ᒨᓯᓯ ᓯᑕᒪᖏᑦ 23:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᒨᓯᓯ ᓯᑕᒪᖏᑦ 23:21 Iomraidhean Croise

ᑯᕉᓂᑲ ᐂᑉᐸᖏᑦ 13:12

ᑕᑯᒋᑦ, ᒎᑎᐅᑉ ᐃᓚᒋᕚᑎᒍᑦ ᓂᐊᖁᕆᒐᑦᑎᒍ, ᑐᓂᕐᕈᓯᕐᑎᑦᓯᔨᖏᓪᓗ ᑎᑦᑐᓚᐅᑎᓄᑦ ᓂᓪᓕᕐᑎᑦᓯᕗᑦ ᐅᓇᑕᕆᐊᕐᑐᕐᓯᐅᒻᒥᒃ ᐃᓕᑦᓯᓐᓄᑦ. ᐃᓴᕆᐊᓕᐅᑉ ᑭᖑᕚᖏᑦ, ᐊᑕᓂᕐᒥᒃ ᐅᓇᑕᕐᑍᓕᒋᑦᓯ, ᓯᕗᓕᑦᓯ ᒎᑎᖓᓂᒃ; ᓵᓚᖃᕐᓂᐊᖏᓐᓇᑦᓯ.”

ᐃᓐᖏᕈᑎᑦ 103:12

ᓯᕿᓂᐅᑉ ᓄᐃᕕᐊᓂᑦ ᓯᕿᓂᐅᑉ ᓂᐱᕕᐊ ᐅᖓᓯᒃᑑᖕᒪᑦ, ᑍᒫᒃᑕᐅᖅ ᐊᔪᕐᓂᕗᑦ ᐲᕐᓗᒋᑦ ᐅᖓᓯᒃᓯᑎᑉᐰᑦ ᐅᕙᑦᑎᓐᓂᑦ.

ᐃᓐᖏᕈᑎᑦ 118:15

ᖁᕕᐊᓱᒡᓗᑎᒃ ᐃᓐᖏᕐᓃᑦ ᓵᓚᖃᕐᑐᕐᓯᐅᑎᓂᒃ ᓇᓛᒎᕐᑐᑦ ᑐᐱᖓᓃᑉᐳᑦ ᑐᒃᓯᐊᕐᕕᖓᓐᓂ; “ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᓵᓚᖃᑦᓮᓐᓇᕐᐳᖅ,

ᐃᓐᖏᕈᑎᑦ 135:21

ᐊᑕᓂᖅ ᓂᕐᑐᕐᑕᐅᓕ ᓮᐅᓂᒥᑦ, ᑖᓐᓇ ᔨᕉᓴᓕᒥ ᐃᓂᖃᕐᑐᖅ! ᐊᑕᓂᖅ ᓂᕐᑐᕐᓯᐅᒃ!

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᐃᓐᖏᕈᑎᑦ 32:2

ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ, ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 97:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᓄᓇᕐᔪᐊᖅ ᖁᕕᐊᓲᑎᖃᓕᕐᓕ; ᕿᑭᕐᑍᓪᓗ ᐅᓄᕐᑐᑦ ᖁᕕᐊᓱᓕᕐᓕᑦ!

ᐃᓐᖏᕈᑎᑦ 99:2

ᐊᑕᓂᖅ ᐊᖏᔫᕗᖅ ᓮᐅᓂᒥ; ᐊᖏᓂᕐᐹᖑᕗᖅ ᐃᓅᖃᑎᒌᒡᔪᐊᓕᒫᓂᑦ.

ᒨᓯᓯ ᐂᑉᐸᖏᑦ 13:21

ᐅᓪᓘᓕᕌᖓᑦ ᐊᑕᓂᖅ ᓯᕗᓂᖓᓐᓃᑉᐸᓚᐅᕐᐳᖅ ᓄᕗᔭᒥ ᓇᐸᔪᒥ ᐊᑐᕐᓂᐊᕐᑕᖓᓃᑉᐸᓚᐅᕐᐳᖅ ᓇᓗᓁᕐᓯᓯᒪᓇᓱᐊᕐᓗᓂ. ᐅᓐᓄᐊᖑᓕᕌᖓᓪᓕ ᐊᑕᓂᐅᑉ ᓯᕗᓕᓕᖃᑦᑕᓚᐅᕐᐰᑦ ᐃᑯᐊᓚᔪᒥ ᓇᐸᔪᒥ ᓯᕗᓂᕆᔭᖓᑦ ᖃᐅᒪᑎᑉᐸᒃᓗᓂᐅᒃ ᐃᖏᕐᕅᓐᓇᖁᓪᓗᒋᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ.

