ᒨᓯᓯ ᓯᑕᒪᖏᑦ 24:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎᐅᑉ ᐊᓂᑎᑉᐹ ᐄᑦᔨᑉᑎᒥᑦ; ᓴᓐᖏᓂᖃᕐᒪᑦ ᐃᒻᒧᒃᓯᐅᒐᕐᑐᑦ ᓄᔪᐊᕐᑐᑐᑦ; ᐃᓅᖃᑎᒌᒡᔪᐊᑦ ᓄᖑᑦᓱᒫᕐᐰᑦ, ᐊᑭᕋᕐᑐᕐᑎᓂ; ᓴᐅᓂᖏᑦ ᓯᖁᒥᑦᓱᒫᕐᐰᑦ ᖃᕐᔪᒥᓄᓪᓗ ᐳᑐᓗᒋᑦ.

ᒨᓯᓯ ᓯᑕᒪᖏᑦ 24:8 Iomraidhean Croise

ᐃᓐᖏᕈᑎᑦ 2:9

ᑖᒃᑯᐊ ᓯᖁᒥᑦᓱᒫᕐᐸᑎᑦ ᐊᓇᐅᑕᕐᒧᑦ ᓴᕕᕋᔭᖕᒧᑦ, ᓯᖁᑦᑎᕐᓗᒋᓪᓗ ᒪᕐᕋᖁᑎᓕᐅᑉ ᐃᓗᓕᖁᑎᖓᑕ ᓯᖁᒥᑕᐅᓂᖓᑐᑦ.”

ᐃᓐᖏᕈᑎᑦ 21:12

ᑍᒤᒻᒪᑦ ᕿᒫᑎᓐᓂᐊᕋᕕᒋᑦ; ᐅᕐᓕᕐᑐᕐᓂᐊᕋᕕᒋᓪᓗ ᐱᑎᒃᓰᑦ ᕿᓗᓯᒪᓗᒍ ᑮᓇᖏᓐᓄᑦ.

ᐃᓐᖏᕈᑎᑦ 45:5

ᖃᕐᔪᑎᑦ ᐃᐱᒃᑑᕗᑦ ᐆᒻᒪᑎᒧᑦ ᐊᖓᔪᖅᑳᕐᔪᐊᑉ ᐊᑭᕋᖏᓐᓄᑦ; ᐃᓄᐃᑦ ᐅᕐᕈᕗᑦ ᐱᔪᓐᓇᕐᓂᕐᓄᑦ.

ᐃᓐᖏᕈᑎᑦ 45:6

ᒎᑏ, ᐃᒃᓯᕙᐅᑕᕐᔪᐊᑦ ᑍᒤᓕᖓᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐊᖓᔪᖅᑳᕐᔪᐊᕐᓯᐅᑎᓗ ᐊᔭᐅᑉᐱᐊᑦ ᐃᖅᑲᕐᑐᐃᑦᓯᐊᕐᓂᕐᒧᑦ ᐊᔭᐅᑉᐱᐊᕆᓂᐊᕐᐸᑦ ᐊᑕᓂᐅᕕᖕᓂ.

ᒨᓯᓯ ᐂᑉᐸᖏᑦ 23:22

ᓈᓚᖕᓂᐊᕈᑦᓯᐅᒡᓕ ᐅᖃᓯᕆᔭᒃᑲᓗ ᑖᑦᓱᒨᓇ ᐱᓇᓱᐊᕈᑎᒋᓂᐊᕈᑦᓯᐅᒃ, ᑕᕝᕙ ᐊᑭᕋᕐᑐᑎᓯ ᐊᑭᕋᕐᑐᕐᑎᒋᓂᐊᕆᕙᒃᑲ ᐅᓇᖕᒥᔨᓯᓗ ᐅᓇᖕᒥᔨᒋᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 38:13

ᓂᓪᓕᐊᓚᐅᕐᐳᖓ ᐃᑲᔪᕐᑕᐅᔪᒪᓪᓗᖓ ᐅᓪᓛᒧᑦ ᑎᑭᓪᓗᒍ; ᓛᔭᒧᑦ ᓴᐅᓂᒃᑲ ᖃᖅᑯᐊᕐᑕᐅᔪᑎᑐᑦ ᑍᒤᓚᐅᕐᐳᑦ; ᐅᓪᓗᕐᒥᑦ ᐅᓐᓄᐊᒧᑦ ᑎᑭᑦᑐᑐᑦ ᐃᓱᓕᑎᓚᐅᕐᐸᕐᒪ.

