ᒨᓯᓯ ᓯᑕᒪᖏᑦ 26:55 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁵ ᓄᓇ ᐊᕕᒃᑐᕆᐊᖃᕐᐳᖅ ᓇᓚᐅᑦᑖᕈᑎᒃᑯᑦ ᐊᖏᓂᖃᕆᐊᖃᕐᓂᖓ ᒪᓕᒡᓗᒍ; ᓄᓇᖁᑎᑖᕆᐊᖃᕐᐳᑦ ᓯᕗᓕᕕᓂᖏᑕ ᐊᑎᖏᑦ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 26:55 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:33

ᓄᓇᖁᑎᑖᕋᓱᐊᕐᑐᖅ ᖃᐅᔨᓇᓱᐊᕐᐳᖅ ᓇᓚᐅᑦᑖᕈᑎᒃᑯᑦ ᓵᒥᒍᑦ, ᐃᓱᒪᑖᕈᑕᐅᔪᓪᓕ ᐊᑕᓂᕐᒧᑦ ᓇᓗᓇᕈᓐᓃᕐᑎᑕᐅᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:18

ᓇᓚᐅᑦᑖᕈᑎᒃᑯᑦ ᓂᕈᐊᕐᓂᖅ ᐂᕙᑦᔪᑕᐅᔪᓂᒃ ᓄᖅᑲᕐᑎᑦᓯᕗᖅ, ᐱᔪᓐᓇᕐᓂᖃᕐᑐᓪᓗ ᓵᓚᒌᖃᑦᑕᐅᑎᓇᓱᖕᓂᖏᓐᓂᒃ ᓄᖅᑲᕐᑎᑦᓯᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 47:22

ᑕᒪᓐᓇ ᓇᖕᒥᓂᕐᑖᕆᓗᒍ ᓄᓇᖁᑎᑖᕆᔭᒃᓴᕆᕙᓯ ᑭᖑᕐᖑᑎᓕᕐᓗᒍ ᓄᓇᖃᑎᑐᖃᕆᓐᖏᑕᓯᓗ ᓄᓇᑦᓯᓐᓂ ᕿᑐᕐᖏᐅᕐᓯᒪᔪᑦ ᓄᓇᒥᒃ ᐊᕕᒃᑐᐃᓕᕈᑦᓯ ᐱᖃᑕᐅᑎᑕᐅᔪᒃᓴᐅᕗᑦ. ᐃᓴᕆᐊᓕᒥᐅᑕᓪᓚᕆᒃᑎᑐᑦ ᐃᓱᒪᒋᔭᐅᔪᒃᓴᐅᕗᑦ; ᓄᓇᑖᕈᓐᓇᕐᑎᑕᐅᔪᒃᓴᐅᕗᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᓄᓇᖁᑎᒃᓴᒥᖕᓂᒃ ᐱᓇᓱᐊᓕᕐᐸᑕ ᐃᓚᒋᔭᐅᑦᓯᐊᕐᓗᑎᒃ.

ᒨᓯᓯ ᓯᑕᒪᖏᑦ 26:56

ᓄᓇᖁᑎᑖᕆᔭᐅᔪᓕᒫᑦ ᐊᒡᒍᕐᑕᐅᔭᕆᐊᖃᕐᐳᑦ ᓇᓚᐅᑦᑖᕈᑎᒃᑯᑦ ᐃᓄᒋᐊᖕᓂᕐᓮᑦ ᐃᓄᑭᓐᓂᕐᓮᓪᓗ ᒪᓕᒡᓗᒋᑦ.”

ᒨᓯᓯ ᓯᑕᒪᖏᑦ 33:54

ᓄᓇ ᐊᕕᒃᑐᕆᐊᖃᕐᐸᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓗᒍ ᐱᑖᕆᔭᐅᑎᓪᓗᒍᓗ ᐃᓚᑦᓯᓐᓄᑦ; ᐃᓚᒌᑦ ᐅᓄᕐᓂᕐᓮᑦ ᐊᖏᓂᕐᓴᒥᒃ ᓄᓇᑯᑎᑖᕆᐊᖃᕐᐳᑦ, ᐃᓚᒌᓪᓗ ᐅᓄᖏᓐᓂᕐᓮᑦ ᒥᑭᓂᕐᓴᒥᒃ ᓄᓇᖁᑎᑖᕐᓗᑎᒃ; ᓄᓇᖁᑎᑖᕆᓂᐊᕐᑕᒥᖕᓂᒃ ᐃᓚᒌᑦ ᓄᓇᖃᕆᐊᖃᕐᐳᑦ. ᓄᓇᖁᑎᑖᕆᐊᖃᕐᐳᓯ ᓯᕗᓕᕕᓂᑦᓯ ᑭᖑᕚᖏᑦ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 34:13

