ᒨᓯᓯ ᓯᑕᒪᖏᑦ 18:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᒪᓐᓇ ᐃᓕᑦᓯ ᐱᒋᓂᐊᕐᑕᓯ ᐃᑦᔪᕐᓁᓐᓂᕐᐹᓂᒃ ᐃᑯᒪᒧᑦ ᑐᓂᕐᕈᑕᐅᖏᑦᑐᓂᒃ ᑲᒪᔨᐅᓂᖅ: ᑍᒃᑯᐊᓕᒫᑦ ᑐᓂᕐᕈᑎᖏᓐᓂᒃ, ᓂᐊᖂᔭᒃᓴᓂᒡᓗ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑕᐅᔪᓂᒃ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑕᐅᔪᓂᒃ ᐅᕙᓐᓄᑦ ᑐᓂᔭᖏᓐᓂᒃ. ᑖᒃᑯᐊ ᐃᑦᔪᕐᓁᓐᓂᕐᐹᖑᓂᐊᕐᐳᑦ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 18:9 Iomraidhean Croise

ᐊᑕᓃᑦ ᐂᑉᐸᖏᑦ 12:17

ᑍᑦᓱᒪᓂᐅᑎᓪᓗᒍ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᕼᐊᔧᐅᓪ ᐅᓇᑕᕆᐊᕐᑐᓚᐅᕐᐳᖅ ᒑᑎᒥᐅᓂᒃ ᓵᓚᒋᓪᓗᒋᓪᓗ ᑎᒍᕔᑦ, ᑖᒃᑯᓂᖓᓗ ᑎᒍᓯᒐᒥ ᔨᕉᓴᓕᒥᐅᓂᒃᑕᐅᖅ ᐱᓇᓱᐊᕈᒪᓕᓚᐅᕆᕗᖅ.

ᓂᕼᐃᒤᐊᐅᑉ ᐊᒡᓚᖏᑦ 10:36

ᐊᒻᒪ ᒎᑎᐅᑉ ᐃᒡᓗᖓᓄᑦ ᐂᑎᑦᓯᖃᑦᑕᕐᓂᐊᕐᐳᒍᑦ, ᓯᕗᓪᓕᕐᐹᒥᒃ ᐃᕐᓂᕐᑖᕆᔭᑦᑎᓐᓂᒃ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒦᑦᑐᓄᑦ ᒎᑎᒧᑦ ᑐᓂᕐᕈᑎᒋᓗᒋᑦ, ᑍᒫᒃ ᐱᖁᔭᑦᑎᓐᓂ ᐱᖁᔭᐅᓂᕗᑦ ᒪᓕᒡᓗᒍ, ᐃᒻᒧᒃᓯᐅᒐᖁᑎᑦᑕᓗ ᓰᐱᖁᑎᑦᑕᓗ ᒎᑦᓯᖁᑎᑦᑕᓗ ᓯᕗᓪᓕᕐᐹᒥᒃ ᐃᕐᓂᐊᕆᖅᑳᕐᑕᖏᓐᓂᒃ ᑐᓂᕐᕈᑎᖃᖃᑦᑕᕈᒪᓪᓗᑕ, ᒎᑎᑦᑕ ᐃᒡᓗᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 42:13

ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 44:29

ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᑐᒃᓴᐅᕗᑦ ᓂᐊᖂᔭᒃᓴᓂᒃ, ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᕕᓂᕐᓂᒃ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓂᕐᓂᒃ; ᐱᑖᖃᑦᑕᕐᑐᒃᓴᐅᕗᓪᓗ ᐃᓴᕆᐊᓕᒥᐅᓄᑦ ᐅᕙᓐᓄᑦ ᑐᓂᕐᕈᑕᐅᓯᒪᔪᓕᒫᓂᒃ.

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 14:13

ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ.

ᒨᓯᓯ ᐱᖓᔪᖏᑦ 2:10

ᑐᓂᕐᕈᑎᐅᑉ ᐊᒥᐊᒃᑯᖓ ᓂᐊᖂᔭᖅ ᐂᕉᓂᐅᑉ ᐃᕐᓂᖏᑕᓗ ᐱᒋᕚᑦ; ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑖᑦᓱᒪᓂ ᑐᓂᕐᕈᑎᒥ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 22:11

ᑐᓂᕐᕈᓯᕐᑎᑦᓯᔨᓕ ᑮᓇᐅᔭᒥᓄᑦ ᓂᐅᕕᕐᐸᑦ ᓯᐊᓛᒃᓴᒥᓂᒃ, ᐅᕝᕙᓘᓐᓃᑦ ᓯᐊᓛᖓ ᑕᕝᕙᓂ ᐃᓅᔪᕕᓂᐅᒃᐸᑦ, ᑕᕝᕙ ᓯᐊᓛᖓ ᓂᕆᔪᓐᓇᕐᐳᖅ ᑐᓂᕐᕈᓯᕐᑎᑦᓯᔨᐅᑉ ᓂᕿᖏᓐᓂᒃ.

ᒨᓯᓯ ᐱᖓᔪᖏᑦ 22:7

ᓯᕿᓂᕐᓕ ᓂᐱᒃᐸᑦ, ᑕᕝᕙ ᓴᓗᒻᒪᕐᓂᐊᕐᐳᖅ, ᓂᕆᔪᓐᓇᕐᓯᓂᐊᕐᐳᕐᓗ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑖᑦᓱᒪ ᓂᕿᒃᓴᕆᖕᒪᒋᑦ.

ᒨᓯᓯ ᐱᖓᔪᖏᑦ 4:22

“ᐃᓄᐃᓪᓗ ᓯᕗᓕᕐᑎᖓᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐱᓂᐊᕐᐸᓪᓗ ᐊᑕᓂᐅᑉ ᒎᑎᐅᑉ ᐱᖁᔭᖏᓐᓂᑦ ᐊᑐᖁᔭᐅᖏᑦᑐᒥᒃ, ᑖᓐᓇ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 4:27

“ᓄᓇᓕᖕᓂ ᓄᓇᖃᖃᑕᐅᔪᖅ ᐱᔮᕆᖏᓪᓗᓂ ᐊᔪᕐᑐᓕᕐᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᑕ ᐊᑐᖁᓐᖏᑕᖓᓂᒃ ᑖᓐᓇ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 5:1

“ᐃᓄᒃ ᐊᔪᕐᑐᓕᒃᐸᑦ ᐃᖅᑲᕐᑐᐃᔪᖃᕐᑎᓪᓗᒍ ᐅᖃᐅᓯᖃᖏᑦᑐᖅ ᐅᖃᕆᐊᖃᕋᓗᐊᕐᓗᓂ ᑕᑯᓚᐅᕐᑕᒥᓂᒃ ᖃᐅᔨᓚᐅᕐᑕᒥᓂᒡᓗ ᑖᓐᓇ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 6:17

ᐳᕙᓪᓚᕐᓴᐅᑎᒥᒃ ᐃᓚᖃᕐᓗᓂ ᐃᒐᔭᐅᔭᕆᐊᖃᓐᖏᓚᖅ; ᐅᕙᖓ ᑐᓂᒐᒃᑯ ᑖᒃᑯᓄᖓ ᓂᕆᖃᑎᒋᓗᒋᑦ ᑐᓂᕐᕈᑎᒥᒃ ᐅᕙᓐᓄᑦ ᑐᓂᔭᐅᔪᒥᒃ ᐃᑯᒪᒃᑯᑦ. ᑍᒫᒃ ᓱᓕ ᐊᔪᕐᓂᖅ ᐱᓪᓗᒍ ᑐᓂᕐᕈᑎᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᑎᑐᑦ, ᑍᒤᑦᑐᖅ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 6:19

ᐊᑕᓂᐅᑉ ᒨᓯᓯ ᐅᖃᐅᑎᒋᕚ,

ᒨᓯᓯ ᐱᖓᔪᖏᑦ 6:30

ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”

ᒨᓯᓯ ᐱᖓᔪᖏᑦ 7:1

“ᐅᑯᐊ ᑕᕝᕙ ᒪᓕᒊᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᑦ ᑐᓂᕐᕈᑎᒃᓮᑦ, ᑕᒪᓐᓇᓗ ᐃᑦᔪᕐᓁᓐᓂᕐᐹᖑᓪᓗᓂ.

ᒨᓯᓯ ᐱᖓᔪᖏᑦ 7:6

ᐊᖑᑎᓂᑦ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᓐᓂᑦ ᓂᕆᔭᐅᔪᓐᓇᕐᐳᖅ, ᑭᓯᐊᓂᓕ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᕐᐳᖅ: ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ.

ᒨᓯᓯ ᐱᖓᔪᖏᑦ 7:7

ᐱᖁᔭᖅ ᑕᒪᓐᓇ ᑐᕌᕐᐳᖅ ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓂᕐᒧᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᓯᕐᓂᕐᒧᑦ: ᑐᓂᕐᕈᑎᕕᓃᑦ ᑐᓂᕐᕈᓯᕐᑎᑦᓯᔨᐅᑉ ᐱᒋᕔᑦ ᑐᓂᕐᕈᓯᕈᑦᔨᔨᐅᑉ ᐃᓄᖕᓂᒃ.

ᒨᓯᓯ ᓯᑕᒪᖏᑦ 18:10

ᐃᑦᔪᕐᓁᓐᓂᕐᐹᒥ ᓂᕆᔭᕆᐊᖃᕐᐳᓯ; ᐊᖑᑎᓕᒫᑦ ᓂᕆᔭᕆᐊᖃᕐᐳᑦ. ᑕᒪᓐᓇ ᐃᓕᑦᓯᓐᓄᑦ ᐃᑦᔪᕐᓁᑦᑑᖕᒪᑦ.

ᒨᓯᓯ ᑕᓪᓕᒪᖏᑦ 18:1

“ᓕᕔᑎᒃᑯᓪᓕ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ, ᑖᒃᑯᐊ ᓕᕔᑉ ᑭᖑᕚᓕᒫᖏᑦ, ᐃᓴᕆᐊᓕᒥᐅᓂᑦ ᓄᓇᑖᖃᑕᐅᔪᒃᓴᐅᖏᓚᑦ ᓇᖕᒥᓂᒃᓴᒥᖕᓂᒃ; ᓂᕆᖃᑦᑕᕐᑐᒃᓴᐅᕗᓪᓕ ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᕕᓂᕐᓂᒃ ᐊᑕᓂᕐᒧᑦ, ᑕᒪᒃᑯᐊ ᑖᒃᑯᓄᖓ ᑐᕌᖓᖕᒪᑕ.