ᒨᓯᓯ ᓯᑕᒪᖏᑦ 33:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ ᐃᓚᒋᓂᐊᕐᓇᒋᓪᓗ ᑕᒫᓂ ᓄᓇᖃᕐᑐᑦ ᐊᖏᕐᕋᖃᕐᑐᓪᓗ, ᑕᒪᓐᓇ ᓄᓇ ᐃᓕᑦᓯᓐᓄᑦ ᑐᓂᒐᒃᑯ ᐱᑖᕆᔭᐅᖁᓪᓗᒍ.

ᒨᓯᓯ ᓯᑕᒪᖏᑦ 33:53 Iomraidhean Croise

ᒨᓯᓯ ᓯᕗᓪᓖᑦ 15:7

ᐅᖃᐅᑎᓪᓗᒍᓗ, “ᐅᕙᖓᐅᕗᖓ ᐊᑕᓂᖅ, ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᐊᐅᓪᓚᕐᑎᓚᐅᕐᐸᒋᑦ, ᑕᒪᓐᓇ ᓄᓇ ᑐᓂᔪᒪᓪᓗᒍ ᐃᓕᖕᓄᑦ ᓄᓇᑖᕆᔭᐅᖁᓪᓗᒍ.”

ᐃᓐᖏᕈᑎᑦ 115:16

ᕿᓔᑦ, ᐊᑕᓂᐅᑉ ᐱᒋᕔᑦ; ᓄᓇᕐᔪᐊᕐᓕ ᐃᓄᖕᓄᑦ ᑐᓂᓚᐅᕐᐹ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:25

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᔪᒫᕋᕕᑦ ᐃᓅᖃᑎᖃᓕᕐᓗᑎᓪᓗ ᐆᒪᔪᓂᒃ ᓄᔪᐊᕐᑐᓂᒃ, ᓂᕿᖃᕈᒫᕐᐳᑎᓪᓗ ᐃᕕᒃᓱᒐᕐᓂᒃ ᐆᒪᔪᖁᑎᒋᔭᐅᔪᑎᑐᑦ ᖃᐅᓯᕐᑎᑕᐅᕙᒡᓗᑎᓪᓗ ᓯᓚᐅᑉ ᐂᔪᖓᓂᖓᓄᑦ, ᓇᓪᓕᐅᓐᓃᓪᓗ 7 ᐊᓂᒍᕐᐸᑕ, ᖁᑦᓯᖕᓂᐹᖅ ᖃᐅᔨᒍᕕᐅᒃ ᐊᑕᓂᐅᓂᖓᓂᒃ ᐃᓄᓕᒫᑦ ᐊᖓᔪᖅᑲᐅᕕᖏᓐᓄᑦ, ᐊᖓᔪᖅᑲᐅᓂᕐᓗ ᑐᓂᕙᖕᒪᒍ ᓇᓪᓕᐊᓐᓄᑦ ᑐᓂᔪᒪᔭᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᒫᑎᐅᓯᐅᑉ ᐊᒡᓚᖏᑦ 20:15

ᐃᓱᒪᕐᓱᕆᐊᖃᓐᖏᓚᖔ ᓇᖕᒥᓂᖅ ᑮᓇᐅᔭᓐᓂᒃ? ᐅᕝᕙᓗ ᐊᑦᔨᒌᒃᑎᑦᓯᑐᐃᓐᓇᕐᓂᓐᓄᑦ ᐱᑦᓯᐊᕐᑕᐅᓇᓱᒋᔪᓐᓃᕐᐱᓰ?’

ᒨᓯᓯ ᑕᓪᓕᒪᖏᑦ 11:31

ᑰᖕᒥᒃ ᔪᐊᕐᑕᓂᒥᒃ ᐃᑳᕈᑦᓯ ᓄᓇᑖᕆᐊᕐᑐᕐᓗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ; ᓄᓇᑖᕆᒍᑦᓯᐅᒃ ᑍᑲᓂᓗ ᓄᓇᖃᓕᕈᑦᓯ,

ᒨᓯᓯ ᑕᓪᓕᒪᖏᑦ 17:14

“ᓄᓇᑖᕐᓯᒪᓕᕈᑦᓯᓕ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᓂᐊᕐᑕᖓᓄᑦ, ᑕᕝᕙᓂᓗ ᐃᓂᓪᓚᒃᓯᒪᓕᕈᑦᓯ, ᐅᖃᓕᕈᑦᓯ, ‘ᐊᖓᔪᖅᑳᕐᔪᐊᓕᐅᕈᒪᕗᖓ ᐅᕙᓐᓄᑦ ᐊᖓᔪᖅᑲᐅᓂᐊᕐᑐᒥᒃ, ᐊᓯᑦᑎᑐᑦ ᐃᓅᖃᑎᒌᒡᔪᐊᑎᑐᑦ ᐊᕙᑎᑦᑎᓐᓃᑦᑐᑎᑐᑦ.’

