1 ᐊᑕᓂᖅ ᒨᓯᓯᒧᑦ ᐂᕉᓂᒧᓪᓗ ᐅᖃᕐᐳᖅ,
ᓕᕔᑉ ᐃᕐᓂᖏᑦ: ᒌᕐᓲᓐ, ᑯᕼᐋᑦ, ᒥᕋᕆᓗ.
ᐊᒻᒪᑦᑕᐅᖅ ᓂᕈᐊᕐᓯᒪᒋᕙᕋ ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓂᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᐃᑲᔪᕐᑎᒃᓴᐅᖁᓪᓗᒍ ᑖᑦᓱᒧᖓ ᐱᓇᓱᐊᖃᑕᐅᖁᓪᓗᒍᓗ. ᐊᓯᖏᑦᑕᐅᖅ ᐊᖑᑎᑦ ᑐᓂᓯᕕᒋᓯᒪᕙᒃᑲ ᐱᔪᓐᓇᑦᓯᐊᕐᓂᕐᓂᒃ, ᓴᓇᔪᓐᓇᖁᓪᓗᒋᑦ ᐃᓕᖕᓄᑦ ᐱᖁᔨᑦᔪᑎᒋᓯᒪᔭᓐᓂᒃ.
ᐃᑦᔪᕐᓁᑦᑐᕕᖁᑎᓐᓂ ᐱᔨᑦᓯᕈᓐᓇᕐᓂᐊᕋᓗᐊᕐᐹᖓ, ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᑲᒪᔨᐅᓗᑎᒃ, ᑐᒃᓯᐊᕐᕕᒡᔪᐊᒥᓗ ᐱᓇᓱᐊᕐᑎᐅᓗᑎᒃ; ᑐᖅᑯᕅᔨᐅᓗᑎᒡᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᐅᔪᒃᓴᓂᒃ ᑐᓂᕐᕈᑕᐅᓂᐊᕐᑐᓂᒡᓗ ᐃᓄᐃᑦ ᐱᑦᔪᑎᒋᓗᒋᑦ, ᐃᓄᖕᓄᑦ ᐃᓚᐅᔪᒃᓴᐅᕗᑦ, ᑖᒃᑯᓂᖓ ᐱᔨᑦᓯᕐᓗᑎᒃ.
ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.
ᒨᓯᓯᐅᓪᓗ ᓂᐅᕕᐅᑕᐅᔪᑦ ᑮᓇᐅᔧᑦ ᑐᓂᕔᑦ ᐂᕉᓂᒧᑦ ᐃᕐᓂᖏᓐᓄᓪᓗ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.
“ᑯᕼᐋᑎᐅᑉ ᐃᕐᓂᖏᑦ ᓈᓴᓚᐅᒃᑭᑦ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᑦ, ᐃᓚᒌᑦ ᐃᓛᒃᑰᕐᑎᓪᓗᒋᑦ, ᓯᕗᓕᕕᓂᖏᑕᓗ ᐃᓚᒌᖕᓂᖏᑦ ᒪᓕᒡᓗᒋᑦ.
