ᒨᓯᓯ ᓯᑕᒪᖏᑦ 18:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.

ᒨᓯᓯ ᓯᑕᒪᖏᑦ 18:5 Iomraidhean Croise

ᑯᕉᓂᑲ ᓯᕗᓪᓖᑦ 23:24

ᑖᒃᑯᐊ ᑕᕝᕙ ᓕᕔᑉ ᐃᕐᓂᖏᑦ ᐊᑖᑕᖓᑕ ᐃᓚᖏᑎᒍᑦ, ᐊᖓᔪᖅᑳᐅᔪᑦ ᐊᑖᑕᖏᑕ ᐃᓚᖏᓐᓂ ᓈᓴᕐᑕᐅᓯᒪᕗᑦ ᐃᓛᒃᑯᑦ ᐅᓄᕐᓂᖏᑦ ᐊᑎᖏᑦ ᒪᓕᒡᓗᒋᑦ, ᐱᓇᓱᐊᕐᑎᐅᓚᐅᕐᑐᑦ ᐊᑕᓂᐅᑉ ᐃᒡᓗᖓᓂ, ᐱᒋᐊᕐᓗᒋᑦ ᐊᕙᑎᓂᒃ ᐊᕐᕌᒍᓕᖕᓂᑦ ᐅᖓᑖᓄᑦ.

ᑯᕉᓂᑲ ᓯᕗᓪᓖᑦ 23:32

ᑍᒫᒃ ᐊᐅᓚᑦᓯᔨᐅᔪᒃᓴᐅᕗᑦ ᑐᐱᐅᑉ ᑲᑎᒪᕕᐅᓪᓗ ᐱᔭᕆᐊᓕᖏᓐᓄᑦ ᐃᑦᔪᕐᓁᑦᑐᕕᖕᒧᓪᓗ, ᐱᔨᑦᓯᕐᑐᒃᓴᐅᕗᓪᓗ ᐂᕉᓂᐅᑉ ᐃᕐᓂᖏᓐᓂᒃ, ᐃᓚᒋᔭᖏᓐᓂᒡᓗ, ᐊᑕᓂᐅᑉ ᐃᒡᓗᖓᓂ ᐱᓇᓱᐊᕐᑐᓂᒃ.

ᑯᕉᓂᑲ ᓯᕗᓪᓖᑦ 24:5

ᑖᒃᑯᐊ ᐋᖅᑭᒃᓱᕐᑕᐅᕗᑦ ᓇᓚᐅᑦᑖᕈᑎᒧᑦ, ᐊᑦᔨᒌᒃᑐᒥᒃ, ᐃᒤᓕᖓᑎᓪᓗᒋᑦ ᐃᓚᖏᑦ ᐊᖓᔪᖅᑳᓐᖑᕐᐳᑦ ᐃᑦᔪᕐᓁᑦᑐᒃᑯᕕᖕᒧᑦ, ᐃᓚᖏᓪᓗ ᐊᖓᔪᖅᑳᓐᖑᕐᐳᑦ ᒎᑎᐅᑉ ᐃᒡᓗᖓᓄᑦ ᐃᓕᓯᕆᐅᑉ ᐃᑕᒫᕆᐅᓪᓗ ᐃᕐᓂᖏᑦ.

ᑯᕉᓂᑲ ᓯᕗᓪᓖᑦ 9:19

ᓴᓗᒻ ᑯᕆᐅᑉ ᐃᕐᓂᖓ, ᑖᓐᓇ ᐃᐰᐊᓴᐅᑉ ᐃᕐᓂᖓ, ᑖᓐᓇ ᑰᕋᐅᑉ ᐃᕐᓂᖓ, ᖃᑕᓐᖑᑎᖏᓪᓗ ᐊᑖᑕᖓᑕ ᐃᓚᖏᓐᓂᑦ, ᑰᕋᕼᐂᑎᒥᐅᑦ, ᐊᖓᔪᖅᑳᖑᕗᑦ ᐱᓇᓱᒃᑕᐅᒋᐊᓕᖕᓄᑦ, ᑐᐱᐅᑉ ᐃᑎᕐᑕᕐᕕᖓᓂ ᑲᒪᔨᐅᓪᓗᑎᒃ, ᓯᕗᓕᖏᑦ ᑲᒪᔨᐅᓚᐅᕐᒪᑕ ᐊᑕᓂᐅᑉ ᐃᑎᕐᑕᕐᕕᖓᓂ ᑕᒫᕐᓯᒪᕕᖕᒥ.

