25 ᐂᕉᓂ ᐃᕐᓂᖓᓗ ᐃᓕᓯᕆ ᖃᖅᑲᒧᑦ ᕼᐅᕆᒧᑦ ᒪᔪᕋᖃᑎᒋᒃᑭᒃ;
ᐳᑭ ᐃᕐᓂᕆᔭᐅᕗᖅ ᐊᐱᓱᐊᒧᑦ, ᐊᐱᓱᐊ ᐃᕐᓂᕆᔭᐅᕗᖅ ᐱᓂᕼᐋᓯᒧᑦ, ᐱᓂᕼᐋᓯ ᐃᕐᓂᕆᔭᐅᕗᖅ ᐃᓕᓯᕆᒧᑦ, ᐃᓕᓯᕆ ᐃᕐᓂᕆᔭᐅᕗᖅ ᐂᕉᓂᒧᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ.
ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ, “ᓄᔭᓯ ᐃᓪᓔᕐᓯᒪᔪᓐᓃᕐᑎᓐᓂᐊᕋᓯᒋᒃ, ᐊᓐᓄᕌᓯᓗ ᐊᓕᖕᓂᐊᕐᓇᒋᑦ, ᑍᒤᓕᐅᕈᑦᓯ ᑐᖁᓂᐊᕆᕗᓯᒃ ᐊᑕᓂᕐᓗ ᓂᓐᖓᐅᒪᓂᐊᕐᐳᖅ ᓄᓇᓕᖕᓄᑦ ᑖᒃᑯᓄᖓ. ᐃᓚᓯᓕ ᐃᓴᕆᐊᓕᒥᐅᓪᓗ ᕿᒃᓵᒍᓐᓇᕐᐳᑦ ᐊᑕᓂᐅᑉ ᐃᑯᒪᒧᑦ ᑐᖁᑕᖏᑦ ᐱᑦᔪᑎᒋᓗᒋᑦ.
ᓇᑖᑉ ᐊᐱᕼᐅᓗ ᐊᑕᓂᐅᑉ ᓵᖓᓂ ᑐᖁᓚᐅᕐᐴᒃ ᐊᑕᓂᕐᒧᑦ ᑐᓂᕐᕈᓯᓚᐅᕐᒪᑎᒃ ᐃᑯᐊᓚᔪᒃᓴᒥᒃ ᐱᖁᔭᐅᓯᒪᓇᑎᒃ ᓮᓁᑉ ᐃᓄᖃᖏᑦᑐᖓᓂ; ᑖᒃᑯᐊᒃ ᕿᑐᕐᖓᖃᓚᐅᓐᖏᓚᒃ. ᐃᓕᓯᕆᓕ ᐃᑕᒫᕐᓗ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐱᔨᑦᓯᓚᐅᕐᐳᒃ ᐊᑖᑕᑎᒃ ᐂᕉᓂ ᐃᓚᒋᓪᓗᒍ.
(ᑕᕝᕙ ᐃᓴᕆᐊᓕᒥᐅᑦ ᐃᒥᕐᑕᕐᕕᖕᒥᑦ ᐱᐊᕌᔅ-ᐱᓂ-ᔮᑲᓐᒥᐅᑦ ᐃᒥᕐᑕᕐᕕᖁᑎᖓᓂᑦ ᓅᓕᕐᐳᑦ, ᓄᓇᒧᑦ ᒧᓯᕋᑎᒧᑦ ᐂᓪᓗᑎᒃ. ᑕᕝᕙᓂᓗ ᐂᕉᓂ ᑐᖁᕗᖅ ᐃᓗᕕᕐᑕᐅᓪᓗᓂᓗ, ᐃᕐᓂᖓᑕᓕ ᐃᓕᓯᕆᐅᑉ ᐃᓇᖏᕐᐹ ᑐᓂᕐᕈᓯᕐᑎᑦᓯᔨᐅᓂᕐᒧᑦ.