ᔨᕆᒤᐊᐅᑉ ᐊᒡᓚᖏᑦ 50:17

“ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᔨᕆᒤᐊᐅᑉ ᐊᒡᓚᖏᑦ 50:9

ᑕᑯᒋᑦ, ᑲᐅᓪᑎᐊᒥᐅᑦ ᐊᑭᕋᕐᑐᕐᑎᒃᓴᖏᓐᓂᒃ ᐸᕐᓁᕐᓂᐊᕋᒪ, ᐅᓐᓄᐊᓪᓗᐊᑉ ᓇᓛᓂᑦ ᐃᓅᖃᑎᒌᒡᔪᐊᓂᒃ ᑕᐱᕇᓕᕐᑎᑦᓯᔪᒫᕋᒪ, ᐸᕐᓇᖕᓂᐊᕐᐳᓪᓗ ᐹᐱᓘᓂᒥᐅᓂᒃ ᐅᓇᑕᕐᕕᖃᕈᒪᓗᑎᒃ, ᐅᓐᓄᐊᓪᓗᐊᒥᓐᖔᕐᑐᓄᑦ ᑎᒍᔭᐅᔪᒫᕐᐳᑦ ᐱᑎᒃᓯᖏᑕ ᖃᕐᔪᖏᑦ ᐅᓇᑕᕆᐅᕐᓴᓯᒪᔪᑎᑐᑦ ᑕᒪᐅᖕᒊᓐᓈᕐᑐᖃᕐᓂᐊᓐᖏᓚᑦ.

ᑖᓂᐊᓕᐅᑉ ᐊᒡᓚᖏᑦ 6:24

ᐊᖓᔪᖅᑳᕐᔪᐊᑉ ᐱᖁᔨᓂᖓᓄᑦ, ᐊᖑᑎᑦ ᑖᓂᐊᓕᒥᒃ ᓱᓕᖏᑦᑐᒥᒃ ᐸᓯᒃᓯᕋᓱᓚᐅᕐᑐᑦ, ᕾᑎᑕᐅᕗᑦ ᐃᒋᑕᐅᓪᓗᑎᒃᓗ ᓛᔧᑦ ᓯᑎᖓᓄᑦ, ᓄᓕᐊᖏᑦ ᕿᑐᕐᖓᖏᓪᓗ ᐃᓚᒋᓪᓗᒋᑦ; ᓛᔭᒃᑯᕕᐅᑉ ᓇᑎᖓᓄᑦ ᓱᓕ ᑐᓚᐅᕐᑎᓐᓇᒋᑦ ᓛᔭᓂᑦ ᐊᑯᕐᑕᐅᓪᓗᑎᒃ ᓴᐅᓂᖏᑦ ᓯᖁᓪᓗᕐᑕᐅᕗᑦ.

ᒨᓯᓯ ᓯᑕᒪᖏᑦ 14:9

ᑭᓯᐊᓂ ᐊᑕᓂᖅ ᐊᑭᕋᕐᑐᕐᓂᐊᕐᓇᒍ, ᐅᕝᕙᓗ ᐃᓄᐃᑦ ᑖᕙᓃᑦᑐᑦ ᐃᕐᓯᒋᓂᐊᕐᓇᒋᑦ, ᐅᕙᑦᑎᓐᓄᑦ ᓂᕆᔭᒃᓴᑎᑐᑦ ᑍᒤᑐᐃᓐᓇᕐᒪᑕ; ᓴᐴᓗᑕᖏᑦ ᐊᑐᕈᓐᓁᕐᒪᑕ ᐊᑕᓂᐅᑉ ᐃᓚᒋᖕᒪᑎᒍᑦ. ᐃᕐᓯᒋᓂᐊᕐᓇᒋᑦ.”

ᒨᓯᓯ ᓯᑕᒪᖏᑦ 21:5

ᐃᓄᐃᓪᓗ ᓈᒻᒪᒃᓴᖏᓐᓂᕐᒥᒃ ᓂᓪᓕᐊᕗᑦ ᒎᑎᒧᑦ ᒨᓯᓯᒧᓪᓗ ᐅᖃᕐᓗᑎᒃ: “ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐱᑎᒍᑦ ᑐᖁᖁᓪᓗᑖ ᐃᓄᖃᖏᑦᑐᒥ? ᑕᒫᓂ ᓂᕿᒃᓴᖃᖏᒻᒪᑦ, ᐃᒪᖃᕋᓂᓗ, ᓂᕿᕗᓪᓗ ᐃᕿᐊᓐᖑᕐᐸᕗᑦ ᓂᕿᑐᕾᑦ.”

ᒨᓯᓯ ᓯᑕᒪᖏᑦ 23:22

ᒎᑎᐅᑉ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ; ᓴᓐᖏᓂᖃᕐᐳᖅ ᐃᒻᒧᒃᓯᐅᒐᕐᑐᑦ ᓄᔪᐊᕐᑐᑐᑦ.