ᑯᕉᓂᑲ ᓯᕗᓪᓖᑦ 9:23

ᑖᒃᑯᐊ ᕿᑐᕐᖓᖏᓪᓗ ᐃᑎᕐᑕᕐᕕᖕᒥ ᑲᒪᔨᐅᓚᐅᕐᐳᑦ ᐊᑕᓂᐅᑉ ᐃᒡᓗᖓᓂ, ᑕᕝᕙᓂ ᑐᐱᐅᑉ ᐃᑎᕐᑕᕐᕕᖓᓂ ᑲᒪᔨᐅᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 9:33

ᐊᑖᑕᒃᑯᖏᑕ ᐃᓚᖏᓐᓂ ᐊᖓᔪᖅᑲᐅᔪᑦ ᓕᕔᑎᓂ ᑲᒪᔨᐅᓚᐅᕐᐳᑦ ᐃᓐᖏᕐᑎᓄᑦ, ᐊᖏᕐᕋᖃᕐᓗᑎᒃ ᑐᒃᓯᐊᕐᕕᒡᔪᐊᑉ ᐃᒡᓗᕈᓯᖏᓐᓂ, ᐊᓯᖏᓐᓂᒃ ᐱᓇᓱᐊᒐᒃᓴᖃᕐᑎᑕᐅᓇᑎᒃ, ᑍᒪᓐᖓᑦ ᐱᓇᓱᐊᕆᐊᖃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ.

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᔨᕆᒤᐊᐅᑉ ᐊᒡᓚᖏᑦ 23:15

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 44:16

ᑖᒃᑯᐊᑐᐊᖅ ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕈᓐᓇᕐᑐᒃᓴᐅᕗᑦ, ᑐᓂᕐᕈᓯᕐᕕᖕᒥᓗ ᓵᒥ ᐱᓇᓱᐊᕈᓐᓇᕐᓗᑎᒃ ᐅᕙᓐᓄᑦ, ᑕᕝᕙᓂᓗ ᑲᒪᔨᐅᓗᑎᒃ.

ᒨᓯᓯ ᐱᖓᔪᖏᑦ 10:6

ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ, “ᓄᔭᓯ ᐃᓪᓔᕐᓯᒪᔪᓐᓃᕐᑎᓐᓂᐊᕋᓯᒋᒃ, ᐊᓐᓄᕌᓯᓗ ᐊᓕᖕᓂᐊᕐᓇᒋᑦ, ᑍᒤᓕᐅᕈᑦᓯ ᑐᖁᓂᐊᕆᕗᓯᒃ ᐊᑕᓂᕐᓗ ᓂᓐᖓᐅᒪᓂᐊᕐᐳᖅ ᓄᓇᓕᖕᓄᑦ ᑖᒃᑯᓄᖓ. ᐃᓚᓯᓕ ᐃᓴᕆᐊᓕᒥᐅᓪᓗ ᕿᒃᓵᒍᓐᓇᕐᐳᑦ ᐊᑕᓂᐅᑉ ᐃᑯᒪᒧᑦ ᑐᖁᑕᖏᑦ ᐱᑦᔪᑎᒋᓗᒋᑦ.

ᒨᓯᓯ ᐱᖓᔪᖏᑦ 24:3

ᑖᓗᑕᕐᔪᐊᑉ ᐊᖏᕈᑎᑕᓕᐅᑉ ᓯᓚᑖᓂᑦᑐᑉ ᓵᖓᓂ, ᑐᐱᐅᑉ ᐃᑦᔪᕐᓁᑦᑐᕕᐅᑉ ᐃᓗᐊᓃᑦᑐᖅ, ᑖᒃᑯᐊ ᓇᓂᕈᐊᕐᕖᑦ ᑕᒫᓂᑦᑐᑦ ᐂᕉᓂᐅᑉ ᑲᒪᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ, ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑍᒪᓐᖓᓕᒫᖅ. ᑕᒪᓐᓇ ᒪᓕᒐᖅ ᑲᔪᓰᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.

