ᒨᓯᓯ ᓯᑕᒪᖏᑦ 22:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᒎᑎᐅᓪᓗ ᐸᓛᒻ ᐅᖃᐅᑎᕚ, “ᑍᒃᑯᐊ ᐃᓚᒋᓂᐊᕐᓇᖏᑦ; ᐃᓄᒋᐊᒃᑐᕐᔪᐊᑦ ᐱᐅᖏᑦᑐᒧᑦ ᐱᔭᐅᖁᓗᒋᑦ ᐅᖃᐅᓯᕆᓂᐊᕐᓇᒋᑦ, ᓮᒻᒪᕐᑎᑕᐅᓯᒪᖕᒪᑕ.”

ᒨᓯᓯ ᓯᑕᒪᖏᑦ 22:12 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᑯᕉᓂᑲ ᐂᑉᐸᖏᑦ 31:10

ᐊᔭᕅᐊ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ, ᔭᑑᒃᑯᑦ ᐃᓚᖏᓐᓂᑦ ᐱᓯᒪᔫᑉ ᑭᐅᕚ ᐅᖃᕐᓗᓂᓗ, “ᐃᓄᐃᑦ ᑐᓂᓯᖃᑦᑕᓕᕐᑎᓪᓗᒋᑦ ᑐᓂᕐᕈᑎᒃᓴᓂᒃ ᐊᑕᓂᐅᑉ ᐃᒡᓗᖓᓄᑦ ᓂᕆᖃᑦᑕᓕᓚᐅᕐᐳᒍᑦ ᐊᒥᐊᒃᑯᔪᐊᓘᓪᓗᑕᓗ; ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᓚᐅᕐᒪᒋᑦ, ᐊᒥᐊᒃᑯᖏᑦ ᑕᕝᕙ ᖃᓕᕇᒃᑐᑦ ᐅᓄᕐᑐᕐᔪᐊᖑᕗᑦ.”

ᐃᓐᖏᕈᑎᑦ 144:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᑍᒤᑦᑐᓄᑦ ᓮᒻᒪᕐᑎᑕᐅᔪᑦ! ᐄᓛᒃ, ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᐊᑕᓂᕐᒥᒃ ᒎᑎᖃᕐᑐᑦ!

ᐃᓐᖏᕈᑎᑦ 146:5

ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 61:9

ᑭᖑᕚᖏᑦ ᐃᓅᖃᑎᒌᒡᔪᐊᓄᑦ ᖃᐅᔨᒪᔭᐅᑦᓯᐊᕈᒫᕐᐳᑦ, ᕿᑐᕐᖓᖏᓪᓗ ᐃᓅᖃᑎᖏᓐᓄᑦ ᐃᓚᒋᔭᐅᑦᓯᐊᕐᓗᑎᒃ; ᑖᒃᑯᓂᖓ ᑕᑯᔪᑦ ᖃᐅᔨᔪᒫᕐᐳᑦ ᐅᖃᕈᓐᓇᕐᓗᑎᒡᓗ ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓂᖏᓐᓂᒃ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒨᓯᓯ ᓯᑕᒪᖏᑦ 22:11

‘ᑕᑯᒋᑦ, ᐃᓄᐃᑦ ᐄᑦᔨᑉᑎᒥᑦ ᐱᔪᑦ, ᓄᓇᕐᔪᐊᕐᒥᒃ ᐊᒥᕌᒃᓯᓯᒪᕗᑦ. ᕾᓚᐅᕆᑦ ᐱᐅᖏᑦᑐᒥᒃ ᐱᖁᓗᒋᑦ ᐅᖃᐅᓯᕆᓚᐅᒃᑭᑦ ᐱᑦᔪᑎᒋᓗᖓ; ᑍᒫᒃ ᐃᒻᒪᖄ ᓵᓚᒋᓗᒋᑦ ᑕᒫᓐᖓᑦ ᓄᓇᒥᑦ ᐊᐅᓚᕐᑎᑦᓱᓐᓇᕐᓂᐊᕋᒃᑭᑦ.’”

