ᒨᓯᓯ ᓯᑕᒪᖏᑦ 22:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᑎᓕᓯᓚᐅᕐᐳᖅ ᐅᖃᕆᐊᕐᑐᑐᓂᒃ ᐸᓛᒻᒧᑦ ᐱᐅᕆᐅᑉ ᐃᕐᓂᖓᓄᑦ ᐱᑑᕆᒦᑦᑐᒧᑦ ᕾᖁᓪᓗᓂᐅᒃ, ᑰᑉ ᖃᓂᒋᔭᖓᓃᑦᑐᒧᑦ ᓄᓇᒥᓂ, ᐅᖃᕐᓗᓂ, “ᑕᑯᒋᑦ ᐃᓄᐃᑦ ᑎᑭᒻᒪᑕ ᐄᑦᔨᑉᑎᒥᑦ. ᓄᓇᕐᔪᐊᒥᒃ ᐊᒥᕌᒃᓯᓯᒪᔪᑦ, ᓯᓚᑎᑦᓯᐊᑎᓐᓃᓕᕐᓗᑎᒡᓗ!

ᒨᓯᓯ ᓯᑕᒪᖏᑦ 22:5 Iomraidhean Croise

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᐃᓐᖏᕈᑎᑦ 105:24

ᐊᑕᓂᐅᓪᓗ ᐃᓄᖁᑎᓂ ᐃᓄᒋᐊᒃᓯᕙᓪᓕᐊᑎᓚᐅᕐᐰᑦ ᓱᑲᑦᑐᒥᒃ, ᓲᖑᓂᕐᓴᕈᕐᑎᓪᓗᒋᓪᓗ ᐊᑭᕋᕐᑐᕐᑎᖏᓐᓂᑦ.

ᒨᓯᓯ ᐂᑉᐸᖏᑦ 10:15

ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒨᓯᓯ ᓯᑕᒪᖏᑦ 23:7

ᒎᑎᒥᑦ ᐅᖃᐅᓯᒃᓴᓂᒃ ᐅᖃᐅᓯᕆᓕᕐᐰᑦ ᐅᖃᕐᓗᓂ: “ᐰᓚᒃ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑕ ᑕᒪᐅᓐᖓᕐᑎᓚᐅᕐᐹᖓ ᐊᕌᒥᒥᑦ, ᓯᕿᓂᐅᑉ ᓄᐃᕕᐊᓂᒥᐅᑦ ᖃᖅᑲᖏᓐᓂᑦ: ‘ᕾᒋᑦ, ᔧᑯ ᐱᐅᖏᑦᑐᒧᑦ ᐱᔭᐅᖁᓗᒍ ᐅᖃᐅᓯᕆᒍᒃ ᐱᑦᔪᑎᒋᓗᖓ, ᕾᒋᑦ, ᐃᓴᕆᐊᓕ ᐱᐅᖏᓐᓂᕋᕈᒃ!’

ᒨᓯᓯ ᓯᑕᒪᖏᑦ 31:8

ᒥᑎᐊᓂᒥᐅᓪᓗ ᐊᖓᔪᖅᑳᕐᔪᐊᖏᑦ ᑐᖁᑉᐰᑦ ᑐᖁᑕᐅᔪᑦ ᐃᓚᒋᓪᓗᒋᑦ ᐅᑯᐊ- ᐃᕕ, ᕆᑭᒻ, ᔫᕆ, ᕼᐊᕐ, ᐊᒻᒪᓗ ᕆᐸ, ᑕᓪᓕᒪᑦ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᑦ. ᐸᓛᒻ-ᑕᐅᖅ ᐱᐅᕆᐅᑉ ᐃᕐᓂᖓ ᓴᕕᒃᔪᐊᒧᑦ ᑐᖁᓚᐅᕆᕚᑦ.

ᒨᓯᓯ ᑕᓪᓕᒪᖏᑦ 23:4

ᑖᒃᑯᐊ ᓂᕿᒃᓴᓂᒃ ᐃᒥᒃᓴᒥᒡᓗ ᐃᑲᔪᕈᒪᓚᐅᕐᓯᒪᖏᒻᒪᑕ, ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᐊᒡᓛᑦ ᑎᓕᓯᓚᐅᕐᓯᒪᕗᑦ ᐸᓛᒻᒥᒃ ᐱᐅᕆᐅᑉ ᐃᕐᓂᖓᓂᒃ, ᐃᒡᓗᒐᓴᖕᓂᑦ ᐱᑑᕆᒦᑦᑐᒥᑦ ᒥᓱᐳᑍᒥᐊᒦᑦᑐᒥᑦ, ᐃᓕᑦᓯᓐᓂᒃ ᓯᕗᓂᕐᓗᒃᑎᑦᓯᖁᓪᓗᒍ.

ᒨᓯᓯ ᑕᓪᓕᒪᖏᑦ 23:5

ᐊᑕᓂᐅᓪᓕ ᒎᑎᑦᓯ ᐸᓛᒻ ᓈᓚᓚᐅᓐᖏᓛ; ᓯᕗᓂᕐᓗᖁᔭᐅᓂᕆᔭᓯᓕ ᒧᒥᒃᑎᖔᓚᐅᕐᐹ ᐃᓕᑦᓯᓐᓂᒃ ᓮᒻᒪᕐᑎᑦᓯᓂᕐᒧᑦ, ᐊᑕᓂᐅᑉ ᒎᑎᑦᓯ ᓇᒡᓕᒋᒐᒥᓯ.

ᔮᓱᐊᑉ ᐊᒡᓚᖏᑦ 13:22

ᐃᓴᕆᐊᓕᒥᐅᑦ ᐃᓄᖏᑕ ᑐᖁᓚᐅᕐᑕᖓᑕ ᐃᓚᖓ ᑖᓐᓇᐅᕗᖅ ᓯᕗᓂᒃᓴᒥ ᓇᓚᐅᑦᑍᔨ ᐸᓛᒻ ᐱᐅᕆᐅᑉ ᐃᕐᓂᖓ.

ᔮᓱᐊᑉ ᐊᒡᓚᖏᑦ 24:9

ᒧᐊᐱᒥᐅᓪᓗ ᐊᖓᔪᖅᑳᕐᔪᐊᖓ ᐰᓚᒃ ᔨᐴᕆᐅᑉ ᐃᕐᓂᖓ, ᐅᓇᑕᓕᓚᐅᕐᐳᑦ ᐃᓴᕆᐊᓕᒥᐅᓂᒃ, ᐅᖃᕆᐊᕐᑐᕐᑎᑦᓯᓚᐅᕐᐳᕐᓗ ᐸᓛᒻᒧᑦ ᐱᐅᕆᐅᑉ ᐃᕐᓂᖓᓄᑦ ᓱᒋᐊᕐᑕᐅᖁᔨᓪᓗᓂ ᐃᓕᑦᓯᓐᓂᒃ,

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14

ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.