ᒨᓯᓯ ᓯᑕᒪᖏᑦ 21:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑲᑉᐱᐊᓐᓇᒦᒃ, ᒧᐊᐱᒥᐅᑕᐅᔪᓯ! ᑭᒨᓯᒥᐅᑕᐅᔪᓯᓗ ᐊᓯᕈᕐᑕᐅᓯᒪᕗᓯ! ᐃᓕᑦᓯᓗ ᑖᒃᑯᓄᖓ ᕿᑐᕐᖓᕆᔭᐅᔪᓯ ᕿᒫᓯᒪᔭᕆᐊᖃᓕᕐᐳᓯ, ᐃᓕᑦᓯᓗ ᑖᒃᑯᓄᖓ ᐸᓂᒋᔭᐅᔪᓯ ᑎᒍᔭᐅᓗᓯ ᐊᐅᓪᓚᕈᔭᐅᓂᐊᕐᐳᓯ, ᐊᒧᕅᑎᑦ ᐊᖓᔪᖅᑳᕐᔪᐊᖓᓄᑦ ᓮᕼᐆᓂᒥᒃ ᐊᑎᓕᖕᒧᑦ.

ᒨᓯᓯ ᓯᑕᒪᖏᑦ 21:29 Iomraidhean Croise

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 11:7

ᓲᓗᒨᓂ ᓴᓇᓚᐅᕆᕗᖅ ᑐᒃᓯᐊᕐᕕᖕᒥᒃ ᑭᒨᓯᒧᑦ ᒧᐊᐱᒥᐅᑦ ᒎᑎᓐᖑᐊᖓᓐᓄᑦ ᒎᑎᐅᑉ ᓇᕐᕈᒋᔭᖓᓄᑦ, ᑐᒃᓯᐊᕐᕕᖕᒥᒡᓗ ᒧᓕᑭᒧᑦ ᐊᒧᓁᑎᒥᐅᑦ ᒎᑎᓐᖑᐊᖓᓂᒃ ᒎᑎᐅᑉ ᓇᕐᕈᒋᔭᖓᓂᒃ ᔨᕉᓴᓕᐅᑉ ᑕᓕᕐᐱᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ.

ᐊᑕᓃᑦ ᐂᑉᐸᖏᑦ 23:13

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐱᓪᓚᕆᒋᔭᐅᓪᓗᑎᒃ ᑐᒃᓯᐊᕐᕕᐅᖃᑦᑕᕐᑐᕕᓃᑦ ᐊᑐᕐᑕᐅᔪᓐᓁᓪᓕᑎᑉᐰᑦ ᔨᕉᓴᓕᐅᑉ ᓯᕿᓂᐊᑕ ᓇᓛᓃᑦᑐᑦ ᐱᖒᑉ ᐱᐅᖏᑦᑐᓕᕝᕕᖕᒥᒃ ᑍᔭᐅᔫᑉ ᓯᕿᓂᖓᓃᑦᑐᑦ, ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᓇᔭᐅᑎᑕᕕᓂᖏᑦ ᒎᑎᓐᖑᐊᒧᑦ ᐋᔅᑕᕉᑎᒥᒃ ᑍᔭᐅᔪᒧᑦ ᓮᑐᓂᐊᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ, ᑭᒨᓯᓗ ᒧᐊᐱᒥᐅᑦ ᒎᑎᓐᖑᐊᖓᓄᑦ ᓇᕐᕈᓇᕐᑐᒧᑦ, ᒥᐅᓪᑲᒻᒧᓪᓗ ᐊᒧᓁᑎᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 15:5

ᒧᐊᐱᒥᐅᑦ ᐆᒻᒪᑎᒃᑯᑦ ᕿᐊᑦᔪᑎᒋᕙᒃᑲ; ᐃᓄᖏᑦ ᕿᒫᕗᑦ ᔪᐊᕆᒥᐅᓄᑦ, ᐃᒡᓚᑦ-ᓯᓕᓯᔭᒧᓪᓗ, ᐃᓚᖏᓪᓗ ᐊᖅᑯᑎᒃᑯᑦ ᓗᕼᐃᑎᐅᑉ ᒪᔪᖅᑲᖓᒎᕐᓗᑎᒃ, ᕿᐊᓪᓗᑎᒃ ᐊᖅᑯᑎᒥᖕᓂ: ᐃᓚᖏᓪᓗ ᐊᓐᓇᒋᐊᕐᐳᑦ ᕼᐅᕈᓁᒥᒧᑦ ᕿᐊᓪᓗᑎᒃ; ᓂᐱᖅᑯᕐᑐᓪᓗᑎᒃ ᕿᐊᕗᑦ ᐊᓯᕈᕐᑕᐅᓂᑎᒃ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 16:2

ᑎᖕᒥᐊᑎᑐᑦ ᐃᕙᕕᖕᒥᖕᓂᑦ ᑎᖏᑎᑕᐅᓯᒪᔪᑎᑐᑦ ᑍᒤᑦᓱᒫᕐᐳᑦ, ᒧᐊᐱᐅᑉ ᐸᓂᖏᑦ ᑰᖕᒥ ᐋᕐᓄᓂᒥ ᐅᑕᖅᑭᓗᑎᒃ ᐃᑳᕐᕕᖕᓂ.

ᔨᕆᒤᐊᐅᑉ ᐊᒡᓚᖏᑦ 48:13

ᒧᐊᐱ ᑲᓐᖑᓲᑎᖃᓕᕈᒫᕐᐳᖅ ᒎᑎᒥᓂᒃ ᑭᒨᓯᒥᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᑲᓐᖑᓲᑎᖃᓕᓚᐅᕐᒪᑕ ᒎᑎᓐᖑᐊᒥᒃ ᐱᑎᓕᒥᒃ ᑕᑎᖃᓗᐊᓚᐅᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:45

ᕼᐃᓴᐸᓂᒥᐅᑦ ᑕᕐᕋᓕᓂᖏᓐᓂ ᕿᒫᓂᑯᐃᑦ ᐃᓂᒃᓴᕐᓯᓂᐊᓐᖏᓚᑦ, ᕼᐃᓴᐸᓂ ᐃᑯᐊᓚᔪᕐᑕᖃᕐᒪᑦ, ᓮᕼᐆᓂᒥᓪᓗ ᐃᑯᐊᓚᔪᒥᒃ ᐊᓂᐊᔪᖃᕐᒪᑦ, ᒧᐊᐱᒥᐅᓪᓗ ᖃᐅᖏᓐᓂᒃ ᐆᑎᑦᓯᓂᐊᕐᒪᑦ, ᐅᖃᐅᓯᕐᒥᒍᑦ ᐅᓇᖕᒥᓁᔭᕐᐸᒃᑐᕕᓃᑦ ᓴᐅᓂᖏᓐᓂᒃ ᐱᖃᓯᐅᑦᔨᓗᓂ.

ᔨᕆᒤᐊᐅᑉ ᐊᒡᓚᖏᑦ 48:46

ᑲᑉᐱᐊᓐᓇᒦᒃ ᒧᐊᐱᒥᐅᑕᐅᔪᓯ, ᑭᒨᓯᒥᐅᑦ ᐃᓄᖏᑦ ᓄᖑᑕᐅᖕᒪᑕ, ᐃᕐᓂᓯᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᖕᒪᑕ ᐸᓂᓯᓗ ᑎᒍᔭᐅᓪᓗᑎᒃ ᓯᐊᓛᕐᑖᖑᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᒨᓯᓯ ᓯᑕᒪᖏᑦ 24:17

ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 11:24

ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.