ᒨᓯᓯ ᓯᑕᒪᖏᑦ 18:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒤᒻᒪᑦ ᐃᕝᕕᑦ, ᐃᕐᓂᑎᓪᓗ ᐃᓚᒋᓗᒋᑦ ᑐᓂᕐᕈᓯᕐᑎᑦᓯᔨᐅᓂᐊᕐᐳᓯ ᑐᓂᕐᕈᓯᕐᕕᖕᒥ ᖃᓄᐃᓕᐅᕆᐊᖃᕐᑐᓕᒫᓂᒃ ᑖᓗᑕᕐᔪᐊᓪᓗ ᐅᖓᑖᓃᑦᑐᓂᒃ; ᑍᒫᒃ ᐱᔨᑦᓯᕐᓂᐊᕐᐳᓯ. ᑐᓂᕐᕈᓯᕐᑎᑦᓯᔨᐅᓂᖅ ᐃᓕᑦᓯᓐᓄᑦ ᑐᓂᕐᕈᑎᒋᕙᕋ ᐱᔨᑦᓯᕈᑎᒋᓂᐊᕋᑦᓯᐅᒃ, ᓯᓚᑎᑦᓯᓐᓂᓪᓕ ᐱᔪᖅ ᐃᓕᑦᓯᓐᓄᑦ ᖃᒡᓕᔪᖅ ᑐᖁᑕᒃᓴᐅᕗᖅ.”

ᒨᓯᓯ ᓯᑕᒪᖏᑦ 18:7 Iomraidhean Croise

ᐃᓐᖏᕈᑎᑦ 115:10

ᐃᓕᑦᓯ ᐂᕉᓂᒃᑯᑦ ᑭᖑᕚᖏᑦ, ᐊᑕᓂᖅ ᑕᑎᒋᓯᐅᒃ; ᐃᑲᔪᕐᑎᒋᒐᑦᓯᐅᒃ ᓴᐴᓗᑕᕆᓪᓗᒍᓗ.

ᒨᓯᓯ ᐂᑉᐸᖏᑦ 28:1

“ᐊᖓᔪᐃᑦ ᐂᕉᓂ ᕾᖁᓚᐅᕈᒃ ᐃᕐᓂᖏᓪᓗ, ᓇᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ, ᑖᒃᑯᐊᓗ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓴᓂᕐᕙᒃᑕᐅᔪᒃᓴᐅᕗᑦ, ᐅᕙᓐᓄᑦ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ.

ᒨᓯᓯ ᐂᑉᐸᖏᑦ 29:9

ᑕᑦᓯᕈᓯᕐᓗᒋᓪᓗ ᓇᓴᕐᓗᒋᓪᓗ ᓂᒥᕐᓗᒋᑦ. ᑍᒫᒃ ᑕᕝᕙ ᐂᕉᓂᒃᑯᑦ ᐃᕐᓂᕇᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᑖᒃᑯᐊᓗ ᑭᖑᕚᖏᓪᓗ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐅᕙᓐᓂᒃ ᑍᒪᓐᖓᑦ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 44:16

ᑖᒃᑯᐊᑐᐊᖅ ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕈᓐᓇᕐᑐᒃᓴᐅᕗᑦ, ᑐᓂᕐᕈᓯᕐᕕᖕᒥᓗ ᓵᒥ ᐱᓇᓱᐊᕈᓐᓇᕐᓗᑎᒃ ᐅᕙᓐᓄᑦ, ᑕᕝᕙᓂᓗ ᑲᒪᔨᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 44:8

ᐰᕐᓯᑦᓯᐊᓚᐅᓐᖏᓚᓯᓗ ᐃᑦᔪᕐᓁᑦᑐᖁᑎᓐᓂᒃ; ᐊᐅᓚᑦᓯᔨᖃᓕᓚᐅᕐᐳᓯᓕ ᓄᓇᖃᕐᑐᑐᖃᐅᖏᑦᑐᓂᒃ ᐃᑦᔪᕐᓁᑦᑐᖁᑎᓐᓂ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᐱᖓᔪᖏᑦ 7:35

ᑍᒫᒃ ᑕᕝᕙ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᑉ ᐃᓚᖓᓂᒃ ᑐᓂᓯᕕᐅᔭᕆᐊᖃᕐᑎᑕᐅᕗᑦ ᐃᑦᔪᕐᓁᑎᑕᐅᓂᖏᑕ ᐅᓪᓗᖓᓂᑦ ᐱᒋᐊᕐᓗᒋᑦ ᐂᕉᓂ ᐃᕐᓂᖏᓪᓗ ᐊᑕᓂᕐᒧᑦ ᑐᓂᔭᐅᓯᒪᖕᒪᑕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᕐᑎᐅᖁᔭᐅᓪᓗᑎᒃ.

