ᒨᓯᓯ ᓯᑕᒪᖏᑦ 4:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐃᓅᖃᑎᒌᒡᔪᐊᑦ ᐊᐅᓪᓚᕐᓂᐊᕐᓗᑎᒃ ᐸᕐᓇᓕᕌᖓᑕ, ᐂᕉᓂ ᐃᕐᓂᖏᓪᓗ ᐃᑎᖃᑦᑕᕐᓂᐊᕐᐳᑦ ᐅᓕᒡᔪᐊᖅ ᑖᓗᑕᖅ ᐲᕆᐊᖃᕐᐹᑦ ᐃᒃᓯᕐᕕᒡᓗ ᐊᖏᕈᑎᑕᓕᒃ ᑖᑦᓱᒥᖓ ᐅᓕᒡᓗᒍ.

ᒨᓯᓯ ᓯᑕᒪᖏᑦ 4:5 Iomraidhean Croise

ᑯᕉᓂᑲ ᓯᕗᓪᓖᑦ 15:15

ᓕᕔᑏᓪᓗ ᒎᑎᐅᑉ ᐃᒃᓯᕐᕕᖁᑎᖓ ᐃᕐᓱᒃᐹᑦ ᐊᑭᕋᐅᑎᖏᑎᒍᑦ, ᒨᓯᓯ ᑍᒫᒃ ᐱᖁᔨᓯᒪᖕᒪᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 23:26

ᓕᕔᑎᓪᓗ ᑐᐱᕐᒥᒃ ᐊᒡᔭᕐᓯᖃᑦᑕᕆᐊᖃᕈᓐᓃᕐᐳᑦ ᐅᕝᕙᓗ ᐱᖁᑎᖏᓐᓂᒃ ᐱᓇᓱᐊᕈᑎᒃᓴᓂᒃ.”

ᑯᕉᓂᑲ ᐂᑉᐸᖏᑦ 3:14

ᑖᓗᑕᕐᑖᕐᑎᑉᐹᓗ ᑐᖑᔪᕐᑕᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ, ᕿᑐᒪᔪᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᓯᕋᐱᓐᖑᐊᒥᒃ ᑕᕐᓴᖃᕐᓗᓂ.

ᒨᓯᓯ ᐂᑉᐸᖏᑦ 36:35

ᑖᓗᑕᒃᓴᒥᒡᓗ ᓴᓇᒋᕗᑦ ᕿᐱᐅᕋᕐᓯᒪᔪᒥᒃ ᖃᓪᓗᓈᕐᑕᑦᓯᐊᕙᖕᒥᒃ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᓴᓇᑦᓯᐊᕈᓐᓇᕐᑐᒧᓪᓗ ᓴᓇᔭᐅᓯᒪᕗᑦ ᓯᕈᐲᒻᖑᐊᖅ ᐃᓴᕈᖃᕐᑐᖅ.

ᒨᓯᓯ ᐂᑉᐸᖏᑦ 40:3

ᑕᕝᕗᖓᓗ ᐃᓕᔭᒃᓴᕆᕙᑦ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᖁᑎᖓ ᐃᓗᓕᖃᕐᑐᖅ ᐱᖁᔭᓂᒃ ᖁᓕᓂᒃ ᑖᑦᓱᒪᓗ ᐃᒃᓯᕐᕕᐅᑉ ᓯᕗᕌᒍᑦ ᑖᓗᑕᓕᕐᑕᒃᓴᕆᕙᑦ.

ᒨᓯᓯ ᐂᑉᐸᖏᑦ 40:5

ᑐᓂᕐᕈᓯᕐᕕᒃ ᒎᓗ ᑕᕝᕗᓐᖓᕐᑕᒃᓴᕆᒋᕙᑦ ᐃᓯᕐᓗᐊᕐᓂᑎᑦᓯᕕᒃᓴᖅ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᐅᑉ ᓯᕗᕌᓄᑦ, ᑐᐱᐅᓪᓗ ᐃᑎᕐᑕᕐᕕᖓᓄᑦ ᑖᓗᑕᒃᓴᖓ ᐃᓕᓗᒍ.

