ᒨᓯᓯ ᓯᑕᒪᖏᑦ 35:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᓄᓇ ᐃᓂᒋᓂᐊᑕᕐᓯ ᓴᓗᒤᓕᑎᑦᓴᕆᐊᖃᓐᖏᓚᓯᐅᒃ, ᐊᑯᓐᓇᑦᓯᓐᓂᑦᑕᐅᖅ ᐃᓂᖃᕋᒪ; ᐅᕙᖓ ᐊᑕᓂᖅ ᐃᓴᕆᐊᓕᒥᐅᑦ ᐊᑯᕐᖓᓐᓂ ᐃᓂᖃᕐᐳᖓ.’”

ᒨᓯᓯ ᓯᑕᒪᖏᑦ 35:34 Iomraidhean Croise

ᐊᑕᓃᑦ ᓯᕗᓪᓖᑦ 6:13

ᐃᓂᖃᖃᑕᐅᓂᐅᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓂ, ᕿᒪᖕᓂᐊᕐᓇᒋᓪᓗ ᐃᓴᕆᐊᓕᒥᐅᑦ ᐃᓄᖁᑎᒃᑲ.”

ᐃᓐᖏᕈᑎᑦ 132:14

“ᑕᕝᕙᓂ ᑕᕾᕐᓯᕐᕕᖃᕈᒪᕗᖓ ᐃᓱᖃᖏᑦᑐᒧᑦ; ᑕᕝᕙᓂ ᐃᓂᖃᕐᓂᐊᕐᐳᖓ, ᐱᔪᒪᓯᒪᒐᒃᑯ.

ᐃᓐᖏᕈᑎᑦ 135:21

ᐊᑕᓂᖅ ᓂᕐᑐᕐᑕᐅᓕ ᓮᐅᓂᒥᑦ, ᑖᓐᓇ ᔨᕉᓴᓕᒥ ᐃᓂᖃᕐᑐᖅ! ᐊᑕᓂᖅ ᓂᕐᑐᕐᓯᐅᒃ!

ᒨᓯᓯ ᐂᑉᐸᖏᑦ 25:8

ᑖᒃᑯᓇᓂ ᐃᑦᔪᕐᓁᓐᓂᕐᐹᒥᒃ ᐃᓂᒃᓴᒥᒃ ᓴᓐᓇᔪᖃᕐᑐᒃᓴᐅᕗᖅ, ᐃᓂᒃᓴᖃᖁᓪᓗᖓ ᐊᑯᕐᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 8:12

“ᐃᓱᒪᓕᐅᖃᑎᒌᖕᓂᐅᓂᕋᕐᓂᐊᕐᓇᒍ ᐃᓄᐃᑦ ᑍᔭᖓᑦ ᐃᓱᒪᓕᐅᖃᑎᒌᖕᓂᕐᒥᒃ, ᓯᕘᕋᒋᔭᖏᓪᓗ ᓯᕘᕋᒋᓂᐊᕐᓇᒋᑦ, ᐃᓱᒫᓗᒍᑎᖃᕐᓂᐊᕐᓇᒡᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᐃᓯᑭᐊᓕᐅᑉ ᐊᒡᓚᖏᑦ 35:10

“ᐅᖃᓚᐅᕋᑦᓯ, ‘ᐃᓅᖃᑎᒌᒡᔪᐊᑦ ᑖᒃᑯᐊ ᒪᕐᕈᐃᑦ ᓄᓇᒋᔭᖏᓪᓗ ᐱᑖᕆᓛᕐᐸᕗᑦ, ᓄᓇᑖᕆᓗᒋᓪᓗ,’ ᐊᑕᓂᖅ ᑍᑲᓃᒃᑲᓗᐊᕐᑎᓪᓗᒍ.