ᒨᓯᓯ ᓯᑕᒪᖏᑦ 22:13

ᐸᓛᒻ ᐅᓪᓛᒃᑯᑦ ᒪᑭᓐᓇᒥ ᐰᓚᒃ ᐊᖓᔪᖅᑳᖁᑎᖏᑦ ᐅᖃᐅᑎᕔᑦ, “ᓄᓇᑦᓯᓐᓄᑦ ᐅᑎᓕᕆᑦᓯ, ᐊᑕᓂᐅᑉ ᐃᓕᑦᓯᓐᓄᑦ ᐃᓚᐅᖁᓗᓂᖓ ᐊᔪᕐᑎᒻᒪᖓ.”

ᒨᓯᓯ ᓯᑕᒪᖏᑦ 22:6

ᑍᒤᒻᒪᑦ ᑐᐊᕕᕐᓗᑎᑦ ᕾᓕᕆᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐱᐅᖏᑦᑐᒧᑦ ᐱᖁᓗᒋᑦ ᐅᖃᐅᓯᕆᓚᐅᒃᑭᑦ ᐅᕙᖓ ᐱᑦᔪᑎᒋᓗᖓ, ᐅᕙᓐᓄᑦ ᓴᓐᖏᔫᓗᐊᕐᒪᑕ, ᑍᒫᒃ ᐃᒻᒪᖄ ᓵᓚᒋᓗᒋᑦ ᑕᒫᓐᖓᑦ ᓄᓇᒥᑦ ᐊᐅᓚᕐᑎᑦᓱᓐᓇᕐᓂᐊᕋᒃᑭᑦ, ᖃᐅᔨᒪᒐᒪ ᓮᒻᒪᕐᑎᑕᑎᑦ ᓮᒻᒪᕐᑎᓯᒪᖃᑦᑕᕐᒪᑕ, ᐱᐅᖏᑦᑐᒥᒡᓗ ᐅᖃᐅᓯᕆᔭᑎᑦ ᐱᐅᖏᑦᑐᒦᓕᕐᐸᖕᒪᑕ.”

ᒨᓯᓯ ᓯᑕᒪᖏᑦ 23:23

ᔧᑯ ᐊᖓᒃᑯᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᐃᓴᕆᐊᓕᒥᐅᑦ ᐊᖓᒃᑰᓇᓱᐊᕐᓂᕐᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᑦ. ᐃᓴᕆᐊᓕ ᐱᑦᔪᑎᒋᓪᓗᒍ, ‘ᑕᑯᓕᕆᑦ, ᒎᑎᐅᑉ ᐱᓇᓱᐊᕐᓯᒪᔭᖏᓐᓂᒃ!’

ᒨᓯᓯ ᓯᑕᒪᖏᑦ 23:3

ᐸᓛᒻ ᐰᓚᒃᒧᑦ ᐅᖃᓕᕐᐳᖅ, “ᑐᓂᕐᕈᓯᕐᕕᒃᐱᑦ ᓴᓂᐊᓂ ᓇᖏᕆᑦ, ᐊᕗᓐᖓᕐᓂᐊᕋᒪ; ᐃᒻᒪᖄ ᐊᑕᓂᖅ ᕾᓂᐊᕐᐳᖅ ᑲᑎᔭᕐᑐᕐᓗᖓ, ᖃᓄᑐᐃᓐᓇᖅ ᐅᕙᓐᓄᑦ ᐅᖃᕐᐸᑦ ᐅᖃᐅᑎᓂᐊᕐᐸᒋᑦ.” ᑍᒫᒃ ᐂᓕᕐᐳᖅ ᐳᕐᑐᔪᑉ ᐊᓯᐊᓄᑦ.

ᒨᓯᓯ ᓯᑕᒪᖏᑦ 23:8

ᖃᓄᖅ ᒎᑎᐅᑉ ᐱᐅᖏᓐᓂᕋᓐᖏᑕᖓ ᐱᐅᖏᑦᑐᒧᑦ ᐱᔭᐅᖁᓗᒍ ᐅᖃᕈᓐᓇᕐᐳᖓ? ᖃᓄᖅ ᐊᓯᕈᐃᖁᔨᓗᖓ ᐅᖃᕈᓐᓇᕐᐳᖓ ᐊᑕᓂᐅᑉ ᐊᓯᕈᖁᓯᒪᓐᖏᑕᖓᓂᒃ?

