ᒨᓯᓯ ᓯᑕᒪᖏᑦ 32:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓄᓁᑦ ᐊᑕᓂᐅᑉ ᓵᓚᒋᓚᐅᕐᑕᖏᑦ ᐃᓴᕆᐊᓕᒥᐅᑦ ᓵᖏᓐᓂ, ᑖᒃᑯᐊ ᐆᒪᔪᖁᑎᓄᑦ ᐱᐅᔫᖕᒪᑕ, ᐱᔨᑎᓪᓗ ᐅᑯᐊ ᐆᒪᔪᖁᑎᓕᐊᓘᓪᓘᑎᒃ.”

ᒨᓯᓯ ᓯᑕᒪᖏᑦ 32:4 Iomraidhean Croise

ᑯᕉᓂᑲ ᓯᕗᓪᓖᑦ 4:41

ᑖᒃᑯᐊ ᐊᑏᑦ ᑎᑎᕋᕐᑕᐅᓯᒪᔪᑦ ᑕᑯᔭᐅᓚᐅᕐᐳᑦ ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᑐᐱᖏᑦ ᓱᕋᒃᑎᕐᑕᐅᓚᐅᕐᐳᑦ ᒥ-ᔫᓂᒥᐅᓪᓗ ᑐᖁᑕᐅᓚᐅᕐᐳᑦ ᑍᑲᓃᓐᑐᑦ, ᓄᓁᕐᑕᐅᓪᓗᑎᒡᓗ ᐅᓪᓗᒥᒧᑦ ᑎᑭᓪᓗᒍ, ᑕᕝᕙᓂᓗ ᓄᓇᑖᓚᐅᕐᐳᑦ ᓂᕿᒃᓴᖃᑦᓯᐊᕐᓂᖓ ᐆᒪᔪᓄᑦ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 50:19

ᐃᓴᕆᐊᓕᒥᐅᑦ ᓄᓇᖁᑎᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᓂᕆᓇᓱᒡᕕᒃᓴᖃᕈᓐᓇᕐᓯᔪᒫᕐᐳᑦ ᖃᖅᑲᒥ ᑳᕐᒥᐅᓪᒥ ᐹᓴᓂᒥᓗ, ᐊᑭᐊᑦᑐᕐᓗᑎᒃ ᓂᕆᔪᒤᕈᒫᕐᐳᑦ, ᐃᕗᕅᒥ ᒋᓕᐊᑎᒥᓗ.

ᒤᑲᐅᑉ ᐊᒡᓚᖏᑦ 7:14

ᐃᓄᖁᑎᑎᑦ ᐰᕆᒃᑭᑦ ᐊᔭᐅᑉᐱᐊᕐᓄᑦ, ᓰᐱᖁᑎᑎᑦ ᓇᖕᒥᓂᕆᒋᒐᕕᒋᑦ ᑭᖑᕚᒃᓴᓯ, ᓄᓇᖃᕐᑐᑦ ᑭᓯᒥᐅᓗᑎᒃ ᓇᐹᕐᑐᓕᖕᓂ, ᐱᕈᕐᑐᖃᑦᓯᐊᕐᑐᒥᓗ. ᓂᕆᓕᕐᓕᑦ ᐹᓴᓂᒥ ᒋᓕᐊᑎᒥᓗ ᑍᑦᓱᒪᓂ ᐱᐅᓯᐅᕙᓚᐅᕐᑐᑎᑐᑦ.

ᒨᓯᓯ ᓯᑕᒪᖏᑦ 21:24

ᐃᓴᕆᐊᓕᒥᐅᓪᓕ ᓴᕕᒡᔪᐊᒧᑦ ᓵᓚᒋᕚᑦ, ᓄᓇᖁᑎᖓᓂᒡᓗ ᐊᕐᓵᕐᓗᒋᑦ ᐋᕐᓄᓂᒥᑦ ᔭᐴᒃ ᑎᑭᓪᓗᒍ, ᐊᒧᓁᑎᒥ ᓄᓇᖃᕐᑐᑦ ᑭᒡᓕᖓᓄᑦ ᑕᒪᓐᓇ ᓴᐴᓗᑕᖃᓚᐅᕐᒪᑦ.

ᒨᓯᓯ ᓯᑕᒪᖏᑦ 21:34

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑖᓐᓇ ᐃᕐᓯᒋᓂᐊᕐᓇᒍ ᐃᓕᑦᓯᓐᓄᑦ ᑐᓂᓯᒪᒐᒃᑯ ᓵᓚᐅᖁᓪᓗᒍ, ᐃᓄᖁᑎᖏᓪᓗ ᓄᓇᖁᑎᖏᓪᓗ; ᑖᒃᑯᐊ ᐱᓂᐊᕐᕕᒋᓂᐊᕋᑦᓯᐅᒃ ᑍᒫᑦᓮᓐᓇᖅ ᓮᕼᐆᓂ ᐊᒧᕅᑎᑦ ᐊᖓᔪᖅᑳᕐᔪᐊᖓᑦ ᐱᓂᐊᕐᕕᒋᓚᐅᕋᑦᓯᐅᒃ, ᕼᐃᓴᐸᓂᒥ ᓄᓇᖃᕐᑐᖅ.”

ᒨᓯᓯ ᓯᑕᒪᖏᑦ 21:35

ᑍᒤᒻᒪᑦ ᓵᓚᒋᕚᑦ ᐃᕐᓂᖏᓪᓗ ᐃᓄᖁᑎᖏᓪᓗ, ᑖᒃᑯᓇᖓᓪᓘᓐᓃᑦ ᐊᒥᐊᒃᑯᖃᓚᐅᓐᖏᓚᖅ; ᓄᓇᖁᑎᖓᓂᒡᓗ ᐊᕐᓵᕐᓗᒍ.

ᒨᓯᓯ ᓯᑕᒪᖏᑦ 32:5

ᑍᒤᒻᒪᑦ ᐅᖃᕐᐳᑦ, “ᐃᓕᑦᓯᓐᓄᑦ ᖁᕕᐊᒋᔭᐅᒍᑦᑕ, ᓄᓇ ᑕᒪᓐᓇ ᐱᔨᖕᓄᑦ ᑐᓂᓚᐅᕐᓯᐅᒃ ᐱᑖᕆᓂᐊᕋᑦᑎᒍ. ᔪᐊᕐᑕᓂᐅᓪᓗ ᐊᑭᐊᓅᕈᓐᓃᕐᓗᑕ.”

ᒨᓯᓯ ᑕᓪᓕᒪᖏᑦ 4:38

ᐃᓕᑦᓯ ᐱᑦᔪᑎᒋᓪᓗᓯ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ ᓄᓇᖏᓐᓂᑦ ᐊᓂᑎᓚᐅᕐᐰᑦ, ᓄᓇᒋᔭᖏᓐᓂ ᓄᓇᑖᖔᕈᓐᓇᖁᓪᓗᓯ, ᒫᓐᓇ ᓱᓕ ᓄᓇᒋᔭᑦᓯᓐᓄᑦ.