ᒨᓯᓯ ᓯᑕᒪᖏᑦ 28:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ “ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.

ᒨᓯᓯ ᓯᑕᒪᖏᑦ 28:3 Iomraidhean Croise

ᑯᕉᓂᑲ ᓯᕗᓪᓖᑦ 16:40

ᑐᓂᕐᕈᓯᖃᑦᑍᓐᓇᖁᓪᓗᒋᑦ ᐆᑕᒃᓴᓂᒃ ᐊᑕᓂᕐᒧᑦ ᑐᓂᕐᕈᓯᕐᕕᖕᒥ ᐅᓪᓛᒃᑯᑦ ᐅᓐᓄᒃᑯᓪᓗ, ᐊᑕᓂᐅᑉ ᐱᖁᔭᖏᑦ ᑎᑎᕋᕐᓯᒪᔪᑦ ᒪᓕᒡᓗᒋᑦ ᐱᖁᔨᓂᕆᓚᐅᕐᑕᖏᑦ ᐃᓴᕆᐊᓕᒥᐅᓕᒫᓄᑦ;

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᐄᓱᕋᐅᑉ ᐊᒡᓚᖏᑦ 3:5

ᑭᖑᓂᖓᒍᓪᓗ ᑐᓂᕐᕈᓯᖃᑦᑕᓕᓚᐅᕆᕗᑦ ᑐᓂᕐᕈᓯᕈᑎᓪᓚᕆᖕᓂᒃ ᐃᑯᐊᓚᑎᑕᐅᓪᓗᑎᒃ, ᑐᓂᕐᕈᑏᓪᓗ ᑕᖅᑭᓂᕋᑖᒧᑦ ᓇᓪᓕᐅᓐᓂᕐᓯᐅᕈᑎᒧᑦ ᑐᓂᕐᕈᑎᒃᓮᑦ ᐊᓯᖏᓪᓗ ᓇᓪᓕᐅᓐᓂᑐᐃᓐᓁᑦ ᐊᑕᓂᕐᒧᑦ ᐃᑦᔪᕐᓁᑎᑕᐅᓯᒪᔪᑦ ᐊᑐᕐᑕᐅᖃᑦᑕᓚᐅᕆᕗᑦ, ᐃᓄᓕᒫᓪᓗ ᐃᓱᒪᕐᓱᕐᓗᑎᒃ ᑐᓂᕐᕈᓯᖃᑦᑕᓚᐅᕐᐳᑦ ᐊᑕᓂᕐᒧᑦ ᐱᔪᒪᓂᑎᒃ ᒪᓕᒃᓗᒍ.

ᑖᓂᐊᓕᐅᑉ ᐊᒡᓚᖏᑦ 11:31

ᐅᓇᑕᕐᑐᒃᓴᕐᔪᐊᖁᑎᖏᑦ ᓱᕐᔪᒍᒫᕐᐳᑦ ᑐᒃᓯᐊᕐᕕᒡᔪᐊᑉ ᐊᕙᓗᕐᔪᐊᖓ ᐃᑦᔪᕐᓇᕐᓯᑎᓪᓗᒍ, ᓄᖅᑲᕐᑎᑦᓯᓗᑎᒡᓗ ᐆᒪᔪᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᓂᕐᒥᒃ; ᑕᕝᕙ ᐃᓕᓯᔪᒫᕐᐳᑦ ᐃᑦᔪᕐᓇᕐᑐᕐᔪᐊᒥᒃ ᑲᑉᐱᓇᕐᑐᕐᔪᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 8:11

ᐃᒻᒥᓂᒡᓗ ᐊᖏᔪᕈᕐᑎᑉᐳᖅ ᕿᓚᖕᒥᐅᒐᓴᒃᔪᐊᓄᓪᓗ ᐊᖓᔪᖅᑳᕐᔪᐊᒧᑦ ᑐᖏᓕᕆᔭᐅᓕᕐᓗᓂ, ᑐᓂᕐᕈᓯᕐᓃᓪᓗ ᖃᐅᑕᒫᕐᓯᐅᑎᑦ ᓄᖅᑲᕐᑎᑉᐰᑦ ᑖᑦᓱᒧᖓ ᑐᓂᕐᕈᑕᐅᕙᒃᑐᑦ, ᑐᓂᕐᕈᓯᕐᕕᐅᓪᓗ ᐃᓂᖓ ᐊᒃᐸᓯᒃᑐᓐᖑᕐᑎᑉᐹ.

