ᒨᓯᓯ ᓯᑕᒪᖏᑦ 32:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᑍᒤᒻᒪᑦ ᒑᑎᐅᑉ ᑭᖑᕚᖏᑦ, ᕉᐱᓂᐅᓪᓗ ᑭᖑᕚᖏᑦ ᒫᓇᓯᐅᓪᓗ ᔫᓯᐱᐅᑉ ᐃᕐᓂᖓᑕ ᑭᖑᕚᖏᑕ ᐊᕝᕙᖏᑦ, ᒨᓯᓯᐅᑉ ᑐᓂᓯᕕᒋᕔᑦ ᐊᒧᕅᑎᑦ ᐊᖓᔪᖅᑳᕐᔪᐊᕕᓂᖓᑦᑕ ᓮᕼᐆᓂᐅᑉ ᐊᖓᔪᖅᑲᐅᕕᕕᓂᖓᓂᒃ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᕕᓂᖓᑦᑕ ᐋᒡ ᐊᖓᔪᖅᑲᐅᕕᕕᓂᖓᓂᒃ, ᐃᒡᓗᒐᓴᒡᔪᐊᖏᓐᓂᒃ ᓄᓇᐅᑉ ᐃᓱᖏᑕ ᓇᓗᓁᕐᓯᒪᓂᖏᑦ ᑎᑭᓪᓗᒋᑦ, ᐃᒡᓗᒐᓴᒡᔪᐊᓂᒡᓗ ᓄᓇᐅᑉ ᓯᓚᑖᓃᑦᑐᓂᒃ.

ᒨᓯᓯ ᓯᑕᒪᖏᑦ 32:33 Iomraidhean Croise

ᑯᕉᓂᑲ ᓯᕗᓪᓖᑦ 12:31

ᒫᓇᓯᐅᑉ ᑭᖑᕚᖏᑕ ᐊᕝᕙᖏᓐᓂᑦ 18,000ᐅᕗᑦ, ᐊᑎᖏᑎᒍᑦ ᑎᓕᔭᐅᓚᐅᕐᑐᑦ ᑍᕕᑎᒥᒃ ᐊᖓᔪᖅᑳᕐᔪᐊᓐᖑᕐᑎᑦᓯᖁᓪᓗᒋᑦ;

ᑯᕉᓂᑲ ᓯᕗᓪᓖᑦ 26:32

ᖃᑕᓐᖑᑎᖏᓪᓗ 2,700ᐅᕗᑦ ᐊᖑᑏᑦ ᐊᔪᖏᑦᓯᐊᕐᑐᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓂ, ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑳᓐᖑᕐᑎᓚᐅᕐᐰᑦ ᕉᐱᓂᒥᐅᓄᑦ, ᒑᑎᒥᐅᓄᑦ, ᒫᓇᓯᐅᓪᓗ ᑭᖑᕚᖏᑕ ᕿᑎᖅᑲᖏᓐᓄᑦ ᓱᓇᓕᒫᑦ ᒎᑎᒧᐊᖓᔪᓄᑦ ᐊᖓᔪᖅᑳᕐᔪᐊᒧᐊᖓᔪᓄᓪᓗ.

ᑯᕉᓂᑲ ᓯᕗᓪᓖᑦ 5:18

ᕉᐱᓂᐅᑉ ᑭᖑᕚᖏᑦ, ᒑᑎᐅᓪᓗ ᑭᖑᕚᖏᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᐊᔪᖏᑦᑐᕐᔪᐊᖁᑎᖃᓚᐅᕐᐳᑦ, ᐅᓇᑕᕈᓐᓇᑦᓯᐊᕐᑐᓂᒃ, ᓴᐴᓗᑕᓕᔭᕐᑐᓂᒃ, ᓴᕕᒡᔪᐊᓕᔭᕐᑐᓂᒡᓗ, ᐱᑎᒃᓯᒧᓪᓗ ᐊᔪᖏᑦᑐᓂᒃ, ᐅᓇᑕᕐᓂᕐᒥᒃ ᖃᐅᔨᒪᑦᓯᐊᕐᑐᓂᒃ, 44,760ᓂᒃ, ᐊᑐᐃᓐᓇᐅᑦᓯᐊᕐᑐᓂᒃ.

