ᒨᓯᓯ ᓯᑕᒪᖏᑦ 21:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓄᐃᓪᓗ ᓈᒻᒪᒃᓴᖏᓐᓂᕐᒥᒃ ᓂᓪᓕᐊᕗᑦ ᒎᑎᒧᑦ ᒨᓯᓯᒧᓪᓗ ᐅᖃᕐᓗᑎᒃ: “ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐱᑎᒍᑦ ᑐᖁᖁᓪᓗᑖ ᐃᓄᖃᖏᑦᑐᒥ? ᑕᒫᓂ ᓂᕿᒃᓴᖃᖏᒻᒪᑦ, ᐃᒪᖃᕋᓂᓗ, ᓂᕿᕗᓪᓗ ᐃᕿᐊᓐᖑᕐᐸᕗᑦ ᓂᕿᑐᕾᑦ.”

ᒨᓯᓯ ᓯᑕᒪᖏᑦ 21:5 Iomraidhean Croise

ᐃᓐᖏᕈᑎᑦ 68:6

ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.

ᐃᓐᖏᕈᑎᑦ 78:19

ᐃᓛᒃ, ᓂᓪᓕᐊᓚᐅᕐᐳᑦ ᒎᑎᒥᒃ ᓈᒻᒪᒃᓴᕋᑎᒃ: ᐅᖃᕐᓗᑎᒃ, “ᒎᑎ ᓂᕆᔭᒃᓴᓂᒃ ᐊᑐᐃᓐᓇᕈᐃᔪᓐᓇᕐᐹ ᐃᓄᖃᖏᑦᑐᒥ?

ᒨᓯᓯ ᐂᑉᐸᖏᑦ 14:11

ᒨᓯᓯᒧᓪᓗ ᐅᖃᕐᓗᑎᒃ, “ᐄᑦᔨᑉᑎᒥᐅᑦ ᓄᓇᖓᓐᓂ ᐃᓗᕕᕐᓯᕕᒃᓴᖃᖏᓐᓂᖓᓄᑦ ᒪᐅᖓ ᐃᓄᖃᖏᑦᑐᓕᐊᕈᑎᕕᑎᒎᑦ ᑐᖁᑕᐅᔭᕐᑐᖁᓪᓗᑖ? ᑕᒪᐅᓐᖓᐅᑦᔨᓚᐅᕐᓂᕐᓄᑦ ᑕᑯᒋᑦ ᐃᒤᑦᑑᒦᓕᕐᐳᒍᑦ!

ᒨᓯᓯ ᐂᑉᐸᖏᑦ 15:24

ᐃᓄᐃᓪᓗ ᓈᒻᒪᒃᓴᕋᑎᒃ ᒨᓯᓯᒧᑦ ᐅᖃᓕᕐᐳᑦ, “ᓇᑭᓪᓕ ᐃᒥᕐᓂᐊᓕᕐᐱᑖ?”

ᒨᓯᓯ ᐂᑉᐸᖏᑦ 16:15

ᐃᓴᕆᐊᓕᒥᐅᓪᓗ ᑕᑯᒐᒥᑦᔪᒃ ᑭᓲᖕᒪᖔᑦ ᓇᓗᕚᑦ, ᐃᒻᒥᖕᓄᓪᓗ ᐊᐱᕆᖃᑦᑕᐅᑎᓕᕐᐳᑦ, “ᓱᓇ ᒪᓐᓇ?” ᒨᓯᓯᐅᑉ ᐅᖃᐅᑎᕔᑦ, “ᑕᒪᑦᔭ ᐊᑕᓂᐅᑉ ᑐᓂᓯᒪᔭᖓ ᓂᕿᒃᓴᕆᔭᐅᖁᓪᓗᓂᐅᒃ ᐃᓕᑦᓯᓐᓄᑦ.

