ᒨᓯᓯ ᓯᑕᒪᖏᑦ 28:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᒨᓯᓯ ᓯᑕᒪᖏᑦ 28:11 Iomraidhean Croise

ᐊᑕᓃᑦ ᐂᑉᐸᖏᑦ 4:23

ᐅᐃᖓᑕ ᐅᖃᐅᑎᕚ, “ᓱᖕᒪᑦ ᐅᓪᓗᒥ ᐊᐅᓪᓚᕋᓱᒃᐱᑦ? ᑕᖅᑭᓂᕋᑖᖑᓐᖏᒻᒪᑦ, ᓴᐸᑎᐅᓇᓂᓗ.” ᐅᐃᓂ ᑭᐅᕚ, “ᖃᓄᐃᖏᑦᑐᖅ.”

ᑯᕉᓂᑲ ᓯᕗᓪᓖᑦ 23:31

ᑐᓂᕐᕈᓯᕐᑐᖃᑐᐊᕌᖓᓪᓗ ᑐᓂᕐᕈᑎᓂᒃ ᐆᑕᒃᓴᓂᒃ ᐊᑕᓂᕐᒧᑦ ᓴᐸᑎᒥ, ᑕᖅᑭᓂᕋᑖᒥᓗ, ᐅᓪᓗᓂᓗ ᓇᓪᓕᐅᓐᓂᕐᓯᐅᕐᕕᖕᓂ, ᐱᖁᔭᑎᒍᑦ ᐅᓄᕐᓂᕆᔭᕆᐊᓕᖏᑦ ᒪᓕᒡᓗᒋᑦ, ᑍᒪᓐᖓᑦ ᐱᓇᓱᐊᕐᑎᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᑯᕉᓂᑲ ᐂᑉᐸᖏᑦ 2:3

ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᐄᓱᕋᐅᑉ ᐊᒡᓚᖏᑦ 3:5

ᑭᖑᓂᖓᒍᓪᓗ ᑐᓂᕐᕈᓯᖃᑦᑕᓕᓚᐅᕆᕗᑦ ᑐᓂᕐᕈᓯᕈᑎᓪᓚᕆᖕᓂᒃ ᐃᑯᐊᓚᑎᑕᐅᓪᓗᑎᒃ, ᑐᓂᕐᕈᑏᓪᓗ ᑕᖅᑭᓂᕋᑖᒧᑦ ᓇᓪᓕᐅᓐᓂᕐᓯᐅᕈᑎᒧᑦ ᑐᓂᕐᕈᑎᒃᓮᑦ ᐊᓯᖏᓪᓗ ᓇᓪᓕᐅᓐᓂᑐᐃᓐᓁᑦ ᐊᑕᓂᕐᒧᑦ ᐃᑦᔪᕐᓁᑎᑕᐅᓯᒪᔪᑦ ᐊᑐᕐᑕᐅᖃᑦᑕᓚᐅᕆᕗᑦ, ᐃᓄᓕᒫᓪᓗ ᐃᓱᒪᕐᓱᕐᓗᑎᒃ ᑐᓂᕐᕈᓯᖃᑦᑕᓚᐅᕐᐳᑦ ᐊᑕᓂᕐᒧᑦ ᐱᔪᒪᓂᑎᒃ ᒪᓕᒃᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 10:33

ᒪᑯᐊᑦᑕᐅᖅ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᔪᒃᓴᑦ ᑐᓂᖃᑦᑕᕐᓂᐊᕐᐸᕗᑦ: ᓂᐊᖂᔧᑦ ᐃᑦᔪᕐᓁᑎᑕᐅᓯᒪᔪᑦ, ᐱᕈᕐᑐᕕᓃᓪᓗ ᖃᐅᑕᒫᑦ ᐊᑐᕐᑕᐅᔪᒃᓴᑦ, ᖃᐅᑕᒫᓪᓗ ᑐᓂᕐᕈᓯᕈᑎᒃᓴᑦ ᐆᑕᒃᓮᑦ, ᓴᐸᑎᒥᓗ ᑐᓂᔭᒃᓮᑦ, ᑕᖅᑭᓂᕋᑖᒥ ᓇᓪᓕᐅᓐᓂᕐᓯᐅᕈᑎᒃᓴᑦ, ᐊᓯᖏᓐᓄᓪᓗ ᓇᓪᓕᐅᓐᓂᕐᓯᐅᕈᑎᒃᓴᑦ, ᑐᓂᕐᕈᑎᒃᓴᓪᓗ ᐃᑦᔪᕐᓁᑦᑐᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓄᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᓄᑦ ᑐᓂᕐᕈᓯᕈᑎᒃᓴᑦ, ᒎᑎᐅᓪᓗ ᐃᒡᓗᖁᑎᖓᓂ ᐱᓇᓱᐊᕈᑎᒃᓴᓕᒫᓂᒃ ᑐᓂᓯᖃᑦᑕᕐᓂᐊᕐᐳᒍᑦ.

