ᒨᓯᓯ ᓯᑕᒪᖏᑦ 25:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᖑᑦ ᐃᓴᕆᐊᓕᒥᐅᑕᖅ ᒪᓕᒃᓴᕐᐹ ᑐᐱᖓᓄᑦ ᐃᑎᕐᓗᓂ ᑕᒪᕐᒥᒃ ᐊᑕᐅᑦᓯᒃᑯᑦ ᑲᐱᓪᓗᒋᒃ ᐃᓴᕆᐊᓕᒥᐅᕐᓗ ᐊᖑᑦ ᐊᕐᓇᕐᓗ. ᑍᒫᒃ ᐋᓐᓂᐊᓇᕐᑐᖅ ᑐᖁᕅᔪᖅ ᓄᖅᑲᕐᐳᖅ ᐃᓴᕆᐊᓕᒥᐅᓂᑦ.

ᒨᓯᓯ ᓯᑕᒪᖏᑦ 25:8 Iomraidhean Croise

ᓴᒧᐃᓕ ᐂᑉᐸᖏᑦ 21:14

ᓴᐅᓕᐅᓪᓗ ᔫᓇᑕᓂᐅᓪᓗ ᓴᐅᓂᖏᑦ ᐃᓗᕕᕐᑕᐅᓚᐅᕐᐳᑦ ᓴᐅᓕᐅᑉ ᐊᑖᑕᖓᑕ ᑭᓯᐅᑉ ᐃᓗᕕᖃᕐᕕᖓᓄᑦ, ᓄᓇᓕᖕᓂ ᔨᓚᒥ ᐱᓐᔭᒥᓂᐅᑉ ᓄᓇᖓᓂ, ᐊᖓᔪᖅᑳᕐᔪᐊᑉ ᑎᓕᓯᑦᔪᑎᒋᔭᖓᓂᒃ ᐊᑐᕐᓗᑎᒃ ᐱᓇᓱᐊᓚᐅᕐᐳᑦ. ᑕᒪᑐᒪ ᑭᖑᓂᐊᒍᑦ ᒎᑎᐅᑉ ᑐᒃᓯᐊᕐᓂᖏᓐᓂᒃ ᑭᐅᓚᐅᕐᐰᑦ ᓄᓇᖓ ᐱᓪᓗᒍ.

ᓴᒧᐃᓕ ᐂᑉᐸᖏᑦ 24:25

ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᓴᓇᕗᖅ, ᑐᓂᕐᕈᓯᕐᓗᓂᓗ ᐃᑯᐊᓪᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᐃᓚᒌᑦᓯᐊᓕᕐᓂᕐᒧᓪᓗ ᑐᓂᕐᕈᑎᒥᒃ. ᐊᑕᓂᐅᓪᓗ ᑐᓂᕐᕈᓯᕈᑎᐅᔪᑦ ᓄᓇ ᐱᓪᓗᒍ ᐃᓚᓕᐅᓚᐅᕐᐰᑦ, ᖃᓂᒻᒪᓯᕐᓗ ᐃᓴᕆᐊᓕᒥᐅᓂ ᓄᖅᑲᕐᑎᓚᐅᕐᐹ.

ᑯᕉᓂᑲ ᓯᕗᓪᓖᑦ 21:22

ᑍᕕᑎᓗ ᐅᐊᕐᓇᓐᒧᑦ ᐅᖃᕐᐳᖅ, “ᐃᕖᔧᕕᐅᑉ ᓇᑎᖓᑕ ᐃᓚᖓᓂ ᐱᕕᒃᓴᖃᕐᑎᓚᐅᓐᖓ ᑐᓂᕐᕈᓯᕐᕕᓕᐅᖁᓪᓗᖓ ᐊᑕᓂᕐᒧᑦ; ᐊᑭᓖᑎᓪᓗᖓᓗ ᐃᓚᑰᖏᑦᑐᒥᒃ, ᖃᓂᒪᓇᕐᑐᖅ ᐲᕐᑕᐅᔪᓐᓇᖁᓪᓗᒍ ᐃᓄᖕᓂᑦ.”

