ᒨᓯᓯ ᓯᑕᒪᖏᑦ 18:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᓱᓇᑐᐃᓐᓁᑦ ᐃᕐᓂᐊᕆᔭᐅᖅᑳᕐᑐᑦ ᑎᒥᖃᕐᑐᓕᒫᓄᑦ ᐊᑕᓂᕐᒧᑦ ᑐᓂᔭᐅᔭᕆᐊᖃᕐᐳᑦ, ᐊᑕᓂᕐᒧᑦ ᕾᑦᔪᑎᓗᒋᑦ, ᐃᓅᒃᐸᓪᓘᓐᓃᑦ ᓂᕐᔪᑎᐅᒃᐸᓪᓘᓐᓃᑦ, ᐃᕝᕕᑦ ᐱᒋᔭᕆᐊᖃᕐᐸᑎᑦ; ᑭᓯᐊᓂᓕ ᐃᓄᒃ ᐊᖑᑕᐅᓗᓂ ᐃᕐᓂᐊᕆᔭᐅᖅᑳᕐᐸᑦ ᐅᑎᕐᑎᑕᐅᓪᓚᕆᒋᐊᖃᕐᐳᖅ, ᐃᕐᓂᐊᖑᖅᑳᕐᑐᖅ ᓂᕐᔪᑎ ᓴᓗᒤᑦᑑᒃᐸᑦ ᐅᑎᕐᑎᓴᕆᐊᖃᕐᐸᑦ.

ᒨᓯᓯ ᓯᑕᒪᖏᑦ 18:15 Iomraidhean Croise

ᐊᑕᓃᑦ ᐂᑉᐸᖏᑦ 12:5

ᑐᓂᕐᕈᓯᕐᑎᑦᓯᔩᑦ ᐊᑐᓂᑦ ᑎᒎᕐᓯᓕᑦ ᑮᓇᐅᔭᓂᒃ ᑮᓇᐅᔧᕐᕕᖃᑦᑕᕐᑐᓂᑦ ᐊᑐᕐᑕᐅᓗᑎᒡᓗ ᐊᑕᓂᐅᑉ ᐃᒡᓗᖓᑕ ᓯᖁᑦᑎᕐᓯᒪᓂᖏᑕ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ.”

ᓂᕼᐃᒤᐊᐅᑉ ᐊᒡᓚᖏᑦ 10:37

ᓂᐊᖂᔭᒃᓴᖁᑎᑦᑕᓗ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᑐᓂᕐᕈᑎᒋᖃᑦᑕᕐᓂᐊᕐᐸᕗᑦ, ᓇᐹᕐᑐᐃᓪᓗ ᖃᓄᐃᑦᑐᑐᐃᓐᓁᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᓯᕗᓪᓕᕐᐹᒥᒡᓗ ᕔᓂᓐᖑᕐᑐᓂᒃ ᐅᕐᓱᒃᓴᓂᒡᓗ, ᑐᓂᕐᕈᓯᕐᑎᑦᓯᔨᓄᑦ ᑐᓂᓗᒋᑦ, ᒎᑎᑦᑕ ᐃᒡᓗᖓᑕ ᓱᓇᑐᐃᓐᓇᖃᐅᑎᖓᓄᑦ ᐃᓕᔭᐅᖁᓪᓗᒋᑦ. ᓄᓇᖁᑎᑦᑕᓗ ᑕᓪᓕᒪᐅᔪᖏᑦ ᑐᓂᓂᐊᕐᐸᕗᑦ ᓕᕔᑎᓄᑦ, ᓕᕔᑎᓪᓗ ᑎᒍᓯᖁᓪᓗᒋᑦ ᐱᕈᕐᓰᕕᖁᑎᑦᑕ ᐱᕈᕐᑎᑕᖏᑕ ᑕᓪᓕᒪᐅᔪᓕᒫᖏᓐᓂᒃ.

ᒨᓯᓯ ᐂᑉᐸᖏᑦ 13:15

ᐰᕉᖅ ᐅᕙᑦᑎᓐᓂᒃ ᐊᐅᓪᓚᖁᔨᖏᑦᑐᐊᓘᑎᓪᓗᒍ, ᐊᑕᓂᐅᑉ ᐄᑦᔨᑉᑎᒥᐅᓂ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ, ᐊᑕᖏᕐᓗᒋᑦ ᐃᓅᒐᓗᐊᕐᐸᑦ ᐆᒪᔫᒐᓗᐊᕐᐸᓪᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ. ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᖃᕐᐳᖓ ᐊᖑᑎᓂ ᐃᕐᓂᐊᖑᖅᑳᕐᓯᒪᔪᓂᒃ; ᑭᓯᐊᓂᓕ ᐃᕐᓂᓐᓂ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᐅᑎᓯᒪᕙᒃᑲ.’

ᒨᓯᓯ ᐂᑉᐸᖏᑦ 13:2

“ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᐅᔪᒃᓴᐅᕗᑦ ᐅᕙᓐᓄᑦ; ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᐃᓴᕆᐊᓕᒥᐅᓂ ᐆᒪᔪᓂᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑕᒪᕐᒥᒃ ᐱᖁᑎᒋᕙᒃᑲ.”