ᒨᓯᓯ ᓯᑕᒪᖏᑦ 32:1

ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᐅᓄᕐᑐᕐᔪᐊᓂᒃ ᐆᒪᔪᖁᑎᖃᓚᐅᕐᐳᑦ; ᓄᓁᑦ ᐊᑎᖃᕐᑐᑦ ᔧᔨᕆᒥᒃ ᒋᓕᐊᑎᒥᒡᓗ ᐆᒪᔪᖁᑎᓄᑦ ᓈᒻᒪᑦᓯᐊᕐᒪᑕ,

ᒨᓯᓯ ᓯᑕᒪᖏᑦ 32:32

ᐃᑳᖃᑕᐅᔪᒪᕗᒍᑦ ᐅᓇᑕᐅᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓵᖓᓂ ᑬᓇᓂᐅᑉ ᓄᓇᖓᓄᑦ, ᑭᓯᐊᓂᓕ ᓄᓇᑖᕆᔪᒪᔭᕗᑦ ᑲᔪᓯᖁᕙᕗᑦ ᔪᐊᕐᑕᓂᐅᑉ ᐊᑭᐊᓃᑦᑐᖅ.”

ᒨᓯᓯ ᓯᑕᒪᖏᑦ 34:14

ᕉᐱᓂᐅᑉ ᑭᖑᕚᖏᑦ ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᒑᑎᐅᑉ ᑭᖑᕙᖏᑦ ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᓄᓇᖁᑎᑖᕆᓂᐊᕐᑕᒥᖕᓂᒃ ᐱᑎᑕᐅᔭᕇᕐᒪᑕ; ᒫᓇᓯᐅᓪᓗ ᑭᖑᕚᖏᑕ ᓇᑉᐸᖏᑦ ᓄᓇᖁᑎᒃᓴᒥᖕᓂᒃ ᐱᑎᑕᐅᔭᕇᕐᒪᑕ.

ᒨᓯᓯ ᓯᑕᒪᖏᑦ 34:15

ᑭᖑᕚᖑᖃᑎᒌᑦ ᒪᕐᕈᐃᑦ ᑭᖑᕚᖑᖃᑎᒌᓪᓗ ᓇᑉᐸᖏᑦ ᓄᓇᖁᑎᒃᓴᖏᓐᓂᒃ ᑐᓂᔭᐅᖕᒪᑕ ᔪᐊᕐᑕᓂᐅᑉ ᐊᑭᐊᓂ ᑕᒫᓂ ᓇᔪᕐᑕᑦᑎᓐᓂ, ᔨᕆᑰᑉ ᐊᑭᐊᓂᑦ ᓯᑭᓂᐅᑉ ᓄᐃᕕᐊᑕ ᓇᓛᓄᑦ.”

ᒨᓯᓯ ᑕᓪᓕᒪᖏᑦ 29:8

ᓄᓇᖏᓪᓗ ᓄᓇᑖᕆᓚᐅᕐᐸᕗᑦ, ᐊᕕᒃᑕᐅᑎᓪᓗᒋᓪᓗ ᑭᖑᕚᕇᓄᑦ ᕉᐱᓂᒃᑯᓐᓄᑦ, ᒑᑎᒃᑯᓐᓄᓪᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᓐᓄᑦ.

