ᒨᓯᓯ ᓯᑕᒪᖏᑦ 28:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐱᖁᔭᒥᒃ ᐆᒥᖓ ᐃᓴᕆᐊᓕᒥᐅᑦ ᑐᓂᓯᕕᒋᒃᑭᑦ, ᐅᖃᐅᑎᓗᒋᑦ, ‘ᑐᓂᕐᕈᓯᐊᒃᓴᕋ, ᓂᕿᒃᓴᖅ ᑐᓂᕐᕈᓯᐊᒃᓴᕋ ᐃᑯᐊᓚᑎᑕᒃᓴᖅ ᑎᐱᑦᓯᐊᕆᒃᑑᓗᓂ ᐅᕙᓐᓄᑦ, ᑲᒪᑦᓯᐊᕐᓗᓯ ᐱᕕᒃᓴᖓᓂ ᐅᕙᓐᓄᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ.’

ᒨᓯᓯ ᓯᑕᒪᖏᑦ 28:2 Iomraidhean Croise

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᑯᕉᓂᑲ ᓯᕗᓪᓖᑦ 23:31

ᑐᓂᕐᕈᓯᕐᑐᖃᑐᐊᕌᖓᓪᓗ ᑐᓂᕐᕈᑎᓂᒃ ᐆᑕᒃᓴᓂᒃ ᐊᑕᓂᕐᒧᑦ ᓴᐸᑎᒥ, ᑕᖅᑭᓂᕋᑖᒥᓗ, ᐅᓪᓗᓂᓗ ᓇᓪᓕᐅᓐᓂᕐᓯᐅᕐᕕᖕᓂ, ᐱᖁᔭᑎᒍᑦ ᐅᓄᕐᓂᕆᔭᕆᐊᓕᖏᑦ ᒪᓕᒡᓗᒋᑦ, ᑍᒪᓐᖓᑦ ᐱᓇᓱᐊᕐᑎᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᑯᕉᓂᑲ ᐂᑉᐸᖏᑦ 23:18

ᔨᕼᐅᐃᐊᑕᓗ ᑎᓕᓯᕗᖅ ᐊᑕᓂᐅᑉ ᐃᒡᓗᖓ ᖃᐅᔨᓴᕐᑎᑕᖃᖁᓪᓗᒍ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᑲᒪᒋᔭᐅᔪᓂᒃ ᑍᕕᑎᐅᑉ ᐱᒋᐊᕐᑎᓚᐅᕐᑕᖏᓐᓄᑦ ᐊᑕᓂᐅᑉ ᐃᒡᓗᖓᓂᒃ ᑲᒪᔨᐅᖁᓪᓗᒋᑦ, ᑐᓂᕐᕈᓯᕐᑎᐅᖁᓪᓗᒋᑦ ᐃᑯᐊᓚᑎᑦᓯᓗᑎᒃ ᐊᑕᓂᕐᒧᑦ, ᒨᓯᓯᐅᑉ ᐱᖁᔭᖏᓐᓂ ᑎᑎᕋᕐᑕᐅᓯᒪᓂᖓᑐᑦ, ᖁᕕᐊᓱᒡᓗᑎᒃ ᐃᓐᖏᕐᓗᑎᒡᓗ, ᑕᒪᓐᓇ ᑍᕕᑎᐅᑉ ᑎᓕᓯᑦᔪᑎᒋᓯᒪᔭᖓ ᒪᓕᒡᓗᒍ.

ᑯᕉᓂᑲ ᐂᑉᐸᖏᑦ 31:3

ᐊᖓᔪᖅᑳᕐᔪᐊᕐᓗ ᑐᓂᓯᕗᖅ ᐱᖁᑎᒥᑕ ᐃᓚᖏᓐᓂᒃ ᐃᑯᐊᓪᓚᒋᐊᓕᖕᓄᑦ ᑐᓂᕐᕈᑎᒃᓴᐅᖁᓪᓗᒋᑦ: ᐅᓪᓛᒧᑦ ᐅᓐᓄᖕᒧᓪᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ, ᑐᓂᕐᕈᑎᒃᓮᓪᓗ ᐃᑯᐊᓚᑎᑕᒃᓮᑦ ᓴᐸᑎᒧᑦ, ᑕᖅᑭᓂᕋᑖᕐᑐᒧᓪᓗ, ᓇᓪᓕᐅᓐᓂᕐᓯᐅᕐᓂᕐᓄᓪᓗ ᓇᓗᓁᕐᑕᐅᓯᒪᔪᓄᑦ, ᑎᑎᕋᕐᑕᐅᓯᒪᔪᑦ ᐊᑕᓂᐅᑉ ᐱᖁᔭᖏᓐᓂ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 3:2

