ᒨᓯᓯ ᓯᑕᒪᖏᑦ 19:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓇᓪᓕᐊᑦ ᑭᓇᑐᐃᓐᓇᕐᒥᒃ ᑐᖁᔪᒥᒃ ᐊᒃᑐᕐᓯᔪᖅ, ᐃᒻᒥᓂᒡᓗ ᓴᓗᒻᒪᕐᓴᖏᓪᓗᓂ, ᐊᑕᓂᐅᑉ ᑐᐱᕐᔪᐊᖓᓂᒃ ᓴᓗᒤᓕᑎᑦᓯᕗᖅ. ᑖᓐᓇᓗ ᐃᓴᕆᐊᓕᒥᐅᓂᑦ ᐊᕕᑕᐅᔭᕆᐊᖃᕐᐳᖅ. ᓴᓗᒤᑦᑑᓂᐊᕐᒪᑦ, ᐃᒥᖅ ᓴᓗᒻᒪᕐᓮᑦᔪᑎ ᓯᕐᐸᕐᓴᕐᑕᐅᓚᐅᖏᒻᒪᖅ ᑖᑦᓱᒧᖓ; ᓴᓗᒤᓐᓂᖓ ᓱᓕ ᑖᑦᓱᒪᓃᒻᒪᑦ.

ᒨᓯᓯ ᓯᑕᒪᖏᑦ 19:13 Iomraidhean Croise

ᒨᓯᓯ ᐂᑉᐸᖏᑦ 30:33

ᓇᓪᓕᐊᑦ ᑍᒤᑦᑑᑉ ᐊᑦᔨᖓᓂᒃ ᑲᑎᑦᓯᓗᓂ ᓴᓇᓇᓱᒃᑐᖃᕐᐸᑦ ᐅᕝᕙᓗ ᓇᓪᓕᐊᓐᓄᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᖏᑦᑐᓄᑦ ᒥᖑᐊᕐᓯᒍᑕᐅᒃᐸᑦ ᑖᓐᓇ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.’”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 44:26

ᓴᓗᒤᓕᑎᕐᑐᕕᓂᐅᒍᓂ ᐊᒃᑐᕐᓯᓂᕐᒥᓄᑦ, ᐅᑕᖅᑭᔪᒃᓴᐅᕗᖅ ᐅᓪᓗᓂᑦ 7ᓂᒃ, ᑖᒃᑯᐊᓗ ᐊᓂᒍᕐᐸᑕ ᓴᓗᒻᒪᕋᔭᕆᕗᖅ.

ᒨᓯᓯ ᐱᖓᔪᖏᑦ 15:31

ᐃᓴᕆᐊᓕᒥᐅᖑᔪᓯ ᐊᕕᑎᓯᒪᔭᕆᐊᖃᕐᐸᓯ ᓱᓇᑐᐃᓐᓁᑦ ᓴᓗᒤᓕᕈᑕᐅᔪᓐᓇᕐᑐᑦ, ᑐᖁᖁᓇᒋᑦ ᓴᓗᒤᓕᑎᑕᐅᓂᕐᒧᑦ, ᐃᑦᔪᕐᓁᑦᑐᕕᖁᑎᓐᓂ ᓇᔪᒐᓐᓂᒃ ᐃᑦᔪᕐᓇᕐᓯᑎᑦᓯᒃᐸᑕ, ᑖᒃᑯᓄᖓ ᓇᔫᑎᓂᕆᔭᓐᓂ ᑐᖁᑕᐅᔪᒃᓴᐅᖕᒪᑕ.

ᒨᓯᓯ ᐱᖓᔪᖏᑦ 20:3

ᑍᒤᓕᐅᕐᑐᖅ ᐃᓄᖁᑎᒋᔪᓐᓃᕐᓂᐊᕐᐸᕋ, ᐃᓅᖃᑎᖏᓐᓂᓪᓗ ᐊᕕᑕᐅᑎᓐᓂᐊᕐᐸᕋ; ᕿᑐᕐᖓᒥᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ; ᑐᐱᕐᒥ ᑲᑎᒪᕕᖕᒥ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᒻᒪᒍ, ᐊᑎᕋᓗ ᓇᕐᕈᓇᕐᓯᑎᑦᓱᓂᐅᒃ.