ᒨᓯᓯᐅᓪᓗ ᐃᓴᕆᐊᓕᒥᐅᑦ ᐅᖃᐅᑎᕔᖅ ᐃᒫᒃ, “ᑕᒪᓐᓇ ᑕᕝᕙ ᓄᓇᖁᑎᑖᕆᓂᐊᕐᑕᓯ ᓇᓚᐅᑦᑖᕈᑎᒃᑯᑦ ᑭᒡᓕᖏᑦ ᒪᓕᒡᓗᒋᑦ, ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, ᑐᓂᓯᔪᒪᓂᖓ 9ᓄᑦ ᑭᖑᕚᖑᖃᑎᒌᓄᑦ ᑭᖑᕚᖑᖃᑎᒌᓪᓗ ᓇᑉᐸᖓᓐᓄᑦ.

ᒨᓯᓯ ᓯᑕᒪᖏᑦ 36:2

ᐅᖃᕐᓗᑎᒡᓗ: “ᐊᑕᓂᖅ ᐱᖁᔨᓚᐅᕐᒪᑦ ᐊᖓᔪᖅᑳᑦᑎᓐᓂᒃ ᒨᓯᓯᒥᒃ ᓄᓇ ᐊᕕᒃᑐᕐᓗᒍ ᓇᓚᐅᑦᑖᕈᑎᒃᑯᑦ ᓄᓇᖁᑎᑖᕆᔭᐅᖁᓪᓗᒍ ᐃᓴᕆᐊᓕᒥᐅᓄᑦ, ᐊᖓᔪᖅᑳᕗᑦ ᐊᑕᓂᐅᑉ ᐱᖁᓚᐅᕐᒪᒍ ᖃᑕᓐᖑᑎᕗᑦ ᔨᓘᕕᕼᐊᑦ ᓄᓇᖁᑎᑖᖓᓂᒃ ᐸᓂᖏᑦ ᓄᓇᖁᑎᑖᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:26

ᓇᓚᐅᑦᓵᓕᕋᒥᒃ, ᒪᑍᐊᓯ ᓇᓚᐅᑕᐅᕗᖅ; ᐃᓚᓕᐅᑎᔭᐅᓪᓗᓂᓗ ᐋᐴᓯᑕᓕᖕᓄᑦ 11ᓄᑦ.

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᔮᓱᐊᑉ ᐊᒡᓚᖏᑦ 11:23

ᑕᕝᕙ ᔮᓱᐊᑉ ᓄᓇᓕᒫᖅ ᓄᓇᑖᕆᓚᐅᕐᐹ, ᑍᒫᒃ ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ; ᔮᓱᐊᓪᓗ ᐃᓴᕆᐊᓕᒥᐅᓄᑦ ᓇᖕᒥᓂᕐᑖᕆᔭᐅᑎᓚᐅᕐᐹ, ᐊᕕᒃᑐᕐᑕᐅᑎᓪᓗᒍᓗ ᑭᖑᕙᕇᓄᑦ. ᑭᖑᓂᖓᒍᓪᓗ ᐅᓇᑕᕈᓐᓃᑍᓐᓇᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 14:2

ᐊᑕᓂᖅ ᒨᓯᓯᒃᑯᑦ ᑍᒫᒃ ᑎᓕᓯᓚᐅᕐᒪᑦ, ᑖᒃᑯᐊ ᓄᓇᐅᑉ ᐊᕕᒃᑐᕐᓯᒪᓂᖏᑦ 9ᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ ᔪᐊᕐᑕᓂᐅᑉ ᓯᕿᓂᖓᑕ ᓂᐱᕕᐊᓃᑦᑐᓄᑦ ᐊᕕᒃᑐᕐᑕᐅᓚᐅᕐᐳᑦ ᓇᓚᐅᑦᑖᕈᑎᒃᑯᑦ.

ᔮᓱᐊᑉ ᐊᒡᓚᖏᑦ 17:14

ᔫᓯᐱᐅᑉ ᑭᖑᕚᖏᑦ ᔮᓱᐊᒧᑦ ᐅᖃᓚᐅᕐᐳᑦ ᐅᖃᕐᓗᑎᒃ, “ᓱᖕᒪᑦ ᓇᓚᐅᑦᑖᕈᑎᒃᑯᑦ ᓄᓇᐅᑉ ᐃᓔᓐᓇᖓᓂᒃ ᑐᓂᓚᐅᕐᐱᑎᒎᑦ? ᐃᓚᖏᓐᓂᒡᓗ ᐱᖃᖃᑕᐅᑎᑐᐃᓐᓇᕐᓗᑕ ᓄᓇᒥᒃ, ᐊᑕᓂᕐᒧᑦ ᐱᑦᓯᐊᕐᕕᐅᓯᒪᓂᑦᑎᓐᓄᑦ ᐃᓄᒋᐊᒃᑐᐊᓘᑎᓪᓗᑕ.”

ᔮᓱᐊᑉ ᐊᒡᓚᖏᑦ 18:6

ᓄᓇ ᕿᒥᕐᕈᐊᕐᓗᒍ ᓄᓇᓐᖑᐊᓕᐅᕐᓗᒍᑦ ᓇᓗᓁᕐᓂᐊᕐᐸᓯ ᐊᕕᒃᑐᕐᓗᒋᑦ 7ᓄᑦ ᕾᓪᓗᓯᐅᒡᓗ ᐅᕙᓐᓄᑦ; ᓇᓚᐅᑦᑖᕈᑎᒃᑯᑦ ᐊᑕᓂᐅᑉ ᒎᑎᑦᑕ ᓵᖓᓂ ᖃᐅᔨᒋᐊᕈᒫᕐᐸᒃᑲ ᐃᓕᑦᓯ ᐱᑦᔪᑎᒋᓗᓯ.

ᔮᓱᐊᑉ ᐊᒡᓚᖏᑦ 19:1

ᑭᖑᓪᓕᕐᒥᒃ ᓇᓚᐅᑕᐅᕗᑦ ᐃᓚᒌᑦ ᓯᒥᐅᓂᐅᑉ ᑭᖑᕚᖏᑦ, ᓄᓇᖁᑎᖓ ᐊᒃᑐᐊᕗᖅ ᔫᑕᐅᑉ ᑭᖑᕚᖏᑕ ᓄᓇᖁᑎᖓᓄᑦ.

ᔮᓱᐊᑉ ᐊᒡᓚᖏᑦ 19:10

ᐱᖓᔪᐊᓐᓂᒃ ᓇᓚᐅᑕᐅᔪᖅ ᐃᓚᒌᓄᑦ ᑐᓂᔭᐅᕗᖅ ᑭᖑᕐᖑᑎᔭᐅᖁᓪᓗᒍ ᓯᐳᓗᓂᐅᑉ ᑭᖑᕚᖏᓐᓄᑦ, ᓄᓇᖁᑎᖓ ᑎᑭᐅᒪᕗᖅ ᓴᕆᑦᒧᑦ.

ᔮᓱᐊᑉ ᐊᒡᓚᖏᑦ 19:17

ᓯᑕᒪᖓᑦ ᓇᓚᐅᑕᐅᔪᖅ ᑐᓂᔭᐅᓚᐅᕐᐳᖅ ᑭᖑᕐᖑᑎᔭᐅᖁᓪᓗᒍ ᐃᓴᑳᕆᐅᑉ ᑭᖑᕚᖏᓐᓄᑦ, ᐃᓚᒌᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 19:24

ᑕᓪᓕᒪᖓᓐᓂ ᓇᓚᐅᑕᐅᔪᖅ ᓄᓇ ᑐᓂᔭᓚᐅᐳᖅ ᐃᓚᒌᓄᑦ ᐋᓱᕆᐅᑉ ᑭᖑᕚᖏᓐᓄᑦ.

ᔮᓱᐊᑉ ᐊᒡᓚᖏᑦ 19:32

ᓇᓚᐅᑕᐅᔪᖅ ᓄᓇ ᐱᖓᓲᔪᕐᑐᖓᓐᓂ ᑐᓂᔭᐅᕗᖅ ᓇᐸᑖᓕᐅᑉ ᑭᖑᕚᖏᓐᓄᑦ, ᓈᑉᑕᓕᐅᑉ ᐃᓚᖏᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 19:40

ᓄᓇ ᓇᓚᐅᑕᐅᔪᖅ 7ᖓᓂ ᑐᓂᔭᐅᕗᖅ ᑖᓐ ᑭᖑᕚᖏᓐᓄᑦ, ᑖᓐ ᐃᓚᖏᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.