ᒪᓚᑬᑉ ᐊᒡᓚᖏᑦ 2:5

“ᐊᖏᖃᑎᒌᒍᑎᒐ ᑖᑦᓱᒪᓃᒻᒪᑦ ᐃᓅᓯᖅ ᓮᒪᓇᕐᑐᖅ, ᑐᓂᓚᐅᕐᑕᕋ ᐅᕙᓐᓂᒃ ᓯᕘᕋᖁᓪᓗᒍ, ᐅᕙᓐᓂᒃ ᓯᕘᕋᓚᐅᕐᐳᑦ ᐃᓕᕋᓱᒡᓗᓂᓗ ᐊᑎᓐᓂᒃ.

ᒨᓯᓯ ᓯᑕᒪᖏᑦ 17:13

ᓇᓪᓕᐊᓪᓘᓐᓃᑦ ᐊᑕᓂᐅᑉ ᑐᐱᕐᔪᐊᖓᓄᑦ ᖃᒡᓕᔪᖅ ᑐᖁᔪᒃᓴᐅᖕᒪᑦ. ᑕᕝᕙᓖ ᑐᖁᔪᐃᓐᓇᐅᓂᐊᓕᕐᐱᑕ?”

ᒨᓯᓯ ᓯᑕᒪᖏᑦ 25:11

“ᐱᓂᕼᐋᓯ ᐃᓕᓯᕆᐅᑉ ᐃᕐᓂᖓᑕ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᖑᑕᖓᑕ, ᐃᓴᕆᐊᓕᒥᐅᓄᑦ ᓂᓐᖓᐅᒪᓂᕋ ᓄᖅᑲᕐᑎᑉᐹ, ᐊᒃᓱᕈᕐᓗᓂ ᓴᐳᑦᔨᔪᒪᓪᓚᕆᖕᒪᑦ ᐅᕙᑦᑐᑦ ᐅᐱᒋᔭᐅᓂᕋ ᐃᓄᖕᓄᑦ ᐱᓪᓗᒍ, ᐃᓴᕆᐊᓕᒥᐅᓂᒃ ᓴᐳᑦᔨᔪᒪᓪᓗᓂ ᓄᖒᑦᓯᖁᓇᖓ ᑖᒃᑯᓂᖓ ᑲᔪᓯᔪᒪᓂᓐᓄᑦ.

ᒨᓯᓯ ᓯᑕᒪᖏᑦ 25:5

ᒨᓯᓯ ᐃᓴᕆᐊᓕᒥᐅᑦ ᐃᓱᒪᓕᐅᕐᑎᖏᓐᓄᑦ ᐅᖃᕐᐳᖅ, “ᐃᓄᖁᑎᓕᒫᓯ ᑐᖁᕋᕐᓯᒋᒃ ᑐᒃᓯᐊᖃᑕᐅᔪᑦ ᐰᓕ-ᐱᐅᕆᒥᐅᑕᕐᒧᑦ.”

ᔮᓱᐊᑉ ᐊᒡᓚᖏᑦ 7:26

ᐅᔭᕋᖕᓄᓪᓗ ᐱᕉᕐᐰᑦ ᐳᕐᑐᓯᓪᓗᒋᑦ ᐅᔭᕅᓪᓗ ᐅᓪᓗᒥᒧᑦ ᓱᓕ ᑕᕝᕙᓃᑉᐳᑦ; ᑍᒤᒻᒪᑦ ᑖᓐᓇ ᐅᓪᓗᒥᒧᑦ ᑍᔭᐅᓕᕐᐳᖅ ᓇᕐᓴᒥᒃ ᐂᑯᐊᒥᒃ. ᑭᖑᓂᖓᒍᓪᓗ ᐊᑕᓂᐅᑉ ᓂᓐᖓᐅᒪᓂᕐᒥᓂᑦ ᓮᒻᒪᕐᕕᒋᕔᑦ.