ᒨᓯᓯ ᓯᑕᒪᖏᑦ 23:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐸᓛᒻᓗ ᐰᓚᒃᒧᑦ ᐅᖃᕐᐳᖅ, “ᓴᓐᓇᑎᓚᐅᓐᖓ ᑐᓂᕐᕈᓯᕐᕕᖕᓂᒃ 7ᓂᒃ ᐅᕙᓂ, ᐊᑐᐃᓐᓇᕈᐃᓗᑎᓪᓗ 7ᓂᒃ ᐃᒻᒧᒃᓯᐅᒐᕐᓂᒃ ᐊᖑᓴᓪᓗᕐᓂᒃ, 7ᓂᒡᓗ ᓰᐱᑦ ᐊᖑᓴᓪᓗᖏᓐᓂᒃ.”

ᒨᓯᓯ ᓯᑕᒪᖏᑦ 23:1 Iomraidhean Croise

ᐊᑕᓃᑦ ᐂᑉᐸᖏᑦ 18:22

ᓱᓕ ᐅᖃᕐᓗᓂ, “ᐅᕝᕙᓗ ᐅᖃᐅᑎᓂᐊᕐᐱᖓ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᒃᓴᖃᕐᓂᕋᕐᓗᑎᑦ? ᐊᖓᔪᖅᑳᕐᔪᐊᖅ ᕼᐃᓯᑬᐊ ᐲᔧᓚᐅᓐᖏᓛᖅ ᐊᑕᓂᕐᒧᑦ ᑐᒃᓯᐊᕐᕕᐅᕙᒃᑐᓂᒃ, ᔫᑕᒥᐅᑦ ᔨᕉᓴᓕᒥᐅᓪᓗ ᐅᖃᐅᑎᓪᓗᓂᒋᑦ ᔨᕉᓴᓕᒻ ᑐᓂᕐᕈᓯᕐᕕᖁᑎᖓᓂ ᑭᓯᐊᓂ ᑐᒃᓯᐊᖃᑦᑕᕐᓂᐊᓕᕐᓂᕋᕐᓗᓂᒋᑦ?

ᑯᕉᓂᑲ ᓯᕗᓪᓖᑦ 15:26

ᒎᑎᐅᓪᓗ ᐃᑲᔪᓚᐅᕐᒪᒋᑦ ᓕᕔᑏᑦ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ, ᑐᓂᕐᕈᓯᓚᐅᕐᐳᑦ ᑐᒃᑐᕙᖕᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ.

ᑯᕉᓂᑲ ᐂᑉᐸᖏᑦ 29:21

ᐃᒻᒧᒃᓯᐅᒊᓪᓗ ᐸᖕᓂᖏᓐᓂᒃ 7ᓂᒃ ᓇᒃᓴᕐᐳᑦ, ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ, ᓄᕐᕋᕐᓂᒡᓗ 7ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᔪᕐᑐᓕᓂᕐᒧᑦ ᑐᓂᕐᕈᑎᒃᓴᓂᒃ ᐊᖓᔪᖅᑳᒃᑯᕕᖓᓄᑦ ᐃᑦᔪᕐᓁᑦᑐᒃᑯᕕᖕᒧᓪᓗ ᔫᑕᒥᐅᑦ ᐱᓪᓗᒋᑦ. ᑐᓂᕐᕈᓯᕐᑎᑦᓯᔩᓪᓗ ᑎᓕᕔᑦ ᐂᕉᓂᐅᑉ ᐃᕐᓂᖏᑦ ᑐᓂᕐᕈᓯᖁᓪᓗᒋᑦ ᑐᓂᕐᕈᓯᕐᕕᖕᒥ ᐊᑕᓂᕐᒧᑦ.

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 45:23

ᐅᓪᓗᐃᓪᓗ 7 ᐊᑐᕐᑎᓪᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ ᐊᑕᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᐅᑎᑦᓯᔪᒃᓴᐅᕗᖅ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᑦ 7ᓂᒃ ᖃᓄᐃᑦᔪᑎᖃᖏᑦᑐᓂᒃ, ᖃᐅᑕᒫᑦ ᐅᓪᓗᓂᒃ 7ᓂᒃ ᐊᑐᓂᑦ ᑐᓂᕐᕈᓯᖃᑦᑕᕐᓗᑎᒃ; ᒎᑦᓰᓪᓗ ᐊᖑᓴᓪᓗᖓᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᑐᒃᓴᐅᕗᑦ ᐊᔪᕐᓃᑦ ᐱᑦᔪᑎᒋᓗᒋᑦ.

