ᒨᓯᓯ ᓯᑕᒪᖏᑦ 23:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᔧᑯ ᐊᖓᒃᑯᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᐃᓴᕆᐊᓕᒥᐅᑦ ᐊᖓᒃᑰᓇᓱᐊᕐᓂᕐᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᑦ. ᐃᓴᕆᐊᓕ ᐱᑦᔪᑎᒋᓪᓗᒍ, ‘ᑕᑯᓕᕆᑦ, ᒎᑎᐅᑉ ᐱᓇᓱᐊᕐᓯᒪᔭᖏᓐᓂᒃ!’

ᒨᓯᓯ ᓯᑕᒪᖏᑦ 23:23 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 64:9

ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ; ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 41:4

ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.

ᐂᓮᐊᓯᐅᑉ ᐊᒡᓚᖏᑦ 44:25

ᑭᐊ ᓇᓗᓕᕐᑎᑉᐰᑦ ᓱᓕᓇᑎᒃ ᓇᓚᐅᑦᑍᓇᓱᒃᑐᑦ, ᓯᕗᓂᕐᒥᒡᓗ ᖃᐅᔨᒪᓇᓱᐊᕐᑐᑦ ᓯᓔᑦᑐᓐᖑᕐᑎᓪᓗᒋᑦ; ᑭᐊ ᑎᒥᒃᑯᑦ ᓯᓚᑐᔪᑦ ᐅᑎᒧᑦ ᓵᑎᑉᐰᑦ, ᖃᐅᔨᒪᓂᖏᓪᓗ ᓯᓔᓐᓂᐅᓕᕐᑎᓪᓗᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 21:21

ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᓇᑉᐸᖅᑯᑎᐅᑉ ᓴᓂᐊᓃᓕᕐᓗᓂ ᐊᖅᑯᑏᒃ ᒪᕐᕈᐃᓕᖅᑲᖓᒋᐊᕐᓂᖓᓂ ᖃᐅᔨᓇᓱᐊᓕᕐᐳᖅ; ᓇᓪᓕᐊᓐᓄᑦ ᐂᕕᒋᔭᒃᓴᒥᓂᒃ ᖃᕐᔪᐃᑦ ᐊᐅᓚᑎᑉᐰᑦ, ᒎᑎᓐᖑᐊᓂᓗ ᐊᐱᕆᕔᑦ, ᐆᒪᔫᓪᓗ ᑎᖑᖓᓂᒃ ᖃᐅᔨᓴᕐᓗᓂ.

ᑖᓂᐊᓕᐅᑉ ᐊᒡᓚᖏᑦ 9:15

“ᒫᓐᓇᓕ ᐊᑕᓃᖅ, ᐃᓄᖁᑎᖕᓂᒃ ᐊᐅᓪᓚᕐᑎᑦᓯᓚᐅᕐᑐᑎᑦ ᐄᑦᔨᑉᑎᒥᑦ ᐊᒡᒐᕕᑦ ᐱᔪᓐᓇᕐᓂᖓᓄᑦ ᐊᑏᓪᓗ ᓱᖁᓯᕐᓂᐊᖏᒻᒪᑦ ᐅᓪᓗᒥᒧᑦ ᑎᑭᓪᓗᒍ, ᐱᐅᖏᑦᑐᓕᓯᒪᒐᑦᑕ, ᑕᒻᒪᕐᓯᒪᔪᐊᓘᒐᑦᑕ.

ᒤᑲᐅᑉ ᐊᒡᓚᖏᑦ 7:15

ᑍᑦᓱᒪᓂ ᐅᓪᓗᓂ ᐊᐅᓪᓚᓚᐅᕋᑦᓯ ᐄᑦᔨᑉᑎᒥᑦ, ᑍᒫᒃᑕᐅᖅ ᑖᒃᑯᐊ ᑲᒪᓇᕐᑐᓂᒃ ᑕᑯᔪᒫᕐᐳᑦ.

ᒨᓯᓯ ᓯᑕᒪᖏᑦ 24:1

ᐸᓛᒻ ᖃᐅᔨᒐᒥ ᐊᑕᓂᖅ ᐃᓴᕆᐊᓕᒥᐅᓂᒃ ᓮᒻᒪᕐᑎᑦᓯᓂᕐᒥᒃ ᖁᕕᐊᒋᔭᖃᕐᒪᑦ, ᐃᓛᓐᓂᑦ ᐱᐅᓯᕆᕙᒃᑕᒥᑐᑦ ᐊᖓᒃᑰᓇᓱᐊᕐᓂᒃᑯᑦ ᐱᓇᓱᐊᓚᐅᓐᖏᓚᖅ, ᐃᓄᖃᖏᑦᑐᒧᓪᓕ ᓵᓐᖓᓚᐅᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 12:25

