ᒨᓯᓯ ᓯᑕᒪᖏᑦ 18:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑲᑎᖃᑦᑕᕐᓂᐊᕐᐹᓯ ᐃᓚᒋᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ ᐱᔭᕆᐊᓕᖕᓂᒃ ᐱᓇᓱᐊᖃᑎᒋᖃᑦᑕᕐᓂᐊᕋᑦᓯᐅᒃ, ᑐᐱᕐᔪᐊᒥ ᐱᔭᕆᐊᓕᓕᒫᓂᒃ; ᐃᓚᒋᓐᖏᑕᓯᓕ ᓯᓚᑖᓂᑦ ᐱᔫᑉ ᖃᓂᒋᔭᕆᐊᖃᓐᖏᓛᓯ.

ᒨᓯᓯ ᓯᑕᒪᖏᑦ 18:4 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 44:14

ᓱᓕᓕ ᑎᓕᓂᐊᕐᐸᒃᑲ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐱᔭᕆᐊᓕᖕᓂᒃ ᑲᒪᔨᐅᖁᓪᓗᒋᑦ, ᐱᔨᑦᓯᕆᐊᓕᖕᓂᒡᓗ ᐱᔨᑦᓯᕐᑎᐅᖁᓪᓗᒋᑦ ᐱᓇᓱᐊᕐᑕᐅᔭᕆᐊᓕᓕᒫᓂᒃ.”

ᒨᓯᓯ ᓯᑕᒪᖏᑦ 1:51

ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 1:53

ᓕᕔᑎᓪᓕ ᑐᐱᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᖃᓂᒋᔭᖓᓂ, ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑦ ᕿᑐᕐᖓᖏᑦ ᓂᓐᖓᐅᑎᔭᐅᖁᓇᒋᑦ; ᓕᕔᑎᓪᓗ ᐊᖓᔪᖅᑳᖑᔭᕆᐊᖃᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ.”

ᒨᓯᓯ ᓯᑕᒪᖏᑦ 18:3

ᐱᔭᕆᐊᖃᕐᑕᑦᓯᓐᓂᒃ ᐱᔨᑦᓯᖃᕐᑕᕐᓂᐊᕐᐹᓯ ᑐᐱᕐᔪᐊᒥᓗ ᐱᔭᕆᐊᓕᓕᒫᓂᒃ; ᐃᑦᔪᕐᓁᑦᑐᕕᐅᓪᓕ ᓱᓇᑐᐃᓐᓇᖏᓐᓄᑦ ᑐᓂᕐᕈᓯᕐᕕᖕᒧᓪᓘᓐᓃᑦ ᖃᒡᓕᔪᒃᓴᐅᓐᖏᓚᑦ, ᑐᖁᖁᓇᒋᑦ ᑍᒃᑯᐊᓗ ᐃᓕᑦᓯᓗ.

ᒨᓯᓯ ᓯᑕᒪᖏᑦ 18:5

ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᒨᓯᓯ ᓯᑕᒪᖏᑦ 31:30

ᐃᓴᕆᐊᓕᒥᐅᓪᓗ ᐱᔭᒃᓴᖏᓐᓂᑦ 50ᓂᑦ ᑕᒫᑦ ᐊᑕᐅᓯᕐᒥᒃ ᑎᒍᓯᔭᕆᐊᖃᕐᐳᑎᑦ, ᐃᓄᖕᓂᒃ, ᐃᒻᒧᒃᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᐆᒪᔪᓕᒫᓪᓗ, ᓕᕔᑎᓄᑦ ᑐᓂᓗᒋᑦ ᐊᑕᓂᐅᑉ ᑐᐱᕐᔪᐊᖁᑎᖓᓂ ᑲᒪᔨᐅᔪᓄᑦ.”

ᒨᓯᓯ ᓯᑕᒪᖏᑦ 8:26

ᖃᑕᓐᖑᑎᒥᖕᓂᒃ ᐱᔨᑦᓯᕈᓐᓇᕋᓗᐊᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑐᓂᒃ, ᐱᔭᕆᐊᖃᕐᑕᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓕ ᐱᓇᓱᐊᕐᑎᐅᔪᓐᓃᕐᓗᑎᒃ. ᑍᒤᓕᐅᕆᐊᖃᕐᐳᓯ ᓕᕔᑎᑦ ᐱᔭᒃᓴᖏᑕ ᓇᓛᓄᑦ.”

ᓴᒧᐃᓕ ᓯᕗᓪᓖᑦ 6:19

ᐊᑕᓂᐅᑉ ᐊᖑᑎᑦ ᐃᓚᖏᑦ ᑐᖁᓚᐅᕐᐰᑦ ᐱᑦ-ᓯᒥᔅᒥᐅᑍᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖓᑕ ᐃᓗᐊᓄᑦ ᑕᑯᒋᐊᓚᐅᕐᓂᖏᑦ ᐱᓪᓗᒋᑦ; ᐃᓄᐃᓪᓗ ᕿᒃᓵᓚᐅᕐᐳᑦ ᐊᑕᓂᐅᑉ ᑐᖁᑦᓯᓂᕆᓚᐅᕐᑕᖓ 70ᓂᒃ ᐱᓂᐊᕐᓂᕆᓚᐅᕐᑕᖓᓗ ᐱᑦᔪᑎᒋᓪᓗᒍ.