ᒨᓯᓯ ᓯᑕᒪᖏᑦ 22:41

ᐃᒤᓚᐅᕐᐳᖅ, ᖃᐅᑎᓪᓗᒍ, ᐰᓚᒃ ᐸᓛᒻ ᐂᖃᑎᒋᕚ ᐳᕐᑐᔪᓄᑦ ᐸᒨᑦ-ᐰᓕᒧᑦ ᑐᒃᓯᐊᕐᕕᖕᓄᑦ, ᑕᕝᕙᓐᖓᑦ ᑕᑯᔪᓐᓇᖁᓪᓗᒍ ᐃᓄᒋᐊᒃᑐᕐᔪᐊᑦ ᖃᓄᖅ ᐅᓄᕐᑎᒋᖕᒪᖔᑕ.

ᒨᓯᓯ ᓯᑕᒪᖏᑦ 23:2

ᐰᓚᒃ ᑍᒤᓕᐅᓚᐅᕐᐳᖅ ᐸᓛᒻ ᐅᖃᐅᓯᕆᔭᖓᑐᑦ, ᐰᓚᒡᓗ ᐸᓛᒻᓗ ᑐᓂᕐᕈᓯᕐᓗᑎᒃ ᐃᒻᒧᒃᓯᐅᒐᕐᒥᒃ ᓰᐱᒥᒡᓗ ᐊᖑᓴᓪᓗᕐᒥᒃ ᑐᓂᕐᕈᓯᕐᕕᖕᓂ ᐊᑐᓂᑦ.

ᒨᓯᓯ ᓯᑕᒪᖏᑦ 23:29

ᐸᓛᒻ ᐰᓚᒃᒧᑦ ᐅᖃᕐᐳᖅ, “ᓴᓇᑦᔪᑎᓚᐅᓐᖓ ᑐᓂᕐᕈᓯᕐᕕᖕᓂᒃ 7ᓂᒃ, ᐊᑐᐃᓐᓇᕈᐃᓗᑎᓪᓗ ᐃᒻᒧᒃᓯᐅᒐᕐᓂᒃ ᐊᖑᓴᓪᓗᕐᓂᒃ 7ᓂᒃ 7ᓂᒡᓗ ᓰᐱᓂᒃ ᐊᖑᓴᓪᓗᕐᓂᒃ.”

ᒨᓯᓯ ᓯᑕᒪᖏᑦ 23:30

ᐰᓚᒃᓗ ᑍᒤᓕᐅᓚᐅᕐᐳᖅ ᐸᓛᒻ ᐅᖃᐅᓯᕆᔭᖓ ᒪᓕᒡᓗᒍ, ᑐᓂᕐᕈᓯᕐᓗᓂᓗ 7ᓂᒃ ᐃᒻᒧᒃᓯᐅᒐᕐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᐊᖑᓴᓪᓗᕐᓂᒃ ᑐᓂᕐᕈᓯᕐᕕᖕᓂ ᑖᒃᑯᓇᓂ ᐊᑐᓂᑦ.

ᒨᓯᓯ ᓯᑕᒪᖏᑦ 29:32

“ᐅᓪᓗᐃᑦ 7ᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 7ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᓴᒧᐃᓕ ᓯᕗᓪᓖᑦ 15:22

ᓴᒧᐃᓕᓗ ᐅᖃᕐᐳᖅ, “ᐊᑕᓂᖅ ᖁᕕᐊᒋᔭᖃᕐᓂᕐᓴᐅᕚ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ, ᓈᓚᖕᓂᕐᒥᒃ ᐊᑕᓂᐅᑉ ᓂᐱᖓᓂᑦ? ᑕᑯᒋᑦ, ᓈᓚᖕᓂᖅ ᐱᓪᓚᕆᐅᓂᕐᓴᐅᕗᖅ ᑐᓂᕐᕈᑎᓂᑦ, ᓰᐲᑦ ᐊᖑᓴᓪᓗᖏᑕ ᖁᐃᓂᔪᑦ ᑐᓂᕐᕈᑕᐅᓂᖏᓐᓂᑦ.