ᒨᓯᓯ ᓯᑕᒪᖏᑦ 21:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒤᒻᒪᑦ ᐃᓄᐃᑦ ᕾᕗᑦ ᒨᓯᓯᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ, ᓈᒻᒪᒃᓴᖏᓐᓂᕐᒥᒃ ᓂᓪᓕᐊᓚᐅᕋᑦᑕ ᐊᑭᕋᕐᑐᕐᓗᑕ ᐊᑕᓂᕐᒥᒃ ᐃᓕᖕᓂᒡᓗ; ᑐᒃᓯᐊᓚᐅᕆᑦ ᐊᑕᓂᕐᒧᑦ ᖁᒡᓗᒋᐊᑦ ᐊᐅᓪᓚᖁᓪᓗᒋᑦ ᐅᕙᑦᑎᓐᓂᑦ.” ᑍᒫᒃ ᒨᓯᓯ ᑐᒃᓯᐊᓚᐅᕐᐳᖅ ᐃᓄᐃᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 21:7 Iomraidhean Croise

ᒨᓯᓯ ᓯᕗᓪᓖᑦ 20:17

ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᕐᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᕐᑖᕈᓐᓇᕐᓯᓚᐅᕐᐳᑦ.

ᒨᓯᓯ ᓯᕗᓪᓖᑦ 20:7

ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

ᐊᑕᓃᑦ ᓯᕗᓪᓖᑦ 13:6

ᐊᖓᔪᖅᑳᕐᔪᐊᖅ ᔨᕈᐳᐊᒻ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐅᖃᕐᐳᖅ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ ᑕᓕᕋ ᐅᑎᕐᑎᑕᐅᖁᓗᒍ!” ᑕᕝᕙ ᒎᑎᐅᑉ ᐅᖃᑎᖓ ᐊᑕᓂᕐᒧᑦ ᑐᒃᓯᐊᕐᐳᖅ, ᐊᖓᔪᖅᑳᕐᔪᐊᓪᓗ ᑕᓕᖓ ᐋᖅᑭᒃᑕᐅᕗᖅ.

ᐊᑕᓃᑦ ᐂᑉᐸᖏᑦ 13:4

ᑕᕝᕙ ᔨᕼᐅᐊᕼᐊᔨᐅᑉ ᐊᑕᓂᖅ ᑐᒃᓯᐊᕐᕕᒋᖕᒪᒍ, ᐊᑕᓂᐅᑉ ᑐᓴᕐᐹ ᑐᒃᓯᐊᕐᓂᖓᓂᒃ; ᖃᐅᔨᒪᒐᒥ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᒪᒋᑦ.

ᔫᐱᐅᑉ ᐊᒡᓚᖏᑦ 42:10

ᔫᐱᓕ ᑐᒃᓯᐅᑦᔨᔭᕇᕐᓯᒪᓕᕐᑎᓪᓗᒍ ᐃᓚᓐᓇᕆᔭᒥᓂᒃ, ᐊᑕᓂᐅᑉ ᒪᑭᑎᒃᑲᓐᓂᓕᓚᐅᕆᕚ ᐱᖁᑎᒋᓚᐅᕐᑕᖏᑕᓗ ᒪᕐᕈᐃᕐᑑᑎᓪᓗᐊᖏᓐᓂᒃ ᐱᑖᕐᑎᒃᑲᓐᓂᕐᓗᒍ.

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᐃᓐᖏᕈᑎᑦ 106:23

ᑍᒤᒻᒪᑦ ᐅᖃᓚᐅᕐᐳᖅ ᑖᒃᑯᓂᖓ ᓄᖒᑦᓯᔪᒪᓕᕐᓗᓂ, ᓂᕈᐊᕐᓯᒪᔭᖓᓕ ᒨᓯᓯ ᒎᑎᐅᑉ ᓵᖓᓂ ᓂᑯᕕᓚᐅᕐᐳᖅ, ᓂᓐᖓᐅᒪᓂᖓ ᓴᖑᑎᓪᓗᓂᐅᒃ, ᓄᖒᑦᓯᖁᓇᒍ ᑖᒃᑯᓂᖓ.

ᐃᓐᖏᕈᑎᑦ 78:34

ᑐᖁᑎᑦᓯᑐᐊᕐᒪᓪᓕ, ᐊᓯᖏᑦ ᑖᑦᓱᒥᖓ ᕿᓂᓕᓚᐅᕐᐳᑦ; ᖃᕿᐊᓕᕐᓗᑎᒃ ᐊᔪᐃᓐᓇᕐᓗᑎᒡᓗ ᒎᑎ ᕿᓂᓕᕐᓗᒍ.