ᑖᓂᐊᓕᐅᑉ ᐊᒡᓚᖏᑦ 8:13

ᑐᓴᕐᐳᖓᓗ ᐃᑦᔪᕐᓁᑦᑐᒥᒃ ᐃᑦᔪᕐᓁᑦᑑᖃᑎᒥᓄᑦ ᐅᖃᕐᑐᒥᒃ, “ᖃᓄᖅ ᐊᑯᓂᐅᑎᒋᔪᖅ ᑕᑯᑎᑕᐅᑦᔪᑎ ᓇᓪᓕᐅᑎᓇᓱᐊᕐᓂᐊᕐᐹ? ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖅ, ᐅᓇᑕᕐᓂᕐᓗ ᓱᓇᖃᕈᓐᓁᕐᑎᑦᓯᔪᖅ, ᐃᑦᔪᕐᓁᑦᑐᕕᐅᓪᓗ ᑐᓂᔭᐅᓯᒪᓂᖓ, ᐃᑦᔪᕐᓁᑦᑐᓪᓗ ᑐᓪᓕᕋᕐᑕᐅᓂᖏᑦ?”

ᒨᓯᓯ ᐱᖓᔪᖏᑦ 3:5

ᐂᕉᓂᐅᓪᓗ ᐃᕐᓂᖏᑕ ᐃᑯᐊᓚᑎᑕᒃᓴᕆᕚᑦ ᑐᓂᕐᕈᓯᕐᕕᖕᒥ ᑐᓂᕐᕈᑏᑦ ᐃᑯᐊᓚᑎᑕᐅᔪᑦ ᖄᖏᓐᓂ ᕿᔪᐃᑦ ᖄᖏᓐᓃᑦᑐᓂ, ᑐᓂᕐᕈᑏᑦ ᑍᒤᑦᑐᑦ ᑐᓂᕐᕈᑎᐅᖕᒪᑕ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕙ.

ᒨᓯᓯ ᐱᖓᔪᖏᑦ 6:9

“ᐂᕉᓂ ᐃᕐᓂᖏᓪᓗ ᐃᒫᒃ ᐱᖁᒃᑭᑦ: ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ: ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᓂᕐᕈᓯᕐᕕᐅᑉ ᖄᖓᓃᑦᓴᕆᐊᖃᕐᐳᑦ ᐅᓐᓄᐊᖅ ᓈᓗᒍ ᐅᓪᓛᖅ ᑎᑭᓪᓗᒍ, ᑐᓂᕐᕈᓯᕐᕕᒡᓕ ᐃᑯᒪᕾᓐᓇᕆᐊᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:4

“ᐱᑎᓕᒧᐊᕆᑦᓯ ᐊᔪᕐᑐᓕᓗᓯᓗ, ᒋᐅᓪᒐᐅᓪᒥᓗ ᐊᔪᕐᑐᓕᓂᓯ ᐊᖏᒡᓕᒋᐊᕐᑎᓯᒋᒃ, ᑐᓂᕐᕈᓯᕐᓗᓯᓗ ᐅᓪᓛᑕᒫᑦ, ᑕᓪᓕᒪᐅᔪᐃᕆᑦᓯᓗ ᐅᓪᓗᐃᑦ ᐱᖓᓱᖏᓐᓂ ᑕᒫᑦ.

ᒨᓯᓯ ᓯᑕᒪᖏᑦ 28:10

ᑍᒫᒃ ᐃᑯᐊᓚᑎᑕᒃᓴᖅ ᓴᐸᑎ ᑕᒫᑦ, ᖃᐅᑕᒫᑦ ᑐᓂᕐᕈᑎᑦ ᐃᓚᒋᒃᑲᓐᓂᕆᐊᖃᕐᑕᖓ.”

ᒨᓯᓯ ᓯᑕᒪᖏᑦ 28:15

ᐊᒻᒪ ᓱᓕ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ ᐊᔪᕐᓂᖅ ᐱᓪᓗᒍ ᐊᑕᓂᕐᒧᑦ ᑐᓂᕐᕈᓯᕆᐊᖃᕐᐳᓯ ᑐᓂᕐᕈᑕᐅᔭᕆᐊᓖᑦ ᐃᑯᐊᓚᑎᑕᒃᓮᑦ ᕔᓃᓪᓗ ᑐᓂᕐᕈᑎᒃᓮᑦ ᐊᓯᐊᑦᑎᒍᑦ.”

