ᒨᓯᓯ ᓯᑕᒪᖏᑦ 22:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᑐᐊᕕᕐᓗᑎᑦ ᕾᓕᕆᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐱᐅᖏᑦᑐᒧᑦ ᐱᖁᓗᒋᑦ ᐅᖃᐅᓯᕆᓚᐅᒃᑭᑦ ᐅᕙᖓ ᐱᑦᔪᑎᒋᓗᖓ, ᐅᕙᓐᓄᑦ ᓴᓐᖏᔫᓗᐊᕐᒪᑕ, ᑍᒫᒃ ᐃᒻᒪᖄ ᓵᓚᒋᓗᒋᑦ ᑕᒫᓐᖓᑦ ᓄᓇᒥᑦ ᐊᐅᓚᕐᑎᑦᓱᓐᓇᕐᓂᐊᕋᒃᑭᑦ, ᖃᐅᔨᒪᒐᒪ ᓮᒻᒪᕐᑎᑕᑎᑦ ᓮᒻᒪᕐᑎᓯᒪᖃᑦᑕᕐᒪᑕ, ᐱᐅᖏᑦᑐᒥᒡᓗ ᐅᖃᐅᓯᕆᔭᑎᑦ ᐱᐅᖏᑦᑐᒦᓕᕐᐸᖕᒪᑕ.”

ᒨᓯᓯ ᓯᑕᒪᖏᑦ 22:6 Iomraidhean Croise

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᓯᕗᓪᓖᑦ 27:29

ᐃᓅᖃᑎᒌᒡᔪᐊᑦ ᐊᓯᑦᓯᓐᓃᑦᑐᑦ ᐱᔨᑦᓯᕐᓕᑎᑦ, ᐃᓅᖃᑎᒌᒡᔪᐊᓪᓗ ᓇᓂᑐᐃᓐᓇᖅ ᐹᒻᒪᒃᑎᕐᕕᒋᓕᑎᑦ; ᐊᖓᔪᖅᑳᖑᓕᕆᑦ ᖃᑕᓐᖑᑎᖕᓄᑦ, ᐊᓈᓇᕕᓪᓗ ᑭᖑᕚᖏᑕ ᐹᒻᒪᒃᑎᕐᕕᒋᔭᒃᓴᕆᕚᑎᑦ, ᓇᕐᕈᓇᕐᓯᓕᑦ ᐃᓕᖕᓂᒃ ᓇᕐᕈᔪᑦ, ᓮᒻᒪᕐᑎᑕᐅᓕᓪᓗ ᐃᓕᖕᓂᒃ ᓮᒻᒪᕐᑎᑦᓯᔪᑦ.”

ᐊᑕᓃᑦ ᓯᕗᓪᓖᑦ 22:13

ᐅᖃᕆᐊᕐᑐᕐᑎ ᕾᖁᔨᔭᕐᑐᓚᐅᕐᑐᖅ ᒤᑬᐊᒥᒃ ᐅᖃᕐᐳᖅ ᑖᑦᓱᒧᖓ, “ᓈᓚᓕᕆᑦ, ᐅᖃᕐᑏᑦ ᐅᖃᐅᓯᖏᓐᓂᒃ ᐊᑕᐅᓯᕐᒥᒃ ᐃᓱᒪᖃᕐᒪᑕ ᐊᖓᔪᖅᑳᕐᔪᐊᕐᒥᒃ ᑲᔪᖏᕐᓮᓪᓗᑎᒃ; ᐊᑏ, ᐃᕝᕕᑦᑕᐅᖅ ᐅᖃᐅᓯᖃᖃᑕᐅᓕᕆᑦ ᑖᒃᑯᑎᑐᓇᖅ, ᑲᔪᖏᕐᓮᓗᑎᓪᓗ.”

