ᒨᓯᓯ ᓯᑕᒪᖏᑦ 19:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓄᒃ ᓴᓗᒤᓕᓯᒪᖏᑦᑐᖅ ᕼᐊᓯᑉᒥᒃ ᑎᒍᓯᓗᓂ ᐃᒥᕐᒧᑦ ᑕᕝᕗᖓ ᒥᓱᒡᓗᒍ, ᑐᐱᖅ ᓯᕐᐸᕐᓴᕆᐊᖃᕐᐹ, ᐃᓗᓕᖁᑎᓕᒫᖏᓪᓗ, ᐃᓄᐃᓪᓗ ᑐᐱᕐᒦᑦᑐᕕᓂᓕᒫᑦ, ᐅᕝᕙᓘᓐᓃᑦ ᓇᓪᓕᐊᑦ ᓴᐅᓂᕕᓂᕐᒥᒃ ᐊᒃᑐᕐᓯᓚᐅᕐᑐᒧᑦ, ᑐᖁᑕᕕᓂᕐᒥᒡᓘᓐᓃᑦ, ᑐᖁᖓᔪᒥᒡᓘᓐᓃᑦ, ᐃᓗᕕᕐᒥᒡᓘᓐᓃᑦ ᐊᒃᑐᕐᓯᓚᐅᕐᑐᒧᑦ.

ᒨᓯᓯ ᓯᑕᒪᖏᑦ 19:18 Iomraidhean Croise

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐃᓐᖏᕈᑎᑦ 51:9

ᑮᓁᑦ ᐃᔨᓚᐅᕈᒃ ᐊᔪᕐᓂᓐᓂᑦ, ᐊᓯᐅᑎᓚᐅᒃᑭᓪᓗ ᑕᒪᕐᒥᒃ ᐱᐅᖏᑦᑐᓕᓂᒃᑲ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᒨᓯᓯ ᓯᑕᒪᖏᑦ 19:17

“ᐃᓄᒃ ᓴᓗᒤᓕᓯᒪᔪᖅ ᐱᓪᓗᒍ, ᐃᒻᒧᒃᓯᐅᒐᐅᑉ ᐊᕐᓇᓪᓘᑉ ᐃᒥᕐᒧᑦ ᓴᓗᒻᒪᕐᓴᐅᑎᒃᓴᐅᓗᓂ ᐊᔪᕐᓂᕐᒧᑦ ᐃᑯᐊᓚᑎᑕᐅᓯᒪᔫᑉ, ᐊᕐᔭᓕᓂᖏᑕ ᐃᓚᖏᓐᓂᒃ ᐱᔭᕆᐊᖃᕐᐳᑦ, ᐃᒥᕐᒥᒃ ᑯᕕᔪᒥᒃ ᐊᖅᑯᓵᕐᕕᒋᓗᒋᑦ ᐃᓗᓕᖃᕐᑐᒧᑦ ᑯᕕᑎᓪᓗᒍ.

ᒨᓯᓯ ᓯᑕᒪᖏᑦ 19:19

ᐃᓄᒃ ᓴᓗᒤᓕᓯᒪᖏᑦᑐᖅ ᓴᓗᒤᑦᑐᒥᒃ ᓯᕐᐸᕐᓴᕐᓯᔭᕆᐊᖃᕐᐳᖅ ᐅᓪᓗᐃᑦ ᐱᖓᔪᐊᓐᓂᒃ ᐅᓪᓗᐃᓪᓗ 7ᖓᓂᒃ; ᐅᓪᓗᐃᓪᓕ 7ᖓᓂ ᐃᓄᒃ ᓴᓗᒻᒪᕐᓴᕐᑕᐅᔪᖅ ᓇᖕᒥᓂᖅ ᓴᓗᒻᒪᕐᓴᕆᐊᖃᓕᕐᐳᖅ, ᐊᓐᓄᕌᓂ ᐅᐊᓴᕐᓗᒋᑦ, ᐃᒥᕐᒧᓪᓗ ᐅᕕᓂᖕᓂᐊᕐᓗᓂ; ᐅᓐᓄᒃᐸᑦ ᓴᓗᒻᒪᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 19:9

ᐊᖑᑎᐅᓪᓕ ᓴᓗᒤᓕᓯᒪᖏᑦᑑᑉ ᐊᕐᓇᓪᓘᑉ ᐃᒻᒧᒃᓯᐅᒐᐅᑉ ᐊᕐᔭᓕᓂᖏᑦ ᓄᐊᒋᐊᖃᕐᐰᑦ, ᐃᓕᓗᒋᓪᓗ ᓴᓗᒪᓂᕋᕐᑕᐅᔪᒧᑦ ᑕᖕᒫᕐᓯᒪᕕᐅᑉ ᓯᓚᑖᓂ, ᑍᑲᓂ ᐃᓂᖃᕐᑎᑕᐅᔭᕆᐊᖃᕐᐳᖅ ᑲᑎᒪᔪᕐᔪᐊᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᐃᒥᕐᒧᑦ ᓴᓗᒻᒪᕐᓴᐅᑕᐅᓗᓂ; ᐊᔪᕐᓂᐅᑉ ᓴᓗᒪᑦᓯᐊᓕᕈᑎᒃᓴᖓᓄᑦ.

ᔪᐊᓇᓯᐅᑉ ᐊᒡᓚᖏᑦ 17:17

ᐃᑦᔪᕐᓁᑎᒃᑭᑦ ᓱᓕᓂᕐᓄᑦ; ᐅᖃᐅᓯᕐᑎᑦ ᓱᓕᖕᒪᑕ.

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᐄᑉᕈᐃᓄᑦ 9:19

ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ.