ᒨᓯᓯ ᓯᑕᒪᖏᑦ 24:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᒨᓯᓯ ᓯᑕᒪᖏᑦ 24:17 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᓴᒧᐃᓕ ᐂᑉᐸᖏᑦ 8:14

ᐅᓇᑕᕐᑐᒃᓴᖁᑎᒥᓂᒡᓗ ᐃᓂᑖᕐᑎᑦᓯᓚᐅᕐᐳᖅ ᐄᑐᒥᓕᒫᒥ; ᐃᓄᓕᒫᖏᓪᓗ ᐱᔨᑖᕆᓚᐅᕐᐰᑦ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᓐᖓᑐᐊᕌᖓᑦ.

ᓴᒧᐃᓕ ᐂᑉᐸᖏᑦ 8:2

ᒧᐊᐱᒥᐅᓪᓗ ᓵᓚᒋᒋᕔᑦ, ᑎᒍᔭᓂᓗ ᒪᓂᖅᑲᒧᑦ ᓇᓪᓚᕐᑎᑉᐰᑦ; ᐊᒃᓱᓈᒧᑦ ᐆᒃᑐᕋᐅᑎᖃᕐᓗᓂ ᐊᒃᓱᓈᑉ ᐃᓗᐊᓃᑦᑐᑦ ᒪᕐᕈᐃᕐᑕᕐᓗᒋᑦ ᑖᒃᑯᐊ ᑐᖁᑕᐅᑎᑉᐰᑦ, ᐆᒃᑐᕋᕐᑕᖏᑕ ᐱᖓᔪᖏᓐᓃᑦᑐᑦ ᑐᖁᑕᐅᕙᒐᑎᒃ. ᑍᒤᒻᒪᑦ ᒧᐊᐱᒥᐅᑦ ᑍᕕᑎᐅᑉ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᒃᓰᕈᑎᒥᖕᓂᒃ ᑖᑦᓱᒧᖓ.

ᐊᑕᓃᑦ ᐂᑉᐸᖏᑦ 3:5

ᐂᕼᐋᐱᐅᑉ ᐃᓅᔪᓐᓃᕐᓂᖓᑕ ᑭᖑᓂᖓᓂ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᐊᑭᕋᕐᑐᓕᓚᐅᕐᐳᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓐᓂᒃ.

ᑯᕉᓂᑲ ᓯᕗᓪᓖᑦ 18:2

ᒧᐊᐱᒥᐅᓪᓗ ᓵᓚᒋᕔᑦ, ᐱᔨᑖᕆᓪᓗᒋᓪᓗ ᑐᓂᓯᖃᑦᑕᓕᕐᐳᓪᓗ ᐊᑭᓕᐅᑎᒥᖕᓂᒃ ᑖᑦᓱᒧᖓ.

ᐃᓐᖏᕈᑎᑦ 110:2

ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ.

ᐃᓐᖏᕈᑎᑦ 45:6

ᒎᑏ, ᐃᒃᓯᕙᐅᑕᕐᔪᐊᑦ ᑍᒤᓕᖓᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐊᖓᔪᖅᑳᕐᔪᐊᕐᓯᐅᑎᓗ ᐊᔭᐅᑉᐱᐊᑦ ᐃᖅᑲᕐᑐᐃᑦᓯᐊᕐᓂᕐᒧᑦ ᐊᔭᐅᑉᐱᐊᕆᓂᐊᕐᐸᑦ ᐊᑕᓂᐅᕕᖕᓂ.

