ᒨᓯᓯ ᓯᑕᒪᖏᑦ 24:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᒎᑎᒧᑦ ᐅᖃᕐᑎᑕᐅᓂᖓ, ᑐᓵᔫᑉ ᒎᑎᐅᑉ ᓂᐱᖓᓂᒃ, ᑕᐅᑐᒃᑎᑕᐅᔫᓪᓗ ᐊᔪᒐᖃᖏᑦᑐᑉ ᑕᑯᑎᑦᓯᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᒨᓯᓯ ᓯᑕᒪᖏᑦ 24:4 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 15:12

ᓯᕿᓂᕐᓕ ᐊᒃᐸᓕᕐᒪᑦ, ᐂᑉᕋᒻ ᐃᑎᔪᒥᒃ ᓯᓂᓕᕐᐳᖅ; ᑕᑯᒋᓪᓗ, ᑲᑉᐱᐊᓇᕐᑐᒥ ᑖᕐᑐᐊᓗᖕᒦᓕᕐᐳᖅ.

ᐊᑕᓃᑦ ᓯᕗᓪᓖᑦ 22:17

ᐅᖃᐅᑎᕚ, “ᐃᓴᕆᐊᓕᒥᐅᓕᒫᑦ ᑕᑯᕙᒃᑲ ᐊᕕᒃᑐᕐᓯᒪᑎᓪᓗᒋᑦ ᖃᖅᑲᐅ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑐᓂᑦ ᐊᖏᕐᕋᒥᖕᓄᑦ ᐊᖏᕐᕋᐅᓕᕐᓕᑦ ᐅᓇᑕᕈᓐᓃᕐᓗᑎᒃ.’”

ᐃᓐᖏᕈᑎᑦ 89:19

ᑍᑦᓱᒪᓂ ᑕᑯᑎᑦᔪᑎᒃᑯᑦ ᐅᖃᓪᓚᖃᑦᑕᓚᐅᕐᐳᑎᑦ ᐃᑦᔪᕐᓁᑦᑐᖁᑎᖕᓄᑦ, ᐅᖃᕐᓗᑎᑦ: “ᐃᑲᔪᕐᑕᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖓ ᐱᔪᓐᓇᕐᓂᖃᕐᑐᒧᑦ, ᐃᓄᒋᐊᒃᑐᕐᔪᐊᓂᓪᓗ ᓂᕈᐊᕐᓯᒪᔭᕋ ᐊᖏᔪᕈᕐᑎᓚᐅᕐᐸᕋ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᒨᓯᓯ ᓯᑕᒪᖏᑦ 22:20

ᒎᑎ ᐅᓐᓄᐊᒃᑯᑦ ᕾᓚᐅᕆᕗᖅ ᐸᓛᒻᒧᑦ ᐅᖃᐅᑎᓪᓗᒍᓗ, “ᐊᖑᑎᑦ ᕾᒃᐸᑕ ᐃᓕᖕᓂᒃ ᕾᖁᔨᓗᑎᒃ, ᒪᑭᓪᓗᑎᑦ ᒪᓕᓕᒃᑭᑦ; ᐅᖃᐅᓯᕆᔭᓐᓂᒃ ᑭᓯᐊᓂ ᐃᓕᖕᓄᑦ ᐱᓇᓱᐊᕐᓂᐊᕐᐳᑎᑦ.”

ᒨᓯᓯ ᓯᑕᒪᖏᑦ 22:31

ᑕᕝᕙ ᐊᑕᓂᐅᑉ ᐸᓛᒻ ᐃᔨᖏᒃ ᐅᐃᑎᑉᐹᒃ, ᑕᑯᓪᓗᓂᓗ ᐊᑕᓂᐅᑉ ᐂᖏᓕᖓᓂᒃ ᐊᖅᑯᒻᒥ ᓇᖏᕐᑐᒥᒃ ᓴᕕᒡᔪᐊᒧᑦ ᐅᕐᓕᕐᓗᓂ ᑎᒍᒥᐊᕐᑕᒥᓄᑦ; ᑕᕝᕙ ᓂᐊᖁᓂ ᐅᑯᕚ ᓄᓇᒧᓪᓗ ᐹᒻᒪᒡᓗᓂ ᑮᓇᓂ ᒪᓂᖅᑲᒧᑦ ᑐᓪᓗᒍ.

