ᒨᓯᓯ ᓯᑕᒪᖏᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒨᓯᓯ ᓯᑕᒪᖏᑦ 4:15 Iomraidhean Croise

ᓴᒧᐃᓕ ᐂᑉᐸᖏᑦ 15:24

ᐊᐰᐊᑕᓗ ᑐᓂᕐᕈᓯᕐᑎᑦᓯᔨ ᕾᓚᐅᕆᕗᖅ, ᔭᑑᒃᓗ ᐃᓚᒋᔭᐅᓪᓗᓂ, ᐃᓚᖃᕐᓗᑎᒃ ᓕᕔᑎᓂᒃ, ᐊᒡᔭᕐᓯᓪᓗᑎᒃ ᐊᖏᖃᑎᒌᒍᑏᑦ ᐃᒃᓯᕐᕕᖓᓂᒃ; ᒪᓂᖅᑲᒧᑦ ᐃᓕᓯᒪᓚᐅᕐᐹᑦ ᐃᓄᓕᒫᑦ ᐃᒡᓗᒐᓴᖕᓂᑦ ᐊᓂᔪᐃᓐᓇᐅᓚᐅᖅᑳᕐᑎᓐᓇᒋᑦ.

ᓴᒧᐃᓕ ᐂᑉᐸᖏᑦ 6:13

ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᐊᒡᔭᕐᓯᔪᑦ ᐱᖓᓲᔪᕐᑐᓂᒃ ᐊᓪᓗᕋᓗᐊᕐᑎᓪᓗᒋᑦ ᑍᕕᑎᐅᑉ ᓄᖅᑲᕐᑎᑉᐰᑦ, ᑐᓂᕐᕈᓯᓚᐅᕐᐳᕐᓗ ᐊᑕᓂᕐᒧᑦ ᐃᒻᒧᒃᓯᐅᒐᕐᒥᒃ ᓄᕐᕋᕐᒥᒡᓗ ᖁᐃᒃᓯᓴᕐᑕᐅᓯᒪᔪᒥᒃ.

ᐊᑕᓃᑦ ᓯᕗᓪᓖᑦ 8:3

ᑖᒃᑯᐊ ᐊᖓᔪᖅᑳᓕᒫᑦ ᐃᓴᕆᐊᓕᒥᐅᓄᑦ ᑲᑎᖕᒪᑕ, ᐃᒃᓯᕐᕕᒃ ᑐᓂᕐᕈᓯᕐᑎᑦᓯᔨᓄᑦ ᑭᕕᒃᑕᐅᕗᖅ.

ᑯᕉᓂᑲ ᓯᕗᓪᓖᑦ 15:15

ᓕᕔᑏᓪᓗ ᒎᑎᐅᑉ ᐃᒃᓯᕐᕕᖁᑎᖓ ᐃᕐᓱᒃᐹᑦ ᐊᑭᕋᐅᑎᖏᑎᒍᑦ, ᒨᓯᓯ ᑍᒫᒃ ᐱᖁᔨᓯᒪᖕᒪᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 15:2

ᑍᕕᑎᓗ ᐅᖃᕐᐳᖅ, “ᒎᑎᐅᑉ ᐃᒃᓯᕐᕕᖁᑎᖓ ᑭᓇᑐᐃᓐᓇᒧᑦ ᐊᒡᔭᕐᑕᐅᔪᒃᓴᐅᓐᖏᓚᖅ ᓕᕔᑎᓄᑦ ᑭᓯᐊᓂ, ᑖᒃᑯᐊ ᐊᑕᓂᐅᑉ ᓂᕈᐊᕐᓯᒪᖕᒪᒋᑦ ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᑲᒪᔨᐅᖁᓪᓗᒋᑦ ᐃᓱᖃᖏᑦᑐᒧᑦ.”