ᔩᓱᓯᐅᑉ ᖃᐅᔨᒪᒐᒥᒋᑦ ᖃᓄᖅ ᐃᓱᒪᖃᕐᒪᖔᑕ, ᐅᖃᐅᑎᕔᑦ, “ᓄᓇᓖᑦ ᐊᖓᔪᖅᑳᕐᔪᐊᖃᕐᑐᑦ ᐊᑕᐅᓯᕐᒥᒃ ᐊᒡᒍᕐᓗᑎᒃ ᐃᒻᒥᖕᓄᑦ ᐅᓇᑕᓕᕈᑎᒃ ᐊᖓᔪᖅᑲᐅᕕᒃ ᐊᑯᓂᐅᖏᑦᑐᖅ ᓄᖑᒃᑲᔭᕐᐳᖅ, ᓄᓇᓖᓪᓗ, ᐅᕝᕙᓗ ᐃᓚᒌᑦ ᐃᒡᓗᒥᐅᖃᑎᒌᑦ ᐊᒡᒍᕐᓗᑎᒃ, ᐃᒻᒥᖕᓄᑦ ᐅᓇᑕᓕᕈᑎᒃ ᐊᑕᐅᓯᐅᔪᓐᓃᕋᔭᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 12:27

ᐊᓂᕐᓂᕐᓗᐃᑦ ᐊᓂᑎᒍᒃᑭᑦ ᐱᐅᓪᓯᐹᐱᒃᑯᑦ, ᒪᓕᒃᑎᓯᓕ ᑍᒪ ᓇᐅᒃᑯᑦ ᐊᓂᑎᑦᓯᖃᑦᑕᕐᐸᑦ ᐊᓂᕐᓂᕐᓗᖕᓂᒃ? ᑍᒤᒻᒪᑦ ᒪᓕᒡᑎᓯ ᐃᖅᑲᕐᑐᐃᔨᒋᔪᒫᕐᐸᓯ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᔪᐊᓇᓯᐅᑉ ᐊᒡᓚᖏᑦ 11:47

ᑕᕝᕙ ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᕐᓗᑎᒃ ᐅᖃᕐᐳᑦ, “ᖃᓄᐃᓕᐅᕆᐊᖃᓕᕐᐱᑖ? ᑖᓐᓇ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 15:12

ᑲᑎᒪᔪᓪᓗ ᓂᐱᖃᕈᓐᓃᕐᐳᑦ; ᓈᓚᒡᓗᑎᒃ ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᐅᓂᒃᑳᕐᑎᓪᓗᒋᒃ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒃᓗ ᒎᑎᐅᑉ ᔫᑎᐅᖏᑦᑐᓄᑦ ᐱᓇᓱᐊᖃᑦᑕᓚᐅᕐᑕᖏᓐᓂᒃ ᑖᒃᑯᒃᑎᒎᓇᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 4:16

ᐅᖃᕐᓗᑎᒃ, “ᐊᖑᑎᑦ ᐅᑯᐊ ᖃᓄᐃᓕᓂᐊᓕᕐᑕᕘᑦ? ᔨᕉᓴᓕᒻᒥᐅᓕᒫᑦ ᑕᒪᑐᒥᖓ ᑲᒪᓇᕐᑐᐊᓗᖕᒥᒃ ᖃᐅᔨᖕᒪᑕ ᑖᒃᑯᒃᑎᒎᓇᖅ, ᐅᕙᒍᓪᓗ ᐱᔪᖃᓚᐅᖏᓐᓂᕋᕈᓐᓇᓐᖏᓚᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:12

ᑲᒪᓇᕐᑐᓕᓃᑦ ᓇᓗᓁᒃᑯᑍᓪᓗ ᐊᒥᓱᑦ ᐊᑐᕐᑕᐅᓚᐅᕐᐳᑦ ᐃᓄᖕᓂ ᐋᐴᓯᑕᓕᒃᑎᒍᑦ. ᐅᒃᐱᕐᑑᖃᑎᒌᑦ ᑲᑎᒪᖃᑦᑕᓚᐅᕐᐳᑦ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 5:14

ᐊᑕᓂᕐᒧᑦ ᐅᒃᐱᓕᕐᑐᑦ ᐊᒥᓱᑦ ᑖᒃᑯᓄᖓ ᐃᓚᓕᐅᑎᕙᓪᓕᐊᓚᐅᕐᐳᑦ ᐊᖑᑎᑦ ᐊᕐᓁᓪᓗ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᒨᓯᓯ ᑕᓪᓕᒪᖏᑦ 3:24

‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!

ᔮᓱᐊᑉ ᐊᒡᓚᖏᑦ 13:22

ᐃᓴᕆᐊᓕᒥᐅᑦ ᐃᓄᖏᑕ ᑐᖁᓚᐅᕐᑕᖓᑕ ᐃᓚᖓ ᑖᓐᓇᐅᕗᖅ ᓯᕗᓂᒃᓴᒥ ᓇᓚᐅᑦᑍᔨ ᐸᓛᒻ ᐱᐅᕆᐅᑉ ᐃᕐᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.