ᒨᓯᓯ ᐱᖓᔪᖏᑦ 22:3

ᓇᓪᓕᐊᑦ ᑭᖑᕚᓯ ᓴᓗᒪᖏᓪᓗᓂ, ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓄᑦ ᐃᑦᔪᕐᓁᑦᑐᓄᑦ ᐅᕙᓐᓄᑦ ᑐᓂᔭᐅᓯᒪᔪᓄᑦ ᖃᒡᓕᑐᐊᕐᐸᑦ, ᑖᓐᓇ ᓇᔪᒐᓐᓂᑦ ᐲᕐᑕᐅᔪᒃᓴᐅᕗᖅ: ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 22:4

“ᓇᓪᓕᐊᑦ ᐂᕉᓂᐅᑉ ᑭᖑᕚᖓ ᑲᑉᐱᐊᓇᕐᑐᒥᒃ ᐊᒥᕐᓗᒃᑐᖅ, ᒪᕿᕙᒡᓗᓂ ᑎᒥᒥᒍᑦ ᓇᐅᑯᑐᐃᓐᓇᖅ, ᓂᕆᔭᕆᐊᖃᓐᖏᓚᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᓴᓗᒻᒪᓚᐅᖏᓐᓂᕐᒥᓂ. ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨ ᓴᓗᒤᑦᑐᓐᖑᕐᐳᖅ ᐊᒃᑐᐃᒃᐸᑦ ᓴᓗᒤᑎᑕᐅᓯᒪᔪᒥᒃ ᑐᖁᖓᔪᒧᑦ ᐅᕝᕙᓘᓐᓃᑦ ᖃᐹᕿᒃᐸᑦ.

ᒨᓯᓯ ᐱᖓᔪᖏᑦ 5:17

“ᐃᓄᐃᓪᓕ ᓇᓪᓕᐊᑦ ᐊᔪᕐᑐᓕᒃᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ, ᐃᓄᒃ ᓇᖕᒥᓂᖅ ᖃᐅᔨᖏᒃᑲᓗᐊᕐᓗᓂ ᑕᕝᕙ ᐸᓯᔭᒃᓴᐅᕗᖅ ᓱᒋᐊᒐᒃᓴᐅᓪᓗᓂᓗ, ᐱᓕᕆᔭᕆᐊᖃᕐᓗᓂᓗ ᐱᖁᔭᖅ ᒪᓕᒡᓗᒍ.

ᒨᓯᓯ ᐱᖓᔪᖏᑦ 5:3

“ᐅᕝᕙᓘᓐᓃᑦ ᐊᒃᑐᐃᒃᐸᑦ ᐃᓅᑉ ᓴᓗᒤᑎᑕᖓᓂᒃ: ᓱᓇᑐᐃᓐᓇᕐᒥᒃ ᐃᓅᑉ ᓴᓗᒤᑦᔪᑎᒋᔪᓐᓇᕐᑕᖓᓂᒃ: ᐃᓄᒃ ᑖᓐᓇ ᖃᐅᔨᖏᒃᑲᓗᐊᕐᓗᓂ, ᖃᐅᔨᒍᓂᓕ ᑍᒤᓐᓂᕐᒥᓂᒃ ᑕᕝᕙ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 7:20

ᐃᓄᐃᓪᓕ ᓇᓪᓕᐊᑦ ᐅᒃᐱᕐᓂᐅᑉ ᐃᓕᖅᑯᓯᖓᒍᑦ ᓴᓗᒤᓐᓂᕋᕐᑕᐅᔪᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᒥᒃ ᐊᑕᓂᕐᒧᑦ ᓂᕆᒃᐸᑦ ᐃᓅᖃᑎᖏᓐᓄᑦ ᐊᕕᑕᐅᔪᒃᓴᐅᕗᖅ.

ᒨᓯᓯ ᐱᖓᔪᖏᑦ 7:21

ᓇᓪᓕᐊᑦ ᐅᒃᐱᕐᓂᐅᑉ ᐃᓕᖅᑯᓯᖓ ᒪᓕᒡᓗᒍ ᓴᓗᒤᓐᓂᕋᕐᑕᐅᔪᒥᒃ ᐊᒃᑐᐃᒃᐸᑦ, ᐃᓅᑉ ᓴᓗᒤᓐᓂᕋᕐᑕᐅᓂᖓᓂᒡᓘᓐᓃᑦ ᐅᕝᕙᓘᓐᓃᑦ ᐆᒪᔪᒥᒃ ᓴᓗᒤᓐᓂᕋᕐᑕᐅᔪᒥᒃ, ᓱᓇᑐᐃᓐᓇᕐᒥᒡᓘᓐᓃᑦ ᓴᓗᒤᓐᓂᕋᕐᑕᐅᔪᒥᒃ, ᑍᒤᑦᑐᖅ ᓇᕐᕈᓇᕐᓯᕗᖅ, ᓂᕿᒥᒡᓗ ᓂᕆᒃᐸᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᒥᒃ ᐊᑕᓂᕐᒧᑦ, ᐃᓄᒃ ᑖᓐᓇ ᐃᓅᖃᑎᒥᓄᑦ ᐊᕕᑕᐅᔪᒃᓴᐅᕗᖅ.”

ᒨᓯᓯ ᓯᑕᒪᖏᑦ 15:30

“ᐱᔮᕆᓗᓂᓕ ᐊᔪᕐᑐᓕᔪᖅ, ᐃᓴᕆᐊᓕᒥᐅᓂ ᐃᓅᓯᒪᒐᓗᐊᕈᓂ, ᓄᓇᐅᓪᓗ ᐊᓯᐊᓂᑦ ᐱᓯᒪᒐᓗᐊᕈᓂ, ᐊᑕᓂᕐᒥᒃ ᓇᕐᕈᓇᕐᑎᑦᓯᕗᖅ, ᑖᓐᓇ ᐃᓅᖃᑎᒥᓂᑦ ᐊᕕᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 19:14

“ᑕᕝᕙ ᑍᒫᒃ ᐱᖁᔭᖅ ᐃᓄᒃ ᑐᐱᕐᒥᓂ ᑐᖁᒃᐸᑦ: ᑐᐱᕐᒧᑦ ᐃᑎᕐᑐᓕᒫᑦ ᑐᐱᕐᒦᑦᑐᓕᒫᓪᓗ ᓴᓗᒤᑦᑑᓂᐊᕐᐳᑦ ᐅᓪᓗᓂᒃ 7ᓂᒃ.

ᒨᓯᓯ ᓯᑕᒪᖏᑦ 19:18

ᐃᓄᒃ ᓴᓗᒤᓕᓯᒪᖏᑦᑐᖅ ᕼᐊᓯᑉᒥᒃ ᑎᒍᓯᓗᓂ ᐃᒥᕐᒧᑦ ᑕᕝᕗᖓ ᒥᓱᒡᓗᒍ, ᑐᐱᖅ ᓯᕐᐸᕐᓴᕆᐊᖃᕐᐹ, ᐃᓗᓕᖁᑎᓕᒫᖏᓪᓗ, ᐃᓄᐃᓪᓗ ᑐᐱᕐᒦᑦᑐᕕᓂᓕᒫᑦ, ᐅᕝᕙᓘᓐᓃᑦ ᓇᓪᓕᐊᑦ ᓴᐅᓂᕕᓂᕐᒥᒃ ᐊᒃᑐᕐᓯᓚᐅᕐᑐᒧᑦ, ᑐᖁᑕᕕᓂᕐᒥᒡᓘᓐᓃᑦ, ᑐᖁᖓᔪᒥᒡᓘᓐᓃᑦ, ᐃᓗᕕᕐᒥᒡᓘᓐᓃᑦ ᐊᒃᑐᕐᓯᓚᐅᕐᑐᒧᑦ.

ᒨᓯᓯ ᓯᑕᒪᖏᑦ 19:19

ᐃᓄᒃ ᓴᓗᒤᓕᓯᒪᖏᑦᑐᖅ ᓴᓗᒤᑦᑐᒥᒃ ᓯᕐᐸᕐᓴᕐᓯᔭᕆᐊᖃᕐᐳᖅ ᐅᓪᓗᐃᑦ ᐱᖓᔪᐊᓐᓂᒃ ᐅᓪᓗᐃᓪᓗ 7ᖓᓂᒃ; ᐅᓪᓗᐃᓪᓕ 7ᖓᓂ ᐃᓄᒃ ᓴᓗᒻᒪᕐᓴᕐᑕᐅᔪᖅ ᓇᖕᒥᓂᖅ ᓴᓗᒻᒪᕐᓴᕆᐊᖃᓕᕐᐳᖅ, ᐊᓐᓄᕌᓂ ᐅᐊᓴᕐᓗᒋᑦ, ᐃᒥᕐᒧᓪᓗ ᐅᕕᓂᖕᓂᐊᕐᓗᓂ; ᐅᓐᓄᒃᐸᑦ ᓴᓗᒻᒪᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 19:20

“ᐃᓄᒡᓕ ᓴᓗᒤᑦᑐᖅ ᐃᒻᒥᓂᒡᓗ ᓴᓗᒻᒪᕐᓴᖏᓪᓗᓂ, ᐃᓅᖃᑎᒌᒡᔪᐊᓂᑦ ᐊᕕᑕᐅᔭᕆᐊᖃᕐᐳᖅ, ᐊᑕᓂᐅᑉ ᐃᑦᔪᕐᓁᑦᑐᕕᖁᑎᖓᓂᒃ ᓴᓗᒤᓕᑎᑦᓯᖕᒪᑦ. ᐃᒥᖅ ᓴᓗᒻᒪᕐᓴᐅᑎᓕᐊᕆᓯᒪᔪᖅ ᓯᕐᐸᕐᓴᕈᑕᐅᓯᒪᖏᒻᒪᑦ ᑖᑦᓱᒧᖓ; ᑍᒫᒃ ᓴᓗᒤᑦᑑᕗᖅ.