ᑯᕉᓂᑲ ᓯᕗᓪᓖᑦ 23:26

ᓕᕔᑎᓪᓗ ᑐᐱᕐᒥᒃ ᐊᒡᔭᕐᓯᖃᑦᑕᕆᐊᖃᕈᓐᓃᕐᐳᑦ ᐅᕝᕙᓗ ᐱᖁᑎᖏᓐᓂᒃ ᐱᓇᓱᐊᕈᑎᒃᓴᓂᒃ.”

ᒨᓯᓯ ᐂᑉᐸᖏᑦ 19:12

ᐃᓄᐃᑦ ᐅᐸᒍᓐᓇᕐᑕᖏᑕ ᑭᒡᓕᒃᓴᖓᓂᒃ ᓇᓗᓁᕐᓯᓯᒪᔪᒃᓴᐅᕗᑎᑦ, ᐅᖃᐅᑎᓗᒋᓪᓗ, ‘ᐃᒃᐱᒍᓱᑦᓯᐊᕆᑦᓯ ᖃᖅᑲᒧᑦ ᒪᔪᕋᖁᓇᓯ ᐅᕝᕙᓗ ᖃᖅᑲᐅᑉ ᑭᒡᓕᖓ ᐊᒃᑐᕐᑕᐅᔪᒃᓴᐅᓐᖏᓚᖅ; ᓇᓪᓕᐊᓪᓗ ᖃᖅᑲᒥᒃ ᓇᓗᓁᒃᑯᓯᕐᓯᒪᔫᑉ ᐅᖓᑖᓃᑦᑐᒥᒃ ᐊᒃᑐᕐᓯᔪᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᒨᓯᓯ ᐂᑉᐸᖏᑦ 19:21

ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐃᓄᐃᑦ ᐊᖅᑲᕐᕕᒋᒍᕕᒋᑦ ᐅᖃᐅᑎᓂᐊᕐᐸᑎᑦ ᖄᖏᕆᐊᖃᓐᖏᑕᒥᖕᓂᒃ ᖄᖏᕐᓯᑦᑍᓕᖁᓗᒋᑦ ᐅᕙᓐᓂᒃ ᑕᑯᔭᕐᑐᕋᓱᒡᓗᑎᒃ. ᖄᖏᕆᐊᖃᓐᖏᑕᒥᖕᓂᒃ ᖄᖐᒃᐸᑕ ᑕᕝᕙ ᐅᓄᕐᑐᑦ ᑐᖁᓂᐊᕐᐳᑦ.

ᒨᓯᓯ ᐂᑉᐸᖏᑦ 27:7

ᐊᑭᕋᐅᑎᖏᒡᓗ ᑐᓂᕐᕈᓯᕐᕕᐅᑉ ᓄᕐᓗᖏᑎᒍᑦ ᑲᐅᑎᓯᒪᔪᒃᓴᐅᕗᒃ, ᑐᓂᕐᕈᓯᕐᕕᐅᑉ ᐊᕙᑖᒍᑦ ᐃᒡᓗᒃᑐᑦ ᐊᑭᕋᐅᑎᐅᔪᓐᓇᖁᓪᓗᒋᒃ, ᑐᓂᕐᕈᓯᕐᕕᒃ ᐊᒡᔭᕐᑕᐅᔭᕆᐊᖃᓕᕌᖓᑦ.

ᒨᓯᓯ ᐱᖓᔪᖏᑦ 16:13

ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ.

ᒨᓯᓯ ᓯᑕᒪᖏᑦ 1:50

ᓕᕔᑎᒃᑯᓪᓕ ᑎᓕᓂᐊᕐᐸᑎᑦ ᑲᒪᔨᐅᖁᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᓗᓕᖏᓐᓂᒃ ᑕᒤᓐᓂᒃ ᑲᒪᔨᐅᓗᑎᒃ, ᐱᒋᔭᖏᓐᓂᒡᓗ; ᑐᐱᕐᔪᐊᖅ ᑲᑎᒪᕕᒃ ᐊᒡᔭᖃᑦᑕᕆᐊᖃᕐᐹᑦ ᐃᓗᓕᖏᓪᓗ; ᑲᒪᒋᔭᕆᐊᖃᕐᐹᑦ ᖃᓂᒋᔭᖓᓂᓗ ᑐᐱᖃᕐᓗᑎᒃ.