ᐂᓮᐊᓯᐅᑉ ᐊᒡᓚᖏᑦ 15:1

ᐅᑯᐊ ᐅᖃᐅᓰᑦ ᐱᑦᔪᑎᖃᕐᐳᑦ ᒧᐊᐱᒥᐅᓂᒃ. ᐋᕆᒥᐅᑦ ᑭᕆ-ᒧᐊᐱᒥᐅᓪᓗ ᐅᓐᓄᐊᖏᓐᓇᖅ ᐃᒡᓗᒐᓴᒡᔪᐊᖏᑦ ᓄᖑᑕᐅᖕᒪᑕ, ᒧᐊᐱᒥᐅᑦ ᓄᓇᓕᒫᖓ ᓂᐱᖃᕈᓐᓃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 48:1

ᒧᐊᐱᒥᐅᑦ ᐱᓪᓗᒋᑦ. ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᑲᑉᐱᐊᓐᓇᒦᒃ ᓂᐴᒥᐅᑦ, ᐊᓯᕈᕐᑕᐅᓂᐊᕋᑦᓯ! ᑭᕆᐊᑍᒥᐅᑦ ᐱᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔪᑦ ᑲᓐᖑᓲᑎᒃᓴᖃᕐᓂᐊᕐᐳᑦ ᓱᕋᒃᑎᕐᑕᐅᔪᒫᕐᒪᑕ,

ᔨᕆᒤᐊᐅᑉ ᐊᒡᓚᖏᑦ 48:45

ᕼᐃᓴᐸᓂᒥᐅᑦ ᑕᕐᕋᓕᓂᖏᓐᓂ ᕿᒫᓂᑯᐃᑦ ᐃᓂᒃᓴᕐᓯᓂᐊᓐᖏᓚᑦ, ᕼᐃᓴᐸᓂ ᐃᑯᐊᓚᔪᕐᑕᖃᕐᒪᑦ, ᓮᕼᐆᓂᒥᓪᓗ ᐃᑯᐊᓚᔪᒥᒃ ᐊᓂᐊᔪᖃᕐᒪᑦ, ᒧᐊᐱᒥᐅᓪᓗ ᖃᐅᖏᓐᓂᒃ ᐆᑎᑦᓯᓂᐊᕐᒪᑦ, ᐅᖃᐅᓯᕐᒥᒍᑦ ᐅᓇᖕᒥᓁᔭᕐᐸᒃᑐᕕᓃᑦ ᓴᐅᓂᖏᓐᓂᒃ ᐱᖃᓯᐅᑦᔨᓗᓂ.

ᓴᑲᕅᐊᐅᑉ ᐊᒡᓚᖏᑦ 10:4

ᑖᒃᑯᓇᖓᑦ ᓴᖅᑭᑦᑐᖃᕈᒫᕐᐳᖅ ᐊᖓᔪᖅᑳᓂᒃ ᐃᒡᓘᑉ ᑎᕆᖅᑯᐊᑐᑦ ᐊᑐᕐᑎᒋᔪᓂᒃ, ᐊᐅᓚᑦᓯᔨᓂᒡᓗ ᑐᐱᐅᑉ ᐸᐅᒍᐊᖓᑐᑦ ᐊᑐᕐᑎᒋᔪᓂᒃ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᓐᓂᒃ ᐱᑎᒃᓯᑐᑦ ᐅᓇᑕᐅᑎᑐᑦ ᐊᑐᕐᑎᒋᔪᓂᒃ, ᑕᓯᐅᕐᑎᓂᒡᓗ ᖃᓄᐃᑦᑐᑐᐃᓐᓇᕐᓂᒃ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒨᓯᓯ ᓯᑕᒪᖏᑦ 21:29

ᑲᑉᐱᐊᓐᓇᒦᒃ, ᒧᐊᐱᒥᐅᑕᐅᔪᓯ! ᑭᒨᓯᒥᐅᑕᐅᔪᓯᓗ ᐊᓯᕈᕐᑕᐅᓯᒪᕗᓯ! ᐃᓕᑦᓯᓗ ᑖᒃᑯᓄᖓ ᕿᑐᕐᖓᕆᔭᐅᔪᓯ ᕿᒫᓯᒪᔭᕆᐊᖃᓕᕐᐳᓯ, ᐃᓕᑦᓯᓗ ᑖᒃᑯᓄᖓ ᐸᓂᒋᔭᐅᔪᓯ ᑎᒍᔭᐅᓗᓯ ᐊᐅᓪᓚᕈᔭᐅᓂᐊᕐᐳᓯ, ᐊᒧᕅᑎᑦ ᐊᖓᔪᖅᑳᕐᔪᐊᖓᓄᑦ ᓮᕼᐆᓂᒥᒃ ᐊᑎᓕᖕᒧᑦ.

