ᒨᓯᓯ ᓯᑕᒪᖏᑦ 32:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓄᓇ ᓵᓚᖃᐅᑕᐅᓯᒪᓕᕐᐸᑦ ᐊᑕᓂᐅᑉ ᓵᖓᓂ, ᑭᖑᓂᖓᒍᑦ ᐅᑎᕈᓐᓇᓕᕐᓗᓯ ᐊᑕᓂᐅᑉ ᐃᓴᕆᐊᓕᒥᐅᓪᓗ ᓵᖓᓂ ᐸᓯᔭᒃᓴᐅᓂᐊᓐᖏᓚᓯ; ᑕᕝᕙ ᓄᓇ ᓄᓇᖁᑎᑖᕆᔪᓐᓇᕐᓂᐊᕐᐸᓯ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 32:22 Iomraidhean Croise

ᓴᒧᐃᓕ ᐂᑉᐸᖏᑦ 3:28

ᑭᖑᓂᖓᒍᑦ, ᑍᕕᑎ ᑕᒪᑐᒥᖓ ᑐᓴᕋᒥ, ᐅᖃᕐᐳᖅ, “ᐊᑕᓂᖅ ᖃᐅᔨᒪᕗᖅ ᐅᕙᖓᓗ ᐊᐅᓚᑦᓯᔨᒃᑲᓗ ᐸᓯᔭᒃᓴᐅᓐᖏᓐᓇᑦᑕ ᐋᑉᓅᑉ ᓂᕆᐅᑉ ᐃᕐᓂᖓᑕ ᑐᖁᑕᐅᓂᖓᓄᑦ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᒨᓯᓯ ᐱᖓᔪᖏᑦ 14:34

“ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯᒃ, ᑕᒪᓐᓇ ᑐᓂᓂᐊᕋᒃᑯ ᐃᓕᑦᓯᖕᓄᑦ ᐱᖁᑕᐅᓕᖁᓪᓗᒍ ᐃᓕᓯᕗᖓᓗ ᐅᖁᖕᒥᒃ ᐃᒡᓗᒧᑦ ᓯᐊᒻᒪᕐᐸᓪᓕᐊᔪᒃᓴᒥᒃ ᓄᓇᒥ ᑕᕝᕙᓂ.

ᒨᓯᓯ ᓯᑕᒪᖏᑦ 32:21

ᐅᓇᑕᕐᑐᒃᓴᖁᑎᓯᓗ ᔪᐊᕐᑕᓂᒥᒃ ᐃᑳᖃᑕᐅᓗᑎᒃ ᐊᑕᓂᐅᑉ ᓵᖓᓂ ᐊᑭᕋᒥᓂᒃ ᓱᓕ ᐊᐅᓪᓚᕐᑎᑦᓯᓚᐅᕐᑎᓐᓇᒍ ᓵᒥᓂᑦ,

ᒨᓯᓯ ᑕᓪᓕᒪᖏᑦ 3:20

ᐃᓴᕆᐊᓕᒥᐅᖑᖃᑎᓯ ᐃᑲᔪᓚᐅᕐᓯᐅᒃ ᓄᓇᑖᕋᓱᐊᕐᓂᖏᓐᓂ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᔪᐊᕐᑕᓂᐅᑉ ᑰᖓᑕ ᓴᐅᒥᐊᓃᑦᑐᒥᒃ ᓄᓇᑖᑦᓯᐊᓚᐅᖏᓐᓂᓕᒫᖏᓐᓂ ᐊᒻᒪᓗ ᑕᒫᓂ ᐅᓇᑕᕆᐊᖃᕈᓐᓁᓚᐅᖏᓐᓂᖏᓐᓂ, ᐃᓕᑦᓯᓐᓄᑦ ᑍᒫᒃ ᐱᓇᓱᐊᕇᓚᐅᕐᒪᑦ ᑕᒪᑐᒥᖓ ᓄᓇᒥᒃ ᓇᔪᓕᕐᑕᑦᓯᓐᓂᒃ. ᑕᒪᑐᒪᓕ ᑭᖑᓂᖓᒍᑦ ᑕᒪᓐᓇ ᐊᓂᒍᕐᐸᑦ ᑕᒪᐅᖓ ᐃᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᓐᓄᑦ ᐅᑎᕈᓐᓇᕐᓯᓛᕆᕗᓯ.’

ᔮᓱᐊᑉ ᐊᒡᓚᖏᑦ 1:15

ᓄᓇᖃᓕᕐᐸᑕ ᑭᓯᐊᓂ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᑕ ᓇᓛᓂ ᒎᑎᐅᑉ ᑐᓂᓚᐅᕐᑕᖓᓂᒃ ᑖᒃᑯᓄᖓ ᐃᓕᑦᓯᓐᓄᓪᓗ; ᓄᓇᑖᕈᒫᕆᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᑖᒃᑯᓄᖓ, ᑕᕝᕙ ᐅᑎᕈᒫᕐᐳᓯ ᓄᓇᖁᑎᑦᓯᓐᓄᑦ ᓄᓇᑖᕆᓗᒍᓗ ᓄᓇ ᑕᒪᓐᓇ ᒨᓯᓯᐅᑉ ᐊᑕᓂᐅᑉ ᐱᔨᖓᑕ ᑐᓂᓚᐅᕐᑕᖓ ᔪᐊᕐᑕᓂᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ.”

ᔮᓱᐊᑉ ᐊᒡᓚᖏᑦ 10:30

ᐊᑕᓂᐅᑉ ᐃᓴᕆᐊᓕᒥᐅᑦ ᓵᓚᖃᕐᑎᓚᐅᕐᐰᑦ ᐃᒡᓗᒐᓴᖕᓂᒃ ᑖᒃᑯᓂᖓ ᐊᖓᔪᖅᑳᕐᔪᐊᖏᓐᓂᒡᓗ; ᔮᓱᐊᓗ ᐊᑕᐅᓯᕐᒥᒡᓘᓐᓃᑦ ᐃᓅᓕᒃᓯᓚᐅᓐᖏᓚᖅ, ᑐᖁᑍᓐᓇᕆᓚᐅᕐᐰᑦ; ᐊᖓᔪᖅᑳᕐᔪᐊᖓᓪᓗ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.

ᔮᓱᐊᑉ ᐊᒡᓚᖏᑦ 11:23

ᑕᕝᕙ ᔮᓱᐊᑉ ᓄᓇᓕᒫᖅ ᓄᓇᑖᕆᓚᐅᕐᐹ, ᑍᒫᒃ ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ; ᔮᓱᐊᓪᓗ ᐃᓴᕆᐊᓕᒥᐅᓄᑦ ᓇᖕᒥᓂᕐᑖᕆᔭᐅᑎᓚᐅᕐᐹ, ᐊᕕᒃᑐᕐᑕᐅᑎᓪᓗᒍᓗ ᑭᖑᕙᕇᓄᑦ. ᑭᖑᓂᖓᒍᓪᓗ ᐅᓇᑕᕈᓐᓃᑍᓐᓇᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 13:8

ᕉᐱᓂᐅᑉ ᑭᖑᕚᖏᑦ ᒑᑎᐅᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓄᓇᑖᕇᓚᐅᕐᓯᒪᖕᒪᑕ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᒪᒋᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓂ ᓄᓇᑖᕐᓯᒪᖕᒪᑕ.

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.

ᔮᓱᐊᑉ ᐊᒡᓚᖏᑦ 2:19

ᓇᓪᓕᐊᓐᓂᒡᓕ ᐊᓂᔪᖃᑐᐊᕐᐸᑦ ᐃᒡᓗᒥᑦ, ᑖᓐᓇ ᐃᒻᒥᓂᒃ ᑐᖁᒧᑦ ᐱᑎᓐᓂᐊᕐᐳᖅ, ᐅᕙᒍᒡᓗ ᐸᓯᔭᒃᓴᐅᔪᒫᓐᖏᓚᒍᒃ ᑖᑦᓱᒧᖓ; ᑭᓯᐊᓂᓕ ᐃᒡᓗᖕᓂ ᐃᑎᕐᓯᒪᔪᒥᒃ ᑐᖁᑕᐅᔪᖃᕐᐸᑦ ᑕᕝᕙ ᐅᕙᒍᒃ ᐸᓯᔭᒃᓴᐅᔪᒫᕐᐳᒍᒃ.

ᔮᓱᐊᑉ ᐊᒡᓚᖏᑦ 22:4

ᒫᓐᓇᓕ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ, ᒥᕐᖑᐃᕐᓯᕐᕕᖕᒥᒃ ᑐᓂᓚᐅᕐᐰᑦ ᐃᓴᕆᐊᓕᒥᐅᖑᖃᑎᓯ; ᑕᒪᓐᓇ ᐊᖏᕈᑎᒋᓯᒪᖕᒪᒍ ᑖᒃᑯᓄᖓ; ᑍᒤᒻᒪᑦ, ᐊᖏᕐᕋᓕᕆᑦᓯ ᓄᓇᒧᑦ ᓇᖕᒥᓂᕐᑖᕆᓚᐅᕐᑕᑦᓯᓐᓄᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖓᓄᑦ ᓄᓇᒧᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 22:9

ᑍᒤᒻᒪᑦ ᕉᐱᓂᐅᑉ, ᒑᑦᓗ ᑭᖑᕚᖏᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᐅᑎᕐᐳᑦ ᐊᖏᕐᕋᒥᖕᓄᑦ, ᐃᓴᕆᐊᓕᒥᐅᖑᖃᑎᑎᒃ ᕿᒪᒡᓗᒋᑦ ᓮᓗᐊᒧᑦ, ᑖᒃᑯᐊ ᑬᓇᓂᐅᑉ ᓄᓇᖓᓃᑦᑐᑦ, ᐊᐅᓪᓚᕐᐳᑦ ᓄᓇᒧᑦ ᒋᓕᐊᑎᒧᑦ, ᓇᖕᒥᓂᖅ ᓄᓇᖁᑎᑖᕆᓚᐅᕐᑕᒥᖕᓄᑦ ᐊᑕᓂᐅᑉ ᒨᓯᓯᒃᑯᑦ ᑎᓕᓯᓂᕆᓯᒪᔭᖓ ᒪᓕᒡᓗᒍ.