᑕᒪᖏᑦ 5:15

ᑕᕝᕙ ᓄᓕᐊᓂ ᑐᓂᕐᕈᓯᕐᑎᑦᓯᔨᒧᑦ ᐂᑎᑕᒃᓴᕆᕚ. ᓇᖕᒥᓂᕐᓗ ᑐᓂᕐᕈᓯᕐᓗᓂ ᓂᐊᖂᔭᒃᓴᒥᒃ ᐹᕐᓕᒥᒃ 2ᓖᑕᑐᑦ ᐅᖁᒤᑎᒋᔪᒥᒃ; ᐅᕐᓱᒥᒃ ᐃᓚᖏᓪᓗᒍ, ᑎᐱᑦᓯᐊᕆᒃᑐᒥᒡᓗ ᕗᕌᑭᓐᓴᓐᓯᒥᒃ ᐃᓚᖏᓪᓗᒍ, ᑐᓂᕐᕈᑕᐅᖕᒪᑦ ᓯᖕᓇᓂᖅ ᐱᑦᔪᑎᒋᓪᓗᒍ, ᑐᓂᕐᕈᑕᐅᖕᒪᑦ ᐃᖅᑲᐅᒪᓂᖅ ᐱᑦᔪᑎᒋᓪᓗᒍ, ᐱᐅᖏᑦᑐᓕᓂᕐᒥᒃ ᐃᖅᑲᐅᒪᑦᔪᑕᐅᖕᒪᑦ.

ᒨᓯᓯ ᓯᑕᒪᖏᑦ 5:17

ᑐᓂᕐᕈᓯᕐᑎᑦᓯᔨ ᐃᒥᕐᒥᒃ ᐃᑦᔪᕐᓁᑦᑐᒥᒃ ᐱᔭᕆᐊᖃᕐᐳᖅ ᒪᕐᕋᕕᓂᕐᒥᒃ ᐃᒪᖃᐅᑎᒥᒃ, ᐳᔪᕐᓗᖕᒥᒡᓗ ᑐᐱᕐᔪᐊᑉ ᓇᑎᖓᓂᑦ, ᐃᒥᕐᒧᑦ ᐃᓕᓗᒍ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.