ᔩᓱᐊᓗ ᔫᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨᐅᖃᑎᖏᓪᓗ, ᔨᕈᐸᐱᐅᓗ ᓯᐅᓪᑎᐅᓕᐅᑉ ᐃᕐᓂᖓ ᐃᓚᓂ ᐃᓚᒋᓪᓗᒋᑦ, ᐃᓴᕆᐊᓕᒥᐅᑦ ᒎᑎᖓᑕ ᑐᓂᕐᕈᓯᕕᖓᓂᒃ ᐋᖅᑭᒃᓱᐃᓚᐅᕐᐳᑦ, ᑐᓂᕐᕈᑎᓂᒃ ᐃᑯᐊᓪᓔᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᓄᖁᑎᖓᑕ ᒨᓯᓯᐅᑉ ᐱᖁᔭᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 3:3

ᑖᒃᑯᐊ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᐃᓄᖕᓂᒃ ᓄᓇᖃᕐᑐᓂ ᑲᑉᐱᐊᓱᒃᑲᓗᐊᕐᓱᑎᒃ, ᑐᓂᕐᕈᓯᕐᕕᖕᒥᒃ ᓴᓇᒋᐊᓯᐊᓚᐅᕐᐳᑦ ᐃᓂᑐᖃᖓᓂ, ᑐᓂᕐᕈᓯᕆᐊᓪᓚᖃᑦᑕᓕᓚᐅᕆᕗᑦ ᐃᑯᐊᓪᓔᓪᓗᑎ ᑐᓂᕐᕈᑎᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 10:34

ᐅᕙᒍᓪᓗ ᐃᓅᔪᒍᑦ, ᑐᓂᕐᕈᓯᕐᑎᑦᓯᔩᓪᓗ, ᓕᕔᑏᓪᓗ, ᓇᓚᐅᑦᑖᕈᑎᓂᒃ ᐊᑐᕐᓗᑕ ᐊᕐᕌᒍᑕᒫᑦ ᓇᓚᐅᑦᑖᖃᑦᑕᕐᓂᐊᕐᐳᒍᑦ ᓇᓪᓕᐊᑦ ᑭᖑᕚᕇᑦ ᐊᕐᕌᒍᒥ ᑐᓂᕐᕈᓯᕈᑎᒃᓴᓂᒃ ᒎᑎᐅᑉ ᐃᒡᓗᖁᑎᖓᓂ ᕿᔪᒃᓴᓂᒃ ᑐᓂᓯᖃᑦᑕᕐᓂᐊᕐᒪᖔᑕ ᓇᓗᓁᕐᓯᒪᔪᖃᖃᑦᑕᖁᓪᓗᒍ, ᓯᕗᓕᕕᓂᑦᑕ ᑭᖑᕚᕇᖑᓂᖏᑕ ᐋᖅᑭᒃᓯᒪᓂᖏᑦ ᒪᓕᒡᓗᒋᑦ, ᐊᕐᕌᒍᑕᒫᑦ ᓇᓪᓕᐅᑎᕙᒃᑐᑦ ᓇᓗᓁᕐᓯᒪᓂᖏᑦ ᒪᓕᒡᓗᒋᑦ, ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᖁᓪᓗᒋᑦ ᐊᑕᓂᑦᑎᓐᓄᑦ ᒎᑎᑦᑎᓐᓄᑦ ᐱᖁᔭᓂ ᒪᓕᒐᒃᓴᐅᖁᔭᐅᔪᑦ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᒨᓯᓯ ᐂᑉᐸᖏᑦ 23:15

ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ; ᑍᒤᖃᑦᑕᖁᓚᐅᕋᑦᓯ, ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᔪᒃᓴᐅᕗᓯ ᐅᓪᓗᓂᒃ 7ᓂᒃ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ ᑕᖅᑭᒥ ᐊᐱᑎᒥ, ᑕᕝᕙᓂ ᓇᓪᓕᐅᓐᓂᕐᒥ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ. ᓇᓪᓕᐊᓐᓂᒡᓘᓐᓃᑦ ᐅᕙᓐᓄᑦ ᑐᒃᓯᐊᕆᐊᕐᑐᖃᕐᑐᒃᓴᐅᓐᖏᓚᖅ ᑐᓂᕐᕈᑎᒃᓴᖃᖏᓪᓗᓂ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 16:19

ᓂᕿᓗ ᑐᓂᓚᐅᕐᑕᕋ ᐃᓕᖕᓄᑦ ᓂᐊᖂᔭᒃᓴᑦᓯᐊᕙᐅᓂᕐᐹᕐᓗ ᐅᕐᓱᒃᓮᓪᓗ ᕼᐊᓃᓪᓗ ᐃᓕᖕᓄᑦ ᓂᕿᒋᔭᐅᖁᓚᐅᕐᑕᒃᑲ; ᑐᓂᓚᐅᕐᐸᑎᑦ ᒪᒪᕆᔭᐅᑎᑦᑐᒪᓪᓗᒋᑦ ᑖᒃᑯᓄᖓ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 20:41

ᑐᓂᕐᕈᑏᑦ ᑎᐱᑦᓯᐊᕆᖕᓂᖏᓐᓄᑦ ᐃᓚᓕᐅᕈᒫᕐᐸᑦᓯ, ᓄᓇᓂᑦ ᓯᐊᒻᒪᕐᑎᑕᐅᓯᒪᕕᒋᔭᑦᓯᓐᓂᑦ ᐅᑎᕐᑎᒃᑯᑦᓯ; ᐃᑦᔪᕐᓁᓐᓂᕋ ᐃᓕᑦᓯᓐᓄᑦ ᓴᖅᑭᑎᑦᓱᒫᕐᐸᕋ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 45:17

ᑖᑦᓱᒪᓕ ᐃᑯᐊᓪᓚᒐᒃᓮᑦ ᑐᓂᕐᕈᓯᐅᑎᒋᔭᕆᐊᖃᕐᐰᑦ, ᐱᕈᕐᑐᕕᓃᑦ, ᕔᓃᓪᓗ ᑐᓂᕐᕈᑎᒃᓮᑦ, ᓇᓪᓕᐅᓐᓂᕐᓯᐅᕐᕕᒃ ᐊᑐᓕᕌᖓᑦ ᑕᖅᑭᓂᕋᑖᒥᒃ, ᓴᐸᑎᓂᓗ, ᐊᓯᖏᓐᓂᓗ ᓇᓪᓕᐅᓐᓂᕐᓯᐅᕐᕕᖕᓂ ᐃᓴᕆᐊᓕᐅᑉ ᑭᖑᕚᖏᓐᓄᑦ: ᐊᔪᕐᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᕐᑎᑦᓯᔪᒃᓴᐅᕗᖅ, ᑐᓂᕐᕈᑎᒃᓴᓂᒃ ᓂᐊᖂᔭᒃᓴᓂᒃ, ᐃᑯᐊᓚᑎᑕᒃᓴᓂᒡᓗ, ᐃᓅᖃᑎᖃᑦᓯᐊᕐᓂᕐᒧᓪᓗ ᑐᓂᕐᕈᑎᒃᓴᓂᒃ, ᐃᓴᕆᐊᓕᐅᑉ ᑭᖑᕚᖏᑕ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.”

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 21:6

ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ.