ᒨᓯᓯ ᓯᑕᒪᖏᑦ 24:16

ᒎᑎᐅᑉ ᐅᖃᐅᓯᖓᓂᒃ ᑐᓵᔫᑉ ᒎᑎᒥᑦ ᐅᖃᕐᑎᑕᐅᓂᖓ, ᖁᑦᓯᖕᓂᕐᐹᑉ ᖃᐅᔨᒪᓂᖓᓂᒃ ᖃᐅᔨᒪᑎᑕᐅᔫᑉ, ᑕᐅᑐᒃᑑᓪᓗ ᐊᔪᒐᖃᖏᑦᑑᑉ ᑕᑯᑎᑦᓯᑦᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᓘᑲᓯᐅᑉ ᐊᒡᓚᖏᑦ 1:78

ᒎᑎᑦᑕ ᓂᑲᒍᓱᖕᓂᕐᔪᐊᖓᒍᑦ, ᐱᐅᓕᔭᐅᓂᖅ ᖃᐅᓕᕐᑐᑐᑦ ᐅᓪᓛᑐᑦ ᓴᖅᑭᑎᑦᓱᒫᕐᐹ ᐅᕙᑦᑎᓐᓄᑦ.

ᐄᑉᕈᐃᓄᑦ 1:8

ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ, “ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ, ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.

ᐄᑉᕈᐃᓄᑦ 7:14

ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.

ᐲᑦᑐᕉᓯ ᐂᑉᐸᖏᑦ 1:19

ᓇᓚᐅᑦᑍᑦᔪᑕᐅᓯᒪᔪᑦ ᓇᓚᐅᑦᓯᑎᑕᐅᓂᖏᑦ ᓇᓗᓇᕈᓐᓃᑲᓐᓂᓚᐅᕐᐳᑦ. ᓈᓚᑦᓯᐊᕈᑦᓯᐅᒃ ᑕᒪᓐᓇ ᐊᑲᐅᔪᒥᒃ ᐱᓂᐊᕐᐳᓯ ᓲᕐᓗ ᖃᐅᒻᒪᖅᑯᑎᑐᑦ ᑖᕐᑐᒥ ᐃᑯᒪᔪᑎᑐᑦ, ᖃᐅᓕᓵᕐᑐᕐᓯᐅᑦ ᐅᓪᓗᕆᐊᖅ ᓴᖅᑭᓂᐊᕐᐳᖅ ᐆᒻᒪᑎᑦᓯᓐᓂ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:16

“ᐅᕙᖓ ᔩᓱᓯ ᐂᖏᓕᖁᑎᓐᓂᒃ ᑎᓕᓯᓚᐅᕐᐳᖓ ᐅᖃᐅᑦᔨᖁᓪᓗᒍ ᐃᓕᖕᓂᒃ ᐅᖃᐅᓯᕆᔭᒃᓴᕐᓂᒃ ᐅᒃᐱᕐᑑᖃᑎᒌᓄᑦ. ᑍᕕᑎᐅᑉ ᐃᓚᒌᖕᓂᖏᑕ ᑭᖑᕚᖏᓐᓂᑦ ᐱᓯᒪᕗᖓ, ᐅᓪᓗᕆᐊᖑᕗᖓ ᖃᐅᒻᒪᕆᒃᑐᖅ ᖃᐅᓕᓵᕐᑐᕐᓯᐅᑦ.”

ᓴᒧᐃᓕ ᓯᕗᓪᓖᑦ 14:38

ᓴᐅᓕᓗ ᐅᖃᕐᐳᖅ, “ᕾᒋᑦᓯ ᓯᕗᓕᕐᑎᐅᔪᓯ ᐃᓄᖕᓄᑦ, ᖃᐅᔨᓇᓱᐊᕐᓗᓯᓗ ᐅᓪᓗᒥ ᐊᔪᕐᑐᓕᔪᖃᕐᓂᕐᒪᖔᑦ.