ᒨᓯᓯ ᓯᑕᒪᖏᑦ 28:23

ᑖᒃᑯᐊ ᑐᓂᕐᕈᑎᒋᔭᕆᐊᖃᕐᐸᓯ ᐅᓪᓛᑕᒫᑦ ᑐᓂᕐᕈᑎᒋᔭᕆᐊᖃᕐᑕᑦᓯ ᐊᓯᐊᒍᑦ, ᑍᓐᓇ ᐊᓯᑦᔨᕆᐊᖃᖏᒻᒪᑦ.

ᒨᓯᓯ ᓯᑕᒪᖏᑦ 28:24

ᑍᒫᒃ ᓂᖅᑭᒃᓴᓂᒃ ᑐᓂᕐᕈᓯᖃᑦᑕᕆᐊᖃᕐᓂᐊᕐᐳᓯ ᐃᑯᐊᓚᑎᑕᒃᓴᓂᒃ ᖃᐅᑕᒫᑦ ᐅᓪᓗᓂᒃ 7ᓂᒃ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ; ᑕᒪᒃᑯᐊ ᑐᓂᕐᕈᑕᐅᔭᕆᐊᓖᑦ ᕔᓃᓪᓗ ᐊᓯᖏᑎᒍᑦ ᑐᓂᕐᕈᑕᐅᖃᕐᑕᕆᐊᖃᕐᐳᑦ.

ᒨᓯᓯ ᓯᑕᒪᖏᑦ 28:31

ᑐᓂᕐᕈᑎᑦ ᓴᓗᒤᓐᓂᖃᕆᐊᖃᓐᖏᓚᑦ. ᑐᓂᕐᕈᑎᒋᔭᕆᐊᖃᕐᐸᓯ ᐃᓚᖃᕐᓗᒋᑦ ᕔᓂᒥᒃ ᑐᓂᕐᕈᑎᒃᓴᒥᒃ, ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᐊᓯᖏᑎᒍᑦ ᑐᓂᕐᕈᑎᒋᔭᕆᐊᖃᕐᐸᓯ.”

ᒨᓯᓯ ᓯᑕᒪᖏᑦ 28:4

ᓰᐱᐅᑉ ᓄᕐᕋᖓ ᐊᑕᐅᓯᖅ ᐅᓪᓛᒃᑯᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᓰᐱᐅᓪᓗ ᓄᕐᕋᖓᑕ ᐂᑉᐸᖓ ᐅᓐᓄᒃᑯᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ,

ᒨᓯᓯ ᓯᑕᒪᖏᑦ 29:11

ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.”

ᒨᓯᓯ ᓯᑕᒪᖏᑦ 29:16

ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.

ᒨᓯᓯ ᓯᑕᒪᖏᑦ 29:6

ᐊᓯᐊᑦᑎᒍᑦ ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓴᓂᒃ ᐃᓚᖃᕐᓗᑎᒃ ᑕᖅᑭᐅᑉ ᐱᒋᐊᓕᕐᓂᖓ ᐱᑦᔪᑎᒋᓗᒍ, ᐃᑯᐊᓪᓚᒃᑕᐅᔭᕆᐊᓖᑦ ᑍᒪᓐᖓᑦ ᑐᓂᕐᕈᑎᒋᓗᒋᑦ ᓂᐊᖂᔭᒃᓮᓪᓗ ᐱᔭᕆᐊᓖᑦ ᐱᖃᓯᐅᑎᓗᒋᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ, ᒪᓕᒐᖏᑦ ᒪᓕᒡᓗᒋᑦ, ᑎᐱᑦᓯᐊᕆᒃᑑᓗᑎᒃ, ᐃᑯᐊᓚᑎᓪᓗᒋᑦ ᑐᓂᕐᕈᑎᒃᓮᑦ ᐊᑕᓂᕐᒧᑦ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᐄᑉᕈᐃᓄᑦ 9:6

ᑕᒪᒃᑯᐊ ᑍᒫᒃ ᐋᖅᑭᒃᑕᐅᓯᒪᓚᐅᕐᐳᑦ, ᖃᐅᑕᒫᑦ ᑐᓂᕐᕈᓯᕐᑎᑦᓯᔩᑦ ᑐᐱᕐᒧᐊᕐᐸᓚᐅᕐᐳᑦ ᓯᓚᑖᓃᓐᓂᕐᓴᒧᑦ ᐱᓇᓱᐊᒐᒃᓴᒥᖕᓂᒃ ᐱᓇᓱᐊᕐᓗᑎᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.