ᒨᓯᓯ ᓯᑕᒪᖏᑦ 28:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᒪᓐᓇ ᑐᓂᕐᕈᓯᕐᓂᖅ ᑍᒪᓐᖓᑦ ᐊᑐᕐᑕᐅᓂᐊᕐᐳᖅ ᐱᒋᐊᕐᑎᑕᐅᓚᐅᕐᑐᖅ ᖃᖅᑲᒥ ᓮᓁᒥ ᑎᐱᑦᓯᐊᕆᒃᑑᓗᓂ ᑐᓂᕐᕈᑕᐅᔪᖅ ᐃᑯᐊᓚᑎᓪᓗᒍ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 28:6 Iomraidhean Croise

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 31:3

ᐊᖓᔪᖅᑳᕐᔪᐊᕐᓗ ᑐᓂᓯᕗᖅ ᐱᖁᑎᒥᑕ ᐃᓚᖏᓐᓂᒃ ᐃᑯᐊᓪᓚᒋᐊᓕᖕᓄᑦ ᑐᓂᕐᕈᑎᒃᓴᐅᖁᓪᓗᒋᑦ: ᐅᓪᓛᒧᑦ ᐅᓐᓄᖕᒧᓪᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ, ᑐᓂᕐᕈᑎᒃᓮᓪᓗ ᐃᑯᐊᓚᑎᑕᒃᓮᑦ ᓴᐸᑎᒧᑦ, ᑕᖅᑭᓂᕋᑖᕐᑐᒧᓪᓗ, ᓇᓪᓕᐅᓐᓂᕐᓯᐅᕐᓂᕐᓄᓪᓗ ᓇᓗᓁᕐᑕᐅᓯᒪᔪᓄᑦ, ᑎᑎᕋᕐᑕᐅᓯᒪᔪᑦ ᐊᑕᓂᐅᑉ ᐱᖁᔭᖏᓐᓂ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 3:4

ᓇᓪᓕᐅᓐᓂᕐᓯᐅᓚᐅᕆᕗᑦ ᑐᐲᓐᓇᕐᒥ ᐃᓂᖃᖃᑕᕐᓂᕕᓂᕐᒥᒃ ᑕᐸᓈᑯᒥᒃ, ᐊᒡᓚᖕᓂ ᐊᒡᓚᐅᑕᐅᓯᒪᓂᖓ ᒪᓕᒃᓗᒍ; ᖃᐅᑕᒫᓪᓗ ᑐᓂᕐᕈᓯᖃᑦᑕᓚᐅᕐᐳᑦ ᐅᓪᓗᒧᑦ ᑐᓂᕐᕈᓯᕆᐊᓕᖕᒥᖕᓂᒃ ᒪᓕᒃᓗᑎᒃ.

ᐃᓐᖏᕈᑎᑦ 50:8

ᓱᐊᖕᓂᐊᓐᖏᓚᒋᑦ ᐆᒪᔪᑦ ᑐᓂᕐᕈᑏᑦ ᐱᓪᓗᒋᑦ ᑐᓂᕐᕈᑎᓪᓘᓐᓃᑦ ᐆᑕᒃᓮᑦ ᐱᑦᔪᑎᒋᓗᒋᑦ, ᑕᒪᒃᑯᐊ ᐅᕙᓐᓅᕐᑕᐅᑦᓮᓐᓇᕐᒪᑕ.

ᒨᓯᓯ ᐂᑉᐸᖏᑦ 24:18

ᒨᓯᓯᓗ ᓄᕗᔭᒧᑦ ᐃᑎᕐᐳᖅ, ᖃᖅᑲᐅᑉ ᖄᖓᓃᑦᑐᒧᑦ. ᑕᕝᕙᓃᑉᐳᕐᓗ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ.

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:14

ᐅᓪᓛᑕᒫᓪᓗ ᓂᐊᖂᔭᒃᓴᒥᒃ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ ᑐᓂᕐᕈᓯᕐᓃᑦ ᐃᓚᒃᓴᖏᓐᓂᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐊᖏᑎᒋᔪᒥᒃ ᐃᓚᓕᐅᑎᔪᒃᓴᒥᒃ ᓂᐊᖂᔭᒃᓴᒧᑦ ᑐᓂᕐᕈᓯᕈᑕᐅᓗᑎᒃ ᐊᑕᓂᕐᒧᑦ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ; ᑕᒪᑦᔭ ᑐᓂᕐᕈᓯᕐᓂᕐᒧᑦ ᐃᑯᐊᓚᑎᑕᒃᓴᒧᑦ ᒪᓕᒐᒃᓮᑦ ᐊᑐᕐᑕᐅᔪᒃᓴᐅᔪᑦ ᑍᒪᓐᖓᓕᒫᖅ.