ᒨᓯᓯ ᑕᓪᓕᒪᖏᑦ 3:18

“ᐊᒻᒪᑦᑕᐅᖅ ᑍᑦᓱᒪᓂᑦᓮᓐᓇᖅ ᐅᖃᐅᑦᔨᓚᐅᕆᕗᖓ ᑖᒃᑯᓂᖓ ᐃᒤᓕᔪᓂᒃ: ‘ᐊᑕᓂᐅᑉ ᒎᑎᑦᑕ ᑕᒪᑐᒥᖓ ᓄᓇᒥᒃ ᑐᓂᓯᕕᒋᓯᒪᖕᒪᓯ ᔪᐊᕐᑕᓂᐅᑉ ᑰᖓᑕ ᑕᓕᕐᐱᐊᓃᑦᑐᒥᒃ ᐃᓕᑦᓯᓐᓄᑦ ᓄᓇᒋᔭᐅᖁᓪᓗᒍ. ᒫᓐᓇᓕ ᐊᖑᑎᑦ ᐅᓇᑕᕈᓐᓇᕐᑐᖁᑎᓯ ᐅᓇᑕᐅᑎᒃᓴᓂᒃ ᓇᒃᓴᕐᓗᑎᒃ ᑎᓕᓕᕐᓯᐅᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᐃᓴᕆᐊᓕᒥᐅᖑᖃᑎᓯ ᐅᐸᒡᓗᒋᑦ ᐃᑲᔪᕆᐊᓕᕐᓯᒋᒃ, ᐃᑲᔪᕐᓂᐊᕋᑦᓯᐅᒃ ᓄᓇᑖᕋᓱᐊᓕᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 32:8

ᖁᑦᓯᖕᓂᕐᐹᒍᔪᖅ ᐃᓅᖃᑎᒌᒡᔪᐊᓂᒃ ᓄᓇᑖᕐᑎᑦᓯᓕᕋᒥ; ᐃᓅᖃᑎᒌᑦ ᓇᓂ ᓄᓇᖃᕐᑐᒃᓴᐅᖕᒪᖔᑕ ᐋᖅᑭᒃᓱᐃᓚᐅᕐᐳᖅ, ᐃᓅᖃᑎᒌᒡᔪᐊᓪᓗ ᐊᑐᓂᑦ ᐊᖓᔪᖅᑳᖃᐅᕐᑎᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 7:17

“ᐃᓱᒪᔪᒃᓴᐅᓐᖏᓚᓯ, ‘ᐅᑯᐊ ᐃᓅᖃᑎᒌᒡᔪᐊᑦ ᐅᕙᑦᑎᓐᓂᑦ ᐅᓄᕐᓂᕐᓴᕐᔪᐊᕌᓗᐃᑦ; ᖃᓄᐊᓗᒡᓕ ᓵᓚᒋᔪᓐᓇᕐᓂᐊᕋᑦᑎᒋᑦ?’

ᔮᓱᐊᑉ ᐊᒡᓚᖏᑦ 1:6

ᓲᖑᓂᖃᓕᕆᑦ ᖁᓚᖏᓪᓗᑎᓪᓗ; ᓯᕗᓕᕐᑎᐅᓛᕋᕕᑦ ᐃᓄᖕᓄᑦ ᓄᓇᑖᓕᕐᑎᓪᓗᒋᑦ ᑕᒪᓐᓇ ᑍᒫᒃ ᓯᕗᓕᖏᓐᓄᑦ ᐊᖏᕈᑎᒋᓚᐅᕋᒃᑯ.

ᔮᓱᐊᑉ ᐊᒡᓚᖏᑦ 21:43

ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 23:5

ᐊᑕᓂᐅᑉ ᒎᑎᑦᓯ ᐃᓕᑦᓯᓐᓂᑦ ᐊᔭᐅᕈᒫᕐᐰᑦ, ᓯᖏᓪᓗᒋᓪᓗ ᐊᑯᓐᓇᑦᓯᓐᓂᑦ; ᓄᓇᖓᓪᓗ ᓄᓇᑖᕆᔪᒫᕐᐸᓯ, ᐊᑕᓂᐅᑉ ᒎᑎᑦᓯ ᑍᒫᒃ ᐊᖏᕈᑎᒋᓚᐅᕐᒪᒍ ᐃᓕᑦᓯᓐᓄᑦ.