ᒨᓯᓯ ᓯᑕᒪᖏᑦ 20:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐊᔭᐅᑉᐱᐊᖅ ᑎᒍᓕᕈᒃ; ᐃᕝᕕᓪᓗ ᖃᑕᓐᖑᑏᓪᓗ ᐂᕉᓂ ᐃᓄᐃᑦ ᑲᑎᖁᓕᕐᓯᐅᒃ, ᕾᕐᑐᕐᓗ ᐅᖃᐅᑎᓗᒍ ᐃᓄᐃᑦ ᑕᒃᑯᐊᓂ, ᑕᕝᕙ ᐃᒥᕐᒥᒃ ᑯᕕᓕᕐᓂᐊᕐᐳᖅ; ᑍᒫᒃ ᐃᒥᕐᒥᒃ ᓴᖅᑭᑎᑦᓯᓂᐊᕐᐳᑎᑦ ᕾᕐᑐᒥᑦ, ᐃᒥᕐᑎᓪᓗᒋᓪᓗ ᐃᓄᐃᑦ ᐆᒪᔪᖁᑎᖏᓪᓗ.”

ᒨᓯᓯ ᓯᑕᒪᖏᑦ 20:8 Iomraidhean Croise

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᓂᕼᐃᒤᐊᐅᑉ ᐊᒡᓚᖏᑦ 9:15

ᑳᓕᕐᑎᓪᓗᒋᓪᓗ, ᓂᐊᖁᔭᒥᒃ ᑐᓂᓯᕕᒋᓚᐅᕐᐸᑎᑦ ᕿᓚᖕᒥᑦ, ᐃᒥᕐᑎᓚᐅᕐᐸᑎᓪᓗ ᕾᕐᓱᒥᑦ ᐃᒥᕈᓱᓕᕐᑎᓪᓗᒋᑦ. ᓄᓇᒥᒃ ᓄᓇᑖᖁᓪᓗᒋᑦ ᐅᖃᐅᑎᓚᐅᕐᐸᑎᑦ, ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᐃᓐᖏᕈᑎᑦ 105:41

ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.

ᐃᓐᖏᕈᑎᑦ 114:8

ᑖᑦᓱᒪ ᕾᕐᑐᖅ ᑕᓯᕈᕐᑎᓚᐅᕐᒪᒍ, ᐃᓐᓈᕈᕐᓗ ᓄᓇᐅᑉ ᐃᓗᐊᓂᑦ ᑰᓕᕐᑎᓚᐅᕐᐹ.

ᐃᓐᖏᕈᑎᑦ 33:9

ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 14:16

ᐊᔭᐅᑉᐱᐊᑦ ᐃᓴᐅᑎᒍᒃ ᐃᒪᐅᑉ ᖁᓛᓄᑦ ᓄᖅᑲᖓᑎᓪᓗᒍᓗ. ᐃᒪᖅ ᑕᕝᕙ ᐊᕕᖕᓂᐊᕐᐳᖅ, ᐃᓴᕆᐊᓕᒥᐅᓪᓗ ᐃᒪᐅᖅᑲᐅᔪᒃᑰᕈᓐᓇᕐᓂᐊᕐᐳᑦ ᐸᓂᑦᓯᐊᕐᑐᒃᑯᑦ.

ᒨᓯᓯ ᐂᑉᐸᖏᑦ 17:9

ᒨᓯᓯ ᐅᖃᕐᐳᖅ ᔮᓱᐊᒧᑦ, “ᐊᖑᑎᓂᒃ ᓂᕈᐊᓚᐅᕆᑦ, ᑖᒃᑯᐊᓗ ᐃᓚᒋᓗᒋᑦ ᐊᒪᓕᒃᒥᐅᑦ ᖃᐅᒃᐸᑦ ᐅᓇᑕᕆᐊᓛᕐᐸᓯ; ᖃᐅᒃᐸᑦ ᖃᖅᑲᐅᑉ ᖄᖓᓂ ᓇᖏᓛᕐᐳᖓ ᒎᑎᐅᑉ ᐊᔭᐅᑉᐱᐊᖁᑎᐊ ᑎᒍᒥᐊᕐᓗᒍ.”