ᒨᓯᓯ ᓯᑕᒪᖏᑦ 23:24

ᑕᑯᒋᑦ, ᐃᓄᐃᑦ ᒪᑭᑉᐳᑦ ᓲᕐᓗ ᐊᕐᓇᓪᓗᕐᑎᑐᑦ ᓛᔭᑐᑦ, ᒪᑭᓪᓗᓂᓗ ᓛᔭᐅᑉ ᒪᑭᑦᔪᓯᖓᑐᑦ; ᓇᓪᓚᕐᓂᐊᕋᓂᓗ ᓂᑭᒃᓴᕐᓯᐅᕐᑕᒥᓂᒃ ᓂᕆᓚᐅᖅᑳᕋᓂ, ᑐᖁᑕᒥᓗ ᐊᐅᖓᓂᒃ ᐃᒥᓚᐅᖅᑳᕋᓂ.”

ᒫᑎᐅᓯᐅᑉ ᐊᒡᓚᖏᑦ 2:15

ᑕᕝᕙᓃᓚᐅᕐᐳᑦ ᐃᕉᑕᓯ ᑐᖁᓚᐅᖏᓐᓂᖓᓂ; ᑕᒪᓐᓇ ᐱᓂᐊᕐᓂᐅᓚᐅᕐᐳᖅ ᐊᑕᓂᐅᑉ ᐅᖃᐅᓯᕆᓯᒪᔭᖏᑦ ᓇᓚᐅᑦᑍᔪᖁᑦ ᓇᓚᐅᑦᓯᖁᓪᓗᒋᑦ, ᐃᒤᓕᔪᑦ: “ᐃᕐᓂᕋ ᑬᖁᓚᐅᕐᐸᕋ ᐄᑦᔨᑉᑎᒥᑦ.”

ᒨᓯᓯ ᑕᓪᓕᒪᖏᑦ 32:23

ᐱᓂᕐᓗᒃᑕᐅᓇᕐᑐᓄᑦ ᐃᓱᓕᑦᓱᓐᓇᖏᑦᑐᓄᑦ ᑎᑭᑕᐅᑎᑦᓱᒪᕙᒃᑲ ᖃᕐᔪᓕᒫᒃᑲᓗ ᐊᑕᖏᕐᓗᒋᑦ ᑖᒃᑯᓄᖓ ᓵᖓᓂᐊᕐᐳᑦ ᐊᓯᕈᕈᒪᓪᓗᒋᑦ;

ᒨᓯᓯ ᑕᓪᓕᒪᖏᑦ 32:42

ᖃᕐᔪᒃᑲ ᐊᐅᖏᓐᓂᒃ ᑯᑐᖕᓂᐊᕐᐳᑦ, ᓴᕕᒡᔪᐊᕋᓗ ᐅᕕᓂᖏᓐᓂᒃ ᑲᐳᕅᓂᐊᕐᐳᖅ. ᑐᖁᔪᑦ ᐊᐅᖏᓐᓂᒃ ᑎᒍᔭᐅᔪᓪᓗ; ᓄᔭᖅᑯᕐᑐᔪᑦ ᓂᐊᖁᖏᓐᓂᑦ ᐊᑭᕋᓐᓂᑦ.’

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᔮᓱᐊᑉ ᐊᒡᓚᖏᑦ 2:10

ᑐᓴᐅᒪᒐᑦᑕ ᐊᑕᓂᐅᑉ ᐃᒪᖅ ᐊᐅᐸᓗᒃᑕᖅ ᓴᓗᐊᕐᑎᓚᐅᕐᒪᒍ ᐊᐅᓪᓚᕐᑎᓪᓗᓯ ᐄᑦᔨᑉᑎᒥᑦ, ᑐᓴᓚᐅᕆᕗᒍᑦᑕᐅᖅ ᑐᖁᕅᓂᕆᓚᐅᕐᑕᑦᓯᓐᓂᒃ ᓮᕼᐆᓂᒥᐅᓂᒃ ᐋᒡᒥᐅᓂᒡᓗ ᑖᒃᑯᐊᓗ ᐊᖓᔪᖅᑳᕐᔪᐊᒃ ᒪᕐᕉᒃ ᐊᒧᕅᑎᒥᐅᑕᖅ ᐋᒡᒥᐅᑕᕐᓗ ᑐᖁᕋᕐᑕᐅᓚᐅᕐᓂᖏᓐᓂᒃ ᓄᖑᑕᐅᓪᓗᑎᒃ ᔪᐊᕐᑕᓂᐅᑉ ᐅᖓᑖᓂ.