ᔮᓱᐊᑉ ᐊᒡᓚᖏᑦ 12:1

ᐅᑯᐊ ᑕᕝᕙ ᑕᒫᓂ ᓄᓇᓕᖕᓂ ᐊᖓᔪᖅᑳᕐᔪᐊᕆᔭᐅᓚᐅᕐᑐᑦ, ᐃᓴᕆᐊᓕᒥᐅᓄᑦ ᓵᓚᐅᓚᐅᕐᑐᑦ, ᓄᓇᖓᓐᓂᒡᓗ ᓄᓇᖃᓕᕐᓗᑎᒃ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᖓᓃᑐᒥᒃ, ᐱᒋᐊᕐᓗᓂ ᐋᕐᓄᓂᐅᑉ ᓇᕐᓴᖓᓂᑦ ᑲᖏᒧᑦ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 12:6

ᑖᒃᑯᐊᒃ ᐊᖓᔪᖅᑳᕐᔪᐊᑦ ᒨᓯᓯᐅᑉ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ; ᒨᓯᓯ ᐊᑕᓂᐅᑉ ᐱᔨᖓ ᓄᓇᑖᕐᑎᑦᓯᓚᐅᕐᐳᖅ ᑕᒪᑐᒥᖓ ᕉᐱᓂᐅᑉ ᑭᖑᕚᖏᓐᓂᒃ, ᒑᑎᐅᓪᓗ ᑭᖑᕚᖏᓐᓂᒃ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓂᒃ, ᓄᓇᒥᒃ ᑕᒪᑐᒥᖓ ᓇᖕᒥᓂᖃᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 14:3

ᒨᓯᓯ ᑐᓂᓯᔭᕇᓚᐅᕐᒪᑦ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᓄᑦ ᒪᕐᕉᐃᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ; ᓕᕔᓪᓕ ᑭᖑᕚᖏᑦ ᑭᖑᕐᖑᑎᔭᒃᓴᖏᓐᓂᒃ ᑐᓂᓯᕕᒋᓚᐅᓐᖏᓔᑦ.

ᔮᓱᐊᑉ ᐊᒡᓚᖏᑦ 22:4

ᒫᓐᓇᓕ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ, ᒥᕐᖑᐃᕐᓯᕐᕕᖕᒥᒃ ᑐᓂᓚᐅᕐᐰᑦ ᐃᓴᕆᐊᓕᒥᐅᖑᖃᑎᓯ; ᑕᒪᓐᓇ ᐊᖏᕈᑎᒋᓯᒪᖕᒪᒍ ᑖᒃᑯᓄᖓ; ᑍᒤᒻᒪᑦ, ᐊᖏᕐᕋᓕᕆᑦᓯ ᓄᓇᒧᑦ ᓇᖕᒥᓂᕐᑖᕆᓚᐅᕐᑕᑦᓯᓐᓄᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖓᓄᑦ ᓄᓇᒧᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 22:7

ᒫᓇᓯᐅᓪᓕ ᑭᖑᕚᖏᑕ ᐊᕝᕙᖏᑦ ᒨᓯᓯᐅᑉ ᓄᓇᑖᕐᑎᓚᐅᕐᐰᑦ ᐹᓴᓂᒥᒃ; ᐊᕝᕙᖏᓪᓗ ᖃᑕᓐᖑᑎᖏᑦ ᔮᓱᐊᑉ ᑐᓂᓚᐅᕐᑕᖏᑦ ᓄᓇᑖᖁᓪᓗᒋᑦ ᔪᐊᕐᑕᓂᐅᑉ ᐊᑭᐊᓂ ᓯᕿᓂᐅᑉ ᓂᐱᕕᐊᓃᑦᑐᒥ. ᔮᓱᐊᓪᓗ ᓮᒻᒪᕐᑎᓪᓗᒋᑦ ᐊᖏᕐᕋᖁᕔᑦ,

ᓴᒧᐃᓕ ᓯᕗᓪᓖᑦ 13:7

ᐊᓯᖏᑦ ᔪᐊᕐᑕᓂᐅᑉ ᑰᖓᒍᑦ ᐃᑳᕐᐳᑦ ᒑᓪᓗ ᒋᓕᐊᑎᓪᓗ ᓄᓇᖓᓄᑦ. ᓴᐅᓕᓕ ᓱᓕ ᒋᐅᓪᒐᐅᓪᒦᑉᐳᖅ, ᐃᓚᒋᔭᖏᓪᓗ ᐃᓄᐃᑦ ᑕᕝᕙᓃᑉᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ.