11 ᐱᖁᑎᓕᒫᖏᑦ ᑎᒍᓚᐅᕐᐰᑦ, ᐃᓄᖏᓪᓗ ᐆᒪᔪᖁᑎᖏᓪᓗ.
ᐊᔪᕐᓴᖏᑦᔪᑎᓕᒫᖏᓐᓂᒃ ᐱᕗᑦ, ᕿᑐᕐᖓᖏᑦ ᓄᓕᐊᖏᓪᓗ ᑎᒍᕔᑦ, ᐃᒡᓗᒥᐅᑕᓕᒫᖏᓪᓗ ᐱᑖᕆᓪᓗᒋᑦ.
ᐃᒡᓗᒐᓴᒡᔪᐊᖁᑎᖏᑦ ᐃᑯᒪᒧᑦ ᐃᑯᐊᓪᓚᒃᑎᓪᓗᒋᑦ ᐊᖏᕐᕋᕆᔭᖏᑦ, ᐃᒡᓗᒐᓴᒡᔪᐊᖏᑕᓗ ᓴᐳᓗᑕᖏᑦ.
ᑎᒍᔭᑎᒃ ᐃᓄᐃᑦ, ᐆᒪᔪᓪᓗ, ᐱᖁᑎᖏᓪᓗ ᒨᓯᓯᒧᑦ ᐂᑦᔪᑎᓚᐅᕐᐰᑦ, ᑐᓂᕐᕈᓯᕐᑎᑦᓯᔨᒧᓪᓗ ᐃᓕᓯᕆᒧᑦ, ᐃᓴᕆᐊᓕᒥᐅᓄᓪᓗ ᑲᑎᒪᔪᕐᔪᐊᓄᑦ, ᓇᑎᕐᓇᒥ ᒧᐊᐱᒥ ᑕᖕᒫᕐᓯᒪᔪᓄᑦ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ.
ᐊᕐᓁᓪᓕ ᕿᑐᕐᖓᖏᓪᓗ, ᐆᒪᔪᖁᑎᖏᓪᓗ ᓱᓇᑐᐃᓐᓇᓕᒫᖏᓪᓗ ᑕᕝᕙᓂ ᐃᒡᓗᒐᓴᒡᔪᐊᓃᑦᑐᑦ ᐱᑖᕆᔭᒃᓴᕆᕙᓯ. ᐊᑭᕋᑦᓯ ᐱᖁᑎᓕᒫᑦᓯᐊᖏᑦ ᐊᑕᖏᕐᓗᒋᑦ ᐱᑖᕆᔪᓐᓇᕐᐸᓯ. ᐊᑕᓂᐅᑉ ᒎᑎᑦᓯ ᑐᓂᓯᒪᖕᒪᒋᑦ ᐃᓕᑦᓯᓐᓄᑦ.
ᐃᓴᕆᐊᓕᒥᐅᓪᓗ ᑎᒍᓯᓚᐅᕐᐳᑦ ᐃᒡᓗᒐᓴᖕᒥᐅᑦ ᐆᒪᔪᖁᑎᖏᓐᓂᒃ ᐱᖁᑎᖏᓐᓂᒡᓗ ᐱᑖᕆᓚᐅᕐᐰᑦ ᓵᓚᖃᐅᓯᐊᕆᓪᓗᒋᑦ; ᐃᓄᓕᒫᖏᓪᓕ ᑐᖁᓚᐅᕐᐰᑦ, ᐊᑕᖏᑦᓯᐊᕐᓗᒋᑦ ᐊᒥᐊᒃᑯᖃᕈᓐᓃᓚᐅᕐᐳᑦ.
ᓯᐅᓪᕕᕆᓕᒫᑦ ᒎᓗᐃᓪᓗ, ᑲᓐᓄᔧᓪᓗ ᓴᕕᕋᔧᓪᓘᓐᓃᑦ, ᓴᓂᕐᕙᒃᑕᐅᔪᒃᓴᐅᕗᑦ ᐊᑕᓂᕐᒧᑦ; ᐃᓕᔭᐅᔪᒃᓴᐅᕗᓪᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᑦ.”
ᐱᓂᐊᕐᓂᖃᕐᑐᒃᓴᐅᕗᓯ ᐂᑉ ᐊᖓᔪᖅᑳᕐᔪᐊᖓᓄᑦ ᑍᒫᑦᓮᓐᓇᖅ ᔨᕆᑰᑉ ᐊᖓᔪᖅᑳᕐᔪᐊᖓᓂᒃ ᐱᓂᐊᕐᕕᖃᓚᐅᕐᓂᑦᓯᑐᑦ; ᑭᓯᐊᓂᓕ ᑕᒪᑐᒪᓂ ᐱᖁᑎᖏᑦ ᐱᔪᓐᓇᕐᓂᐊᕐᐸᓯ ᐆᒪᔪᖁᑎᖏᓪᓗ ᓇᖕᒥᓂᕐᑖᕆᓗᒋᑦ; ᐅᓇᑕᕆᐊᓕᕐᓯᐅᒃ ᐃᒡᓗᒐᓮᑦ ᐅᐸᓗᐃᓗᒋᑦ ᑐᓄᐊᓂᑦ.”