ᐃᓐᖏᕈᑎᑦ 40:6

ᐆᒪᔪᐃᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐊᓯᖏᑦ ᐱᔪᒪᓐᖏᓚᑎᑦ; ᓯᐅᑏᒃᑲᒃ ᐊᖕᒪᓚᐅᕋᕕᒋᒃ. ᑐᓂᕐᕈᑎᑦ ᐆᑕᒃᓮᑦ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑎᑦ ᐱᔪᒪᓚᐅᓐᖏᓚᑎᑦ.

ᐃᓐᖏᕈᑎᑦ 40:8

ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᐃᓐᖏᕈᑎᑦ 81:4

ᑕᒪᓐᓇ ᐃᓴᕆᐊᓕᒥᐅᑦ ᐱᐅᓯᕆᔭᒃᓴᕆᕚᑦ, ᔧᑰᑉ ᒎᑎᖓᑕ ᐱᖁᔨᑦᔪᑎᒋᔭᖓ.

ᐂᓮᐊᓯᐅᑉ ᐊᒡᓚᖏᑦ 66:23

ᑕᖅᑮᓚᓪᓗᐊᒥᑦ ᑕᖅᑮᓚᓪᓗᐊᒧᑦ ᓇᓪᓕᐅᓐᓂᕐᓯᐅᕐᓂᖃᕐᐸᖕᒪᑦ, ᓴᐸᑎᒥᑦ ᓴᐸᑎᒧᑦ ᑎᑭᓪᓗᒍ, ᑍᒫᒃᑕᐅᖅ ᐃᓄᓕᒫᑦ ᐅᕙᓐᓄᑦ ᑐᒃᓯᐊᕆᐊᖃᑦᑕᕈᒫᕐᐳᑦ; ᓵᓐᓄᑦ ᐹᒻᒪᒃᑎᕆᐊᕐᑐᕐᓗᑎᒃ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 46:1

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᑦ ᐃᑎᕐᑕᕐᕕᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᒪᑐᓯᒤᓐᓇᕐᑐᒃᓴᐅᕗᖅ ᐅᓪᓗᑦ ᐱᖓᓲᔪᕐᑐᑦ ᐱᓇᓱᐊᕐᕕᐅᕙᒃᑐᑦ ᐊᑐᕐᑎᓪᓗᒋᑦ; ᓴᐸᑎᐅᓕᕌᖓᓪᓕ ᐅᒃᑯᐃᓐᖔᕐᑐᒃᓴᐅᕗᖅ ᑕᖅᑭᓂᕋᑖᒥᓗ ᓇᓪᓕᐅᓐᓂᕐᓯᐅᕐᓃᑦ ᐊᑐᓕᕌᖓᑕ.

ᐃᓯᑭᐊᓕᐅᑉ ᐊᒡᓚᖏᑦ 46:6

ᑕᖅᑮᓚᓪᓗᐊᒥᒃ ᓇᓪᓕᐅᓐᓂᕐᓯᐅᕐᑎᓪᓗᒋᑦ ᑐᓂᕐᕈᓯᕐᑐᒃᓴᐅᕗᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ ᖃᓄᐃᓗᑕᖃᖏᑦᑐᒥᒃ, ᓄᕋᐅᔭᕐᓂᒡᓗ ᐱᖓᓲᔪᕐᑐᓂᒃ, ᓰᐲᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᖃᓄᐃᓗᑕᖃᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:7