ᐂᓮᐊᓯᐅᑉ ᐊᒡᓚᖏᑦ 25:7

ᑕᕝᕙ ᖁᕕᐊᓇᖏᑦᑐᖅ ᓄᕗᔭᑎᑐᑦ ᑕᕐᕋᓕᓂᕐᒦᑎᑦᓯᓚᐅᕐᑐᖅ ᐃᓅᖃᑎᒌᒡᔪᐊᓂᒃ ᐲᕐᑎᑦᓱᒫᕐᐹ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᓯᑕᒪᖏᑦ 10:14

ᐅᓇᑕᕐᑐᓴᐅᖃᑎᒌᒃᔪᐊᑦ ᔫᑕᐅᑉ ᕿᑐᕐᖓᖏᑦ ᓯᕗᓪᓕᕐᐸᐅᓪᓗᑎᒃ ᐅᓇᑕᕐᑐᒃᓴᐅᖃᑎᒌᒃᑐᑦ ᒪᓕᒡᓗᒋᑦ; ᓈᓲᓂ ᐊᒥᓇᑕᐱᐅᑉ ᐃᕐᓂᖓ ᐅᓇᑕᕐᑐᒃᓴᓄᑦ ᑖᒃᑯᓄᖓ ᐊᖓᔪᖅᑳᖑᓚᐅᕐᐳᖅ.

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒨᓯᓯ ᓯᑕᒪᖏᑦ 4:4

ᐃᒫᒃ ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᐱᔨᑦᓯᕐᓂᐊᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᑦᔪᕐᓁᓐᓂᕐᐹᓂᒃ ᐱᓇᓱᐊᕐᑎᐅᓪᓗᑎᒃ.

ᒨᓯᓯ ᓯᑕᒪᖏᑦ 7:9

ᑯᕼᐋᑎᐅᓪᓕ ᑭᖑᕚᖏᑕ ᐃᕐᓂᖏᑦ ᑐᓂᓯᕕᒋᓐᖏᓔᑦ, ᑖᒃᑯᐊ ᐃᑦᔪᕐᓁᓐᓂᕐᐹᓂᒃ ᐱᔭᒃᓴᖃᕐᒪᑕ, ᐊᑭᕋᕆᐊᖃᖃᑦᑕᕐᑕᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 27:51

ᑕᑯᒋᑦ, ᑖᓗᑕᕐᔪᐊᖅ ᑐᒃᓯᐊᕐᕕᒡᔪᐊᕐᒦᑦᑐᖅ ᖁᐱᕗᖅ ᒪᕐᕉᓕᓪᓗᓂ, ᖁᓛᓂᑦ ᐊᑖᓄᑦ ᑎᑭᓪᓗᓂ; ᓄᓇᕐᔪᐊᕐᓗ ᓴᔪᒃᐱᓗᒃᐳᖅ, ᐅᔭᕅᓪᓗ ᓯᖁᑦᑎᕐᖢᑎᒃ.

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.

ᐄᑉᕈᐃᓄᑦ 10:20

ᓄᑖᒥᒃ ᐊᖅᑯᓯᓚᐅᕐᒪᑎᒍᑦ ᐃᓅᓯᖃᕐᓇᕐᑐᒥᒡᓗ ᐅᒃᑯᐃᕈᑎᓚᐅᕐᒪᑎᒍᑦ ᑖᓗᑕᕐᔪᐊᒃᑯᑦ, ᑕᕝᕙ ᓇᖕᒥᓂᖅ ᑎᒥᒥᒍᑦ,

ᐄᑉᕈᐃᓄᑦ 9:3

ᑐᐱᐅᓪᓗ ᐃᓗᐊᓂ ᑖᓗᑕᕐᔪᐊᑉ ᐂᑉᐸᖓᑕ ᐅᖓᑖᓃᑦᑐᖅ ᐃᒡᓗᕈᓯᖅ ᑍᔭᐅᓪᓗᓂ ᐃᑦᔪᕐᓁᓐᓂᕐᐹᒥᒃ.

ᓴᒧᐃᓕ ᓯᕗᓪᓖᑦ 6:19

ᐊᑕᓂᐅᑉ ᐊᖑᑎᑦ ᐃᓚᖏᑦ ᑐᖁᓚᐅᕐᐰᑦ ᐱᑦ-ᓯᒥᔅᒥᐅᑍᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖓᑕ ᐃᓗᐊᓄᑦ ᑕᑯᒋᐊᓚᐅᕐᓂᖏᑦ ᐱᓪᓗᒋᑦ; ᐃᓄᐃᓪᓗ ᕿᒃᓵᓚᐅᕐᐳᑦ ᐊᑕᓂᐅᑉ ᑐᖁᑦᓯᓂᕆᓚᐅᕐᑕᖓ 70ᓂᒃ ᐱᓂᐊᕐᓂᕆᓚᐅᕐᑕᖓᓗ ᐱᑦᔪᑎᒋᓪᓗᒍ.