ᒨᓯᓯ ᓯᑕᒪᖏᑦ 19:9

ᐊᖑᑎᐅᓪᓕ ᓴᓗᒤᓕᓯᒪᖏᑦᑑᑉ ᐊᕐᓇᓪᓘᑉ ᐃᒻᒧᒃᓯᐅᒐᐅᑉ ᐊᕐᔭᓕᓂᖏᑦ ᓄᐊᒋᐊᖃᕐᐰᑦ, ᐃᓕᓗᒋᓪᓗ ᓴᓗᒪᓂᕋᕐᑕᐅᔪᒧᑦ ᑕᖕᒫᕐᓯᒪᕕᐅᑉ ᓯᓚᑖᓂ, ᑍᑲᓂ ᐃᓂᖃᕐᑎᑕᐅᔭᕆᐊᖃᕐᐳᖅ ᑲᑎᒪᔪᕐᔪᐊᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᐃᒥᕐᒧᑦ ᓴᓗᒻᒪᕐᓴᐅᑕᐅᓗᓂ; ᐊᔪᕐᓂᐅᑉ ᓴᓗᒪᑦᓯᐊᓕᕈᑎᒃᓴᖓᓄᑦ.

ᒨᓯᓯ ᓯᑕᒪᖏᑦ 8:7

ᐃᒫᒃ ᐱᓂᐊᕐᐳᑎᑦ ᑖᒃᑯᓂᖓ ᓴᓗᒻᒪᕐᓮᓗᑎᑦ, ᐃᒥᕐᒧᑦ ᓯᕐᐸᕐᓴᕐᓗᒋᑦ ᓴᓗᒻᒪᕐᓮᑦᔪᑎᒋᓗᒍ, ᑎᒥᓕᒫᑎᒃ ᒥᖅᑯᐃᔭᕆᐊᖃᕐᐰᑦ, ᐊᓐᓄᕌᑎᒡᓗ ᐅᐊᓴᕐᓗᒋᑦ, ᐃᒻᒥᖕᓂᒃ ᓴᓗᒪᑦᓯᐊᓕᖁᓪᓗᒋᑦ.

ᒨᓯᓯ ᓯᑕᒪᖏᑦ 9:13

ᐊᖑᓪᓕ ᓴᓗᒤᓕᓯᒪᖏᑦᑐᖅ ᐊᐅᓪᓚᕐᓯᒪᓇᓂᓗ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖏᑦᑐᖅ, ᑖᓐᓇ ᐃᓅᖃᑎᒌᒡᔪᐊᓂᑦ ᐃᓅᖃᑎᒥᓂᑦ ᐃᓚᒋᔭᐅᔪᓐᓃᕆᐊᖃᕐᐳᖅ, ᐊᑕᓂᕐᒧᑦ ᑐᓂᕐᕈᓯᕆᐊᕐᑐᓚᐅᖏᒻᒪᑦ ᑐᓂᕐᕈᓯᕆᐊᕐᑐᕐᕕᒃ ᓇᓪᓕᐅᑎᓯᒪᑎᓪᓗᒍ; ᑖᓐᓇ ᐊᖑᑦ ᐊᔪᕐᓂᕐᒥᓂᒃ ᐊᒡᔭᕐᓯᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 8:24

ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᐄᑉᕈᐃᓄᑦ 9:10

ᓂᕿᓄᑦ ᑍᒤᓕᐅᕆᐊᖃᓚᐅᕐᐳᑦ ᐃᒥᒃᓴᒧᓪᓗ ᓱᓇᑐᐃᓐᓇᕐᓂᒡᓗ ᐊᑦᔨᒌᖏᑦᑐᓂᒃ ᓴᓗᒻᒪᕐᑕᐅᑦᔪᑎᒃᓴᒧᑦ ᐱᐅᓯᕆᔭᐅᔪᑦ ᒪᓕᒃᑕᐅᓚᐅᕐᐳᑦ ᓄᑖᖅ ᐋᖅᑭᒋᐊᕐᑕᐅᔪᒫᕐᑐᖅ ᐊᑐᓕᓚᐅᖏᓐᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:11

ᓇᓪᓕᐊᑦ ᐱᐅᖏᑦᑐᓕᔪᖅ ᐱᐅᖏᑦᑐᒥᒃ ᐱᓇᓱᐊᖏᓐᓇᕐᓕ, ᑲᓐᖑᓇᕐᑐᓕᔪᕐᓗ ᐱᐅᖏᑦᑐᓂᒃ ᑲᓐᖑᓇᕐᑐᓖᓐᓇᕐᓕ, ᐃᓗᐊᕐᑐᓕᔪᕐᓗ ᐱᑦᓯᐊᕐᓂᕐᒥᒃ ᐱᓇᓱᐊᖏᓐᓇᕐᓕ, ᐃᑦᔪᕐᓁᑦᑐᕐᓗ ᐃᑦᔪᕐᓁᖏᓐᓇᕐᓕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.