ᐊᖑᓴᓪᓗᕐᒥᒃ ᓰᐲᓪᓗ ᐊᖑᓴᓪᓗᖓᓂᒃ ᑐᓂᓯᓕᕈᓂ ᐃᓚᖃᖃᑦᑕᕐᑐᒃᓴᐅᕗᑦ ᖃᑦᑕᐅᔭᐅᑉ ᓇᑉᐸᓪᓗᐊᖓᓂᒃ ᓂᐊᖂᔭᒃᓴᒥᒃ, ᓄᕐᕋᐅᔭᕐᓂᒃ ᑐᓂᓯᓕᕈᓂ ᐃᓚᖃᖃᑦᑕᕐᑐᒃᓴᐅᕗᖅ ᐊᖓᔪᖅᑳᑉ ᑐᓂᔪᓐᓇᕐᑕᓕᒫᖏᓐᓂᒃ, ᐃᓚᖃᕐᑎᓪᓗᒋᑦ ᐸᐅᕐᖎᑦ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᓂᒃ ᓂᐊᖂᔭᒃᓴᓂᒡᓗ ᖃᑦᑕᐅᔭᐅᑉ ᓇᑉᐸᓪᓗᐊᖓᑎᑐᑦ ᐊᖏᑎᒋᔪᓂᒃ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᐂᒨᓯᐅᑉ ᐊᒡᓚᖏᑦ 3:5

“ᑎᖕᒥᐊᖅ ᓂᒐᕐᑎᑕᐅᔪᓐᓇᕐᐹᑦ ᓄᓇᒥ ᓂᒐᕐᑕᖃᖏᑦᑐᒥ? “ᓂᒐᖅ ᒪᓂᖅᑲᒥᑦ ᐃᒻᒥᓂᒃ ᐱᒋᐊᕈᓐᓇᕐᐹ, ᓱᓇᒥᒃ ᓂᒐᕐᑎᑕᒃᓴᖃᖏᓪᓗᓂ?

ᐂᒨᓯᐅᑉ ᐊᒡᓚᖏᑦ 8:5

ᐅᖃᕐᑐᓯᓗ, “ᖃᖓᓕ ᑕᖅᑭᓂᕋᑖᑉ ᓇᓪᓕᐅᓐᓂᕐᓯᐅᕐᑕᐅᓂᖓ ᐃᓱᓕᓐᓂᐊᕐᐹ? ᓂᐅᕐᕈᑎᖃᕈᒪᒐᑦᑕ ᓂᐊᖂᔭᒃᓴᓂᒃ, ᓴᐸᑎᓗ ᖃᖓ ᐃᓱᓕᓐᓂᐊᕐᐹ? ᓂᐅᕐᕈᑎᖃᕐᓂᐊᕋᑦᑕ ᐃᕕᖕᓂᒃ, ᐆᒃᑑᑏᑦ ᐅᕿᑦᑐᕐᓯᐅᑎᓕᐊᕆᓗᒋᑦ ᑮᓇᐅᔭᕐᑖᕐᓂᕐᓴᐅᖁᓪᓗᑕ, ᐅᖁᒤᓐᓂᕐᓯᐅᑏᓪᓗ ᐱᕋᔭᖕᓂᒃᑯᑦ ᐋᖅᑭᒃᓱᕐᓗᒋᑦ ᓴᒡᓗᕿᑦᓯᓂᐊᕋᑦᑕ ᓂᐅᕕᕐᐸᒃᑐᓂᒃ.

ᒨᓯᓯ ᓯᑕᒪᖏᑦ 10:10

ᐊᒻᒪᓗᑦᑕᐅᖅ ᐅᓪᓗᓂ ᖁᕕᐊᓇᕐᑐᓂ, ᓇᓪᓕᐅᓐᓂᕐᓯᐅᕐᕕᒋᕙᒃᑕᑦᓯᓐᓂ, ᑕᖅᑭᐅᓪᓗ ᐱᒋᐊᓕᕐᓂᖏᓐᓂ, ᑎᑦᑐᓚᐅᑎᓂᒃ ᓂᓪᓕᐊᑎᑦᓯᔭᕆᐊᖃᕐᐳᓯ ᐆᑕᒃᓮᑦ ᑐᓂᕐᕈᑕᐅᑎᓪᓗᒋᑦ ᓮᒪᓂᕐᒧᓪᓗ ᑐᓂᕐᕈᑏᑦ ᑐᓂᕐᕈᑕᐅᑎᓪᓗᒋᑦ; ᑕᒪᒃᑯᐊ ᐃᖅᑲᐅᒪᑦᔪᑎᒃᓴᐅᖕᒪᑕ ᒎᑎᑦᓯ ᓵᖓᓂ: ᐊᑕᓂᐅᒐᒪ ᒎᑎᓯ.”

