ᒨᓯᓯ ᓯᑕᒪᖏᑦ 30:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᖏᖃᑎᒌᒍᑎᒋᓯᒪᔭᓕᒫᖏᑦ, ᐊᓯᑦᔨᕆᐊᖃᕐᓇᒋᓪᓗ ᐊᖏᕈᑎᕕᓂᖏᑦ ᐃᒻᒥᓄᑦ, ᐅᐃᖓᑕ ᑲᔪᓯᑎᑦᓱᓐᓇᕐᐰᑦ, ᐅᕝᕙᓘᓐᓃᑦ ᐊᑐᕈᓐᓁᕐᑎᑦᓱᓐᓇᕐᐰᑦ.

ᒨᓯᓯ ᓯᑕᒪᖏᑦ 30:13 Iomraidhean Croise

ᐄᓱᕋᐅᑉ ᐊᒡᓚᖏᑦ 8:21

ᑰᖕᒥ ᓴᓇᔭᐅᓯᒪᔪᒥ ᐊᕼᐋᕙᒥ ᐱᖁᔨᓚᐅᕐᐳᖓ ᓂᕆᑦᑍᓕᖁᓪᓗᑕ ᒥᑭᓕᑎᕐᓗᑕᓗ ᓇᖕᒥᓂᑦᑎᓐᓂᒃ ᒎᑎᑦᑕ ᓵᖓᓂ, ᑕᓯᐅᕐᑕᐅᔪᒪᓪᓗᑕ ᐃᖏᕐᕋᓂᑦᑎᓐᓂ ᓴᐳᑎᔭᐅᓯᒪᖁᓪᓗᑕᓗ ᕿᑐᕐᖓᕗᑦ ᐱᖁᑎᕗᓪᓗ ᑖᑦᓱᒧᖓ.

ᐃᓐᖏᕈᑎᑦ 35:13

ᐅᕙᖓᓕ ᖃᓂᒪᓕᕌᖓᑕ ᐊᓐᓄᕌᒥᒃ ᓂᕈᒥᖏᑦᑐᒥᒃ ᐊᑎᕙᒃᐳᖓ, ᒥᑭᓕᑎᕐᓗᖓᓗ ᓂᕆᑦᑍᓕᓪᓗᖓ; ᑐᒃᓯᐊᕐᓂᕋᓕ ᐅᑎᓚᐅᕐᐳᖅ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 23:27

“ᐅᓪᓗᐃᑦ ᖁᓕᖓᓂ ᑕᕝᕙᓂ ᑕᖅᑮᑦ 7ᖓᓐᓂ ᐊᕐᕌᒍᑕᒫᕐᓯᐅᑦ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᕗᖅ, ᑲᑎᒪᓗᓯ ᑐᒃᓯᐊᖃᑎᒌᒋᑦᓯ ᓂᕆᑦᑍᓕᓗᓯᓗ, ᐊᑕᓂᕐᒧᓪᓗ ᑐᓂᕐᕈᓯᕐᓗᓯ ᐃᑯᐊᓚᑦᓯᓂᒃᑯᑦ.

ᒨᓯᓯ ᐱᖓᔪᖏᑦ 23:32

ᐅᓪᓗᖅ ᑖᓐᓇ ᓴᐸᑎᐅᖕᒪᑦ ᑕᕾᕐᓯᕕᒃ ᐃᓕᑦᓯ ᐱᓪᓗᓯ. ᑕᕝᕙᓂ ᓂᕆᔭᕆᐊᖃᓐᖏᓚᓯ. ᐅᓪᓗᐃᑦ 9ᖓᓂᑦ ᐅᓐᓄᒃᑐᒥᑦ ᐱᒋᐊᕐᓗᒍ ᑖᓐᓇ ᐅᓪᓗᖅ ᐅᓐᓄᖓᓄᑦ ᐃᓱᖃᕐᓗᒍ, ᓴᐸᑎ ᑖᓐᓇ ᑲᒪᒋᓯᐊᕐᑕᒃᓴᕆᕙᓯ.”

ᒨᓯᓯ ᓯᑕᒪᖏᑦ 29:7

“ᐅᓪᓗᐃᑦ 10ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ.