ᒨᓯᓯ ᓯᑕᒪᖏᑦ 1:51

ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 10:21

ᑖᒃᑯᐊ ᑭᖑᓂᖓᓂ, ᑯᕼᐊᑍᑎᐅᑉ ᑭᖑᕚᖏᑦ ᐊᐅᓪᓚᕆᕗᑦ, ᐊᒡᔭᕐᓯᓪᓗᑎᒃ ᐃᑦᔪᕐᓁᑦᑐᓂᒃ. ᑐᐱᕐᔪᐊᖅ ᓇᑉᐸᕐᑕᐅᔭᕆᕐᐸᓚᐅᕐᒪᑦ ᑖᒃᑯᐊ ᑎᑭᓚᐅᕐᑎᓐᓇᒋᑦ.

ᒨᓯᓯ ᓯᑕᒪᖏᑦ 18:3

ᐱᔭᕆᐊᖃᕐᑕᑦᓯᓐᓂᒃ ᐱᔨᑦᓯᖃᕐᑕᕐᓂᐊᕐᐹᓯ ᑐᐱᕐᔪᐊᒥᓗ ᐱᔭᕆᐊᓕᓕᒫᓂᒃ; ᐃᑦᔪᕐᓁᑦᑐᕕᐅᓪᓕ ᓱᓇᑐᐃᓐᓇᖏᓐᓄᑦ ᑐᓂᕐᕈᓯᕐᕕᖕᒧᓪᓘᓐᓃᑦ ᖃᒡᓕᔪᒃᓴᐅᓐᖏᓚᑦ, ᑐᖁᖁᓇᒋᑦ ᑍᒃᑯᐊᓗ ᐃᓕᑦᓯᓗ.

ᒨᓯᓯ ᓯᑕᒪᖏᑦ 3:38

ᐅᑯᐊᓗ ᑕᖕᒫᕐᓯᒪᔭᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᓵᖓᓂ ᑲᓇᖕᓇᖓᓂ, ᒨᓯᓯᓗ ᐂᕉᓂᓗ ᐃᕐᓂᖏᓪᓗ, ᐃᑦᔪᕐᓁᑦᑐᕕᖕᒥᒃ ᑲᒪᔨᐅᓗᑎᒃ, ᐃᓴᕆᐊᓕᒥᐅᓪᓗ ᐱᔭᕆᐊᖃᕐᑕᓕᒫᖏᓐᓂᒃ ᐱᓇᓱᐊᕐᓗᑎᒃ; ᑖᒃᑯᓄᖓᓕ ᐃᓚᐅᖏᓪᓗᓂ ᖃᒡᓕᓗᐊᕐᑐᖅ ᑐᖁᑕᒃᓴᐅᕗᖅ.

ᒨᓯᓯ ᓯᑕᒪᖏᑦ 4:14

ᖄᖓᓄᓗ ᐃᓕᓗᒋᑦ ᓱᓇᒃᑯᑖᑦ ᑕᕝᕙᓂ ᐱᔨᑦᓯᕐᑐᒧᑦ ᐊᑐᕐᑕᐅᓲᑦ ᐊᓪᓕᕅᓪᓗ ᐃᑯᒪᔪᒃᑯᕖᑦ, ᓂᕿᒥᒡᓗ ᑲᐳᒻᒥᑖᕈᑏᑦ, ᖃᓗᕋᐅᑏᓪᓗ, ᐅᐊᓴᕐᕖᓪᓗ, ᑐᓂᕐᕈᓯᕐᕕᖕᒥᓗ ᓱᓇᑐᐃᓐᓁᑦ ᐊᑐᕐᑕᐅᓲᑦ ᐅᓕᒃᑕᐅᔭᕆᐊᖃᕐᐳᑦ ᐆᒪᔪᐃᑦ ᐹᑦᔪᕆ ᐊᒥᖏᓐᓂᒃ ᐊᑭᕋᐅᑎᖏᓪᓗ ᐃᓕᓗᒋᑦ.