ᒨᓯᓯ ᓯᑕᒪᖏᑦ 28:19

ᑐᓂᕐᕈᓯᕆᐊᖃᕐᐳᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ ᑐᓂᕐᕈᑎᒋᓗᒍ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ ᐊᖑᓴᓪᓘᖏᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒃ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ. ᑖᒃᑯᐊ ᓴᓗᒤᑦᑑᔭᕆᐊᖃᓐᖏᓚᑦ.

ᒐᓔᑎᐊᒥᐅᓄᑦ 4:10

ᐃᒃᐱᒍᓱᑦᓯᐊᓲᖑᒐᑦᓯ ᓇᓪᓕᐅᑎᕙᒃᑐᓄᑦ ᐅᓪᓗᓄᑦ, ᑕᖅᑭᓄᓪᓗ, ᐊᕐᕌᒍᒥᓗ ᓇᓪᓕᐅᑎᕙᒃᑐᓄᑦ, ᐊᕐᕌᒍᓂᒡᓗ.

ᑯᓘᓯᐊᒥᐅᓄᑦ 2:16

ᑍᒤᒻᒪᑦ ᒪᓕᒐᓕᐅᕐᑕᐅᓂᐊᕋᓯ ᖃᓄᐃᑦᑐᓂᒃ ᐃᒥᖃᑦᑕᕆᐊᖃᕐᒪᖔᑦᓯ ᓂᕆᖃᑦᑕᕆᐊᖃᕐᒪᖔᑦᓯᓘᓐᓃ; ᐅᓪᓗᐃᓪᓗ ᓇᓪᓕᖏᑦ ᐃᑦᔪᕐᓁᑎᑕᐅᔪᒃᓴᐅᖕᒪᖔᑕ, ᑕᖅᑭᒥᓘᓐᓃᑦ ᓇᓪᓕᐊᓐᓂ ᓇᓪᓕᐅᓐᓂᕐᓯᐅᕆᐊᖃᕐᒪᖔᑦᓯ, ᓴᐸᑎᒥᓘᓐᓃᑦ ᖃᓄᐃᑦᑐᒃᓴᐅᖕᒪᖔᑦᓯ.

ᑯᓘᓯᐊᒥᐅᓄᑦ 2:6

᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᕐᐳᓯ ᑖᑦᓱᒪᓃᓪᓗᓯ,

ᓴᒧᐃᓕ ᓯᕗᓪᓖᑦ 20:5

ᑍᕕᑎ ᐅᖃᕐᐳᖅ ᔫᓇᑕᓂᒧᑦ, “ᑕᑯᒋᑦ, ᖃᐅᒃᐸᒃ ᑕᖅᑭᓂᕋᑖᖅ ᓇᓪᓕᐅᓐᓂᕐᓯᐅᕐᑕᐅᔪᒫᕐᐳᖅ, ᐊᖓᔪᖅᑳᕐᔪᐊᕐᓗ ᓂᕆᖃᑎᒋᔭᕆᖃᓪᓚᕆᒃᐸᕋ; ᑍᑲᓃᖏᑦᓱᓐᓇᕐᑎᓚᐅᓐᖓ, ᐃᔨᕐᓯᒪᓂᐊᕐᐳᖓ ᐱᕈᕐᓰᕕᖕᒥ ᐅᓪᓘᑉ ᐱᖓᔪᐊᑕ ᐅᓐᓄᖓᓄᑦ ᑎᑭᓪᓗᒍ.

ᓴᒧᐃᓕ ᓯᕗᓪᓖᑦ 9:12

ᑭᐅᕚᑦ, “ᐄ, ᑕᑯᒋᑦ ᐊᒡᓛᑦ ᓯᕗᓂᑦᑎᐊᑦᓯᓐᓃᑉᐳᖅ, ᑐᐊᕕᕈᑦᓯᒃ ᐊᖑᔪᓐᓇᕐᐸᓯᒃ; ᐃᒡᓗᒐᓴᖕᓄᐊᓕᓵᕐᒪᑦ ᐅᓪᓗᒥ ᑎᑭᖅᑲᐅᖕᒪᑦ, ᐃᓄᐃᑦ ᑐᓂᕐᕈᓯᖅᑲᐅᖕᒪᑕ ᐱᓪᓚᕆᐅᓂᕐᐹᒥ ᑐᓂᕐᕈᓯᕐᕕᖕᒥ.