ᒨᓯᓯ ᐱᖓᔪᖏᑦ 21:8

ᐃᑦᔪᕐᓁᑎᓯᒋᒃ, ᒎᑎᑦᓯ ᓂᕿᒃᓴᖏᓐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕐᒪᑕ. ᐃᑦᔪᕐᓁᓐᓂᖏᑦ ᐃᓱᒪᒋᑦᓯᐊᕐᓯᐅᒃ, ᐅᕙᖓ ᐊᑕᓂᖅ ᐃᑦᔪᕐᓁᓐᓇᒪ, ᐃᓄᖁᑎᒃᑲᑦᑕᐅᖅ ᐃᑦᔪᕐᓁᑎᓐᓂᐊᕆᕙᒃᑲ.

ᒨᓯᓯ ᐱᖓᔪᖏᑦ 3:11

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᕆᕔᑦ ᓂᕿᒃᓴᐅᖁᓪᓗᒋᑦ, ᑐᓂᕐᕈᑕᐅᓪᓗᑎᒃ ᐃᑯᒪᒃᑯᑦ ᐊᑕᓂᕐᒧᑦ.

ᒪᓚᑬᑉ ᐊᒡᓚᖏᑦ 1:12

ᓇᕐᕈᓇᕐᓯᑎᓚᐅᕐᐸᓯᓕ ᐃᒫᒃ ᐅᖃᕐᑎᓪᓗᓯ, ‘ᐊᑕᓂᐅᑉ ᑐᓂᕐᕈᓯᕐᕕᖓ ᓇᕐᕈᓇᕐᐳᖅ, ᐱᕈᕐᑐᐃᓪᓗ ᓂᖀᓪᓗ ᓇᕐᕈᓇᕆᕗᑦ.’

ᒪᓚᑬᑉ ᐊᒡᓚᖏᑦ 1:7

ᓇᕐᕈᓇᕐᑐᓂᒃ ᓂᕿᓂᒃ ᑐᓂᕐᕈᓯᕐᐳᓯ ᑐᓂᕐᕈᓯᕐᕕᓐᓂ, ᐅᖃᕐᐳᓯᓗ, ‘ᖃᓄᖅ ᓇᕐᕈᓇᕐᓯᑎᑦᓯᓚᐅᕐᐱᑖ?’ ᐃᓱᒪᓚᐅᕋᑦᓯ ᐊᑕᓂᐅᑉ ᑐᓂᕐᕈᓯᕐᕕᖁᑎᖓ ᐱᓪᓚᕆᐅᓗᐊᓐᖏᓚᖅ.

ᒨᓯᓯ ᓯᑕᒪᖏᑦ 15:24

ᑕᕝᕙ ᐃᒤᒃᑲᔭᕐᐳᖅ, ᒪᓕᒃᑕᐅᖏᑉᐸᑕ ᐱᔮᕆᖏᑦᑐᒧᑦ, ᐃᓅᖃᑎᒌᒡᔪᐊᑦ ᖃᐅᔨᑎᓐᓇᒋᑦ, ᐃᓅᖃᑎᒌᒡᔪᐊᑦ ᑐᓂᕐᕈᓯᕋᔭᕐᐳᑦ ᐃᒻᒧᒃᓯᐅᒐᕐᒥᒃ ᐊᖑᓴᓪᓗᕐᒥᒃ ᐃᑯᐊᓚᑎᑕᒃᓴᒥᒃ, ᐊᑕᓂᕐᒧᑦ ᑎᐱᑦᓯᐊᕆᒃᑐᒥᒃ, ᓂᐊᖂᔭᒃᓴᒥᒃ ᐃᓚᖃᕐᓗᒍ, ᐃᒥᒃᓴᒥᒡᓗ ᑐᓂᕐᕈᑎᒃᓴᒥᒃ, ᑐᓂᕐᕈᑎᒃᓴᐅᑉ ᒪᓕᒐᖓ ᒪᓕᒡᓗᒍ, ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ.

ᒨᓯᓯ ᓯᑕᒪᖏᑦ 15:3

ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.

ᒨᓯᓯ ᓯᑕᒪᖏᑦ 15:7

ᐃᒥᒐᒃᓴᒥᒡᓕ ᐃᓚᓗᒍ ᕔᓂᒥᒃ ᐆᒃᑑᑦ 1/3ᕼᐃᓐᒥᒃ ᑎᐱᑦᓯᐊᕆᒃᑑᓗᓂ ᐊᑕᓂᕐᒧᒃ ᑐᓂᕐᕈᑕᐅᖁᓪᓗᒍ.