ᒨᓯᓯ ᐂᑉᐸᖏᑦ 4:17

ᐊᔭᐅᑉᐱᐊᕐᓗ ᑕᒪᓐᓇ ᑎᒍᒥᐊᒐᒃᓴᕆᕙᑦ, ᑕᒪᑐᒨᓇ ᓇᓗᓁᒃᑯᑕᕐᓂᒃ ᐱᓇᓱᐊᕆᐊᖃᓛᕋᕕᑦ.”

ᒨᓯᓯ ᐂᑉᐸᖏᑦ 4:2

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᓱᓇᒥᒃ ᑎᒍᒥᐊᕐᐲᑦ?” ᒨᓯᓯᐅᑉ ᑭᐅᕚ, “ᐊᔭᐅᑉᐱᐊᒥᒃ.”

ᒨᓯᓯ ᐂᑉᐸᖏᑦ 4:20

ᑍᒤᒻᒪᑦ ᑕᕝᕙ ᒨᓯᓯᐅᑉ ᓄᓕᐊᓂ ᐃᕐᓂᓂᓗ ᐸᕐᓇᒃᑎᓕᕐᐰᑦ ᓯᐅᑎᖅᑯᕐᑐᔫᓪᓗ ᖄᖓᓄᑦ ᐃᑭᑎᓪᓗᒋᑦ, ᐄᑦᔨᑉᑎᒧᓪᓗ ᐅᑎᓕᕐᐳᖅ; ᐊᔭᐅᑉᐱᐊᕐᓗ ᒎᑎᐅᑉ ᐊᔭᐅᑉᐱᐊᖁᑎᖓ ᒨᓯᓯᐅᑉ ᓇᒃᓴᕐᐹ.

ᒨᓯᓯ ᐂᑉᐸᖏᑦ 7:20

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᑕᒪᑐᒥᖓ ᐱᓇᓱᐊᓚᐅᕐᐳᒃ ᐊᑕᓂᐅᑉ ᐱᖁᓚᐅᕐᑕᖓᓂᒃ; ᐰᕉᑉ ᓵᖓᓂ ᐱᔨᒋᔭᖏᑕᓗ ᓵᖓᓂ, ᐊᔭᐅᑉᐱᐊᖁᑎᓂ ᐃᓴᐅᑎᓚᐅᕐᓗᒍ ᑰᑉ ᐃᒪᖓ ᐊᓇᐅᕚ, ᑕᕝᕙᓗ ᐃᒪᓕᒫᖅ ᑕᒪᓐᓇ ᐊᐅᓐᖑᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:20

ᐆᒪᔪᓄᑦ ᓄᔪᐊᕐᑐᓄᑦ ᐅᐱᒋᔭᐅᔪᒫᕐᐳᖓ, ᑎᕆᒐᓂᐊᖓᔪᓄᑦ ᔮᑯᓄᑦ ᑎᖕᒥᐊᕐᔪᐊᓄᓪᓗ ᐋᔅᑐᕆᑦᓯᓄᑦ; ᐃᒪᕐᑖᕐᑎᑦᓯᔪᒫᕋᒪ ᓄᓇᒥ ᐃᓄᖃᖏᑦᑐᒥ, ᑰᓕᐅᕐᓗᖓᓗ ᓯᐅᕅᓐᓇᕐᒥ, ᐃᓄᖁᑎᓐᓄᑦ ᓂᕈᐊᕐᓯᒪᔭᓐᓄᑦ ᐃᒥᕆᔭᐅᔪᒫᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᒨᓯᓯ ᓯᑕᒪᖏᑦ 20:11

ᒨᓯᓯᐅᓪᓗ ᑕᓕᓂ ᐃᓵᒡᓗᒍ ᕾᕐᑐᖅ ᐊᓇᐅᕚ ᒪᕐᕈᐊᕐᑎᕐᓗᒍ; ᑕᕝᕙ ᐃᒪᖅ ᐊᒥᒐᖏᑦᑐᒥᒃ ᑰᓕᕐᐳᖅ, ᑕᕝᕙ ᐃᓄᒋᐊᑐᕐᔪᐊᑦ ᐆᒪᔪᖁᑎᖏᓪᓗ ᐃᒥᕐᐳᑦ.

ᒨᓯᓯ ᓯᑕᒪᖏᑦ 20:7

ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ,

ᒨᓯᓯ ᓯᑕᒪᖏᑦ 21:15

ᓇᕐᓮᓪᓗ ᓯᕕᖓᓂᖏᑦ ᑎᑭᓯᒪᕗᑦ ᓄᓇᒧᑦ ᐋᕆᒧᑦ, ᓄᓇᐅᓪᓗ ᒧᐊᐱᐅᑉ ᑭᒡᓕᖓᓃᓪᓗᑎᒃ.”

ᒨᓯᓯ ᓯᑕᒪᖏᑦ 21:18

ᐃᒥᕐᑕᕐᕖᒃ ᐊᖓᔪᖅᑳᑦ ᐃᑎᕐᓴᓕᐅᓚᕐᑕᖓᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᖏᑕ ᐊᒡᒐᓚᐅᕐᑕᖓᑦ ᐱᖁᔭᓂᒃ ᑐᓂᓯᔪᑦ, ᐊᔭᐅᐱᐊᒥᖕᓄᑦ.” ᑕᒫᖓᓪᓗ ᐃᓄᖃᖏᑦᑐᒥᑦ ᐊᐅᓪᓚᕋᒥᒃ ᓄᓇᒧᑦ ᒪᑖᓇᒧᑦ ᐱᕗᑦ.

ᒫᑎᐅᓯᐅᑉ ᐊᒡᓚᖏᑦ 21:21

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕈᑦᓯ ᖁᓚᖏᑦᓯᐊᕐᓗᓯ, ᑍᒫᒃᑕᐅᖅ ᐱᔪᓐᓇᕐᐳᓯ ᐱᓂᐊᕐᓂᕆᕋᑖᕐᑕᑦᑐᑦ ᓇᐹᕐᑐᒧᑦ, ᑍᒤᑦᑐᑐᐃᓐᓇᕐᒨᓐᖏᑦᑐᕐᓕ, ᐊᒡᓛᑦ ᖃᖅᑲᒧᑦ ᐆᒧᖓ ᐅᖃᕈᑦᓯ, ‘ᑕᕝᕙᓐᖓᑦ ᖃᖓᑦᑕᕐᓗᑎᑦ ᐃᒫᓄᑦ ᑲᑕᓕᕆᑦ,’ ᑕᕝᕙ ᑍᒤᓐᓂᐊᕐᐳᖅ.

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᔪᐊᓇᓯᐅᑉ ᐊᒡᓚᖏᑦ 16:24

ᒫᓐᓇᒧᑦ ᑎᑭᓪᓗᒍ ᑐᒃᓯᐊᓚᐅᓐᖏᓚᓯ ᓱᓇᑐᐃᓐᓇᕐᒥᒃ ᐊᑎᓐᓂ; ᑐᒃᓯᐊᕆᑦᓯ, ᑐᓂᓯᕕᐅᓂᐊᕐᐳᓯ ᑕᕝᕙ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:14

ᐊᑕᖏᕐᓗᑎᒃ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ ᑲᑦᓱᖕᒊᕐᓯᒪᑦᓯᐊᕐᓗᑎᒃ ᑐᒃᓯᐊᖃᑦᑕᓚᐅᕐᐳᑦ, ᐊᕐᓁᑦ ᐃᓚᒋᓪᓗᒋᑦ ᒥᐊᕆᓗ ᔩᓱᓯᐅᑉ ᐊᓈᓇᖓ, ᖃᑕᓐᖑᑎᖏᓪᓗ.

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 6:5

ᑎᑦᑐᓚᐅᒻᒥᒃ ᓂᓪᓕᑯᑖᒃᑎᑦᓯᒃᐸᑕ, ᑐᓴᑐᐊᕈᑦᓯᐅᒃ, ᑕᕝᕙ ᐊᖑᑎᓕᒫᑦ ᓂᐱᖁᕐᑐᓗᑎᒃ ᑬᒐᓛᕐᑐᒃᓴᐅᕗᑦ; ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓ ᐅᕐᕈᓂᐊᕐᐳᖅ ᐊᑕᖏᕐᓗᓂ, ᐅᓇᑕᕐᑐᒃᓴᓕᒫᓪᓗ ᐃᑎᕐᑐᒃᓴᐅᕗᑦ ᐃᒡᓗᒐᓴᖕᓄᑦ ᓵᓐᖓᔭᑐᐃᓐᓇᕐᒥᒃᑎᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.