ᓴᑲᕅᐊᐅᑉ ᐊᒡᓚᖏᑦ 10:3

ᓰᐱᓕᕆᔩᑦ ᓂᓐᖓᒡᕕᒋᓯᒪᓚᐅᕐᐸᒃᑲ, ᐊᐅᓚᑦᓯᔩᓪᓗ ᓱᒋᐊᕈᒫᕐᐸᒃᑲ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓰᐱᖁᑎᓂ ᔫᑕᒥ ᓄᓇᖃᕐᑐᑦ ᐰᕆᔪᒫᕐᐰᑦ, ᕿᒻᒥᕐᔪᐊᑎᑐᓪᓗ ᓴᐱᖏᑦᑐᑎᑐᑦ ᐅᓇᑕᕐᕕᖕᒥ ᑍᒤᑎᑦᓱᒫᕐᐰᑦ.

ᒨᓯᓯ ᓯᑕᒪᖏᑦ 1:50

ᓕᕔᑎᒃᑯᓪᓕ ᑎᓕᓂᐊᕐᐸᑎᑦ ᑲᒪᔨᐅᖁᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᓗᓕᖏᓐᓂᒃ ᑕᒤᓐᓂᒃ ᑲᒪᔨᐅᓗᑎᒃ, ᐱᒋᔭᖏᓐᓂᒡᓗ; ᑐᐱᕐᔪᐊᖅ ᑲᑎᒪᕕᒃ ᐊᒡᔭᖃᑦᑕᕆᐊᖃᕐᐹᑦ ᐃᓗᓕᖏᓪᓗ; ᑲᒪᒋᔭᕆᐊᖃᕐᐹᑦ ᖃᓂᒋᔭᖓᓂᓗ ᑐᐱᖃᕐᓗᑎᒃ.

ᒨᓯᓯ ᓯᑕᒪᖏᑦ 1:53

ᓕᕔᑎᓪᓕ ᑐᐱᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᖃᓂᒋᔭᖓᓂ, ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑦ ᕿᑐᕐᖓᖏᑦ ᓂᓐᖓᐅᑎᔭᐅᖁᓇᒋᑦ; ᓕᕔᑎᓪᓗ ᐊᖓᔪᖅᑳᖑᔭᕆᐊᖃᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ.”

ᒨᓯᓯ ᓯᑕᒪᖏᑦ 16:46

ᒨᓯᓯᓗ ᐂᕉᓂᒧᑦ ᐅᖃᕐᐳᖅ, “ᐃᓯᕐᓗᐊᕐᓂᑎᑦᓯᑦᔪᑎᒥᒃ ᑎᒍᓯᒋᑦ, ᐃᑯᒪᔪᒥᒡᓗ ᑐᓂᕐᕈᓯᕐᕕᖕᒥᑦ ᐃᓕᓯᕕᒋᓗᒍ, ᑎᐱᑦᓯᐊᕆᒃᑐᒥᒃ ᐃᓗᓪᓕᕐᓗᒍ, ᑐᐊᕕᕐᓗᑎᑦ ᐃᓄᒋᐊᒃᑐᕐᔪᐊᓄᑦ ᐂᑦᔪᑎᒍᒃ ᐃᓱᒪᒋᔪᓐᓁᕐᕕᐅᖁᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐃᖏᕐᕋᓕᕐᒪᑦ ᑖᑦᓱᒪᓐᖓᑦ. ᑐᖁᑦᓯᔪᖅ ᐋᓐᓂᐊᓇᕐᑐᖅ ᐱᒋᐊᕐᒪᑦ.”

ᒨᓯᓯ ᓯᑕᒪᖏᑦ 18:4

ᑲᑎᖃᑦᑕᕐᓂᐊᕐᐹᓯ ᐃᓚᒋᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ ᐱᔭᕆᐊᓕᖕᓂᒃ ᐱᓇᓱᐊᖃᑎᒋᖃᑦᑕᕐᓂᐊᕋᑦᓯᐅᒃ, ᑐᐱᕐᔪᐊᒥ ᐱᔭᕆᐊᓕᓕᒫᓂᒃ; ᐃᓚᒋᓐᖏᑕᓯᓕ ᓯᓚᑖᓂᑦ ᐱᔫᑉ ᖃᓂᒋᔭᕆᐊᖃᓐᖏᓛᓯ.

ᒨᓯᓯ ᓯᑕᒪᖏᑦ 4:18

“ᐅᑦᔨᕐᑐᕆᑦᓯ, ᑯᕼᐋᑎᐅᑉ ᐃᕐᓂᖏᑦ ᓕᕔᑎᓂᑦ ᐊᕕᑕᐅᖁᓇᒋᑦ;

ᒨᓯᓯ ᓯᑕᒪᖏᑦ 8:19

ᐅᕙᖓᓗ ᓕᕔᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᓚᐅᕐᐸᒃᑲ ᐃᓴᕆᐊᓕᐅᑉ ᕿᑐᕐᖓᖏᓐᓂᑦ ᐱᓪᓗᒋᑦ, ᐱᓇᓱᐊᖁᓪᓗᒋᑦ ᐃᓴᕆᐊᓕᐅᑉ ᕿᑐᕐᖓᖏᑕ ᐱᔭᒃᓴᖏᓐᓂᒃ ᑐᐱᕐᔪᐊᒥ ᑲᑎᒪᕕᖕᒥ, ᐃᓴᕆᐊᓕᐅᓪᓗ ᕿᑐᕐᖓᖏᑕ ᐃᓱᒪᒋᔪᓐᓁᕐᕕᐅᑦᔪᑎᒃᓴᖏᓐᓄᑦ, ᐃᓴᕆᐊᓕᐅᑉ ᕿᑐᕐᖓᖏᑦ ᖃᓄᐃᓐᓇᕐᑐᓄᑦ ᑎᑭᑕᐅᖁᓇᒋᑦ ᐃᑦᔪᕐᓁᑦᑐᕕᖕᒧᑦ ᖃᒡᓕᔭᕆᐊᖃᕐᐸᑕ.”

ᒨᓯᓯ ᓯᑕᒪᖏᑦ 8:2

“ᐂᕉᓂ ᐅᖃᐅᑎᓚᐅᕈᒃ ᐃᒤᓕᓗᒍ, ‘ᓇᓂᕈᐊᑦ ᐋᖅᑭᒃᓱᓕᕈᕕᒋᑦ, ᓇᓂᕈᐊᑦ 7 ᖃᐅᒪᑎᑦᓯᔭᕆᐊᖃᕐᐳᑦ ᓇᓂᕈᐊᖃᕐᕕᐅᑉ ᓯᕗᓂᖓᓂᒃ.’”

ᑎᒧᑎᒧᑦ ᓯᕗᓪᓖᑦ 1:18

ᐃᕝᕕᓪᓕ ᑎᒧᑏ ᕿᑐᕐᖓᕋ, ᐱᓇᓱᐊᕐᑕᐅᖁᔭᓐᓂᒃ ᐅᖃᐅᑎᕙᒋᑦ, ᓇᓚᐅᑦᑍᑦᔪᑕᐅᓯᒪᔪᑦ ᐃᓕᖕᓂᒃ ᒪᓕᒡᓗᒋᑦ, ᑖᒃᑯᐊ ᐅᖃᐅᓰᑦ ᒪᓕᒃᑯᕕᒋᑦ ᐱᐅᔪᒥᒃ ᐱᑦᔪᑎᖃᕐᓗᑎᑦ ᐅᓇᑕᕐᑎᐅᓂᐊᕐᐳᑎᑦ.

ᑎᒧᑎᒧᑦ ᓯᕗᓪᓖᑦ 3:15

ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ.

ᑎᒧᑎᒧᑦ ᓯᕗᓪᓖᑦ 5:21

ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ.

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,