ᒨᓯᓯ ᓯᑕᒪᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᒨᓯᓯᐅᑉ ᓈᓴᓚᐅᕐᐰᑦ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ, ᑍᒫᒃ ᐱᖁᔭᐅᓚᐅᕋᒥ.

ᒨᓯᓯ ᓯᑕᒪᖏᑦ 3:16 Iomraidhean Croise

ᒨᓯᓯ ᓯᕗᓪᓖᑦ 45:21

ᑕᕝᕙ ᐃᓴᕆᐊᓕᐅᑉ ᐃᕐᓂᖏᑦ ᑍᒤᓕᐅᓚᐅᕐᐳᑦ; ᔫᓯᐱᐅᓪᓗ ᑐᓂᓯᕕᒋᕔᑦ ᑲᓕᒐᕐᓂᒃ ᐊᒃᓴᓗᐊᓕᖕᓂᒃ, ᐰᕉᑉ ᐱᖁᔨᓯᒪᓂᖓ ᒪᓕᒡᓗᒍ, ᐃᖏᕐᕋᑎᓪᓗᒋᓪᓗ ᑕᖁᐊᒃᓴᖏᓐᓂᒃ ᑐᓂᓯᕕᒋᕔᑦ.

ᒨᓯᓯ ᓯᑕᒪᖏᑦ 3:15

“ᓕᕔᑎᑦ ᕿᑐᕐᖓᖏᑦ ᓈᓴᒃᑭᑦ ᐃᓚᒌᑦ ᒪᓕᒡᓗᒋᑦ ᓯᕗᓕᕕᓂᖏᑕ ᐃᓚᒌᖕᓂᒋᑦ ᒪᓕᒡᓗᒋᑦ, ᐊᖑᑎᓕᒫᑦ ᓈᓴᕐᓗᒋᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒋᑦ ᐊᖓᔪᒃᓰᓪᓗ.”

ᒨᓯᓯ ᓯᑕᒪᖏᑦ 3:17

ᐅᑯᐊ ᑕᕝᕙ ᓕᕔᑎᑦ ᐃᕐᓂᕆᓚᐅᕐᑕᖏᑕ ᐊᑎᖏᑦ, ᒌᕐᓲᓂ, ᑯᕼᐋᑦ, ᒥᕋᕆᓗ.

ᒨᓯᓯ ᓯᑕᒪᖏᑦ 3:39

ᓕᕔᑎᓪᓕ ᑭᖑᕚᖏᓐᓂ ᒨᓯᓯᐅᑉ ᐂᕉᓂᐅᓪᓗ ᓈᓴᕐᑕᖏᑦ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, ᐃᓚᒌᑦ ᐊᕕᒃᑐᕐᓯᒪᓂᖏᑎᒍᑦ ᐊᖑᑎᑦ ᐅᓄᕐᓂᖏᑦ ᒪᓕᒡᓗᒋᑦ, ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒍ ᐊᖓᔪᒃᓰᓪᓗ, 22,000ᓂᒃ ᐅᓄᕐᓂᖃᓚᐅᕐᐳᑦ.

ᒨᓯᓯ ᓯᑕᒪᖏᑦ 3:51

ᒨᓯᓯᐅᓪᓗ ᓂᐅᕕᐅᑕᐅᔪᑦ ᑮᓇᐅᔧᑦ ᑐᓂᕔᑦ ᐂᕉᓂᒧᑦ ᐃᕐᓂᖏᓐᓄᓪᓗ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᓯᑕᒪᖏᑦ 4:27

ᐂᕉᓂ ᐃᕐᓂᖏᓪᓗ ᐱᔭᒃᓴᖏᓐᓂᒃ ᑎᓕᓯᔭᕆᐊᖃᕐᐳᑦ ᒌᕐᓲᓂᐅᑉ ᑭᖑᕚᖏᑕ ᐃᕐᓂᖏᑕ ᐱᔭᒃᓴᖏᓐᓂᒃ, ᐱᓇᓱᐊᕆᐊᖃᕐᑕᖏᓐᓂᒃ ᐱᔨᑦᓯᕈᑎᒋᔭᕆᐊᖃᕐᑕᖏᓐᓂᒡᓗ; ᐃᕝᕕᓪᓗ ᑎᓕᔭᕆᐊᖃᕐᐸᑎᑦ ᐱᓕᕆᐊᕆᔭᕆᐊᖃᕐᑕᓕᒫᖏᓐᓂᒃ.

ᒨᓯᓯ ᓯᑕᒪᖏᑦ 4:37

ᑖᒃᑯᐊ ᑕᕝᕙ ᓈᓴᕐᑕᐅᓚᐅᕐᑐᑦ ᑯᕼᐊᑍᑎᐅᑉ ᑭᖑᕚᖏᑦ ᐱᓇᓱᐊᕈᓐᓇᕐᑐᑦ ᑐᐱᕐᔪᐊᒥ ᑲᑎᒪᕕᖕᒥ, ᒨᓯᓯᐅ ᐂᕉᓂᐅᓪᓗ ᓈᓴᓚᐅᕐᑕᖏᑦ ᐊᑕᓂᐅᑉ ᐱᖁᔨᓂᖓ ᒨᓯᓯᒥᒃ ᒪᓕᒡᓗᒍ.

ᒨᓯᓯ ᓯᑕᒪᖏᑦ 4:41

ᑖᒃᑯᐊ ᑕᕝᕙ ᐃᓚᒌᑦ ᒌᕐᓲᓂᐅᑉ ᐃᕐᓂᖏᑕ ᑭᖑᕚᖏᑦ, ᐱᔨᑦᓯᕈᓐᓇᕐᑐᑦ ᑐᐱᕐᔪᐊᒥ ᑲᑎᒪᕝᕕᖕᒥ, ᒨᓯᓯᐅᑉ ᐂᕉᓂᐅᓪᓗ ᓈᓴᓚᐅᕐᑕᖏᑦ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ.

ᒨᓯᓯ ᓯᑕᒪᖏᑦ 4:45

ᑕᒃᑯᐊ ᑕᕝᕙ ᓈᓴᕐᑕᐅᓚᐅᕐᑐᑦ ᐃᓚᒌᑦ ᒥᕋᕆᐅᑉ ᑭᖑᕚᖏᓐᓂ, ᒨᓯᓯᐅᑉ ᐂᕉᓂᐅᓪᓗ ᓈᓴᓚᐅᕐᑕᖏᑦ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ ᒨᓯᓯᒃᑯᑦ.

ᒨᓯᓯ ᓯᑕᒪᖏᑦ 4:49

ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᓈᓴᕐᑕᐅᓚᐅᕐᐳᑦ ᒨᓯᓯᒃᑯᑦ, ᐱᔨᑦᓯᕈᓐᓇᕐᓂᖏᑦ ᐱᔭᒃᓴᖏᓪᓗ ᐊᑐᓂᑦ ᒪᓕᒡᓗᒋᑦ; ᑍᒫᒃ ᓈᓴᕐᑕᐅᓚᐅᕐᐳᑦ, ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.