ᐊᑕᓃᑦ ᓯᕗᓪᓖᑦ 22:6

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, 400 ᖃᓂᒋᔮᓃᑦᑐᑦ, ᐅᖃᐅᑎᕔᓪᓗ, “ᕌᒪᑦ-ᒋᓖᑦᒦᑦᑐᒧᑦ ᐅᓇᑕᕆᐊᕐᑐᒃᓴᐅᕗᖔ, ᐅᕝᕙᓗ ᐅᓇᑕᕆᐊᕆᐊᖃᓐᖏᓚᖓ?” ᑖᒃᑯᐊ ᐅᖃᐅᑎᕚᑦ, “ᐅᓇᑕᕆᐊᓕᕆᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐊᑕᓃᑦ ᓯᕗᓪᓖᑦ 22:8

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᕐᐳᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᓱᓕ, ᒤᑬᐊᒥᒃ ᐃᒻᓚᐅᑉ ᐃᕐᓂᖓᓂᒃ, ᐊᑕᓂᕐᒥᒃ ᖃᐅᔨᒋᐊᕐᕕᒋᔪᓐᓇᕐᒥᔭᕗᑦ, ᑭᓯᐊᓂᓕ ᑖᓐᓇ ᐆᒥᒋᕙᕋ, ᐱᐅᔪᓂᒃ ᐅᖃᐅᓯᒃᓴᖃᓚᐅᕐᓯᒪᖏᒻᒪᑦ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᓂᕼᐃᒤᐊᐅᑉ ᐊᒡᓚᖏᑦ 13:2

ᑐᓂᓯᔪᒪᓚᐅᖏᒻᒪᑕ ᓂᐊᖂᔭᒥᒃ ᐃᒥᕐᒥᒡᓗ ᐃᓴᕆᐊᓕᑎᒃᑯᓐᓄᑦ, ᐸᓛᒻᒥᒡᓕ ᑎᓕᓯᖔᓚᐅᕐᒪᑕ ᑖᒃᑯᓄᖓ ᐊᑭᕋᕐᑐᖁᓪᓗᒍ ᓯᕗᓂᕐᓗᒍᑎᒃᓴᖏᓐᓂᒡᓗ ᐱᓇᓱᐊᖁᓪᓗᒍ; ᒎᑎᑦᑕᓕ ᓯᕗᓂᕐᓗᒍᑎᒃᓴᐅᑎᑕᐅᓇᓱᐊᕐᑐᖅ ᓮᒻᒪᕐᑎᑕᐅᓂᕐᒧᑦ ᒧᒥᒃᑎᖔᓚᐅᕐᐹ.

ᐃᓐᖏᕈᑎᑦ 109:28

ᓯᕗᓂᕐᓗᖁᔨᒐᓗᐊᕐᐸᑕ, ᓮᒻᒪᕐᑎᑦᓯᓂᐊᕐᐳᑎᑦ! ᐅᕙᓐᓂᒃ ᐊᑭᕋᕐᑐᕋᓱᐊᓕᕈᑎᒃ, ᑲᓐᖑᓱᒃᑎᑕᐅᓚᐅᕐᓕᑦ; ᐱᔩᓪᓕ ᖁᕕᐊᓱᒃᑎᑕᐅᑎᓪᓗᒍ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:2

ᓲᕐᓗ ᖁᐸᓄᐊᑉ ᓴᐹᕉᑉ ᓱᒃᑲᓕᓪᓗᓂ ᑎᖏᓯᒪᓂᖓᑐᑦ, ᖁᐸᓄᐊᓪᓗ ᓱᐊᓘᑉ ᐸᐱᑯᑖᓕᐅᑉ ᖃᖓᑕᓂᖓᑐᑦ, ᐃᓱᒪᓂᕐᓗᒡᕕᐅᓂᒃᑯᑦ ᐃᓅᓯᕐᑖᕐᑎᑕᐅᓂᖅ ᐲᕈᓐᓇᖏᓐᓂᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 13:6