ᒨᓯᓯ ᓯᑕᒪᖏᑦ 28:1

ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ,

ᒨᓯᓯ ᓯᑕᒪᖏᑦ 29:39

“ᑖᒃᑯᐊ ᐊᑕᓂᕐᒧᑦ ᑐᓂᕐᕈᑎᒋᔭᕆᐊᖃᕐᐸᓯ ᓇᓪᓕᐅᓐᓂᕐᓯᐅᕐᓃᑦ ᓇᓪᓕᐅᑎᔭᕌᖓᑕ, ᐊᖏᕈᑎᖃᕐᓂᕐᒧᑦ ᑐᓂᕐᕈᑏᑦ ᐊᒻᒪᓗ ᑐᓂᕐᕈᓯᕆᐊᖃᕐᓂᕐᒧᑦ ᑐᓂᕐᕈᑎᑦ ᐊᓯᐊᑦᑎᒍᑦ ᑐᓂᕐᕈᑎᒋᓗᓯᐅᒃ ᐃᑯᐊᓚᑎᑕᒃᓴᐅᓗᑎᒃ ᓂᐊᖂᔭᒃᓴᓪᓗ ᑐᓂᕐᕈᑕᐅᓂᖏᓐᓂ, ᕔᓃᓪᓗ ᑐᓂᕐᕈᑕᐅᓂᖏᓐᓂ ᓮᒪᓂᖃᕐᓂᕐᒧᓪᓗ ᑐᓂᕐᕈᑎᑦᓯᓐᓂ.”

ᒨᓯᓯ ᓯᑕᒪᖏᑦ 9:13

ᐊᖑᓪᓕ ᓴᓗᒤᓕᓯᒪᖏᑦᑐᖅ ᐊᐅᓪᓚᕐᓯᒪᓇᓂᓗ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖏᑦᑐᖅ, ᑖᓐᓇ ᐃᓅᖃᑎᒌᒡᔪᐊᓂᑦ ᐃᓅᖃᑎᒥᓂᑦ ᐃᓚᒋᔭᐅᔪᓐᓃᕆᐊᖃᕐᐳᖅ, ᐊᑕᓂᕐᒧᑦ ᑐᓂᕐᕈᓯᕆᐊᕐᑐᓚᐅᖏᒻᒪᑦ ᑐᓂᕐᕈᓯᕆᐊᕐᑐᕐᕕᒃ ᓇᓪᓕᐅᑎᓯᒪᑎᓪᓗᒍ; ᑖᓐᓇ ᐊᖑᑦ ᐊᔪᕐᓂᕐᒥᓂᒃ ᐊᒡᔭᕐᓯᓂᐊᕐᐳᖅ.

ᒨᓯᓯ ᓯᑕᒪᖏᑦ 9:7

ᑖᒃᑯᐊᓗ ᐊᖑᑎᑦ ᐅᖃᕐᓗᑎᒃ, “ᓴᓗᒤᓕᓚᐅᕋᑦᑕ ᐃᓄᕕᓂᕐᒥᒃ ᐊᒃᑐᕐᓯᓂᑦᑎᒍᑦ ᓱᖕᒪᑦ ᐊᑕᓂᕐᒧᑦ ᑐᓂᕐᕈᑕᐅᔭᕆᐊᖃᕐᑐᒥᒃ ᑐᓂᓯᖁᔭᐅᓐᖏᓚᒍᑦ ᑐᓂᕐᕈᓯᕕᒃᓴᖅ ᓇᓪᓕᐅᑎᒃᐸᑦ ᐃᓴᕆᐊᓕᐅᑉ ᕿᑐᕐᖓᖏᑦ ᐃᓚᒋᓗᒋᑦ?”

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:15

᙭ᔅᑑᓯᐅᑉ ᑎᐱᑦᓯᐊᕆᒃᓴᐅᑎᒋᕚᑎᒍᑦ ᒎᑎᒧᑦ ᐱᐅᓕᔭᐅᓯᒪᔪᓄᑦ ᐊᓯᐅᔪᒫᕐᑐᓄᓪᓗ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.