ᒨᓯᓯ ᓯᑕᒪᖏᑦ 25:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓴᕆᐊᓕᒥᐅᑦ ᓄᖅᑲᖓᓚᐅᕐᐳᑦ ᓯᑎᒻᒥ, ᐃᓄᐃᓪᓗ ᓄᓕᐊᒐᕐᓂᒃ ᐱᖃᑎᖃᖃᑦᑕᓕᓚᐅᕐᐳᑦ ᒧᐊᐱᒥᐅᑦ ᐊᕐᓇᖏᓐᓂᒃ.

ᒨᓯᓯ ᓯᑕᒪᖏᑦ 25:1 Iomraidhean Croise

ᐊᑕᓃᑦ ᐂᑉᐸᖏᑦ 23:7

ᐊᑕᓂᐅᓪᓗ ᐃᒡᓗᖓᓂᑦ ᐃᓚᖓᓂ ᐃᒡᓗᕈᓰᑦ ᐲᔭᕐᑕᐅᑎᑉᐰᑦ ᑮᓇᐅᔭᓕᐅᕈᑎᒋᓪᓗᒍ ᐊᖑᓐᓂᐊᕐᑎᓄᑦ ᐃᓂᒋᔭᐅᖃᑦᑕᕐᑐᕕᓃᑦ, ᑕᕝᕙᓂᓗ ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᑐᕐᓯᐅᑎᓂᒃ ᐊᑐᕐᑕᐅᖃᑦᑕᕐᑐᓂᒃ ᐊᕐᓁᑦ ᐊᓐᓄᕌᓕᐅᕐᕕᖏᑦ ᐲᔭᕆᕔᑦ.

ᐃᓐᖏᕈᑎᑦ 106:28

ᐃᒻᒥᖕᓂᒃᑕᐅᖅ ᐃᓚᓕᐅᑎᓚᐅᕐᐳᑦ ᐰᓕ-ᐱᐅᕆᒧᑦ, ᓂᕆᓪᓗᑎᒡᓗ ᑐᓂᕐᕈᑕᐅᓯᒪᔪᓂᒃ ᑐᖁᖓᔪᓄᑦ ᒎᑎᓐᖑᐊᓄᑦ.

ᒨᓯᓯ ᐂᑉᐸᖏᑦ 22:19

“ᐊᖑᑎᑦ ᓇᓪᓕᐊᓐᓂᒃ ᐆᒪᔪᒥᒃ ᓄᓕᐊᕐᑐᖃᕐᐸᑦ ᑖᓐᓇ ᐊᖑᑦ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 34:15

ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:26

ᖃᐅᔨᓚᐅᕐᐳᖓ ᑐᖁᒥᑦ ᖃᓯᓕᓇᕐᓂᕐᓴᐅᖕᒪᑦ ᐊᕐᓇᖅ, ᐆᒻᒪᑎᖓ ᓂᒐᐅᔪᖅ ᓄᓗᐊᖑᓪᓗᓂᓗ, ᑕᓕᖏᑕᓗ ᐃᕿᑦᑎᓂᖏᒃ ᐊᕐᓵᕐᑑᔭᐅᔪᑦ. ᒎᑎᒥᒃ ᖁᕕᐊᓱᒃᑎᑦᓯᔫᑉ ᑖᓐᓇ ᕿᒫᔪᓐᓇᕐᐹ, ᐊᔪᕐᑐᓕᔪᕐᓕ ᑖᑦᓱᒪ ᓂᒐᕐᑎᓐᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 40:11

ᔫᑎᓪᓗ ᒧᐊᐱᒥ, ᐋᒪᓐᒥᓗ, ᐄᑐᒥᓗ ᓄᓇᓕᖕᓂᓗ ᑖᒃᑯᐊ ᐊᓯᖏᓐᓃᑦᑐᓂ ᑐᓴᐅᒪᓕᕋᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᔫᑕᒥ ᐊᒥᐊᒃᑯᖃᕐᑎᑦᓯᓂᖓᓂᒃ, ᑖᒃᑯᐊᓗ ᑲᒪᔨᖃᓕᕐᓂᖏᓐᓂᒃ ᒋᑕᓔᐊᒥᒃ ᐊᕼᐂᑲᒻ ᐃᕐᓂᖓᓂᒃ ᓴᕙᓂᐅᑉ ᐃᕐᖑᑕᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:21

