ᒨᓯᓯ ᓯᑕᒪᖏᑦ 18:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᒨᓯᓯ ᓯᑕᒪᖏᑦ 18:20 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᐃᓐᖏᕈᑎᑦ 142:5

ᐊᑕᓃᖅ ᐃᓕᖕᓄᑦ ᓂᓪᓕᐊᕗᖓ; ᐅᖃᕐᓗᖓ, ᐃᕝᕕᑦ ᕿᒫᕕᒃᓴᕆᕙᒋᑦ, ᐃᕝᕕᑐᐊᖅ ᐱᔪᒪᔭᑐᐊᕆᕙᒋᑦ ᐃᓅᔪᑦ ᓄᓇᖓᓐᓂ.

ᐃᓐᖏᕈᑎᑦ 16:5

ᐊᑕᓃᖅ ᑐᓂᕙᕐᒪ ᐱᔭᕆᐊᖃᕐᑕᓐᓂᒃ, ᐃᒥᐅᑎᒋᓂᐊᕐᑕᓐᓂᒡᓗ; ᓇᓚᐅᑦᑖᕈᓪᓗ ᐃᓂᒋᔭᕋ ᓴᐳᑎᓯᒪᕙᑦ.

ᐃᓐᖏᕈᑎᑦ 73:26

ᑎᒥᒐ ᐆᒻᒪᑎᒐᓗ ᐊᔪᓕᓕᕋᓗᐊᕐᐴᒃ, ᒎᑎᓕ ᐆᒻᒪᑎᒪ ᓴᓐᖏᔫᑦᔪᑎᒋᕚ ᐱᔪᓐᓇᐅᑎᒋᓪᓗᒍᓗ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:24

ᑕᕐᓂᕋ ᐅᖃᕐᐳᖅ, “ᐊᑕᓂᖅ ᐊᓯᖃᓐᖏᓚᖅ, ᑖᑦᓱᒪᓂ ᓂᕆᐅᒡᕕᒃᓴᖃᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 44:28

“ᑭᖑᕐᖑᑎᔭᒃᓴᖃᕐᑐᒃᓴᐅᓐᖏᓚᑦ; ᐅᕙᖓ ᑖᒃᑯᓄᖓ ᑭᖑᕐᖑᑎᔭᒃᓴᕆᔭᐅᒐᒪ; ᓄᓇᖁᑎᑖᕐᑎᑕᒃᓴᕆᓐᖏᓚᑎᑦ ᐃᓴᕆᐊᓕᒥᐅᑦ ᓄᓇᖓᓂ; ᐅᕙᖓ ᑖᒃᑯᓇᓐᖓᑦ ᐱᖁᑎᒋᔭᐅᒐᒪ.

ᒨᓯᓯ ᓯᑕᒪᖏᑦ 18:7

ᑍᒤᒻᒪᑦ ᐃᕝᕕᑦ, ᐃᕐᓂᑎᓪᓗ ᐃᓚᒋᓗᒋᑦ ᑐᓂᕐᕈᓯᕐᑎᑦᓯᔨᐅᓂᐊᕐᐳᓯ ᑐᓂᕐᕈᓯᕐᕕᖕᒥ ᖃᓄᐃᓕᐅᕆᐊᖃᕐᑐᓕᒫᓂᒃ ᑖᓗᑕᕐᔪᐊᓪᓗ ᐅᖓᑖᓃᑦᑐᓂᒃ; ᑍᒫᒃ ᐱᔨᑦᓯᕐᓂᐊᕐᐳᓯ. ᑐᓂᕐᕈᓯᕐᑎᑦᓯᔨᐅᓂᖅ ᐃᓕᑦᓯᓐᓄᑦ ᑐᓂᕐᕈᑎᒋᕙᕋ ᐱᔨᑦᓯᕈᑎᒋᓂᐊᕋᑦᓯᐅᒃ, ᓯᓚᑎᑦᓯᓐᓂᓪᓕ ᐱᔪᖅ ᐃᓕᑦᓯᓐᓄᑦ ᖃᒡᓕᔪᖅ ᑐᖁᑕᒃᓴᐅᕗᖅ.”

ᒨᓯᓯ ᓯᑕᒪᖏᑦ 26:62

ᓕᕔᑎᓪᓕ ᐊᖑᑎᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒍ ᓈᓴᕐᑕᐅᔪᑦ 23,000ᐅᓚᐅᕐᐳᑦ. ᐃᓴᕆᐊᓕᐅᖃᑎᒥᖕᓂᑦ ᓈᓴᖃᓯᐅᑎᔭᐅᓚᐅᓐᖏᓚᑦ ᓄᓇᒥᒃ ᓇᖕᒥᓂᑖᓚᐅᖏᒻᒪᑕ.

