ᒨᓯᓯ ᓯᑕᒪᖏᑦ 32:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᒤᒻᒪᑦ ᐅᖃᕐᐳᑦ, “ᐃᓕᑦᓯᓐᓄᑦ ᖁᕕᐊᒋᔭᐅᒍᑦᑕ, ᓄᓇ ᑕᒪᓐᓇ ᐱᔨᖕᓄᑦ ᑐᓂᓚᐅᕐᓯᐅᒃ ᐱᑖᕆᓂᐊᕋᑦᑎᒍ. ᔪᐊᕐᑕᓂᐅᓪᓗ ᐊᑭᐊᓅᕈᓐᓃᕐᓗᑕ.”

ᒨᓯᓯ ᓯᑕᒪᖏᑦ 32:5 Iomraidhean Croise

ᒨᓯᓯ ᓯᕗᓪᓖᑦ 19:19

ᑕᑯᒋᑦ ᐱᔩᑦ ᖁᕕᐊᒋᔭᐅᖕᒪᑦ ᓵᖕᓂ, ᐊᖏᔪᒥᒃ ᐱᑦᓯᐊᕐᕕᒋᒐᕕᖓ ᐃᓅᓕᐊᕆᓪᓗᖓ; ᖃᖅᑲᓄᓪᓕ ᕿᒫᓇᓱᐊᕈᒪᓐᖏᓚᖓ, ᐊᓯᕈᕐᑕᐅᓇᕐᑐᒧᑦ ᑎᑭᖁᓇᖓ, ᑐᖁᓗᖓᓗ.

ᓴᒧᐃᓕ ᐂᑉᐸᖏᑦ 14:22

ᔪᐊᐱᓗ ᓄᓇᒧᑦ ᐹᒻᒪᒃᐳᖅ ᑍᕕᑎᐅᑉ ᓵᖓᓄᑦ ᐅᐱᒍᓱᖕᓂᕐᒧᑦ, ᐊᖓᔪᖅᑳᕐᔪᐊᕐᓗ ᓂᕐᑐᕐᓗᒍ; ᐅᖃᕐᐳᖅ, “ᒫᓐᓇ ᖃᐅᔨᕗᖓ ᐅᕙᓐᓂᒃ ᖁᕕᐊᒋᔭᖃᕋᕕᑦ, ᒎᑎᐅᑉ ᓮᒻᒪᕐᑎᓪᓕᑎᑦ ᐊᖓᔪᖅᑳᒃ! ᐱᔪᒪᔭᓐᓂᒃ ᐱᔪᓐᓇᕐᑎᑦᓯᒐᕕᑦ.”

ᐃᔅᑕᐅᑉ ᐊᒡᓚᖏᑦ 5:2

ᐊᖓᔪᖅᑳᕐᔪᐊᓪᓕ ᑯᐃᓐ ᐃᔅᑕᕐ ᑕᑯᒐᒥᐅᒃ ᐃᑎᕐᑕᕐᕕᐅᑉ ᓯᓚᑖᓂ ᓇᖏᕐᑐᖅ, ᖁᕕᐊᒋᓚᐅᕐᐹ, ᑎᒃᑯᐊᕐᓯᑦᔪᑎᒥᒡᓗ ᒎᓗᒥᒃ ᐃᓴᒡᕕᒋᕚ ᑎᒍᒥᐊᕐᑕᒥᓂᒃ. ᐃᔅᑕᕐᓗ ᕾᓪᓗᓂ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᑕ ᓄᕗᐊ ᐊᒃᑐᕐᐹ.