ᒨᓯᓯ ᓯᑕᒪᖏᑦ 4:19

ᑍᒤᓕᐅᕆᑦᓯᓕ ᑖᒃᑯᐊ ᐱᓪᓗᒋᑦ, ᐃᓅᖁᓪᓗᒋᑦ ᑐᖁᖁᓇᒋᑦ ᐃᑦᔪᕐᓁᓐᓂᕐᐹᑦ ᓴᓂᐊᓅᕋᓗᐊᕈᑎᒃ: ᐂᕉᓂᐅᑉ ᐃᕐᓂᖏᑕᓗ ᐃᑎᕐᓗᑎᒃ ᑎᓕᔭᕆᐊᖃᕐᐰᑦ ᐱᔨᑦᓯᕈᑎᒋᔭᕆᐊᖃᕐᑕᖏᓐᓂᒃ, ᐱᔭᒃᓴᖏᓐᓂᒡᓗ.

ᒨᓯᓯ ᓯᑕᒪᖏᑦ 4:20

ᐃᑎᕐᓗᑎᒡᓕ ᑕᑯᓐᓇᕆᐊᕐᑐᕆᐊᖃᓐᖏᓚᑦ ᐃᑦᔪᕐᓁᓐᓂᕐᐹᑦ ᐅᓕᒃᑐᕐᑕᐅᑎᓪᓗᒋᑦ, ᑐᖁᖁᓇᒋᑦ.”

ᒨᓯᓯ ᓯᑕᒪᖏᑦ 7:9

ᑯᕼᐋᑎᐅᓪᓕ ᑭᖑᕚᖏᑕ ᐃᕐᓂᖏᑦ ᑐᓂᓯᕕᒋᓐᖏᓔᑦ, ᑖᒃᑯᐊ ᐃᑦᔪᕐᓁᓐᓂᕐᐹᓂᒃ ᐱᔭᒃᓴᖃᕐᒪᑕ, ᐊᑭᕋᕆᐊᖃᖃᑦᑕᕐᑕᒥᖕᓂᒃ.

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.

ᔮᓱᐊᑉ ᐊᒡᓚᖏᑦ 4:10

ᑐᓂᕐᕈᓯᕐᑎᑦᓯᔩᑦ ᓇᖏᓚᐅᕐᐳᑦ ᔪᐊᕐᑕᓂᒥ ᑰᑉ ᕿᑎᐊᓂ ᐱᔭᕇᓚᐅᖅᑳᕐᑎᓐᓇᒋᑦ ᐊᑕᓂᐅᑉ ᑎᓕᑦᔪᑎᒋᓚᐅᕐᑕᖓᓂᒃ ᔮᓱᐊᒧᑦ, ᑕᒪᓐᓇ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᒪᒍ ᔮᓱᐊᒧᑦ. ᐃᓄᐃᑦ ᑐᐊᕕᓚᐅᕐᐳᑦ ᑰᖕᒥᒃ ᐃᑳᕐᓗᑎᑦ.

ᓴᒧᐃᓕ ᓯᕗᓪᓖᑦ 6:19

ᐊᑕᓂᐅᑉ ᐊᖑᑎᑦ ᐃᓚᖏᑦ ᑐᖁᓚᐅᕐᐰᑦ ᐱᑦ-ᓯᒥᔅᒥᐅᑍᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖓᑕ ᐃᓗᐊᓄᑦ ᑕᑯᒋᐊᓚᐅᕐᓂᖏᑦ ᐱᓪᓗᒋᑦ; ᐃᓄᐃᓪᓗ ᕿᒃᓵᓚᐅᕐᐳᑦ ᐊᑕᓂᐅᑉ ᑐᖁᑦᓯᓂᕆᓚᐅᕐᑕᖓ 70ᓂᒃ ᐱᓂᐊᕐᓂᕆᓚᐅᕐᑕᖓᓗ ᐱᑦᔪᑎᒋᓪᓗᒍ.