ᒨᓯᓯ ᑕᓪᓕᒪᖏᑦ 10:9

ᑍᒤᒻᒪᑦ ᑕᕝᕙ ᑖᒃᑯᐊ ᓕᕔᒃᑯᑦ ᑭᖑᕚᖏᑦ ᓄᓇᖁᑎᑖᕐᓯᒪᖏᑦᑐᑑᕗᑦ ᐊᓯᖏᑎᑐᑦ ᑭᖑᕚᕇᑎᑐᑦ; ᑭᓯᐊᓂᓕ ᐱᑎᑕᐅᖔᓚᐅᕐᐳᑦ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᑍᒫᒃ ᐊᑕᓂᖅ ᒎᑎᓯ ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.)

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 14:27

“ᓕᕔᑉ ᑭᖑᕚᖏᑦ ᒥᓂᑕᒃᓴᕆᓐᖏᓚᓯ ᓄᓇᖅᑲᑎᒋᔭᓯ, ᑖᒃᑯᐊ ᓇᖕᒥᓂᖅ ᓄᓇᖁᑎᖃᖏᒻᒪᑕ ᑭᖑᕐᖑᑎᔭᒃᓴᖃᕋᑎᒡᓗ.

ᒨᓯᓯ ᑕᓪᓕᒪᖏᑦ 14:29

ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᔮᓱᐊᑉ ᐊᒡᓚᖏᑦ 13:14

ᒨᓯᓯᓕ ᓕᕔᑦ ᑭᖑᕚᖏᓐᓂᒃ ᓄᓇᑖᕐᑎᑦᓯᓚᐅᓐᖏᓚᖅ, ᑍᒫᒃ ᐊᑕᓂᐅᑉ ᐅᖃᐅᑎᓚᐅᕐᒪᒍ, ᐃᓴᕆᐊᓕᒥᐅᓪᓕ ᐊᑕᓂᖓᓄᑦ ᒎᑎᒧᑦ ᑐᓂᕐᕈᓯᕐᓂᒃᑯᑦ ᐃᑯᐊᓚᑎᑦᓯᓪᓗᑎᒃ ᑕᒪᑐᒥᖓ ᑭᖑᕐᖑᑦᔨᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 13:33

ᒨᓯᓯᓕ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ ᓄᓇᒥᒃ ᑭᖑᕐᖑᑎᔭᐅᔪᒃᓴᒥᒃ; ᐅᖃᐅᑎᓚᐅᕐᐰᓪᓕ ᑐᓂᕐᕈᑏᑦ ᐃᓚᖏᓐᓂᒃ ᐱᖃᑦᑕᖁᓪᓗᒋᑦ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓄᑦ ᑐᓂᔭᐅᔪᓂᑦ, ᑕᒪᓐᓇ ᑭᖑᕐᖑᑎᔭᒃᓴᐅᖁᓪᓗᒍ ᑖᒃᑯᓄᖓ.

ᔮᓱᐊᑉ ᐊᒡᓚᖏᑦ 14:3

ᒨᓯᓯ ᑐᓂᓯᔭᕇᓚᐅᕐᒪᑦ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᓄᑦ ᒪᕐᕉᐃᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ; ᓕᕔᓪᓕ ᑭᖑᕚᖏᑦ ᑭᖑᕐᖑᑎᔭᒃᓴᖏᓐᓂᒃ ᑐᓂᓯᕕᒋᓚᐅᓐᖏᓔᑦ.

ᔮᓱᐊᑉ ᐊᒡᓚᖏᑦ 18:7

ᓕᕔᒃᑯᓪᓕ ᑭᓯᐊᓂ ᓄᓇᑖᕐᓂᐊᓐᖏᓚᑦ ᐊᑯᓐᓇᑦᓯᓐᓂ, ᐱᔭᒃᓴᖃᕐᒪᑕᓕ ᐊᑕᓂᕐᒥᒃ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑕᒪᓐᓇ ᑭᖑᕐᖑᑎᔭᒃᓴᕆᖕᒪᒍ; ᐅᑯᐊᓗ ᐃᓚᒌᑦ ᒑᑦ, ᕉᐱᓂᓗ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᑖᕇᕐᓯᒪᓕᕐᒪᑕ ᓄᓇᒥᒃ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓃᑦᑐᒥᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᑕᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.