ᒨᓯᓯ ᐂᑉᐸᖏᑦ 16:31

ᐃᓴᕆᐊᓕᒥᐅᓪᓕ ᑕᒪᒃᑯᐊ ᓂᕿᒃᓴᑦ ᐊᑎᖃᕐᑎᓚᐅᕐᐰᑦ ᒫᓇᒥᒃ; ᑰᕆᐊᓐᑐᕆᐅᑉ ᐱᕈᕐᓯᐊᒃᓴᐅᑉ ᑲᓐᖓᕐᓲᑎᒃᓴᖓᑐᑦ ᑍᒤᑦᑑᕗᖅ ᖃᑯᕐᑕᑯᓘᓪᓗᓂ, ᑎᐱᖃᕐᓗᓂᓗ ᓂᐊᖂᔭᑎᑐᑦ ᓵᑦᑐᑯᓘᓪᓗᑎᒃ ᐸᓂᕐᓯᒪᔪᑎᑐᑦ ᕼᐊᓂᒥᒃ ᐃᓚᓯᒪᔪᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:7

ᑕᕐᓂᐅᑉ ᐊᕿᐊᑦᑐᓱᖕᓂᖓ ᐱᐅᒃᓴᖏᓐᓂᐅᕗᖅ ᕼᐊᓂᒥᒃ, ᑕᕐᓂᐅᓪᓕ ᑳᒃᑑᑉ ᖃᒃᑭᓐᓇᕐᑐᑦ ᓰᕐᓇᕐᓯᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 20:21

ᑭᖑᕚᖑᖃᑎᒌᓪᓕ ᐊᑭᕋᕐᑐᓕᓚᐅᕆᕗᑦ ᐅᕙᓐᓂᒃ; ᐱᓂᐊᕐᑕᐅᖁᔭᒃᑲ ᒪᓕᓚᐅᓐᖏᓔᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᓐᖏᓔᑦ, ᐃᓅᑉ ᓈᓚᒃᑯᓂᒋᑦ ᐃᓅᒐᔭᕐᑎᓪᓗᒍ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᑕᕝᕙ ᐅᖃᓚᐅᕐᐳᖓ ᓂᓐᖓᒡᕕᒋᓂᐊᓕᕐᐸᒃᑲ ᓂᓐᖓᐅᓯᓐᓄᓪᓗ ᑎᑭᑕᐅᓂᐊᓕᕐᐳᑦ ᐃᓄᖃᖏᑦᑐᒦᑎᓪᓗᒋᑦ.

ᒨᓯᓯ ᓯᑕᒪᖏᑦ 11:20

ᑕᖅᑭᓕᒫᒥᒡᓕ, ᓱᕐᓗᑦᓯᓐᓂᑦ ᓂᕿ ᐊᓂᐊᓕᕐᐸᑦ ᑭᓯᐊᓂ, ᐃᓕᑦᓯᓗ ᐊᕆᐅᒍᑦᓯᐅᒃ, ᐊᑕᓂᖅ ᐊᑯᓐᓇᑦᓯᓐᓃᑦᑐᖅ ᓇᕐᕈᒋᓚᐅᕋᑦᓯᐅᒃ, ᓵᖓᓂᓗ ᕿᐊᓪᓗᓯ ᐅᖃᕐᓗᓯᓗ, ‘ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᐱᑕ?’”

ᒨᓯᓯ ᓯᑕᒪᖏᑦ 16:41

ᖃᐅᑎᓪᓗᒍ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᓕᒫᑦ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐅᖃᕐᓗᑎᒃ, “ᑐᖁᑦᓯᔪᓯᒃ ᐊᑕᓂᐅᑉ ᐃᓄᖁᑎᖏᓐᓂᒃ.”

ᒨᓯᓯ ᓯᑕᒪᖏᑦ 17:12

ᑕᕝᕙ ᐃᓴᕆᐊᓕᒥᐅᑦ ᒨᓯᓯᒧᑦ ᐅᖃᓕᕐᐳᑦ, ᐅᖃᕐᓗᑎᒃ, “ᓱᓕᔪᒥᒃ ᑐᖁᓂᐊᓕᕐᐳᒍᑦ, ᐊᓯᐅᓂᐊᓕᕐᐳᒍᑦ, ᑕᒪᑦᑕ ᐊᓯᐅᓂᐊᓕᕐᐳᒍᑦ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:9

᙭ᔅᑑᓯᒥᒃ ᐆᒃᑐᕐᓗᐃᓂᐊᕋᑕ ᑍᒃᑯᑎᑐᓇᖅ, ᐃᓚᖏᑦ ᑍᒤᓚᐅᕋᒥᒃ ᖁᓗᒋᐊᕌᓗᖕᓄᑦ ᑐᖁᑕᐅᓚᐅᕐᐳᑦ.