ᒨᓯᓯ ᓯᑕᒪᖏᑦ 24:9

ᐅᑯᕗᖅ, ᐃᓂᓪᓚᒡᓗᓂᓗ ᓛᔭᑎᑐᑦ; ᓛᔭᑎᑐᑦ, ᑭᐊ ᑐᐹᕈᒪᕚ? ᓮᒻᒪᕐᑎᑕᐅᓕ ᐃᓕᖕᓂᒃ ᓮᒻᒪᕐᑎᑦᓯᔪᖅ, ᐱᐅᖏᑦᑐᒧᑦ ᐱᔭᐅᓕ ᐃᓕᖕᓂᒃ ᐱᐅᖏᑦᑐᒧᑦ ᐱᔭᐅᖁᔨᔪᖅ.”

ᒫᑎᐅᓯᐅᑉ ᐊᒡᓚᖏᑦ 27:19

ᐰᓛᑑᓯ ᐃᖅᑲᕐᑐᐃᕕᖕᒥ ᐃᒃᓯᕚᕐᑎᓪᓗᒍ, ᓄᓕᐊᖓᑕ ᐅᖃᐅᑦᔭᐅᔭᕐᑐᕐᑎᑉᐹ: “ᐅᓇ ᐊᖑᑦ ᐸᓯᔭᒃᓴᐅᖏᑦᑐᖅ ᑲᒪᒋᔭᕆᐊᖃᓐᖏᑍᑦ, ᐅᓐᓄᐊᖅ ᓯᓐᓇᒃᑑᒪᓪᓗᖓ ᐊᖏᔪᒥᒃ ᐅᖁᒤᒃᓴᕈᑎᖃᖅᑲᐅᒐᒪ ᑖᓐᓇ ᐱᓪᓗᒍ.”

ᕉᒪᒥᐅᓄᑦ 11:29

ᒎᑎᐅᑉ ᑐᓂᕐᕈᑎᓂ ᕾᖁᔨᓂᓂᓗ ᐊᓯᑦᔨᕐᓯᒪᖏᒻᒪᒋᑦ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 2:7

ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.

ᒨᓯᓯ ᑕᓪᓕᒪᖏᑦ 23:5

ᐊᑕᓂᐅᓪᓕ ᒎᑎᑦᓯ ᐸᓛᒻ ᓈᓚᓚᐅᓐᖏᓛ; ᓯᕗᓂᕐᓗᖁᔭᐅᓂᕆᔭᓯᓕ ᒧᒥᒃᑎᖔᓚᐅᕐᐹ ᐃᓕᑦᓯᓐᓂᒃ ᓮᒻᒪᕐᑎᑦᓯᓂᕐᒧᑦ, ᐊᑕᓂᐅᑉ ᒎᑎᑦᓯ ᓇᒡᓕᒋᒐᒥᓯ.

ᒨᓯᓯ ᑕᓪᓕᒪᖏᑦ 28:6

“ᓮᒻᒪᕐᑎᓐᓂᐊᕐᐹᓯᓗ ᐱᓇᓱᐊᕐᓂᕆᔭᓕᒫᑦᓯᓐᓂ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᒨᓯᓯ ᑕᓪᓕᒪᖏᑦ 7:14

ᓮᒻᒪᕐᑎᑕᐅᓂᕐᓴᐅᓂᐊᕐᐳᓯᓗ ᐃᓅᖃᑎᓕᒫᑦᓯᓐᓂᑦ ᓄᓇᕐᔪᐊᕐᒦᑦᑐᓂᑦ; ᐊᖑᑎᓂᒃ ᐊᕐᓇᓂᒡᓘᓐᓃᑦ ᕿᑐᕐᖓᕐᑖᕈᓐᓇᖏᑦᑐᖃᕐᓂᐊᓐᖏᓚᖅ, ᐆᒪᔪᖁᑎᑦᓯᓐᓂᓘᓐᓃᑦ ᕿᑐᕐᖓᕐᑖᕈᓐᓇᖏᑦᑐᖃᕐᓂᐊᖏᓐᓂᕗᖅ.