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᒨᓯᓯ ᓯᑕᒪᖏᑦ 16:3

ᑲᑎᓪᓗᑎᒃ ᐊᑭᕋᕐᑐᓕᕐᐳᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᖕᓄᖓ ᐅᖃᕐᓗᑎᒃ, “ᐃᓕᑦᓯᓐᓂᒃ ᐊᖓᔪᖅᑳᖑᑎᓗᐊᕋᑦᓯᒃ, ᐃᓅᖃᑎᒌᒡᔪᐊᑦ ᐃᑦᔪᕐᓁᑦᑑᖕᒪᑕ, ᑕᒪᕐᒥᑦᓯᐊᖅ, ᐊᑕᓂᐅᓪᓗ ᐃᓚᒋᖕᒪᒋᑦ. ᓱᖕᒪᑦ ᐃᓕᑦᓯᓐᓂᒃ ᐊᖏᔫᑎᓗᐊᕐᐱᓯᒃ ᐊᑕᓂᐅᑉ ᑲᑎᒪᔪᕐᔪᐊᖁᑎᖏᓐᓄᑦ?”

ᒨᓯᓯ ᓯᑕᒪᖏᑦ 5:3

ᑕᒪᕐᒥᒃ ᑍᒤᑦᑐᑦ ᐊᐅᓪᓚᕐᑎᑕᒃᓴᕆᕙᓯ ᐊᖑᑎᑦ ᐊᕐᓁᓪᓗ; ᓄᓇᓖᑦ ᓯᓚᑖᓃᑦᓴᕆᐊᖃᕐᐳᑦ, ᑕᖕᒫᕐᓯᒪᕕᖕᒥᓂᒃ ᓇᕐᕈᓇᕐᓯᑎᑦᓯᖁᓇᒋᑦ, ᑖᒃᑯᐊ ᐊᑯᓐᓂᖓᓐᓂ ᐃᓂᖃᕋᒪ.”

ᒨᓯᓯ ᑕᓪᓕᒪᖏᑦ 21:23

ᐅᓐᓄᐊᓕᒫᖅ ᓈᓗᒍ ᑎᒥᖓ ᓂᕕᖓᑎᑕᐅᔪᒃᓴᐅᓐᖏᓚᖅ, ᐅᓪᓗᒥ ᑕᕝᕙᓂᑦᓮᓐᓇᖅ ᐃᓗᕕᕐᑕᐅᔪᒃᓴᐅᕗᖅ, ᓂᕕᖓᔪᖅ ᓇᐹᕐᑐᒥ ᒎᑎᐅᑉ ᓇᕐᕈᓇᕐᓯᓂᕋᕐᒪᒍ; ᓄᓇ ᓇᕐᕈᓇᕐᓯᑎᑕᒃᓴᕆᓐᖏᓚᓯ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓ ᓄᓇᑖᖑᖁᓪᓗᒍ ᐃᓕᑦᓯᓐᓄᑦ.”

ᒨᓯᓯ ᑕᓪᓕᒪᖏᑦ 21:8

ᐊᑕᓃᖅ, ᐃᓴᕆᐊᓕᒥᐅᑦ ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓚᐅᒃᑭᑦ, ᑖᒃᑯᐊ ᐱᐅᓕᓚᐅᕐᑕᑎᑦ. ᐸᓯᔭᒃᓴᐅᓂᖅ ᐊᐅᑉ ᐸᓯᔭᒃᓴᐅᖏᑦᑑᑉ ᑯᕕᔭᐅᓂᖓᓄᑦ ᐃᓄᖁᑎᑎᑦ ᐃᓴᕆᐊᓖᑦ ᐱᓯᒪᔭᐅᖁᓇᒋᑦ; ᐸᓯᔭᒃᓴᐅᓂᕐᒥᑦ ᐃᓱᒪᒋᔪᓐᓁᕐᕕᒋᓚᐅᒃᑭᑦ.’

ᒨᓯᓯ ᑕᓪᓕᒪᖏᑦ 6:15

ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.