ᔨᕆᒤᐊᐅᑉ ᐊᒡᓚᖏᑦ 31:2

ᐃᒫᒃ ᐊᑕᓂᖅ ᐅᖃᕐᐳᖅ, “ᐅᓇᑕᕐᑐᓂᑦ ᐊᓐᓇᒃᑐᑦ ᐱᑦᓯᐊᕐᕕᐅᓯᒪᓂᕐᒥᖕᓂᒃ ᖃᐅᔨᔪᒫᕐᐳᑦ ᓄᓇᖃᕐᕕᐅᕙᖏᑦᑐᓂ, ᐃᓴᕆᐊᓕᒥᐅᑦ ᑕᕾᕐᓯᕐᕕᒃᓴᖃᕈᒫᕐᐳᑦ ᕿᓂᓚᐅᕐᑕᒥᖕᓂᒃ.

ᒨᓯᓯ ᓯᑕᒪᖏᑦ 32:4

ᓄᓁᑦ ᐊᑕᓂᐅᑉ ᓵᓚᒋᓚᐅᕐᑕᖏᑦ ᐃᓴᕆᐊᓕᒥᐅᑦ ᓵᖏᓐᓂ, ᑖᒃᑯᐊ ᐆᒪᔪᖁᑎᓄᑦ ᐱᐅᔫᖕᒪᑕ, ᐱᔨᑎᓪᓗ ᐅᑯᐊ ᐆᒪᔪᖁᑎᓕᐊᓘᓪᓘᑎᒃ.”

ᒨᓯᓯ ᓯᑕᒪᖏᑦ 32:6

ᒨᓯᓯᓗ ᐅᖃᕐᐳᖅ ᒑᑦ ᑭᖑᕚᖏᓐᓄᑦ ᕉᐱᓂᐅᓪᓗ ᑭᖑᕚᖏᓐᓄᑦ: “ᖃᑕᓐᖑᑎᓯ ᐅᓇᑕᕆᐊᕋᔭᕐᐹᑦ ᐃᓕᑦᓯ ᑕᒫᓃᑐᐃᓐᓇᕐᑎᓪᓗᓰ?

ᒨᓯᓯ ᑕᓪᓕᒪᖏᑦ 1:37

ᐅᕙᓐᓄᑦᑕᐅᖅ ᐊᑕᓂᖅ ᓂᓐᖓᐅᒪᑦᔪᑎᖃᕆᕗᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᖃᕐᓗᓂᓗ, ‘ᐃᕝᕕᑦᑕᐅᖅ ᐊᒡᓛᑦ ᑕᕝᕗᖓ ᓄᓇᒧᑦ ᐃᑎᕐᓂᐊᓐᖏᓚᑎᑦ;

ᔮᓱᐊᑉ ᐊᒡᓚᖏᑦ 7:7

ᔮᓱᐊᓗ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ ᒎᑏ! ᓱᖕᒪᑦ ᐃᑳᕐᑎᓚᐅᕐᐱᑎᒎᑦ ᔪᐊᕐᑕᓂᐅᑉ ᑰᖓᓂᒃ? ᐊᒧᕅᑎᒥᐅᓄᑦ ᑐᓂᔪᒪᓪᓗᑖ? ᐊᓯᕈᕈᒪᓪᓗᑕᓘ? ᐱᐅᓂᕐᓴᐅᒐᔭᓚᐅᓐᖏᓛᖅ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑐᐃᓐᓇᓚᐅᕈᑦᑕ?

ᕉᑎᐅᑉ ᐅᓂᒃᑲᐅᓯᓂᖓ 2:10

ᕉᑎᓗ ᓰᖅᑯᕐᓗᓂ ᐅᑯᕗᖅ ᓄᓇ ᐊᒃᑐᕐᓗᓂᐅᒃ ᖃᐅᕐᒥᓄᑦ, ᐅᖃᕐᓗᓂᓗ, “ᖃᓄᐃᒻᒪᑦ ᐱᑦᓯᐊᕋᓱᐊᕐᐱᖔ? ᐃᒃᐱᒋᔭᒃᓴᐅᒐᒫ? ᑕᑯᒋᑦ ᓄᓇᖃᑎᒋᔭᐅᖏᑦᑐᖓ.”

ᓴᒧᐃᓕ ᓯᕗᓪᓖᑦ 20:3

ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”