ᓱᓕᖏᑦᑐᒥᒃ ᐅᖃᖃᑦᑕᕐᒪᑕ ᓴᒡᓗᓪᓚᕆᒃᓗᑎᒃ; ᐅᖃᖃᑦᑕᕐᐳᑦ, ‘ᐊᑕᓂᖅ ᐅᖃᕐᐳᖅ,’ ᐊᑕᓂᕐᒧᑦ ᑎᓕᔭᐅᓯᒪᓇᑎᒃ, ᐅᖃᐅᓯᕆᔭᒥᖕᓂᒃ ᓂᕆᐅᒋᔭᖃᕋᓱᖃᑦᑕᕐᐳᑦ ᓇᓚᐅᑦᓯᑎᑕᐅᓂᐊᕋᓱᒋᓪᓗᒋᑦ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒨᓯᓯ ᓯᑕᒪᖏᑦ 22:12

ᒎᑎᐅᓪᓗ ᐸᓛᒻ ᐅᖃᐅᑎᕚ, “ᑍᒃᑯᐊ ᐃᓚᒋᓂᐊᕐᓇᖏᑦ; ᐃᓄᒋᐊᒃᑐᕐᔪᐊᑦ ᐱᐅᖏᑦᑐᒧᑦ ᐱᔭᐅᖁᓗᒋᑦ ᐅᖃᐅᓯᕆᓂᐊᕐᓇᒋᑦ, ᓮᒻᒪᕐᑎᑕᐅᓯᒪᖕᒪᑕ.”

ᒨᓯᓯ ᓯᑕᒪᖏᑦ 22:17

ᓱᓕᓗᖓ ᐊᖏᔪᒥᒃ ᐅᐱᒋᓂᐊᕐᐸᒋᑦ, ᖃᓄᑐᐃᓐᓇᕐᓘᓐᓃᑦ ᐅᖃᐅᑎᒍᕕᖓ ᐱᓇᓱᐊᕐᓂᐊᕐᐳᖓ. ᑍᒤᒻᒪᑦ ᕾᒋᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐱᐅᖏᑦᑐᒧᑦ ᐱᔭᐅᖁᓗᒋᑦ ᐅᖃᐅᓯᕆᓚᐅᒃᑭᑦ ᐱᑦᔪᑎᒋᓗᖓ.’”

ᒨᓯᓯ ᓯᑕᒪᖏᑦ 23:13

ᐰᓚᒃ ᑖᑦᓱᒧᖓ ᐅᖃᕐᐳᖅ, “ᐂᖃᑎᒋᓚᐅᓐᖓ ᐊᓯᐊᓄᑦ ᑖᕙᓐᖓᑦ ᑕᑯᓂᐊᕋᕕᒋᑦ, ᓯᓈᓃᑦᑐᑦ ᑭᓯᐊᓂ ᑕᑯᓂᐊᕐᐸᑎᑦ, ᑕᑯᔧᓐᓇᕆᓂᐊᓐᖏᓚᑎᑦ; ᐱᐅᖏᑦᑐᒧᑦ ᐱᔭᐅᖁᓗᒋᑦ ᐅᖃᐅᓯᕆᓂᐊᕐᐸᑎᑦ ᑍᑲᓐᖓᑦ ᐱᑦᔪᑎᒋᓗᖓ.”

ᒨᓯᓯ ᓯᑕᒪᖏᑦ 23:27

ᐰᓚᒃᓗ ᐸᓛᒻᒧᑦ ᐅᖃᓕᕐᐳᖅ, “ᐊᑏ ᕾᓚᐅᕆᑦ, ᐊᓯᐊᓄᑦ ᐂᖃᑎᒋᔪᒪᒐᒃᑭᑦ; ᐃᒻᒪᖄ ᒎᑎᐅᑉ ᓈᒻᒪᒋᓂᐊᕐᐹ ᑍᑲᓐᖓᑦ ᐱᐅᖏᑦᑐᒧᑦ ᑎᑭᑕᐅᖁᓗᒋᑦ ᐅᖃᐅᓯᐅᖁᓗᒋᑦ.”

