ᒨᓯᓯ ᓯᑕᒪᖏᑦ 28:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᒻᒪ ᓱᓕ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ ᐊᔪᕐᓂᖅ ᐱᓪᓗᒍ ᐊᑕᓂᕐᒧᑦ ᑐᓂᕐᕈᓯᕆᐊᖃᕐᐳᓯ ᑐᓂᕐᕈᑕᐅᔭᕆᐊᓖᑦ ᐃᑯᐊᓚᑎᑕᒃᓮᑦ ᕔᓃᓪᓗ ᑐᓂᕐᕈᑎᒃᓮᑦ ᐊᓯᐊᑦᑎᒍᑦ.”

ᒨᓯᓯ ᓯᑕᒪᖏᑦ 28:15 Iomraidhean Croise

ᒨᓯᓯ ᓯᕗᓪᓖᑦ 37:31

ᑕᕝᕙ ᔫᓯᐱᐅᑉ ᐅᓕᖓ ᑖᒃᑯᐊ ᑎᒍᕚᑦ, ᒎᑦᓯᒥᒡᓗ ᑐᖁᑦᓯᓪᓗᑎᒃ, ᐅᓕᒡᓗ ᐊᐅᖕᒧᑦ ᒥᓱᒃᑎᕐᐹᑦ.

ᒨᓯᓯ ᐱᖓᔪᖏᑦ 16:15

ᑕᕝᕙ ᑐᖁᑦᓴᕆᐊᖃᕐᐹ ᒎᑦᓯ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐃᓄᐃᑦ ᑐᓂᕐᕈᓯᕈᑎᓗᒋᑦ ᐊᐅᖓ ᑖᓗᑕᐅᑉ ᐅᖓᑖᓄᐊᕈᑎᔭᕆᐊᖃᕐᐹ ᑍᒫᒃᑕᐅᖅ ᐃᒻᒧᒃᓯᐅᒐᐅᑉ ᐸᖕᓂᐅᑉ ᐊᐅᖓᑐᑦ ᐱᔭᕆᐊᖃᕐᐹ ᓯᕐᐸᕐᓴᕈᑎᒋᔭᕆᐊᖃᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓᓄᑦ ᓵᖓᓄᓪᓗ.

ᒨᓯᓯ ᐱᖓᔪᖏᑦ 16:16

ᑍᒫᒃ ᑕᕝᕙ ᓴᓗᒻᒪᕐᑎᓐᓂᐊᕐᐹ ᐃᑦᔪᕐᓁᑦᑑᑉ ᐃᑦᔪᕐᓁᓐᓂᕐᐹᖓᑦ ᓴᓗᒤᓐᓂᕐᒥᑦ ᐃᓴᕆᐊᓕᒥᐅᓪᓗ ᓈᓚᖏᓐᓂᖏᓐᓂᑦ ᓱᓇᑐᐃᓐᓇᕐᒥᒃ ᐊᔪᕐᑐᓕᓯᒪᒐᓗᐊᕐᐸᑕ, ᑍᒤᓕᐅᕆᐊᖃᕆᕗᖅ ᓱᓕ ᑐᐱᕐᒥ ᑲᑎᒪᕕᖕᒥ, ᑖᓐᓇ ᐃᓄᐃᑦ ᓇᔪᒐᕆᖕᒪᑦᔪᒃ ᓴᓗᒤᑦᑑᓪᓗᑎᒡᓗ.

ᒨᓯᓯ ᐱᖓᔪᖏᑦ 4:23

ᓇᓗᔪᓐᓁᕐᑎᑕᐅᒃᐸᓪᓗ ᐊᔪᕐᑐᓕᓂᕆᔭᖓᓂᒃ, ᑐᓂᕐᕈᑎᒃᓴᖃᕆᐊᖃᕐᐳᖅ ᒎᑦᓯᒥᒃ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᓯᑕᒪᖏᑦ 15:24

ᑕᕝᕙ ᐃᒤᒃᑲᔭᕐᐳᖅ, ᒪᓕᒃᑕᐅᖏᑉᐸᑕ ᐱᔮᕆᖏᑦᑐᒧᑦ, ᐃᓅᖃᑎᒌᒡᔪᐊᑦ ᖃᐅᔨᑎᓐᓇᒋᑦ, ᐃᓅᖃᑎᒌᒡᔪᐊᑦ ᑐᓂᕐᕈᓯᕋᔭᕐᐳᑦ ᐃᒻᒧᒃᓯᐅᒐᕐᒥᒃ ᐊᖑᓴᓪᓗᕐᒥᒃ ᐃᑯᐊᓚᑎᑕᒃᓴᒥᒃ, ᐊᑕᓂᕐᒧᑦ ᑎᐱᑦᓯᐊᕆᒃᑐᒥᒃ, ᓂᐊᖂᔭᒃᓴᒥᒃ ᐃᓚᖃᕐᓗᒍ, ᐃᒥᒃᓴᒥᒡᓗ ᑐᓂᕐᕈᑎᒃᓴᒥᒃ, ᑐᓂᕐᕈᑎᒃᓴᐅᑉ ᒪᓕᒐᖓ ᒪᓕᒡᓗᒍ, ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ.

ᒨᓯᓯ ᓯᑕᒪᖏᑦ 28:14

ᕔᓂ ᑖᒃᑯᓄᖓ ᑐᓂᕐᕈᑎᓄᑦ ᐃᓚᓕᐅᑎᔭᕆᐊᓕᒃ ᐊᖏᑎᒋᔭᕆᐊᖃᕐᐳᖅ ᐆᒃᑑᑦ 1/2ᕼᐃᓐᒥᒃ ᐃᒻᒧᒃᓯᐅᒐᕐᒧᑦ ᐊᑕᐅᓯᕐᒧᑦ, 1/3ᕼᐃᓐ ᓰᐱᒧᑦ ᐊᖑᓴᓪᓗᕐᒧᑦ, 1/4ᕼᐃᓐ ᓰᐱᐅᑉ ᓄᕐᕋᖓᓄᑦ; ᑍᒫᒃ ᑕᖅᑭᑕᒫᕐᓯᐅᑎᒥᒃ ᑐᓂᕐᕈᓯᖃᕐᑕᕐᓂᐊᕐᐳᓯ ᐊᕐᕌᒍᓕᒫᖅ ᓈᓗᒍ.

ᒨᓯᓯ ᓯᑕᒪᖏᑦ 28:22

ᐃᓚᖃᕐᓗᑎᒃ ᒎᑦᓯᒥᒃ ᐊᑕᐅᓯᕐᒥᒃ ᐊᔪᕐᓂᖅ ᐱᓪᓗᒍ, ᐃᓱᒪᒋᔪᓐᓁᕐᕕᐅᖁᓪᓗᓯ.

ᒨᓯᓯ ᓯᑕᒪᖏᑦ 28:3

“ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.

ᒨᓯᓯ ᓯᑕᒪᖏᑦ 28:30

ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ.

ᒨᓯᓯ ᓯᑕᒪᖏᑦ 29:16

ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.

ᒨᓯᓯ ᓯᑕᒪᖏᑦ 29:5

ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.