ᒨᓯᓯ ᓯᑕᒪᖏᑦ 30:12

ᐅᐃᖓᑕᓕ ᐊᖏᖃᑎᒌᖕᓂᖓ ᑐᓴᕐᓗᓂᐅᒃ ᐅᓪᓗᒥ ᑕᕝᕙᓂ ᑐᓴᕐᕕᖕᒥᓂ ᑲᔪᓯᖁᖏᒻᒪᕆᒃᐸᒍ, ᑕᕝᕙ ᐅᖃᐅᓯᕆᓯᒪᔭᓕᒫᖏᑦ ᓯᖁᒥᓐᓂᐊᕐᐰᑦ, ᐊᓯᑦᔨᕆᐊᖃᕐᓇᒋᑦ ᐅᖃᐅᓯᕆᓯᒪᔭᕋᓗᐊᖏᑦ, ᑲᔪᓯᓂᐊᓐᖏᓚᑦ; ᐅᐃᖓᑕ ᐊᑐᕈᓐᓁᕐᑎᒻᒪᒋᑦ, ᑕᕝᕙ ᐊᑕᓂᐅᑉ ᒪᓕᒋᐊᖃᕈᓐᓁᕐᑎᓐᓂᐊᕐᐹ.

ᒨᓯᓯ ᓯᑕᒪᖏᑦ 30:14

ᐅᐃᖓᓕ ᑕᒪᒃᑯᓂᖓ ᓂᓪᓕᕈᑎᖃᖏᑉᐸᑦ ᖃᐅᕙᒃᑲᓗᐊᕐᑎᓪᓗᒍ, ᑕᕝᕙ ᐊᖏᖃᑎᒌᒍᑎᖏᓐᓂᒃ ᐊᓯᑦᔨᕆᐊᖃᓐᖏᑕᒥᓂᒃ ᑲᔪᓯᑎᑦᓯᓂᐊᕐᐳᖅ; ᐊᖏᖃᑎᒋᕔᑦ ᓂᓪᓕᕈᑎᒋᓚᐅᖏᒻᒪᒋᑦ ᐅᓪᓗᒥᑦ ᓯᕗᓪᓕᕐᐹᒥᑦ ᑐᓴᕋᓗᐊᕋᒥᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:3

ᖃᐅᔨᒪᖁᕙᑦᓯᓕ ᙭ᔅᑑᓯ ᐊᖑᑎᓕᒫᓄᑦ ᓂᐊᖁᕆᔭᐅᖕᒪᑦ, ᐊᖑᓪᓗ ᐊᕐᓇᒧᑦ ᓂᐊᖁᕆᔭᐅᓪᓗᓂ, ᙭ᔅᑑᓯᐅᓪᓗ ᒎᑎ ᓂᐊᖁᕆᕚ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:9

ᐊᖑᑦᑕᐅᖅ ᐱᓐᖑᕐᑎᑕᐅᓯᒪᓐᖏᓚᖅ ᐊᕐᓇᒧᑦ, ᐊᕐᓇᕐᓕ ᐱᓐᖑᕐᑎᑕᐅᓯᒪᕗᖅ ᐊᖑᒻᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:5

ᑍᒤᒻᒪᑦ ᓄᓕᐊᕇᖑᔪᓯ ᐃᓕᑦᓯᓐᓄᑦ ᐱᑦᑍᓕᖃᑦᑕᐅᑎᓂᐊᕋᓯ ᑭᓯᐊᓂ ᐊᖏᖃᑎᒌᒃᑯᑦᓯ ᑍᒤᓕᐅᕈᒪᖏᓪᓗᓯ ᓯᕕᑭᑦᑐᒥᒃ, ᑐᒃᓯᐊᕐᓂᕐᒥᒃ ᐱᕕᒃᓴᖃᖔᕈᒪᓂᕐᒧᑦ; ᑭᖑᓂᖓᒍᓪᓕ ᐅᑎᖃᑦᑕᐅᑎᑦᓯᐊᕐᑐᒃᓴᐅᒋᕗᓯ, ᓵᑖᓇᓯᐅᑉ ᐆᒃᑐᕐᓗᐃᓂᖓᓂᑦ ᐃᓕᑦᓯᓐᓂᒃ ᓴᐳᑎᓯᒪᓂᐊᕋᑦᓯ ᐃᒃᓯᒎᕐᑍᓕᔪᓐᓇᖏᓐᓇᑦᓯ.