ᑭᖑᕚᖑᖃᑎᒌᓪᓕ ᐊᑭᕋᕐᑐᓕᓚᐅᕆᕗᑦ ᐅᕙᓐᓂᒃ; ᐱᓂᐊᕐᑕᐅᖁᔭᒃᑲ ᒪᓕᓚᐅᓐᖏᓔᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᓐᖏᓔᑦ, ᐃᓅᑉ ᓈᓚᒃᑯᓂᒋᑦ ᐃᓅᒐᔭᕐᑎᓪᓗᒍ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᑕᕝᕙ ᐅᖃᓚᐅᕐᐳᖓ ᓂᓐᖓᒡᕕᒋᓂᐊᓕᕐᐸᒃᑲ ᓂᓐᖓᐅᓯᓐᓄᓪᓗ ᑎᑭᑕᐅᓂᐊᓕᕐᐳᑦ ᐃᓄᖃᖏᑦᑐᒦᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒨᓯᓯ ᓯᑕᒪᖏᑦ 25:17

“ᒥᑎᐊᓂᒥᐅᑦ ᐊᑭᕋᑐᑦ ᐱᓂᐊᕐᕕᒋᒃᑭᑦ ᑐᖁᕋᕐᓗᒋᓪᓗ,

ᒨᓯᓯ ᓯᑕᒪᖏᑦ 31:2

“ᒥᑎᐊᓂᒥᐅᑦ ᐊᑭᒋᐊᓕᕐᓯᒋᒃ ᐃᓴᕆᐊᓕᒥᐅᑦ ᐱᓪᓗᒋᑦ. ᐱᔭᕇᕐᐸᑕ ᐃᓅᔪᓐᓃᕐᓂᐊᓕᕋᕕᑦ.”

ᒨᓯᓯ ᓯᑕᒪᖏᑦ 33:49

ᔪᐊᕐᑕᓂᐅᑉ ᓯᓈᓂ ᑕᖕᒫᕐᓯᒪᓚᐅᕐᐳᑦ, ᐱᑦ-ᔨᓯᒫᒥᑦ ᐱᒋᐊᕐᓗᑎᒃ ᐊᐱᐅᓪ-ᓯᑎᒻ ᐊᑬᓯᐊ ᒍᕉᕝ ᑎᑭᓪᓗᒍ ᒧᐊᐱᐅᑉ ᓇᑎᕐᓇᖓᓂ.

ᒨᓯᓯ ᓯᑕᒪᖏᑦ 7:15

ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:8

ᐊᕐᓇᕐᓂᐊᕐᓂᕐᒥᒃ ᐊᖑᓐᓂᐊᕐᓂᕐᒥᒡᓗ ᐊᑐᕆᐊᖃᓐᖏᓚᒍᑦ ᑍᒃᑯᑎᑐᓇᖅ, ᑍᑦᓱᒪᓂ ᐅᓪᓗᒥ ᐊᑕᐅᓯᕐᒥ 23,000 ᑐᖁᓚᐅᕐᒪᑕ.

ᒨᓯᓯ ᑕᓪᓕᒪᖏᑦ 3:29

“ᑍᒤᒻᒪᑦ ᓅᓚᐅᓐᖏᓚᒍᑦ ᓇᕐᓴᒥᑦ ᓄᓇᓕᐅᑉ ᐱᑦ-ᐱᐅᕋᐅᑉ ᐊᑭᐊᓃᑦᑐᒥᑦ.”

ᒨᓯᓯ ᑕᓪᓕᒪᖏᑦ 32:38

ᓂᕆᑎᖃᑦᑕᓚᐅᕐᐱᓯᐅᒃ ᖁᐃᓂᔪᓂᒃ ᑐᓂᕐᕈᓯᕐᕕᒋᓪᓗᒋᑦ, ᕔᓂᒥᒡᓗ ᐃᒥᕐᑎᖃᑦᑕᕐᓗᒋᑦ ᑐᓂᕐᕈᑎᑦᓯᓐᓄᑦ? ᒫᓐᓇ ᒪᑭᓪᓗᑎᒃ ᑖᒃᑯᓇᓐᖓᑦ ᐃᑲᔪᕐᑕᐅᓕᕆᑦᓯ; ᓴᐳᑦᔨᔨᒋᓕᕐᓯᐅᒃ!