ᒨᓯᓯ ᓯᑕᒪᖏᑦ 1:51

ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᓯᑕᒪᖏᑦ 18:20

ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᒨᓯᓯ ᓯᑕᒪᖏᑦ 18:3

ᐱᔭᕆᐊᖃᕐᑕᑦᓯᓐᓂᒃ ᐱᔨᑦᓯᖃᕐᑕᕐᓂᐊᕐᐹᓯ ᑐᐱᕐᔪᐊᒥᓗ ᐱᔭᕆᐊᓕᓕᒫᓂᒃ; ᐃᑦᔪᕐᓁᑦᑐᕕᐅᓪᓕ ᓱᓇᑐᐃᓐᓇᖏᓐᓄᑦ ᑐᓂᕐᕈᓯᕐᕕᖕᒧᓪᓘᓐᓃᑦ ᖃᒡᓕᔪᒃᓴᐅᓐᖏᓚᑦ, ᑐᖁᖁᓇᒋᑦ ᑍᒃᑯᐊᓗ ᐃᓕᑦᓯᓗ.

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᒨᓯᓯ ᓯᑕᒪᖏᑦ 3:38

ᐅᑯᐊᓗ ᑕᖕᒫᕐᓯᒪᔭᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᓵᖓᓂ ᑲᓇᖕᓇᖓᓂ, ᒨᓯᓯᓗ ᐂᕉᓂᓗ ᐃᕐᓂᖏᓪᓗ, ᐃᑦᔪᕐᓁᑦᑐᕕᖕᒥᒃ ᑲᒪᔨᐅᓗᑎᒃ, ᐃᓴᕆᐊᓕᒥᐅᓪᓗ ᐱᔭᕆᐊᖃᕐᑕᓕᒫᖏᓐᓂᒃ ᐱᓇᓱᐊᕐᓗᑎᒃ; ᑖᒃᑯᓄᖓᓕ ᐃᓚᐅᖏᓪᓗᓂ ᖃᒡᓕᓗᐊᕐᑐᖅ ᑐᖁᑕᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 10:8

ᖃᓂᒪᔪᑦ ᐋᖅᑭᒃᓯᒋᒃ, ᑐᖁᖓᔪᓪᓗ ᐆᒻᒪᕐᑎᓪᓗᒋᑦ, ᓯᕘᕋᒋᔭᐅᔪᓂᒡᓗ ᐸᕐᑎᕐᑐᑦ ᐸᕐᑎᕈᓐᓃᕐᑎᓯᒋᒃ, ᐊᓂᕐᓂᕐᓗᐃᓪᓗ ᐃᓄᖕᓂᑦ ᐊᓂᑎᓪᓗᒋᑦ. ᐊᑭᖃᖏᑦᑐᒥᒃ ᑐᓂᓯᕕᐅᒐᑦᓯ ᐊᑭᖃᖏᑦᑐᒥᒃᑕᐅᖅ ᑐᓂᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 3:27

ᔪᐊᓇᓯᐅᑉ ᑭᐅᕔᑦ, “ᐃᓄᒃ ᓇᓪᓕᐊᑦ ᐃᒻᒥᓃᓐᓇᖅ ᐱᑖᕈᓐᓇᓐᖏᓚᖅ ᒎᑎᐅᑉ ᑐᓂᓯᕕᒋᒃᐸᒍ ᑭᓯᐊᓂ ᐱᓂᐊᕈᓐᓇᕐᐳᖅ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᒨᓯᓯ ᑕᓪᓕᒪᖏᑦ 18:2

ᓄᓇᖁᑎᖃᕐᑐᒃᓴᐅᓐᖏᓚᑦ ᓇᖕᒥᓂᒃᓴᒥᖕᓂᒃ, ᑭᖑᕚᕇᑎᑐᑦ ᐊᓯᒥᒃᑎᑐᑦ; ᐱᖃᖃᑕᐅᓯᒪᕗᓪᓕ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑐᓂᓯᕕᐅᓯᒪᖓᒥᒃ, ᑕᒪᓐᓇ ᐊᑕᓂᐅᑉ ᐊᖏᕈᑎᒋᓯᒪᖕᒪᒍ.

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᔮᓱᐊᑉ ᐊᒡᓚᖏᑦ 18:7

ᓕᕔᒃᑯᓪᓕ ᑭᓯᐊᓂ ᓄᓇᑖᕐᓂᐊᓐᖏᓚᑦ ᐊᑯᓐᓇᑦᓯᓐᓂ, ᐱᔭᒃᓴᖃᕐᒪᑕᓕ ᐊᑕᓂᕐᒥᒃ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑕᒪᓐᓇ ᑭᖑᕐᖑᑎᔭᒃᓴᕆᖕᒪᒍ; ᐅᑯᐊᓗ ᐃᓚᒌᑦ ᒑᑦ, ᕉᐱᓂᓗ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᑖᕇᕐᓯᒪᓕᕐᒪᑕ ᓄᓇᒥᒃ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓃᑦᑐᒥᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᑕᖓᓂᒃ.”

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᐲᑦᑐᕉᓯ ᓯᕗᓪᓖᑦ 5:3

ᒥᐊᓂᕆᔭᑦᓯᓐᓄᑦ ᐊᖓᔪᖅᑳᕐᔪᐊᑎᑐᑦ ᐱᓂᐊᕋᓯ ᒪᓕᒐᓴᐅᓇᓱᐊᕆᑦᓯᓕ ᑖᒃᑯᓄᖓ.

ᓴᒧᐃᓕ ᓯᕗᓪᓖᑦ 2:28

ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ.