ᒨᓯᓯ ᓯᑕᒪᖏᑦ 19:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᐃᓄᒃ ᓴᓗᒤᓕᓯᒪᔪᖅ ᐱᓪᓗᒍ, ᐃᒻᒧᒃᓯᐅᒐᐅᑉ ᐊᕐᓇᓪᓘᑉ ᐃᒥᕐᒧᑦ ᓴᓗᒻᒪᕐᓴᐅᑎᒃᓴᐅᓗᓂ ᐊᔪᕐᓂᕐᒧᑦ ᐃᑯᐊᓚᑎᑕᐅᓯᒪᔫᑉ, ᐊᕐᔭᓕᓂᖏᑕ ᐃᓚᖏᓐᓂᒃ ᐱᔭᕆᐊᖃᕐᐳᑦ, ᐃᒥᕐᒥᒃ ᑯᕕᔪᒥᒃ ᐊᖅᑯᓵᕐᕕᒋᓗᒋᑦ ᐃᓗᓕᖃᕐᑐᒧᑦ ᑯᕕᑎᓪᓗᒍ.

ᒨᓯᓯ ᓯᑕᒪᖏᑦ 19:17 Iomraidhean Croise

ᒨᓯᓯ ᓯᕗᓪᓖᑦ 26:19

ᐂᓴᑭᐅᓪᓗ ᐱᔨᖏᑦ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᕗᑦ ᑕᒫᓂ ᓇᕐᓴᒥ ᓇᓂᓯᓪᓗᑎᒡᓗ ᐃᒥᕐᒥᒃ ᓄᓇᐅᑉ ᐃᓗᐊᓂᑦ ᑰᒃᑐᒥᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 4:15

ᐱᕈᕐᓰᕕᖕᒥ ᐳᐂᓚᕗᑎᑦ, ᐃᒥᕐᑕᕐᕕᒃ ᐆᒪᔪᒥᒃ ᐃᒪᓕᒃ, ᑰᒃᑐᖅ ᓕᐸᓇᓂᐅᑉ ᑰᖏᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᒨᓯᓯ ᓯᑕᒪᖏᑦ 19:18

ᐃᓄᒃ ᓴᓗᒤᓕᓯᒪᖏᑦᑐᖅ ᕼᐊᓯᑉᒥᒃ ᑎᒍᓯᓗᓂ ᐃᒥᕐᒧᑦ ᑕᕝᕗᖓ ᒥᓱᒡᓗᒍ, ᑐᐱᖅ ᓯᕐᐸᕐᓴᕆᐊᖃᕐᐹ, ᐃᓗᓕᖁᑎᓕᒫᖏᓪᓗ, ᐃᓄᐃᓪᓗ ᑐᐱᕐᒦᑦᑐᕕᓂᓕᒫᑦ, ᐅᕝᕙᓘᓐᓃᑦ ᓇᓪᓕᐊᑦ ᓴᐅᓂᕕᓂᕐᒥᒃ ᐊᒃᑐᕐᓯᓚᐅᕐᑐᒧᑦ, ᑐᖁᑕᕕᓂᕐᒥᒡᓘᓐᓃᑦ, ᑐᖁᖓᔪᒥᒡᓘᓐᓃᑦ, ᐃᓗᕕᕐᒥᒡᓘᓐᓃᑦ ᐊᒃᑐᕐᓯᓚᐅᕐᑐᒧᑦ.

ᒨᓯᓯ ᓯᑕᒪᖏᑦ 19:9

ᐊᖑᑎᐅᓪᓕ ᓴᓗᒤᓕᓯᒪᖏᑦᑑᑉ ᐊᕐᓇᓪᓘᑉ ᐃᒻᒧᒃᓯᐅᒐᐅᑉ ᐊᕐᔭᓕᓂᖏᑦ ᓄᐊᒋᐊᖃᕐᐰᑦ, ᐃᓕᓗᒋᓪᓗ ᓴᓗᒪᓂᕋᕐᑕᐅᔪᒧᑦ ᑕᖕᒫᕐᓯᒪᕕᐅᑉ ᓯᓚᑖᓂ, ᑍᑲᓂ ᐃᓂᖃᕐᑎᑕᐅᔭᕆᐊᖃᕐᐳᖅ ᑲᑎᒪᔪᕐᔪᐊᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᐃᒥᕐᒧᑦ ᓴᓗᒻᒪᕐᓴᐅᑕᐅᓗᓂ; ᐊᔪᕐᓂᐅᑉ ᓴᓗᒪᑦᓯᐊᓕᕈᑎᒃᓴᖓᓄᑦ.

ᒨᓯᓯ ᓯᑕᒪᖏᑦ 31:23

ᓱᓇᑐᐃᓐᓁᑦ ᐃᑯᒪᒧᑦ ᓄᖑᑕᐅᔪᓐᓇᖏᑦᑐᑦ, ᐃᑯᐊᓚᔪᒃᑰᕐᑎᑦᓴᕆᐊᖃᕐᐸᓯ, ᓴᓗᒻᒪᕐᓂᐊᕐᒪᑕ; ᓴᓗᒻᒪᕐᓴᕐᓂᐊᕐᐳᑦ ᐃᒥᕐᒧᑦ ᓴᓗᒻᒪᕐᓴᐅᑎᓕᐊᕆᓯᒪᔪᒧᑦ. ᐊᓯᖏᓪᓕ ᐃᑯᒪᒧᑦ ᓄᖑᑕᐅᔪᓐᓇᕐᑐᑦ ᐃᒪᕐᒧᑦ ᓴᓗᒻᒪᕐᓴᕆᐊᖃᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᐄᑉᕈᐃᓄᑦ 9:13

ᒎᑦᓯᐅᑉ ᐃᒻᒧᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᓐᓄᑦ ᓄᕋᐅᔮᕐᑑᓪᓗ ᐊᕐᔭᓕᐅᕐᓂᖏᓐᓄᑦ ᐃᓄᐃᑦ ᐅᒃᐱᕐᓂᒃᑯᑦ ᐃᑦᔪᕐᓇᕐᑐᑦ ᑲᓐᖔᑎᕆᕕᐅᕙᓚᐅᕐᐳᑦ ᐃᑦᔪᕐᓁᑎᑕᐅᓪᓗᑎᒃ ᑕᑯᒃᓴᐅᔪᒃᑯᑦ ᓴᓗᒻᒪᕐᓴᕐᑕᐅᓂᕐᒥᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”