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 33:21

ᑕᕝᕙᓂ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓚᒋᔪᒫᕐᐹᑎᒍᑦ, ᑰᖃᕐᑐᖅ ᓯᓕᒃᑐᓂᒃ ᐊᒥᓐᓂᕐᓴᓂᒡᓗ, ᐅᒥᐊᕐᔪᐊᑦ ᑎᖏᕐᕋᐅᑕᓖᑦ ᐃᐳᑎᖃᕐᑐᑦ ᑕᒪᐅᓈᕈᓐᓇᕈᒫᓐᖏᓚᑦ, ᐅᒥᐊᕐᔪᐊᓪᓗ ᐊᖏᓂᕐᓮᑦ ᑕᒪᐅᓈᕈᓐᓇᕈᒫᖏᓐᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 38:17

ᐃᓛᒃ ᐱᕚᓪᓕᕈᓐᓇᖁᓪᓗᖓ ᓂᓐᖓᐅᒪᓂᕐᔪᐊᖃᓚᐅᕐᐳᖓ; ᓇᒡᓕᖕᓂᕐᓄᓪᓕ ᓴᐳᑎᓚᐅᕐᐸᕐᒪ ᐃᑎᕐᓴᒥᑦ ᐊᓯᕈᕐᑕᐅᕕᖕᒥᑦ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 8:10

ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᔪᐃᓕᐅᑉ ᐊᒡᓚᖏᑦ 2:27

ᖃᐅᔨᔪᒫᕐᐳᓯᓗ ᐃᓴᕆᐊᓕᒥᐅᑦ ᐊᑯᓐᓂᖓᓃᓐᓇᒪ: ᐅᕙᖓ ᐊᑕᓂᐅᕗᖓ ᒎᑎᓯ ᐊᓯᓐᓂᒃ ᐱᑕᖃᓐᖏᓚᖅ. ᐃᓄᖁᑎᒃᑲ ᖃᖓᓕᒫᖅ ᑲᓐᖑᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑦ.”

ᒨᓯᓯ ᐱᖓᔪᖏᑦ 9:24

ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᑐᓂᕐᕈᑏᓪᓗ ᐃᑯᐊᓚᒐᒃᓮᑦ ᓄᖑᑉᐰᑦ ᑐᓐᓄᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ. ᐃᓄᐃᓪᓗ ᑕᒪᑐᒥᖓ ᑕᑯᒐᒥᒃ, ᕾᒐᓛᕐᐳᑦ ᐹᒻᒪᒡᓗᑎᒡᓗ ᑮᓇᑎᒃ ᓄᓇᒧᑦ ᐊᒃᑐᕐᓗᒍ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᒨᓯᓯ ᓯᑕᒪᖏᑦ 14:19

ᐅᑯᐊ ᐃᓄᐃᑦ ᑕᒻᒪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᒃᑭᑦ, ᑐᒃᓯᐊᕐᐳᖓ ᓂᑲᒍᓱᖕᓃᑦ ᐊᖏᔪᖅ ᒪᓕᒡᓗᒍ, ᑍᒫᒃᑕᐅᖅ ᐃᓄᐃᑦ ᐅᑯᐊ ᐃᓱᒪᒋᔪᓐᓁᕐᕕᒋᕙᒃᑲᕕᒋᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᓐᓂᑦ ᐅᓪᓗᒥᒧᑦ ᑎᑭᓪᓗᒍ.”

ᒨᓯᓯ ᓯᑕᒪᖏᑦ 16:3

ᑲᑎᓪᓗᑎᒃ ᐊᑭᕋᕐᑐᓕᕐᐳᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᖕᓄᖓ ᐅᖃᕐᓗᑎᒃ, “ᐃᓕᑦᓯᓐᓂᒃ ᐊᖓᔪᖅᑳᖑᑎᓗᐊᕋᑦᓯᒃ, ᐃᓅᖃᑎᒌᒡᔪᐊᑦ ᐃᑦᔪᕐᓁᑦᑑᖕᒪᑕ, ᑕᒪᕐᒥᑦᓯᐊᖅ, ᐊᑕᓂᐅᓪᓗ ᐃᓚᒋᖕᒪᒋᑦ. ᓱᖕᒪᑦ ᐃᓕᑦᓯᓐᓂᒃ ᐊᖏᔫᑎᓗᐊᕐᐱᓯᒃ ᐊᑕᓂᐅᑉ ᑲᑎᒪᔪᕐᔪᐊᖁᑎᖏᓐᓄᑦ?”