ᒨᓯᓯ ᓯᑕᒪᖏᑦ 24:15

ᒎᑎᒥᑦ ᐅᖃᐅᓯᒃᓴᕐᑖᕆᔭᒥᓂᒃ ᐅᖃᓕᕐᐳᖅ, ᐅᖃᕐᓗᓂ: ᐸᓛᒻ ᐱᐅᕆᐅᑉ ᐃᕐᓂᖓᑕ ᒎᑎᒥᑦ ᐅᖃᕐᑎᑕᐅᓂᖓ, “ᐃᓅᑉ ᐃᔨᖏᒃ ᐅᐃᑎᑕᐅᓯᒪᔫᑉ, ᒎᑎᒥᑦ ᐅᖃᕐᑎᑕᐅᓂᖓ;

ᒨᓯᓯ ᓯᑕᒪᖏᑦ 24:5

ᑐᐱᕐᑎᑦ ᐱᐅᔪᐊᓘᕗᑦ, ᔧᑰ! ᐃᓴᕆᐊᓖ, ᐃᓂᒋᔭᑎᑦ ᐱᐅᔪᐊᓘᕗᑦ!

ᐋᐴᓯᑕᓖᑦ ᐱᓂᐊᕐᓂᖏᑦ 10:10

ᑳᓕᕋᒥ ᓂᕆᔪᒪᓕᕐᐳᖅ; ᓂᕆᓂᐊᕐᑕᖏᓐᓂᒃ ᓂᕿᓕᐅᕐᑐᖃᕐᑎᓪᓗᒍ ᐃᓱᒪᒥᒍᑦ ᑎᒥᒥᓃᑦᓱᓐᓃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 10:19

ᓱᓕ ᐲᑦᑐᕉᓯ ᑕᑯᑎᑕᐅᓂᕐᒥᓂᒃ ᐃᓱᒪᒃᓴᕐᓯᐅᕈᑎᖃᕐᑎᓪᓗᒍ, ᒎᑎᐅᑉ ᐊᓂᕐᓂᖓᑕ ᐅᖃᐅᑎᕚ, “ᑕᑯᒋᑦ, ᐊᖑᑎᓄᑦ ᐱᖓᓱᓄᑦ ᕿᓂᕐᑕᐅᓕᕐᐳᑎᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:17

“ᔨᕉᓴᓕᒻᒧᑦ ᐅᑎᕋᒪ ᑐᒃᓯᐊᕐᕕᒡᔪᐊᒥ ᑐᒃᓯᐊᕐᑎᓪᓗᖓ ᐃᓱᒪᒃᑯᑦ ᑎᒥᓐᓃᑦᓱᓐᓁᓚᐅᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:17

ᑕᑯᒐᒃᑯ, ᐃᑎᒐᖏᓐᓄᑦ ᐅᕐᕈᕗᖓ ᑐᖁᔪᑎᑐᑦ. ᑕᓕᕐᐱᖕᒥᓄᓪᓗ ᐊᒃᑐᕐᓗᓂᖓ ᐅᖃᐅᑎᕚᖓ, “ᑲᑉᐱᐊᓱᖕᓇᒃ, ᓯᕗᓪᓕᕐᐹᖑᕗᖓ ᑭᖑᓪᓕᕐᐹᖑᓪᓗᖓᓗ

ᓴᒧᐃᓕ ᓯᕗᓪᓖᑦ 19:24

ᐊᓐᓄᕅᔭᕐᓗᓂᓗ ᓇᓚᐅᑦᑍᖃᑕᐅᓕᕆᕗᖅ ᓴᒧᐃᓕᐅᑉ ᓵᖓᓂ, ᐅᓪᓗᓕᒫᕐᓗ ᐅᓐᓄᐊᓕᒫᕐᓗ ᓇᓚᓚᐅᕐᐳᖅ ᑕᕝᕙᓂ ᐊᓐᓄᕌᖃᕋᓂ. ᑍᒤᒻᒪᑦ ᐅᖃᕐᑐᖃᓕᕐᐳᖅ, “ᓴᐅᓕ ᐊᒡᓛᑦ ᒎᑎᒧᑦ ᐅᖃᕐᑎᐅᖃᑕᐅᓕᕆᕚ?”