ᐃᓯᑭᐊᓕᐅᑉ ᐊᒡᓚᖏᑦ 46:15

ᑍᒫᒃ ᓄᕐᕋᐅᔧᑦ, ᓂᐊᖂᔭᒃᓮᓪᓗ, ᐸᐅᕐᖎᓪᓗ ᐅᕐᓱᖏᑦ ᐊᑕᓂᕐᒧᑦ ᐊᑐᐃᓐᓇᕈᕐᑕᐅᖃᑦᑕᕐᑐᒃᓴᐅᕗᑦ, ᐅᓪᓛᑕᒫᑦᓯᐊᖅ, ᐃᑯᐊᓚᑎᑕᐅᓗᑎᒃ ᑐᓂᕐᕈᑎᒃᓴᐅᖁᓪᓗᒋᑦ.”

ᒨᓯᓯ ᐱᖓᔪᖏᑦ 27:34

ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᑕᖏᑦ ᖃᖅᑲᒥ ᓮᓁᒥ ᐃᓴᕆᐊᓕᓄᑦ ᐃᓕᖓᖁᓪᓗᒋᑦ.

ᒨᓯᓯ ᐱᖓᔪᖏᑦ 6:9

“ᐂᕉᓂ ᐃᕐᓂᖏᓪᓗ ᐃᒫᒃ ᐱᖁᒃᑭᑦ: ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ: ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᓂᕐᕈᓯᕐᕕᐅᑉ ᖄᖓᓃᑦᓴᕆᐊᖃᕐᐳᑦ ᐅᓐᓄᐊᖅ ᓈᓗᒍ ᐅᓪᓛᖅ ᑎᑭᓪᓗᒍ, ᑐᓂᕐᕈᓯᕐᕕᒡᓕ ᐃᑯᒪᕾᓐᓇᕆᐊᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 5:25

“ᐃᓴᕆᐊᓕᒥᐅᖑᔪᓯ ᑭᖑᕚᖑᖃᑎᒌᑦ ᐅᕙᓐᓄᑦ ᑐᓂᕐᕈᓯᓚᐅᕐᐱᓰ ᐆᑕᒃᓴᓂᒃ ᑐᓂᕐᕈᑎᓂᒡᓗ, ᐃᓄᖃᔪᐃᑦᑐᒦᑎᓪᓗᓯ ᐊᕐᕌᒍᓂᒃ 40ᓂᒃ?

ᒨᓯᓯ ᓯᑕᒪᖏᑦ 28:5

ᓂᐊᖂᔭᒃᓴᒥᒡᓗ ᓯᖃᓪᓕᑦᓯᐊᕐᓯᒪᔪᒥᒃ ᐆᒃᑑᑦ 1/10 ᐃᕝᕙᒥᒃ ᓂᐊᖂᔭᒃᓴᖅ ᑐᓂᕐᕈᑎᒃᓴᖅ, ᐃᓚᖃᕐᓗᓂ ᐅᕐᓱᒥᒃ ᐆᒃᑑᑦ 1/4 ᕼᐃᓐᒥᒃ.

ᒨᓯᓯ ᓯᑕᒪᖏᑦ 28:7

ᑐᓂᕐᕈᑎᓗ ᐃᒥᒐᒃᓴᖅ ᐆᒃᑑᑦ 1/4 ᕼᐃᓐᒥᒃ ᐊᖏᓂᖃᕐᓗᓂ ᐊᑐᓂᑦ ᓰᐱᒧᑦ ᑐᓂᕐᕈᑕᐅᔪᒧᑦ; ᑐᓂᕐᕈᓯᕐᕕᖕᒥ ᐃᑦᔪᕐᓁᑦᑐᒥ ᑯᕕᔭᐅᔪᒃᓴᐅᕗᖅ ᐊᑕᓂᕐᒧᑦ ᑐᓂᕐᕈᑎᒃᓴᐅᖁᓪᓗᒍ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.