14 “ᓱᓇᑐᐃᓐᓁᑦ ᐃᓴᕆᐊᓕᒥᐅᓂᑦ ᐃᑦᔪᕐᓁᑎᑕᐅᔪᑦ ᐱᒋᔭᕆᐊᖃᕐᐸᑎᑦ.
ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᑐᒃᓴᐅᕗᑦ ᓂᐊᖂᔭᒃᓴᓂᒃ, ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᕕᓂᕐᓂᒃ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓂᕐᓂᒃ; ᐱᑖᖃᑦᑕᕐᑐᒃᓴᐅᕗᓪᓗ ᐃᓴᕆᐊᓕᒥᐅᓄᑦ ᐅᕙᓐᓄᑦ ᑐᓂᕐᕈᑕᐅᓯᒪᔪᓕᒫᓂᒃ.
ᐊᑕᓂᐅᑉ ᒨᓯᓯ ᐅᖃᐅᑎᕚ,
ᓄᓇ ᑍᒫᒃ ᑐᓂᕐᕈᑎᕕᓂᖅ ᓴᑐᕐᑕᐅᓯᒪᖏᑦᑐᖅ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ, ᓄᓇ ᑖᓐᓇ ᐃᑦᔪᕐᓁᑦᑑᓕᕐᐳᖅ, ᐊᑕᓂᕐᒧᓪᓗ ᑐᕌᓕᕐᓗᓂ; ᑐᓂᕐᕈᓯᕐᑎᑦᓯᔨᓂᑦ ᐱᒋᔭᐅᔭᕆᐊᖃᓕᕐᐳᖅ.
“ᐃᓄᒃ ᐱᖁᑎᒥᓂᒃ ᑐᓂᕐᕈᑎᖃᕐᐸ ᐊᑕᓂᕐᒧᑦ, ᐃᓄᖕᒥᒡᓘᓐᓃᑦ ᓂᕐᔪᑎᒥᒡᓘᓐᓃᑦ, ᓄᓇᒥᒡᓘᓐᓃᑦ, ᑕᒪᒃᑯᐊ ᓂᐅᕕᐊᖑᔪᓐᓇᓐᖏᓚᑦ ᐅᑎᕐᑎᑕᐅᔪᓐᓇᕋᑎᒡᓗ, ᑍᒤᑦᑐᑦ ᐃᑦᔪᕐᓁᑦᑑᓕᖃᑦᑕᕐᒪᑕ ᐊᑕᓂᐅᑉ ᐱᒋᓕᕐᒪᒋᑦ.