ᒨᓯᓯ ᐂᑉᐸᖏᑦ 10:17

ᑍᒤᒻᒪᑦ ᒫᓐᓇ, ᐊᔪᕐᑐᓕᓂᒃᑲ ᐃᓱᒪᒋᔪᓐᓁᕐᓯᐅᒃ, ᐊᒃᓱᕈᕐᓗᖓ ᕿᓄᕕᒋᕙᑦᓯᒃ ᐊᑕᐅᓯᐊᓪᓚᕆᒡᓗᖓ, ᐊᑕᓂᖅ ᒎᑎᓯ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᑐᒥᖓᑦ ᑐᖁᓐᓇᕐᑐᒥᒃ ᐲᕐᓯᖁᓗᒍ ᐅᕙᓐᓂᑦ.”

ᒨᓯᓯ ᐂᑉᐸᖏᑦ 32:11

ᒨᓯᓯᓕ ᐃᓗᖏᕐᓱᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᒎᑎᒥᓄᑦ ᐅᖃᕐᓗᓂᓗ, “ᐊᑕᓃᖅ, ᓱᖕᒪᑦ ᐃᓄᖁᑎᖕᓄᑦ ᑍᒫᕌᓗᒃ ᓂᓐᖓᐅᒪᔪᒃᓴᐅᕖᑦ? ᑖᒃᑯᐊ ᓴᐳᑎᓚᐅᕋᕕᒋᑦ ᐄᑦᔨᑉᑎᒥᑦ ᐊᔪᒐᖃᖏᓐᓂᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᐂᑉᐸᖏᑦ 32:30

ᖃᐅᑎᓪᓗᒍ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᓯ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒫᓐᓇᓕ ᖃᖅᑲᒧᑦ ᒪᔪᕋᕐᓂᐊᕐᐳᖓ ᐊᑕᓂᕐᒧᑦ; ᖃᐅᔨᔭᕐᑐᕋᓱᐊᕐᓗᖓ ᐃᓱᒪᒋᔪᓐᓁᕐᑕᐅᔪᓐᓇᕐᒪᖔᑦᓯ ᐊᔪᕐᑐᓕᓂᑦᓯᓐᓂᑦ.”

ᒨᓯᓯ ᐂᑉᐸᖏᑦ 8:28

ᑕᕝᕙ ᐰᕉ ᐅᖃᕐᐳᖅ, “ᐊᐅᓪᓚᖁᓂᐊᓕᕐᐸᑦᓯ, ᑐᓂᕐᕈᓯᕆᐊᕐᑐᕈᓐᓇᖁᓪᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖃᖏᑦᑐᒥ, ᑭᓯᐊᓂᓕ ᐅᖓᓯᓗᐊᕐᑐᒧᐊᕐᑐᒃᓴᐅᓐᖏᓚᓯ, ᑐᒃᓯᐅᑎᔭᒃᓴᕆᕙᑦᓯᓐᖓᓗ.”

ᒨᓯᓯ ᐂᑉᐸᖏᑦ 8:4

ᑕᒪᒃᑯᐊᓗ ᒥᓯᖃᑦᑕᕐᓂᐊᕐᐳᑦ ᐃᓕᖕᓄᑦ ᐃᓄᖁᑎᖕᓄᓪᓗ ᐊᖓᔪᖅᑳᖁᑎᓕᒫᕐᓄᓪᓗ.’”

ᒨᓯᓯ ᐂᑉᐸᖏᑦ 8:8

ᑕᕝᕙ ᐰᕉᑉ ᒨᓯᓯᒃᑯᒃ ᐂᕉᓂᒃᑯᒃ ᕾᖁᕚᒃ, ᐅᖃᐅᑎᓪᓗᒋᒡᓗ, “ᐊᑕᓂᖅ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᒃᑯᓂᖓ ᓈᕌᔨᓂᒃ ᐲᕐᓯᖁᓗᒍ ᐅᕙᓐᓂᑦ ᐃᓄᖁᑎᓐᓂᓪᓗ; ᑕᕝᕙ ᐃᓅᖃᑎᒌᒡᔪᐊᑦ ᐊᐅᓪᓚᖁᓂᐊᕐᐸᒃᑲ ᑐᓂᕐᕈᓯᕆᐊᕐᑐᖁᓪᓗᒋᑦ ᐊᑕᓂᕐᒧᑦ.”