ᒨᓯᓯ ᓯᑕᒪᖏᑦ 24:9

ᐅᑯᕗᖅ, ᐃᓂᓪᓚᒡᓗᓂᓗ ᓛᔭᑎᑐᑦ; ᓛᔭᑎᑐᑦ, ᑭᐊ ᑐᐹᕈᒪᕚ? ᓮᒻᒪᕐᑎᑕᐅᓕ ᐃᓕᖕᓂᒃ ᓮᒻᒪᕐᑎᑦᓯᔪᖅ, ᐱᐅᖏᑦᑐᒧᑦ ᐱᔭᐅᓕ ᐃᓕᖕᓂᒃ ᐱᐅᖏᑦᑐᒧᑦ ᐱᔭᐅᖁᔨᔪᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:16

ᑐᒃᓯᐊᕆᐊᕐᕕᐅᕙᒃᑐᒧᑦ ᐂᓕᕐᑎᓪᓗᑕ, ᑲᑎᓯᕗᒍᑦ ᐊᕐᓇᒥᒃ ᓂᐅᕕᐊᖑᓯᒪᓪᓗᓂ ᐱᔨᐅᔪᒥᒃ, ᑖᓐᓇ ᓵᑖᓇᓯᐅᑉ ᐊᓂᕐᓂᖓᓄᑦ ᓇᓚᐅᑦᑍᔪᓐᓇᕐᑎᑕᐅᔪᖅ ᓯᕗᓂᒃᓴᒥᒃ, ᐊᖓᔪᖅᑳᒥᓂᒃ ᑮᓇᐅᔭᓕᐅᕐᑎᑦᓯᓪᓚᕆᒃᑐᖅ ᓇᓚᐅᑦᑍᖃᑦᑕᕐᓂᕐᒥᓄᑦ.

ᒨᓯᓯ ᑕᓪᓕᒪᖏᑦ 23:4

ᑖᒃᑯᐊ ᓂᕿᒃᓴᓂᒃ ᐃᒥᒃᓴᒥᒡᓗ ᐃᑲᔪᕈᒪᓚᐅᕐᓯᒪᖏᒻᒪᑕ, ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᐊᒡᓛᑦ ᑎᓕᓯᓚᐅᕐᓯᒪᕗᑦ ᐸᓛᒻᒥᒃ ᐱᐅᕆᐅᑉ ᐃᕐᓂᖓᓂᒃ, ᐃᒡᓗᒐᓴᖕᓂᑦ ᐱᑑᕆᒦᑦᑐᒥᑦ ᒥᓱᐳᑍᒥᐊᒦᑦᑐᒥᑦ, ᐃᓕᑦᓯᓐᓂᒃ ᓯᕗᓂᕐᓗᒃᑎᑦᓯᖁᓪᓗᒍ.

ᔮᓱᐊᑉ ᐊᒡᓚᖏᑦ 24:9

ᒧᐊᐱᒥᐅᓪᓗ ᐊᖓᔪᖅᑳᕐᔪᐊᖓ ᐰᓚᒃ ᔨᐴᕆᐅᑉ ᐃᕐᓂᖓ, ᐅᓇᑕᓕᓚᐅᕐᐳᑦ ᐃᓴᕆᐊᓕᒥᐅᓂᒃ, ᐅᖃᕆᐊᕐᑐᕐᑎᑦᓯᓚᐅᕐᐳᕐᓗ ᐸᓛᒻᒧᑦ ᐱᐅᕆᐅᑉ ᐃᕐᓂᖓᓄᑦ ᓱᒋᐊᕐᑕᐅᖁᔨᓪᓗᓂ ᐃᓕᑦᓯᓐᓂᒃ,

ᓴᒧᐃᓕ ᓯᕗᓪᓖᑦ 17:43

ᐱᓕᔅᑍᓂᒥᐅᕐᓗ ᐅᖃᕐᐳᖅ ᑍᕕᑎᒧᑦ, “ᕿᒻᒥᐅᕗᖔ, ᕾᒐᕕᑦ ᐊᔭᐅᑉᐱᐊᓕᔭᕐᓗᑎᑦ?” ᑍᕕᑎᓗ ᐅᖃᕐᓂᕐᓘᑎᒋᕚ ᒎᑎᒋᔭᓂ ᑍᓪᓗᓂᐅᒃ.