ᒨᓯᓯ ᑕᓪᓕᒪᖏᑦ 4:3

ᐃᓕᑦᓯ ᓇᖕᒥᓂᖅ ᑕᑯᓯᒪᒐᑦᓯ ᐊᑕᓂᐅᑉ ᒎᑎᑦᓯ ᐱᓇᓱᐊᕐᓯᒪᓂᖓᓂᒃ ᖃᖅᑲᒥ ᐰᓕ-ᐱᐅᕆᒥ, ᑕᕝᕙᓂ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᑐᓂᒃ ᓄᖑᑕᐅᑎᑦᓯᓚᐅᕐᒪᑦ,

ᔮᓱᐊᑉ ᐊᒡᓚᖏᑦ 2:1

ᔮᓱᐊ ᓈᓂᐅᑉ ᐃᕐᓂᖓ ᑎᓕᓯᕗᖅ ᒪᕐᕉᖕᓂᒃ ᖃᐅᔨᓴᕆᐊᕐᑑᖕᓂᒃ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ, ᐃᒫᒃ ᐅᖃᐅᑎᓪᓗᒋᑦ, “ᖃᐅᔨᔭᐅᑦᑍᓕᓗᓯᒃ ᑬᓇᐅᑉ ᓄᓇᖓᓂᒃ ᖃᐅᔨᓴᕆᐊᕆᑦᓯᒃ ᐱᓗᐊᕐᑐᒥᒃ ᔨᕆᑰᑉ ᐃᒡᓗᒐᓴᖏᓐᓂᒃ.” ᑖᒃᑯᐊᓗ ᐃᒡᓗᒐᓴᖕᓄᐊᕐᐳᑦ, ᑕᕝᕙᓃᑉᐳᓪᓗ ᐅᓪᓘᖕᓂᒃ ᒪᕐᕉᖕᓂᒃ, ᑐᔪᕐᒥᓪᓗᑎᒃ ᕅᕼᐊᐱᒥᒃ ᐊᑎᓕᖕᒥᒃ, ᑖᓐᓇ ᑮᓇᐅᔭᒧᑦ ᐊᑐᒐᐅᓚᐅᕐᑐᖅ.

ᔮᓱᐊᑉ ᐊᒡᓚᖏᑦ 22:17

ᐃᖅᑲᐅᒪᕕᓰ ᐊᔪᕐᑐᓕᓂᕆᓚᐅᕐᑕᑦᑎᓐᓂᒃ ᐱᐅᕆᒥ ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᖃᓂᒪᓇᕐᑐᒧᑦ ᓱᓕ ᐅᓪᓗᒥᒧᑦ ᑕᒪᓐᓇ ᐅᖁᒤᓪᓕᐅᕈᑎᒋᕙᕗᑦ, ᑍᓐᓇ ᐱᑦᔪᑎᒋᓪᓗᒍ ᐊᔪᕐᑐᓕᓂᕗᑦ ᓈᒻᒪᒋᓕᓚᐅᓐᖏᓚᓯᐅᒃ?

ᔮᓱᐊᑉ ᐊᒡᓚᖏᑦ 3:1

ᐅᓪᓛᒻᒪᕆᒃᑯᑦ ᔮᓱᐊᓗ ᐃᓴᕆᐊᓕᒥᐅᓪᓗ ᒪᑭᓚᐅᕐᐳᑦ, ᐊᐅᓪᓚᕐᓗᑎᒡᓗ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ ᔪᐊᕐᑕᓂᒧᐊᓕᕐᓗᑎᒃ, ᑕᕝᕗᖓᓗ ᔪᐊᕐᑕᓂᒧᑦ ᑎᑭᓐᓇᒥᒃ, ᑕᖕᒫᓚᐅᕐᐳᑦ ᐃᑳᕆᐊᓚᐅᖏᓐᓂᕐᒥᖕᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14

ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.