ᒨᓯᓯ ᓯᑕᒪᖏᑦ 27:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑖᑕᖓᓗ ᖃᑕᓐᖑᑎᖃᖏᑉᐸᑦ, ᑕᕝᕙ ᓄᓇᖁᑎᖓ ᐃᓚᖓᓄᑦ ᖃᓂᒋᓂᕐᐸᖓᓄᑦ ᑐᓂᔭᕆᐊᖃᕐᐹᑦ, ᑖᑦᓱᒪ ᐱᑖᕆᓂᐊᕐᐹ. ᑕᒪᓐᓇᓗ ᐃᓴᕆᐊᓕᒥᐅᓄᑦ ᐱᖁᔭᕆᔭᐅᓂᐊᕐᐳᖅ ᐃᖅᑲᕐᑐᐃᕕᖕᒥ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.’”

ᒨᓯᓯ ᓯᑕᒪᖏᑦ 27:11 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 32:8

ᐊᑕᓂᐅᓪᓗ ᐅᖃᐅᓯᕆᔭᖓᑐᑦ ᐅᕙᓐᓄᑦ ᑍᒤᓚᐅᕐᐳᖅ, ᑕᕝᕙ ᕼᐊᓇᒥᐅᓪ ᐃᓪᓗᕋ ᐅᕙᓐᓄᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓄᑦ ᐅᖃᐅᑎᓪᓗᖓᓗ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓃᑦᑐᒥᒃ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ. ᑕᕝᕙ ᖃᐅᔨᕗᖓ ᐊᑕᓂᐅᑉ ᑕᒪᓐᓇ ᐅᖃᐅᓯᕆᖕᒪᒍ.

ᒨᓯᓯ ᐱᖓᔪᖏᑦ 25:25

ᐃᓴᕆᐊᓕᒥᐅᑦ ᐃᓚᖓᑦ ᐊᔪᕐᓴᓕᕐᐸᑦ ᓄᓇᖁᑎᒥᓂᒡᓗ ᓂᐅᕐᕈᑎᖃᕆᐊᖃᓕᕐᓗᓂ, ᐃᓚᒋᔭᖓᑕ ᓇᖕᒥᓂᖓᑕ ᓴᑐᕐᓯᑦᔪᑎᔭᕆᐊᖃᕐᐹ.

ᒨᓯᓯ ᐱᖓᔪᖏᑦ 25:49

ᐃᓚᖏᑕ ᓇᖕᒥᓂᖅ ᐊᐅᖃᑎᖏᑕ ᓇᓪᓕᐊᑐᐃᓐᓇᐅᑉ ᓂᐅᕕᐊᕆᔪᓐᓇᕐᐹ, ᑮᓇᐅᔭᖃᓕᕈᓂᓗ ᓇᖕᒥᓂᖅ ᐃᒻᒥᓂᒃ ᐊᑭᓕᕈᓐᓇᕆᕗᖅ.

ᒨᓯᓯ ᓯᑕᒪᖏᑦ 27:10

ᖃᑕᓐᖑᑎᖃᖏᑉᐸᓪᓗ, ᓄᓇᖁᑎᖓ ᐊᑖᑕᖓᑕ ᖃᑕᓐᖑᑎᖏᓐᓄᑦ ᑐᓂᔭᕆᐊᖃᕐᐹᑦ.

ᒨᓯᓯ ᓯᑕᒪᖏᑦ 35:29

ᑕᒪᒃᑯᐊ ᐃᖅᑲᕐᑐᐃᔨᒧᑦ ᒪᓕᒐᒃᓴᐅᔭᕆᐊᖃᕐᐳᑦ ᐃᓕᑦᓯᓐᓄᑦ ᑭᖑᕚᑦᓯᓐᓄᓪᓗ ᑐᕌᖓᓗᑎᒃ ᐃᓂᒋᔭᑦᓯᓐᓂ.

ᓴᒧᐃᓕ ᓯᕗᓪᓖᑦ 30:25

ᑍᕕᑎᐅᑉ ᑕᒪᓐᓇ ᑕᕝᕙᓐᖓᑦ ᐱᒋᐊᕐᓗᒍ ᐱᖁᔭᓕᐊᕆᓚᐅᕐᐹ, ᐃᓴᕆᐊᓕᒥᐅᓂᓪᓗ ᑍᒪᓐᖓ ᑕᒪᓐᓇ ᒪᓕᒃᑕᐅᓕᓚᐅᕐᐳᖅ.