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 37:3

ᐊᖓᔪᖅᑳᕐᔪᐊᕐᓗ ᔨᑎᑬᐊ ᑎᓕᓯᓚᐅᕐᐳᖅ ᔨᕼᐅᑲᐅᓕᒥᒃ ᓯᓕᒤᐊᐅᑉ ᐃᕐᓂᖓᓂᒃ, ᑐᓂᕐᕈᓯᕐᑎᑦᓯᔨᒥᒡᓗ ᔨᐸᓁᐊᒥᒃ ᒫᓯᐊᐅᑉ ᐃᕐᓂᖓᓂᒃ ᔨᕆᒤᐊᒧᑦ ᒎᑎᐅᑉ ᐅᖃᕐᑎᖓᓄᑦ ᐃᒫᒃ ᐅᖃᐅᑎᔭᐅᖁᓪᓗᒍ, “ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑎᑎᒍᑦ.”

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᒨᓯᓯ ᓯᑕᒪᖏᑦ 11:2

ᐃᓄᐃᓪᓕ ᓂᓪᓕᐊᓕᕐᐳᑦ ᒨᓯᓯᒧᑦ, ᒨᓯᓯᐅᓪᓗ ᐊᑕᓂᖅ ᑐᒃᓯᐊᕐᕕᒋᖕᒪᒍ, ᐃᑯᒪ ᑕᕝᕙ ᖃᒥᑉᐳᖅ.

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 8:24

ᓮᒨᓂ ᑭᐅᕗᖅ, “ᐊᑕᓂᕐᒧᑦ ᑐᒃᓯᐅᑎᓯᓐᖓ ᑕᒪᒃᑯᐊ ᐅᖃᐅᓯᕆᔭᓯᒃ ᓇᓪᓕᐊᓪᓘᓐᓃᑦ ᐅᕙᓐᓄᐊᖁᓇᒋᑦ.”

ᕉᒪᒥᐅᓄᑦ 10:1

ᐃᓗᖏᕐᓱᕐᓗᖓ ᐃᓅᖃᑎᒃᑲ ᑐᒃᓯᐅᑎᕙᒃᑲ ᒎᑎᒧᑦ ᐱᐅᓕᔭᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 9:20

ᐊᑕᓂᖅ ᐊᖏᔪᒥᒃ ᓂᓐᖓᐅᒪᓚᐅᕆᕗᖅ ᐂᕉᓂᒧᑦ ᐊᒡᓛᑦ ᑐᖁᑐᐃᓐᓇᕆᐊᖃᓕᓚᐅᕐᐹ, ᐂᕉᓂᑦᑕᐅᖅ ᐱᑦᔪᑎᒋᓪᓗᒍ ᑐᒃᓯᐊᕆᐊᖃᓚᐅᕆᕗᖓ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᓴᒧᐃᓕ ᓯᕗᓪᓖᑦ 15:24

ᓴᐅᓕᓗ ᐅᖃᓕᕐᐳᖅ ᓴᒧᐃᓕᒧᑦ, “ᐊᔪᕐᑐᓕᓚᐅᕐᐳᖓ; ᐊᑕᓂᐅᑉ ᐅᖃᐅᓯᖏᑦ ᓱᕋᓚᐅᕐᐸᒃᑲ ᐅᖃᐅᓯᕐᑎᓪᓗ, ᐃᓄᖕᓂᒃ ᓯᕘᕋᓚᐅᕋᒪ ᓂᐱᖏᓪᓗ ᓈᓚᖔᓕᓚᐅᕋᒃᑭᑦ.

ᓴᒧᐃᓕ ᓯᕗᓪᓖᑦ 15:30

ᑕᕝᕙ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᐱᒋᓚᐅᓐᖓᓕ, ᐃᓄᐃᑦ ᐊᖓᔪᖅᑳᖏᑕ ᓵᖓᓂ ᐃᓴᕆᐊᓕᒥᐅᓪᓗ ᓵᖏᓐᓂ, ᐅᑎᖃᑎᒋᓚᐅᓐᖓ, ᑐᒃᓯᐊᕈᓐᓇᖁᓪᓗᖓ ᐊᑕᓂᕐᒧᑦ ᒎᑎᖕᓄᑦ.”