ᒨᓯᓯ ᓯᑕᒪᖏᑦ 18:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓕᕔᑎᓪᓕ ᐱᓇᓱᐊᕈᓐᓇᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ, ᐸᓯᔭᒃᓴᐅᓂᐊᕐᓗᑎᒃ ᐊᔪᕐᑐᓕᓂᕐᒥᖕᓄᑦ; ᑕᒪᓐᓇ ᒪᓕᒐᐅᓂᐊᕐᐳᖅ ᐃᓱᖃᖏᑦᑐᒧᑦ, ᑭᖑᕚᕇᓄᑦ ᑍᒪᓐᖓᑦ, ᐃᓴᕆᐊᓕᒥᐅᓪᓗ ᓇᖕᒥᓂᖃᑦᔮᓐᖏᓚᑦ ᓱᓇᒥᒃ.

ᒨᓯᓯ ᓯᑕᒪᖏᑦ 18:23 Iomraidhean Croise

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 44:10

“ᓕᕔᑎᓪᓕ ᐅᕙᓐᓂᑦ ᐅᖓᓯᒃᓯᓚᐅᕐᐳᑦ, ᐅᕙᓐᓂᒃ ᕿᒤᓪᓗᑎᒃ ᒎᑎᓐᖑᐊᓄᑦ ᓵᖔᓕᕐᓗᑎᒃ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑖᒃᑯᐊ ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᒨᓯᓯ ᓯᑕᒪᖏᑦ 18:1

ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ: “ᐃᕝᕕᑦ ᐃᕐᓂᑎᓪᓗ ᑭᖑᕚᖑᖃᑎᑎᓪᓗ ᐸᓯᔭᒃᓴᐅᕗᓯ ᐃᑦᔪᕐᓁᑦᑐᕕᐅᑉ ᓇᓛᓄᑦ ᐱᐅᖏᑦᑐᓕᑦᔪᑕᐅᔪᓂᒃ, ᐃᕝᕕᓪᓗ ᐃᕐᓂᑎᓪᓗ ᐸᓯᔭᒃᓴᐅᕗᓯ ᑐᓂᕐᕈᓯᕐᑎᑦᓯᔨᐅᓂᑦᓯᓐᓄᑦ ᐱᐅᖏᑦᑐᓕᓂᕐᓂᒃ.

ᒨᓯᓯ ᓯᑕᒪᖏᑦ 18:20

ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᒨᓯᓯ ᓯᑕᒪᖏᑦ 19:21

ᑕᒪᓐᓇ ᑍᒪᓐᖓᑦ ᒪᓕᒐᐅᓂᐊᕐᐳᖅ ᑖᒃᑯᓄᖓ. ᓇᓪᓕᐊᓪᓗ ᐃᒥᕐᒥᒃ ᓴᓗᒻᒪᕐᓮᑦᔪᑎᒥᒃ ᓯᕐᐸᕐᓮᔪᖅ ᐊᓐᓄᕌᓂ ᐅᐊᓴᕆᐊᖃᕐᐰᑦ; ᓇᓪᓕᐊᓪᓗ ᐃᒥᕐᒥᒃ ᓴᓗᒻᒪᕐᓮᑦᔪᑎᒥᒃ ᐊᒃᑐᕐᓯᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᓯᑕᒪᖏᑦ 26:62

ᓕᕔᑎᓪᓕ ᐊᖑᑎᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒍ ᓈᓴᕐᑕᐅᔪᑦ 23,000ᐅᓚᐅᕐᐳᑦ. ᐃᓴᕆᐊᓕᐅᖃᑎᒥᖕᓂᑦ ᓈᓴᖃᓯᐅᑎᔭᐅᓚᐅᓐᖏᓚᑦ ᓄᓇᒥᒃ ᓇᖕᒥᓂᑖᓚᐅᖏᒻᒪᑕ.

ᒨᓯᓯ ᓯᑕᒪᖏᑦ 3:7

ᑖᒃᑯᐊ ᑖᑦᓱᒪ ᐱᔭᕆᐊᖃᕐᑕᖏᓐᓂᒃ ᑲᒪᔨᐅᓂᐊᕐᒪᑕ, ᐃᓄᒋᐊᒃᑐᕐᔪᐊᓪᓗ ᑐᒃᓯᐊᕆᐊᕐᐸᒃᑐᑦ ᐱᔭᕆᐊᖃᕐᑕᓕᒫᖏᓐᓂᒃ ᑲᒪᔨᐅᓂᐊᕐᒪᑕ, ᑐᐱᕐᔪᐊᒥ ᐱᔭᕆᐊᖃᕐᑐᓕᒫᓂᒃ ᐱᓕᕆᔨᐅᓂᐊᕐᐳᑦ.

ᒨᓯᓯ ᓯᑕᒪᖏᑦ 35:29

ᑕᒪᒃᑯᐊ ᐃᖅᑲᕐᑐᐃᔨᒧᑦ ᒪᓕᒐᒃᓴᐅᔭᕆᐊᖃᕐᐳᑦ ᐃᓕᑦᓯᓐᓄᑦ ᑭᖑᕚᑦᓯᓐᓄᓪᓗ ᑐᕌᖓᓗᑎᒃ ᐃᓂᒋᔭᑦᓯᓐᓂ.

ᒨᓯᓯ ᑕᓪᓕᒪᖏᑦ 10:9

ᑍᒤᒻᒪᑦ ᑕᕝᕙ ᑖᒃᑯᐊ ᓕᕔᒃᑯᑦ ᑭᖑᕚᖏᑦ ᓄᓇᖁᑎᑖᕐᓯᒪᖏᑦᑐᑑᕗᑦ ᐊᓯᖏᑎᑐᑦ ᑭᖑᕚᕇᑎᑐᑦ; ᑭᓯᐊᓂᓕ ᐱᑎᑕᐅᖔᓚᐅᕐᐳᑦ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᑍᒫᒃ ᐊᑕᓂᖅ ᒎᑎᓯ ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.)

ᔮᓱᐊᑉ ᐊᒡᓚᖏᑦ 13:14

ᒨᓯᓯᓕ ᓕᕔᑦ ᑭᖑᕚᖏᓐᓂᒃ ᓄᓇᑖᕐᑎᑦᓯᓚᐅᓐᖏᓚᖅ, ᑍᒫᒃ ᐊᑕᓂᐅᑉ ᐅᖃᐅᑎᓚᐅᕐᒪᒍ, ᐃᓴᕆᐊᓕᒥᐅᓪᓕ ᐊᑕᓂᖓᓄᑦ ᒎᑎᒧᑦ ᑐᓂᕐᕈᓯᕐᓂᒃᑯᑦ ᐃᑯᐊᓚᑎᑦᓯᓪᓗᑎᒃ ᑕᒪᑐᒥᖓ ᑭᖑᕐᖑᑦᔨᓚᐅᕐᐳᑦ.