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 34:20

ᓯᐅᑎᖅᑯᕐᑐᔫᓪᓕ ᐃᕐᓂᐊᕆᖅᑳᕐᑕᖏᑦ ᑕᐅᕐᓯᐅᑎᔪᓐᓇᕐᐸᓯ ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᖔᕐᓗᓯ ᑖᑦᓱᒥᖓ ᐃᓇᖐᑎᖔᕐᓗᒍ, ᑭᓯᐊᓂᓕ ᑕᐅᕐᓯᐅᑎᓂᐊᖏᒃᑯᑦᓯᐅᒃ, ᖁᖓᓯᖓ ᓇᑲᑕᒃᓴᕆᕙᓯ, ᐊᖑᑎᓕᒫᑦ ᐃᕐᓂᐊᖑᖅᑳᕐᑐᑦ ᑕᐅᕐᓯᒐᒃᓴᕆᕙᓯ. “ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᖏᑦᑐᒥᒃ ᓵᓐᓄᑦ ᓴᖅᑭᑦᑐᖃᕐᑐᒃᓴᐅᓐᖏᓚᖅ.

ᒨᓯᓯ ᓯᑕᒪᖏᑦ 18:16

ᐅᑎᕐᑎᑕᒃᓮᑦ ᐅᑎᕐᑎᑦᓴᕆᐊᖃᕐᐸᓯ ᑕᖅᑭᖅ ᐊᑕᐅᓯᖅ ᐊᓂᒍᕐᐸᑦ, ᐊᑭᖃᕐᑎᑦᓯᓃᑦ ᒪᓕᒡᓗᒍ, ᑮᓇᐅᔭᓂᒃ ᓯᐅᓪᕕᕆᓂᒃ ᑕᓪᓕᒪᓂᒃ ᓴᑯᓪᓂᒃ ᑐᐱᕐᔪᐊᑉ ᓴᑯᓪᖏᑦ ᒪᓕᒡᓗᒋᑦ, ᐊᑭᖃᓪᓗᐊᕐᓗᒋᑦ 20ᒋᕋᓂᒃ.

ᒨᓯᓯ ᓯᑕᒪᖏᑦ 3:13

ᐃᕐᓂᐊᖑᔪᑦ ᓯᕗᓪᓕᕐᐹᒥᒃ ᐱᒋᒐᒃᑭᑦ. ᑍᑦᓱᒪᓂ ᓇᓪᓕᐅᑦᑐᒥ ᐃᕐᓂᐊᖑᖅᑳᕐᑐᑦ ᑐᖁᑎᓚᐅᕋᒃᑭᑦ ᓄᓇᒥ ᐄᑦᔨᑉᑎᒥ, ᐅᕙᓐᓂᒃ ᐃᑦᔪᕐᓁᑎᑉᐳᖓ ᐃᓴᕆᐊᓕᓂ ᐃᕐᓂᐊᖑᖅᑳᕐᑐᓄᑦ, ᐃᓄᖕᓄᓪᓗ ᓂᕐᔪᑎᓄᓪᓗ. ᑖᒃᑯᐊ ᐱᒋᓂᐊᕐᐸᒃᑲ: ᐅᕙᖓ ᐊᑕᓂᐅᒐᒪ.”

ᒨᓯᓯ ᓯᑕᒪᖏᑦ 3:46

ᓂᐅᕕᐊᕆᔭᕆᐊᖃᕐᐸᑎᑦ ᐃᓴᕆᐊᓕᒥᐅᓂ ᐃᕐᓂᐊᖑᖅᑳᕐᑐᑦ 273 ᐅᓄᓗᐊᕈᑎᔪᑦ ᓕᕔᑎᓂᑦ ᐅᓄᕐᓂᕐᓴᐅᑦᔪᑎᖏᑦ,

ᒨᓯᓯ ᑕᓪᓕᒪᖏᑦ 15:19

“ᓴᓂᕐᕔᓯᒪᖃᑦᑕᕐᑐᒃᓴᐅᕗᓯ ᐊᑕᓂᕐᒧᑦ ᒎᑎᑦᓯᓄᑦ ᑐᓂᕐᕈᑎᒃᓴᓕᒫᓂᒃ ᐊᖑᑎᓂᒃ ᐃᕐᓂᐊᕆᔭᐅᖄᕐᓯᒪᔪᓂᒃ ᐃᒻᒧᒃᓯᐅᒐᖁᑎᑦᓯᓐᓄᑦ ᓰᐲᖁᑎᑦᓯᓐᓄᓪᓗ; ᑕᒪᒃᑯᐊ ᐃᒻᒧᒃᓯᐅᒊᑦ ᐃᕐᓂᐊᖑᖅᑳᕐᓯᒪᔪᑦ ᐱᓇᓱᐊᕈᑎᒋᔭᒃᓴᕆᓐᖏᓚᓯ, ᓰᐲᓪᓗ ᐃᕐᓂᐊᖑᖅᑲᕐᓯᒪᔪᑦ ᓴᓕᔭᒃᓴᕆᓇᒋᑦ.