ᒨᓯᓯ ᓯᑕᒪᖏᑦ 9:22

ᐅᓪᓘᒃ ᒪᕐᕉᒃᐸᑎᒡᓘᓐᓃᑦ, ᑕᖅᑭᓕᒫᕐᓘᓐᓃᑦ, ᐊᕐᕌᒍᓕᒫᕐᓘᓐᓃᑦ ᓄᕗᔭ ᑐᐱᕐᔪᐊᑉ ᖁᓛᓃᑉᐸᑦ ᐃᓴᕆᐊᓕᐅᑉ ᕿᑐᕐᖓᖏᑦ ᑕᖕᒫᕐᓯᒪᕙᓚᐅᕐᐳᑦ ᐃᖏᕐᕋᓇᑎᒡᓗ; ᖁᒻᒧᐊᒑᖓᓪᓕ ᐃᖏᕐᕋᖃᕐᑕᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᒨᓯᓯ ᑕᓪᓕᒪᖏᑦ 31:23

ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”

ᒨᓯᓯ ᑕᓪᓕᒪᖏᑦ 32:5

ᐃᒻᒥᖕᓂᒃ ᓱᒃᑯᑎᕐᓯᒪᕗᑦ; ᑖᑦᓱᒪᓗ ᕿᑐᕐᖓᕆᓐᖏᓔᑦ, ᐸᓯᔭᒃᓴᐅᒐᒥᒃ: ᑭᖑᕚᖑᖃᑎᒌᑦ ᐊᔪᕐᑐᓕᕗᑦ ᐱᐅᖏᑦᑐᓕᔨᐅᓪᓗᑎᒡᓗ.

ᒨᓯᓯ ᑕᓪᓕᒪᖏᑦ 33:5

ᐊᑕᓂᖅ ᐊᖓᔪᖅᑳᕐᔪᐊᕈᓚᐅᕐᐳᖅ ᔨᓱᕋᓐᒥ, ᐃᓄᐃᑦ ᐊᖓᔪᖅᑳᖏᑦ ᑲᑎᒪᑎᓪᓗᒋᑦ. ᐃᓴᕆᐊᓕᒥᐅᑦ ᑭᖑᕚᖑᖃᑎᒌᓕᒫᑦ ᑲᑎᒪᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 9:24

ᑍᒪᓐᖓᑦ ᐃᓕᑦᓯᓐᓂᒃ ᖃᐅᔨᒪᓕᓚᐅᕐᓂᓐᓂᑦ ᐊᑕᓂᕐᒥᒃ ᐊᑭᕋᕐᑐᐃᓐᓇᖃᑦᑕᕐᐳᓯ.

ᐃᓗᐊᕐᓮᔩᑦ ᐊᒡᓚᖏᑦ 6:13

ᒋᑎᐅᓂᐅᑉ ᐅᖃᐅᑎᕚ, “ᕿᓄᕕᒋᕙᒋᑦ ᐅᐱᓐᓇᕐᑑᖅ, ᐊᑕᓂᐅᓪᓕ ᐃᓚᒋᒃᐸᑎᒍᑦ, ᓱᖕᒪᓪᓕ ᐃᒤᑦᑐᐊᓗᖕᒦᑉᐱᑕ? ᓇᐅᒡᓕ ᑍᒃᑯᐊ ᐊᑕᓂᐅᑉ ᐱᓂᐊᕐᓂᖏᑦ ᑲᒪᓇᕐᑐᑦ ᓯᕗᓕᑦᑕ ᐅᖃᐅᓯᕆᕙᓚᐅᕐᑕᖏᑦ, ᐅᖃᕐᐸᓚᐅᕐᒪᑕ, ‘ᐊᑕᓂᐅᑉ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᒪᑎᒍᑦ?’ ᒫᓐᓇᓕ ᐊᑕᓂᐅᑉ ᑲᒪᒋᔪᓐᓃᕐᐹᑎᒍᑦ, ᑐᓐᓂᖅᑯᑎᒋᓪᓗᑕᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓄᑦ.”

ᓴᒧᐃᓕ ᓯᕗᓪᓖᑦ 25:28

ᐃᓱᒪᒋᔪᓐᓁᕐᕕᒋᓐᖓ ᐊᖓᔪᖅᑳᒃ ᐊᔪᕐᑐᓕᓂᓐᓂᒃ; ᐊᑕᓂᐅᑉ ᐊᖓᔪᖅᑳᕋ ᕿᓄᐃᓵᕐᑎᑉᐹ ᐃᒡᓗᒥᐅᖃᑎᖏᓪᓗ, ᐊᖓᔪᖅᑳᕋ ᐅᓇᑕᖃᑦᑕᕐᒪᑦ ᐊᑕᓂᐅᑉ ᐅᓇᑕᕐᓂᖏᓐᓂᒃ; ᐱᐅᖏᑦᑐᒥᒡᓗ ᓇᓂᓯᔪᖃᕐᓂᐊᓐᖏᓚᑦ ᐃᓕᖕᓂ ᐃᓅᓂᓕᒫᕐᓂ.